سلسلة صح وغلط وقصة طريفة [الحلقة الخامسة]

[ali desoky 391]

سلسلة صح وغلط وقصة طريفة

 

[الحلقة الخامسة]

 

 

 

 

الحمد لله وحده والصلاة والسلام على من لا نبى بعده

 

ومع الحلقة رقم 5

 

من سلسلة

 

 

" صح وغلط وقصة طريفة "

 

 

1- صح :-

مما دفعنى للحديث عن أمر السحور في الحلقة السابقة

 

أن أحد الأصدقاء أخبرني أنه لا يتسحر مطلقا

 

فكان الحديث بالأمس عن أمر النبي عليه الصلاة والسلام بالسحور

 

طيب هل الأمر بالسحور يقتصر على أن بالسحور بركة أم أن هناك أمرا أخر ؟

 

قال رسول الله صلى الله عليه وسلم :-

 

" فصل ما بين صيامنا و صيام أهل الكتاب أكلة السحر "

 

أى أن الفرق بين صيامنا وبين صيام أهل الكتاب هو السحور

 

 

فالسحور مع أهميته .. هو فرق بيننا وبين أهل الكتاب

وهو مخالفة لأهل الكتاب

 

فكما أمرنا بمخالفة أهل الكتاب

 

فنحرص على السحور وتكون من نوايانا أننا نخالف اليهود والنصارى

 

ومتخافوش خلاص بكره إن شاء الله حاجه تانية غير موضوع السحور

 

 

2 غلط :-

 

إن شاء الله في هذا الجزء من الحلقات

 

ستفاجئون بكثير من الأحاديث التى نرددها ونعتقد أنها صحيحه ونرددها ونسمعها كثيرا

 

وهي غير صحيحة

 

طبعا في شهر رمضان .. كلنا بنصوم .. واكيد كلنا بنفطر

 

عند المغرب طبعا

 

طيب اول ما الأذان بيأذن في لمح البصر تلاقي الواحد فينا ماسك التمر أو ماسك الكوب وحيبدأ بقي

 

بس طبعا فيه دعاء بنقوله قبل مانفطر

 

ايه هو الدعاء ده ؟؟

 

ااااه بنقول :-

 

" اللهم لك صمت وعلى رزقك أفطرت وعليك توكلت "

 

مش كده برضه ؟؟

 

اه .. بس الحديث ده .. ضعيف !!ا

 

ضعيف بجد ؟؟

 

ايوه ضعيف .. ومثبتش ان الرسول عليه الصلاة والسلام كان بيقول كده عند الإفطار

 

امال نقول ايه ؟؟ ايه الصح ؟؟

 

فكروا و ابحثوا وغدا إن شاء الله

في الحلقة القادمة

نعلم ايه الصح اللى نقوله عند الإفطار

 

3- قصة طريفة :-

 

من غير مقدمات خالص بقي المرة ديه

 

قال ابن الجوزي -رحمه الله- :

 

عن محمد الداري قال : كان عندنا رجل بدارا وكان فيه غفله ، فخرج من داراً ومعه عشرة أحمر

- جمع حمار- ،

فركب واحدا وعدّها ، فاذا هى تسعة ، فنزل وعدّها فإذا هى عشرة ، فركب واحدا وعدّها ، فاذا هى تسعة ، فنزل وعدّها فإذا هى عشرة ،فلا زال كذلك مراراً ،

فقال : أنا أمشي وأربح حمارا خير من أن أركب ويذهب مني حمار ،

فرأيتُه يمشي حتى كاد يتلف - كان حيموت من التعب - إلى أن بلغ قريته. !!ا

 

 

مش لاقى حاجه اقولها بصراحه

 

 

بس اللى أقدر أقوله انك لو شفت الراجل ده متسيبوش .. لانه مسلّي جدا

 

لكن المستفاد أننا كثيرا ما نفعل شئ خاطئ .. ولا ندري أننا نفعل الخطأ ويعدّى علينا واحنا مش واخدين بالنا اننا بنعمل حاجه غلط .. فخلي ليك صديق يصدقك .. يظهر لك أخطائك .. فالصديق مرآة صديقه .. ولو حد نبهك لغلط بتعمله .. فكر فيه .. يمكن فعلا انت بتعمل غلط وانت مش واخد بالك .. متقولش ايه اللى جاى يقول اى كلام ده ؟!؟

 

ازاى يقولى كده .. لا طبعا انا مش كده

 

لا فكر في النصيحة .. يمكن فعلا انت على غلط

 

مش يمكن تكون فعلا راكب الحمار وعمال تعد اللى قدامك وناسي اللى راكبه !!ا

 

 

بكده خلصت الحلقة الخامسة يارب متكونوش زهقتوا

 

وبكره إن شاء الله

نلتقى في الحلقة السادسة

إن شاء الله

 

وجزاكم الله خيرا

 

 

لمتابعة السلسة كامله

هنا

سلسلة صح وغلط وقصة طريفة

__________________________________________

 

 

ابسط ما تساهم به نشر الحلقات ولو بالايميل لأصدقائك

تم تعديل August 15, 2010 بواسطه ali desoky

[بنت مصرية 66]

بارك الله فيك

وقصة جحا دي انا اعرفها من زمان جدا

وفعلا فيها الكثير من الاستفادة

مش يمكن تكون فعلا راكب الحمار وعمال تعد اللى قدامك وناسي اللى راكبه !!ا

:smile:

 

ربنا يصبح حالنا جميعا

في انتظار الحلقة الجاية باذن الله

 

[ali desoky 391]

ربنا يصلح حالنا جميعا

في انتظار الحلقة الجاية باذن الله

 

 

 

امين يارب العالمين

 

 

اختي

بنت مصرية

 

سعيد جدا لمتابعتك للسلسة

بارك الله فيك

وجزاك كل خير

ان شاء الله