سلسلة صح وغلط وقصة طريفة [الحلقة السابعة]

[ali desoky 391]

سلسلة صح وغلط وقصة طريفة

[الحلقة السابعة]

 

 

 

الحمد لله وحده والصلاة والسلام على من لا نبى بعده

 

ومع الحلقة رقم 7

 

من سلسلة

 

" صح وغلط وقصة طريفة "

 

 

1- صح :-

 

في هذا الشهر الكريم .. شهر رمضان

 

شهر القرآن .. ينبغي لنا ألا نترك القرآن وألا نقصّر في قراءة القرآن فالثواب كبير جدا

 

ففي حديث ابن مسعود رضى الله عنه

 

" من قرأ حرفا من كتاب الله فله به حسنة ، والحسنة بعشر أمثالها ، لا أقول: آ لم حرف . ألف حرف ، ولام حرف ، وميم حرف "

 

الحديث صححه كثير من أهل العلم مرفوعا للنبي عليه الصلاة والسلام - أى من قول النبي عليه الصلاة والسلام -وبعض أهل العلم قالوا بأن الحديث موقوف على ابن مسعود رضى الله عنه - أى أنه من كلام ابن مسعود-

 

فنحرص على قراءة القرآن فبكل حرف نقرؤه حسنة .. فهذا ثواب عظيم جدا والله يضاعف لمن يشاء

 

فنتخيل أن أحد قرأ في اليوم جزءا .. فكم حرف في الجزء ؟؟

 

كثير جدااااا فبكل حرف إن شاء الله حسنة .. فإن شاء الله إن أحسنا القراءة وتُقبِّل منا كل حرف بحسنة

 

فهذا خير كبير ويكون إن شاء الله مرجّحا لميزان حسناتنا يوم القيامة ان شاء الله

 

ونحرص على التلاوة الصحيحة والقراءة المنضبطة بالأحكام

وأعلموا أن الله عزّ وجلّ قال :-

 

" الَّذِينَ آتَيْنَاهُمْ الْكِتَابَ يَتْلُونَهُ حَقَّ تِلَاوَتِهِ أُوْلَئِكَ يُؤْمِنُونَ بِهِ "

 

فنحرص على تلاوة القرآن حق تلاوته ونتعلم التلاوة الصحيحة

 

فنبدأ نشد في القراءة ونحاول نختم كذا مرة .. الأيام ديه فرصة والله .. فرصة متتعوضش

 

 

2 - غلط :-

 

بمناسبة قراءة القرآن في هذا الشهر .. وينبغى أن نحافظ على القراءة طول العام ولا نهجر القرآن

 

كثير منا يكون حيقرأ القرآن ويكون لسه بيتعلم مثلا فبيغلط ..

بس يكون بيتعلم مش بيغلط وسايب نفسه كده عمال يغلط

 

فييجي حد يسمعه .. يروح قايله مينفعش كده ايه الغلط ده .. لازم تقرا صح -

طيب هو بيتعلم يعمل ايه طيب !!! إن شاء الله حيتعلم ويقرأ صح-ا

 

انت مسمعتش ان الرسول عليه الصلاة والسلام قال

 

" رب قارئ للقرآن والقرآن يلعنه "

 

أو واحد يكون بيقرأ كده بس تحس انه سرحان شوية .. برضه حد يجيله ويروح قايله نفس الحديث

 

سمعتوا الحديث ده قبل كده ؟؟

 

أهو الحديث ده مش من كلام النبي صلى الله عليه وسلم

 

ايه مش من كلام النبي فعلا !! ده تقريبا كلنا عارفينه ؟؟

 

اه مش من كلام النبي عليه الصلاة والسلام

 

الحديث ده ذكره الغزّالي في إحياء علوم الدين بدون سند .. من غير أى سند

 

فالحديث غير صحيح ولا يصح نسبته للرسول عليه الصلاة والسلام

 

فلنحذر من قول هذا الحديث ولو سمعناه من حد .. زي متفقنا نوضح بس برااااحه

 

وده مش معناه اننا نقرا القرآن بقه غلط ومش مشكلة .. لا طبعا لازم نتعلم ونقرأ صح .. ولما نقرأ القرآن نتدبره ونركز .. هذا كلام الله

 

3- قصة طريفة :-

 

ذكر ابن الجوزي -رحمه الله- :-

 

عن عبد الحمن بن داوود ، قال : لقى تاجر تاجرا فقال له : ما اسمك ولا تطول ؟ فقال : أبو عبد منزِّل القطر عليكم من السماء تنزيلا الذي يمسك السماء أن تقع على الأرض بإذنه ، فقال : مرحبا بك يا ثلث القرآن .

 

 

 

طبعا هو اسمه عبد الله او عبد الرحمن مثلا بكن هو حب يتفزلك

 

كثير جدا ممكن تسأل حد سؤال وممكن الجواب يكون في كلمتين .. ياخدك ويوديك وتروح وتيجى ويقعد يرغي لحد متنسى أصلا انت بتكلمه ليه ولا مين ده اصلا

 

و ممكن تكون ساعتها متضايق أو مزاجك مش قد كده فتبقى عايز اللى قدامك ينجز .. فيستفزك بكثر كلامه .. وفعلا تتخنق منه

 

وأيضا ممكن كثير جدا حد يسألنا عن حاجه ويبقى مخنوق او مستعجل أو وراه حاجه أو متضايق

 

نقعد بقه نرغي بدون لازمة .. نطول بدون داعي مع ان ممكن نرد في كلمتين

 

نخلي بالنا ان حتى لو اللى قدامنا مزاجه كويس لو جاوبته بكلمتين مش حيتضايق لكن لو قعدت ترغي ممكن يتضايق

فنحرص على الرد على الأسئلة بالمختصر المفيد وعلى قد السؤال

 

إن ما قل ودل خير مما كثر وألهى

 

مش حد ييجي يسالك ويكون رايح مسجد يصلي فيه تراويح مثلا والمسجد جنبك بشارع وهو مش عارف .. فيسألك :

 

لو سمحت جامع أمير المؤمنين فين ؟؟

 

تقوله بص حضرتك .. هات أول ودوس على البنزين وارفع من على الدبرياش وامشى براحه وبعدين انقل على التانى وبص يمينك حتلاقى كشك سيبك منه لأنه بيبيع سجاير ولو شافك بتبصله وانت راجل متدين يفتكر انك حتشرب سجاير فتفتن الناس ويفتكر ان بيعه للسجاير حلال رغم ان وزارة الصحة محذرة منها وبتقول ضار جدا بالصحة ... وووووو والتراويح تخلص وهو لسه مجابش أول ولا اتحرك من مكانه

 

لا لو حد سألنا نقول : بص حضرتك يمين فى ثاني شمال مثلا .. ولو مش متأكدين نقول معرفش حضرتك اسال حد تانى

 

منفتيييييييييييييييش

 

 

كده خلصت الحلقة السابعة يارب متكونوش زهقتوا

 

وبكره إن شاء الله نلتقى في الحلقة الثامنة إن شاء الله

 

وجزاكم الله خيرا

 

 

لمتابعة السلسة كامله

هنا

 

سلسلة صح وغلط وقصة طريفة

__________________________________________

 

 

ابسط ما تساهم به نشر الحلقات ولو بالايميل لأصدقائك

 

 

 

 

 

[بنت مصرية 66]

ربنا اجعلنا ممن يقرؤن القران فيحسنون تلاوته

وومن يحفون القران ويعملون به

ويعلمونه للناس

 

بمناسبة مووضع الافتااااااااااء ده

 

افتكر مرة كان واحد قريبي ماشي في الشارع في القاهرة هو وواحد صاحبه

فقاموا عملوا فكرة كدا قررو انهم يسألوا اي حد يقابلوه في الشارع عن السفارة المصرية

وكل مايسالوا حد يقلهم دي هناك وهنا ومش عارف في الحتة الفلانية

وانت لو رحت هتلاقيها قالفلة

ونادر ماكانوا يلقوا حد يقولهم مااعرفش والله

وهما ميتين علي نفسهم ضحك :smile:

طبعا هو يضحك بس هم والله

حاجة مبكية هو ياجماعة بالعقل كدا في حاجة اسمها السفارة المصرية جوا مصر :yahoo:

 

طيب ازاي يعني

 

وده دليل زي مابقول دايما ان المصريين دول مدرسة الصبح ومهندس بعد الظهر وسباك بليل ودكتور في نص الليل :yahoo:

وبيفهموا في كل حاجة ماشاء الله عليهم يعني

 

بفكر جديا في عمل حملة علشان الموضوع ده في المنتدي

يعني لاحول ولاقوة الا بالله

 

ربنا يعافينا

شكرا يامستر

 

ربنا يبارك فيك

[ali desoky 391]

طبعا هو يضحك بس هم والله

 

 

 

بجد الموضوع ده زياده حبتين عندنا احنا المصريين

تحسي ان الواحد عايز يخدم باي طريقه

حتي لو كان غلط عامل نفسه يفهم في كل حاجه حتي لو مش بيفهم في اي حاجه

 

ربنا يصلح الحال ان شاء الله

 

بفكر جديا في عمل حملة علشان الموضوع ده في المنتدي

 

 

وساكون اول المتابعين لها ان شاء الله

 

 

بارك الله فيك

وجزاك كل خير