سلسلة صح وغلط وقصة طريفة [الحلقة الثالثة]

[ali desoky 391]

سلسلة صح وغلط وقصة طريفة

[الحلقة الثالثة]

 

 

 

 

 

الحمد لله وحده والصلاة والسلام على من لا نبى بعده

 

ومع الحلقة رقم 3

من سلسلة

 

" صح وغلط وقصة طريفة "

 

 

1- صح :-

 

جزء صح بتاعنا انهارده .. حيكون حديث .. والحديث ده يتضمن احياء سنة

 

...

وانت رايح تصلى التراويح او وانتِ رايحة تصلي التراويح

 

كثييير جدا بعد أول أربع ركعات تلاقى ناس كثير روحت

 

والأكثر منه بعد ال 8 ركعات وقبل صلاة الوتر تلاقى أفواااج بتمشي

 

زي ميكون الإمام حيصلى الوتر بره المسجد وهما طالعينله

 

طيب مشيوا ليه ؟؟ وراهم حاجه مهمه ؟؟

 

 

لا

 

طيب تعبانين أو مريضين ؟؟

 

برضه لا

 

طيب قاموا ليه ؟؟

 

مفيش .. كفاية كده .. نبقى نصلي في البيت بقه الوتر ..

 

طيب ده صح ولا غلط ؟؟

 

لا غلط .. طيب ايه الصح ؟؟

 

الصح إن الرسول عليه الصلاة والسلام قال :

 

" إنه من قام مع الإمام حتى ينصرف كتب له قيام ليلة "

 

 

يعنى ايه بقي ؟؟ يعنى اللى يصلي مع الإمام لحد ما الإمام يخلص

 

يكتب ليه قيام الليلة .. يعنى الصح اننا نصلي مع الامام لحد ميخلص خااااالص وينصرف

 

طيب احنا بنحب نصلي الوتر بليل في البيت قبل الفجر .. نعمل ايييييه ؟؟

 

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

 

وفي نفس الوقت مضيعتش عليك أجر قيام الليلة

 

2 غلط :-

 

 

كثير جدا لما حد يعمل عمل كويس أو عمل خير ..

 

نلاقى الناس اتبسطت كده وراحت قايله :

 

يا سلاااام .. فعلا .. زي ما النبي -عليه الصلاة والسلام - قال :

 

" الخير في وفي أمتي إلى يوم القيامة"

 

وتلاقى اللى معاه راح قايل : ااااه .. صدق رسول الله

 

هو طبعا صدق رسول الله -صلى الله عليه وسلم - ..

 

بس الرسول مقالش الكلام ده ..

 

الحديث ده : لا أصل له

 

اختراع يعنى

 

حاجه مش موجوده فى كتب السنة أصلا

 

فنحذر من الحديث .. بس فيه حديث تانى صحيح ويفيد نفس المعنى ..

 

حد عارفه ؟؟

 

فكروا وحنقولوا إن شاء الله في حلقة قادمة

 

3- قصة طريفة :-

 

بمناسبة جزء الغلط الثابت في حلقتنا

 

كثير منا بيعمل الغلط علشان لقى الناس بتعمله

 

وده في حد ذاته غلط .. لأنه متأكدش اللى بيعملوه صح ولا غلط

 

ايه بقى الكلام اللى محدش فاهم منه حاجه ده ؟؟

 

اقرأ القصة ديه وانت تفهم :-

 

ذكر ابن الجوزي -رحمه الله- أن بعضهم قال :-

 

" و مررت بقوم اجتمعوا على رجل يضربونه ،

فقلت لرجل يجيد ضربه : ما حال هذا ؟

قال : والله ما أدري ما حاله ، ولكنى رأيتهم يضربونه فضربته معهم لله عزّ وجلّ وطلبا للثواب "

 

 

ده من غير ميعرف هما بيضربوه ليه أصلا .. وخلي بالك من حتة انه بيضربه لله وطلبا للثواب ديه

 

كثير منا نفس الكلام شاف الناس بتعمل فعمل .. من غير ميعرف اللى بيعملوه صح ولا غلط

 

يعنى كثير يجيلك ايميل فيه حديث موضوع مكذوب .. من غير منفكر نعرف صحيح ولا لا ..

على طوووووووووووووول ندوس على

 

Forward

 

وتكتب ايميلات صحابك وصحاب صحابك واللى يعرفوا صحابك واللى ميعرفوش صحابك

 

وانت في دماغك انك بتعمل كده طلبا للثواب وبتعمله لله

 

وانت بتساهم في نشر كلام كذب عن النبي صلى الله عليه وسلم

 

والغريب ان لو جاله حديث صحيح .. ميبعتوش !!

 

يقولك ما هو الناس تلاقيها عارفاه !!

 

فلازم نتأكد قبل مننشر حاجه عن الدين أو نساهم في حاجه أنها صح ولا غلط

 

مش علشان لقينا صحابنا بيعملوها .. نعملها

 

 

بكده خلصت الحلقة الثالثة يارب متكونوش زهقتوا ..

 

وبكره إن شاء الله نلتقى في

الحلقة الرابعة

إن شاء الله

 

وجزاكم الله خيرا

 

___________________

 

ابسط ما تساهم به نشر الحلقات ولو بالايميل

 

 

 

لمتابعة السلسة كامله

هنا

 

سلسلة صح وغلط وقصة طريفة

 

 

[دعوه للجنه 457]

يجد الحلقة رائعة جدا

 

ماشاء الله

 

متجدد لميزان حسناتك ان شاء الله

 

 

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

 

وفي نفس الوقت مضيعتش عليك أجر قيام الليلة

 

 

 

بمناسبة الكلام ده

 

حصل معايا موقف خطيــــــــــــــــــــــــــــــــــر

 

والمصيبة انه من أخت منتقبة يعنى حد له ثقل قدام الناس ويعتد برأيه

 

كنت بصلى وقمت بعد ما الامام سلم علشان اصلى ركعة تانى

 

وبلبلدى كده" فرجت عليا الجامع كله "

 

انا الحمد لله رديت عليها كويس جدا وبمنتهى الهدوء لاننا بقينا نعرض لامثال الفاتيين دول كتااااااااار فى حياتنا

 

واديتها درس مستحيل تنساه فى حياتها..

 

 

بس انا بتكلم على الناس اللى بتتكلم وخلاص ........ هى انتقدتنى لانى وقفت على طول بعد ما سلم

وبقيت تزعق وتقولى يعنى مش قادره تستنى الناس تسلم وتمشى علشان ماخدش يخطيكى وانت بتصلى وتبقى بتصلى ع الناس وهى قدامك

 

 

هى اصلا ما تعرفش انا قومت ليه على طول ولا تعرف انى صليت مع الامام علشان اخد ثواب القيام مع الامام و...لا ولا ....

 

 

ذكر ابن الجوزي -رحمه الله- أن بعضهم قال :-

 

" و مررت بقوم اجتمعوا على رجل يضربونه ،

فقلت لرجل يجيد ضربه : ما حال هذا ؟

قال : والله ما أدري ما حاله ، ولكنى رأيتهم يضربونه فضربته معهم لله عزّ وجلّ وطلبا للثواب

 

 

 

كل واحد يتكلم على قدر علمه ماحدش يكلف نفسه فوق طاقته دى سنه ودى فرض يعنى مافيش وسطية فى الموضوع.

 

 

 

على طوووووووووووووول ندوس على

 

Forward

 

موضوع الميل ده بصراحة الموضوع كبيييييييير اووى

 

كل يوم لازم تلاقى قصة وفى آخر القصة بالله عليك اعمل وبالله عليك انشر وبالله عليك ادعى والمصيبة بقى كلمة " أمانه فى رقبتك الى يووووووم الدين".

 

والناس مش مقدرة معنى الكلمة وصعوبتها .

 

علشان كده انا بختصر و مجرد ملاقى حاجه بادئة بكده مش بكمل القراءة قبل ما أشوف كلمة بالله عليه وانشرى وادعى ..و,,, و....

 

 

 

ياااااارب اصلى احوالنا جميعا..

 

جزاك الله خيرا مستر على

 

متابعه ان شاء الله..

[ali desoky 391]

بمناسبة الكلام ده

 

حصل معايا موقف خطيــــــــــــــــــــــــــــــــــر

 

والمصيبة انه من أخت منتقبة يعنى حد له ثقل قدام الناس ويعتد برأيه

 

كنت بصلى وقمت بعد ما الامام سلم علشان اصلى ركعة تانى

 

وبلبلدى كده" فرجت عليا الجامع كله "

 

انا الحمد لله رديت عليها كويس جدا وبمنتهى الهدوء لاننا بقينا نعرض لامثال الفاتيين دول كتااااااااار فى حياتنا

 

واديتها درس مستحيل تنساه فى حياتها..

 

 

بس انا بتكلم على الناس اللى بتتكلم وخلاص ........ هى انتقدتنى لانى وقفت على طول بعد ما سلم

وبقيت تزعق وتقولى يعنى مش قادره تستنى الناس تسلم وتمشى علشان ماخدش يخطيكى وانت بتصلى وتبقى بتصلى ع الناس وهى قدامك

 

 

هى اصلا ما تعرفش انا قومت ليه على طول ولا تعرف انى صليت مع الامام علشان اخد ثواب القيام مع الامام و...لا ولا ....

 

 

 

سعيد جدا لردك المتميز دفء الانس

بارك الله فيك

واعزك وزادك من فضله

ان شاء الله