بنت مصرية 66 قام بنشر August 12, 2010 كيف حالكم جميعا أرجو الخير للجميع بإذن الرحمن النهاردة ياجماعة هنتكلم عن خطوة جميلة جدا جدا في رحلة التخطيط بتاعتنا فاكرين قبل كدا قلنا وكررنا كلمة بتقول "ما لا يكتب لا يستحق انجاز" طيب ماشي ما إحنا كتبنا خطتنا طيب كويس أنا كنت بذكركم بس وعلشان ادخل لنقطة مهمة جدا وهي انه حتى خطتك وأهدافك لو أنت عرفها وكتبتها لازم تملي عينك منها كل يوم تكون قدامك يمكن كتير من مدربين التخطيط والتنمية البشرية بينصحوا انك تكتب اهداف حياتك في ورقة صغيرة وتحطها في جيبك او شنطتك حاجة معاك علي طول وبتفتحها علشان تفكر نفسك بالي انت عايزه وتقول لنفسك خلي بالك اجتهدي علشان احقق اهدافي باذن الله كلام كويس ...وبعدين انا مش هطول عليكم كتير المرة دي المطلوب ببساطة ان كل واحد يعمل لوحته الرمضانية دي ببساطة ؟؟ وبعدين يعني عارفين اللوحة اللي بنقول عليه لوحة ملاحظات بيكون لونها رملي كدا وبنعلق عليها ملاحظتنا علشان نفتكرها بتكون دايما في مكان العمل مثلا زي كدا طيب انتوا في البيت ممكن تعملوها بأبسط الأدوات وهي أداة لصق مناسبة أي مكان بيكون قدامك دايما فوق شاشة الكمبيوتر بتاعك باب حجرتك حيطة في حجرتك أي مكان أنت دائم التردد عليه وسهل عينك توقع عليه وأدوات خطتك جداول الخطة والمتابعة ونصيحة كمان اللوحة دي اعمل فيها حجات كل هدفها انها تقوي عزيمتك باذن الله وتعينك علي تذكرتك باهدافك وتحركك دايما نحو هدفك مثلا شعار رمضان حكمة الاسبوع حديث او معلومة جميلة وعبارات انت دايما عارف انك اما بتقراها بتفكرك وبتصحيك وبتثبتك إن شاء الله الأدوات أطبعها واستخدم أيدك واكتب بنفسك كل حاجة علشان أيدك كمان تفتكر كويس طيب انا ماعنديش طابعة ومااقدرش اطبعها ومافيش مكان قريب بسيطة مافيش مشكلة ارسم الجداول بأيدك برضوا وبنظرتك أنت واكتب كل حاجة بنفسك هتبقي لوحة من إبداعك وبعدين فنن وعلق كل حاجة في المكان اللي اخترته وعيش مع خطتك وبصلها كل يوم واشكر ربنا واهم حاجة واللي دايم هفضل أأكد عليها النية ثم النية ثم النية عددها لتنل أجرا أكثر إن شاء الله ملحوظة اعتذر لجميع المشتركين علي ضغط تنزيل الموضوعات في الأيام الأولي ولكن كان لابد أن تكون هذه الدروس في الأيام الأولي من رمضان حتى نلحق بركب العائدون إلي الله أسرع .. انتظر تفاعل الجميع وجزاكم ألف خير لمتابعة باقي الدورة اضغط هنا شارك هذه المشاركه رابط المشاركه شار ك علي موقع اخر
Amine El Meziane 0 قام بنشر August 16, 2010 الشكر الجزيل لك أختي على هذا الموضوع المهم وتقبل الله منك شارك هذه المشاركه رابط المشاركه شار ك علي موقع اخر
Mego 0 قام بنشر August 16, 2010 موضوعات أكثر من رائعة بارك الله فيكى أختى العزيزة ولكن عندى طلب هو انا ازاى ممكن ابعت درجة القياس القبلى ليك ارجو الرد حيث أننى متأخر قليلا عن باقى المتابعين واريد انا الحق بكم حتى يكون خير رمضان علينا جميعا هذا العام تقبلى تقديرى واحترامى شارك هذه المشاركه رابط المشاركه شار ك علي موقع اخر
ali desoky 391 قام بنشر August 16, 2010 (تعديل) موضوع اللوحة ده شاهدته زمااان في الافلام الاجنبي رغم اني كنت لسه صغير وقتها لكن عجبتني الفكره ايامها ونفذتها فعلا بس بطريقه طبعا عيالي شويه في الاول يعني كنت بكتب ورقة صغيره فيها بعض الحاجات ممكن مكنتش مهمه بس الفكره كانت حلوه وقتها والفكره كبرت بعدين وبقت جدول فيه كل المطلوب اني اعمله مثلا في اليوم او حتي الطلبات المطلوبه مني تنفيذها في البيت وممكن كمان كانت تبقي جدول للمذاكره او الدروس او كده يعني ودلوقتي الفكره كبرت اكتر واكتر وبقت جدول للمطلوب مني بالظبط وممكن كمان تكون جدول او لوحة رمضانيه كما تفضلتي واقترحتي وبكده التخطيط هيكون هو السمه الاساسيه لحياتنا وكمان لعباداتنا وبصراحه الفكره بقت مطلوبه جدا لكل الناس خاصة بعد الزهايمر اللي اصاب الصغير قبل الكبير اللوحة دي اعمل فيها حجات كل هدفها انها تقوي عزيمتك باذن الله وتعينك علي تذكرتك باهدافك وتحركك دايما نحو هدفك بجد موضوع اكثر من رائع بارك الله فيك يا اختي وزادك من فضله تم تعديل August 16, 2010 بواسطه ali desoky شارك هذه المشاركه رابط المشاركه شار ك علي موقع اخر
بنت مصرية 66 قام بنشر August 16, 2010 موضوعات أكثر من رائعة بارك الله فيكى أختى العزيزة ولكن عندى طلب هو انا ازاى ممكن ابعت درجة القياس القبلى ليك ارجو الرد حيث أننى متأخر قليلا عن باقى المتابعين واريد انا الحق بكم حتى يكون خير رمضان علينا جميعا هذا العام تقبلى تقديرى واحترامى اولا اهلا بك اخي في بيتك ياللا ياشباب ارجو لك الافادة والاستفادة باذن الله ثانيا ارسل رسالة للميل ده فيها الدرجة bentmasrea@yallagroup.net وماتقلقش ان شاء الله مش ماخر ولاشيء اهم حاجة بس تسرع في تنفيذ الدروس الاولي من الدورة اخي علي هو موضوع اللوحة ممكن يكون فعلا من زمان بس زي ماانت قلت قليل اللي بيطبق خطوات التنظيم في حياته واقول حمدا لله علي السلامة في الدورة شارك هذه المشاركه رابط المشاركه شار ك علي موقع اخر
عاشقة تراب فلسطين 0 قام بنشر August 17, 2010 جزاكم الله خيرا اختي بجد الدورة دي جميلة جدا واجمل مافيها انها مزيج من مجموعة دورات بس بتبسيط واسلوبك جميل جدا وربنا يجعلها في ميزان حسانتك ان شاء الله وارجوا انك تقبليني في هذه الدورة وان شاء الله هبعتلك القياس جزاكم الله خيرا شارك هذه المشاركه رابط المشاركه شار ك علي موقع اخر
توك توك 5 قام بنشر August 17, 2010 ما شاء الله تبارك الله شارك هذه المشاركه رابط المشاركه شار ك علي موقع اخر
عاشقة الفردوس 161 قام بنشر August 18, 2010 جزاكي الله كل الخير يا بنتي انا متابعه ومستمتعه وداعية لك بخير الجزاء من رب السماء وفقك الله يا بنتي شارك هذه المشاركه رابط المشاركه شار ك علي موقع اخر
الرّام 173 قام بنشر August 19, 2010 فعلا نصيحة مهمة (بالنسبة ليا خاصة) و اصلا جميله حقا فكرة ان الواحد يرتب اولوياته و يدرجها ضمن جدول و تكون واضحة امامه على طول لان باط الله تساهم بشكل كبير في سرعة الانجاز و الفكرة اصبحت اعظم للغاية هذي ان شاء الله ربي يجزيك بالخير عزيزتي و يقدرك و يقدرنا على كل خير و ربي يتقبل منك و منا جميييييييييييييعا ان شاء الله بارك الله فيك شارك هذه المشاركه رابط المشاركه شار ك علي موقع اخر
