سلسلة صح وغلط وقصة طريفة [الحلقة السادسة]

[ali desoky 391]

سلسلة صح وغلط وقصة طريفة

[الحلقة السادسة]

 

 

الحمد لله وحده والصلاة والسلام على من لا نبى بعده

 

ومع الحلقة رقم 6

 

من سلسلة

 

" صح وغلط وقصة طريفة "

 

1- صح :-

 

بالأمس تكلمنا في جزء " غلط " عن الحديث الضعيف الذي يقوله كثيييييييييير جدا من المسلمين عند الإفطار و يظنون أن هذا ثابت عن النبي صلى الله عليه وسلم

 

وهو غير ثابت بل هو حديث ضعيف

 

طيب إيه الصح اللى نقوله عند الإفطار ؟؟

 

إن من أصح الأحاديث في باب الأدعية عند الإفطار ولعله الحديث الوحيد الثابت في هذا الباب

 

هو حديث ابن عمر رضى الله عنهما قال كان رسول الله صلى الله عليه وسلم إذا أفطر قال :

 

" ذهب الظمأ و ابتلت العروق و ثبت الأجر إن شاء الله "

 

وهذا الحديث حسّنه كثير من أهل العلم

 

طيب هل يقال هذا الدعاء قبل الإفطار أم بعده ؟؟

 

بعض أهل العلم قال أن هذا الدعاء يُقال بعد الإفطار ولكن الأمر واسع إن شاء الله كما قال العلّامة عبد المحسن العباد :

 

(وهذا الذكر يقال قبل الإفطار أو بعده، والأمر في هذا واسع)

 

إذن نحرص على نصحح ما كنا نقوله عند الإفطار وبدل منقول :

(اللهم لك صمت وعلى رزقك أفطرت ..... ا)

 

نقول ما ثبت عن النبي عليه الصلاة والسلام :

 

" ذهب الظمأ و ابتلت العروق و ثبت الأجر إن شاء الله "

 

2 - غلط :-

 

كثير جدا لما حد نعرفه يُرزق بمولود .. أو حتى قبل أن يأتي المولود

 

تلاقى الناس عماله تسأله :

 

هاااااا .. حتسميه ايه ؟؟

 

على اسم جده ؟؟ ولا على اسم جدته ؟؟

ويقعد بقي يعدله كل الأقارب

 

يروح قايله:

 

ايييييييه ياعم كل ده ؟؟

 

لا لسه .. أو عبد العزيز أو عبد الله أو عبد الرحمن أو عبد الحميد أو ....... ا

 

أصلي حتبع حديث الرسول عليه الصلاة والسلام ..

 

ايه بقى الحديث ده ؟؟

 

حديث :

 

( خير الأسماء ما عبّد وحمّد )

 

مممم .. عندك حق .. صدق رسول الله صلى الله عليه وسلم

 

ثانية واحده .. صدق رسول الله عليه الصلاة والسلام فيما قال طبعا

 

بس ده مش من كلام الرسول عليه الصلاة والسلام

 

الحديث ده : لا أصل له

 

يعنى اخترااااااااااااااع .. واحد شرب كوبايتين شاى وعمل دماغ وراح مألف الحديث ده

 

الحديث لا اصل له في كل كتب السنة

 

يبقى محدش ييجي بقه يقولك سمي كذا أو كذا علشان الرسول قال :

 

خير الأسماء ما عبد وحمد .. قله لاااا الرسول مقالش كده

 

لكن هناك من النصوص ما يدل على استحباب تسمية اسم : محمد

 

لحديث : " تسموا باسمي " رواه مسلم

 

و روى عن النبي استحباب تسمية عبد الله وعبد الرحمن للحديث الذي صححه الشيخ الألباني :

 

" خير الأسماء عبد الله وعبد الرحمن " لكن للأمانه الحديث ضعفه كثير من أهل العلم

 

3- قصة طريفة :-

 

ذكر ابن الجوزي -رحمه الله - :

 

دخل بعض المغفلين على رجل يعزيه بأخ له ، فقال : أعظم الله أجرك ورحم أخاك وأعانه على ما يرد عليه من مسألة يأجوج ومأجوج ، فضحك من حضر وقالوا له : ويحك ، أو يأجوج ومأجوج يسألان الناس؟ فقال : لعن الله إبليس ، أردت أن أقول هاروت وماروت !!!ا

 

 

جه يكحلها عماها

 

طبعا هو يقصد : هابيل وقابيل

 

 

 

أكيد منكر ونكير

 

كثير منا بيتفزلك .. يعنى ميبقاش عنده علم في حاجه بس ده مبيمنعوش انه يسكت وميفتيش .. لا كثير منا حتى وهو معندوش على فى مسألة ما يقعد يقول : بس أنا رأيي كذا وكذا .. أنا شايف كذا وكذا

 

يعنى ممكن تيجيى تسأل واحد في حكم حاجه في الدين مثلا

يستخسر يقولك معرفش .. الله أعلم

 

لا يروح قايل :

بيتهيئلي يعنى أنه حلال لأنه عادي يعنى وأصل مفيش مانع ومش مقتنع ان فيها حاجه ....

 

وهو أصلا ممكن يكون أول مرة في حياته يسمع عن الحاجه ديه

 

كثير بيقعد يتفزلك كده .. عايزين لو اتسألنا عن حاجه لو منعرفش نقول منعرفش مش عيب

 

قال بعض السلف

:" لا أدري " نصف العلم

 

حاجه تانية نستفيدها .. متتكلمش الا باللى انت عارفه .. حاجه شاكك فيها لا تقلها

 

سواء في أمور الدين أو حتى الدنيا .. ممكن واحد جاي يسألك يقولك هو مصر الجديدة فين .. انت شاكك بقه مصر الجديده ديه هليوبوليس ولا جاردن سيتي

 

تروح شارحله طريق جاردن سيتى .. وسلملى على الدائري

 

ومنتكلمش الا باللى عارفينه ومتأكدين منه علشان منضحكش الناس علينا

 

ولو لقينا نفسنا غلطنا نعترف اننا منعرفش مش عييييييييييييب

 

 

بكده خلصت الحلقة السادسة

يارب متكونوش زهقتوا

 

 

وبكره إن شاء الله

نلتقى في

الحلقة السابعة

إن شاء الله

 

 

وجزاكم الله خيرا

 

 

ابسط ما تساهم به نشر الحلقات ولو بالايميل لأصدقائك

 

 

 

لمتابعة السلسة كامله

هنا

سلسلة صح وغلط وقصة طريفة

 

 

 

 

[دعوه للجنه 457]

جميـــــــــــل جدًا

 

 

 

جزاك الله خيرا

 

 

ويااااااارب فى ميزان حسناتك مستر على..

 

 

 

جزاك الله خيرا.

 

 

 

متابعه ان شاء الله..

[ali desoky 391]

جميـــــــــــل جدًا

 

 

 

جزاك الله خيرا

 

 

ويااااااارب فى ميزان حسناتك مستر على..

 

 

 

جزاك الله خيرا.

 

 

 

متابعه ان شاء الله..

 

 

 

 

بارك الله فيك

واكرمك بكل خير

ان شاء الله

[بنت مصرية 66]

والله موضوع الأحاديث الضعيفة دي مهمة جدا جدا

ربنا يبارك فيك

ومووضع الفزلكة ده فعلا انا بدايق منه جدا

ودايما بعمل ده وبااقول لللي حواليا

بلاش نفتي..

عادي هو الواحد هيموت لو قال مااعرفش

سمعت انه مقولة بتقول من قال لااعلم فقد افتي...

وربنا يثبتنا دايما ويتقبل منا الدعاء والصيام والقيام

 

ربنا يصلح حالك ويرزقك من حيث لاتحتسب

[ali desoky 391]

والله موضوع الأحاديث الضعيفة دي مهمة جدا جدا

ربنا يبارك فيك

ومووضع الفزلكة ده فعلا انا بدايق منه جدا

ودايما بعمل ده وبااقول لللي حواليا

بلاش نفتي..

عادي هو الواحد هيموت لو قال مااعرفش

سمعت انه مقولة بتقول من قال لااعلم فقد افتي...

وربنا يثبتنا دايما ويتقبل منا الدعاء والصيام والقيام

 

ربنا يصلح حالك ويرزقك من حيث لاتحتسب

 

 

 

 

 

بارك الله فيك

وزادك من فضله

سعيد جدا لمرورك وردك المميز