bassant 2 قام بنشر May 4, 2008 (تعديل) افلام بصحيح:- ..................... ازاى تعرف انك بتتفرج على فلم عربى حتى قبل ما تسمع صوته عيزين تعرفوا ركزوا كويس فى الى جاى:- .......................................................... عندما يكون البطل مريضا وتقدم له البطلة حبة الدواء مع كوب ماء وبعد ان يبتلعها تسأله البطلة فورا ,,( ها عامل اية دلوقتي ؟) غريبه طبعا بس المفاجأه انه يرد عليها ( الحمد لله بقيت احسن ) ( كدة بالسهولة دي هو واخد حبة البركة ولا ايه ) .......................................................... عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء ( يا سلام على الحب الابوى والله مافى امتع من كده مشاهده ) ................................................. عندما تفاجئ باغنيه مالهاش أي لزمه في نص الفيلم ( وتكون دايما اما لتضيع الوقت لغاية ما يكتب المؤلف الكماله للفلم واما علشان يبينوا الراقصه الفلانيه لجزب الانظار للفيلم ) . ............................................................. عندما يتصل اى شخص بالتليفون تجد انه يتجاوب التليفون معه فورا ( وكأن التليفون عمره ابدا ما بيكون مشغول ) ............................................................... يا سلام على المطارادات فى الافلام تقول اه حكايه......... تحفه عيز تعرفها تعرفها من صرير احتكاك كاوتش العربيات اللي بطارد بعض وتقريبا بتبقي عربيات 128 وماشية حوالي 30 كليو ( هو ده الاكشن ولا بلاش ) .......................................................... ومثال ثانى لقمة الاكشن المصريه عندما تجد مقر العصابة ملئ بالقش والبراميل الخشبية التي تستخدم لاحقا في المعركة بين افراد العصابة مع البطل وصديقه الذين جائوا لانقاذ البطلة ( هيه............هيه.......... يا حليله على طيخ وطاخ ودش مفيش احسن من الاصوات المصاحبه للمعركه ) ............................................................... عندما يصل البوليس الي موقع الجريمة دون ان يبلغه احد بعد ما يكون البطل هزم العصابه ( تقريبا المخرج هو اللي بلغ علشان يصور اومال هيصور ايه ). ................................................................. العبارة الساذجة الشهيرة اللي تصطحب مشهد القبض علي المجرم ( مفيش جريمة كاملة وانت فاكر انك هتهرب من البوليس بعملتك دي ) ( والخير دايما لازم ينتصر على الشر ) ياريت كانت الحياه سهله بالشكل ده كنا انبسطنا كلنا ............................................................... عندما تقول البطله للبطل انها حامل فيرد البطل على طول ..........اللي في بطنك ده لازم ينزل ( غالبا بيكون يوسف شعبان امال يجيبوا منين موضوع يطولوا بيه الفيلم). ................................................................. عندما يكتشف الزوج الخيانه مصادفه لانه نسي شيئا فعاد الي البيت وفي الدقائق القليلة يكون العشيق قد وصل للمنزل وقلع هدومه واصبح في الفراش مستعد لتصوير الفضيحه ( اما افلام صحيح ) .................................................................. عندما يجلس البطل والبطله في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام ( تانج او ميراندا ) ويخلص المشهد من غير ما حد يشرب حاجة ( علشان حيتصور بالمشاريب دى فيلم تاني ). .................................................................... عندما تغير حرب اكتوبر اخلاق كل المنحرفين الموظف المرتشي والراقصه والجاره اللعوب والبلطجي والمجرم بطبعه ( سيما اونطه هاتوا فلوسنا ) ................................................................... عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقه وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين ( ده انا كده خلاص نسيت انا مين ) ................................................................ عندما ينجح الفيلم دة وينتصر الحب وتتزوج البطلة بنت العائلة الكريمة من البطل البيئة ويعيشوا في تبات ونبات ويخلفوا صبيان وبنات وطبعا ما ننساش بوسة اخر كل فيلم لازم طبعا البطل يبوس البطلة وبعدين البطلة تقفل الباب أو تنزل الستارة ( بتتكسف يعني اصلها وش كسوف اوى ) ................................................................... عندما يخرج الطبيب من غرفة العمليات يردد جملة من ثلاث جمل :- ( اضطرينا نضحي بالجنين ) ( شدو حيلكوا يا جماعه ) ( العمليه نجحت بس مش هتقدروا تشوفوه دلوقتي ) ................................................................ انا بئه بألكم انا عملت الى عليا والباقى على ربنا وعليكم شكرا تم تعديل May 4, 2008 بواسطه bassant شارك هذه المشاركه رابط المشاركه شار ك علي موقع اخر
Shetos 2 قام بنشر May 4, 2008 ههههههههههههههههههههه بيحصل فعلاً شكراً أختى باسنت.. شارك هذه المشاركه رابط المشاركه شار ك علي موقع اخر
bassant 2 قام بنشر May 5, 2008 بيحصل فعلاً شكراً أختى باسنت كويس ان كلامى طلع صح علشان تعرفوا انا ليه مقاطعة الافلام العربى اصل ثقافتى المانى هههههههههههه شارك هذه المشاركه رابط المشاركه شار ك علي موقع اخر
بسمة المحبه 0 قام بنشر May 21, 2008 هههههههههههههه بجد افلام شكرا لكى شارك هذه المشاركه رابط المشاركه شار ك علي موقع اخر
bassant 2 قام بنشر May 23, 2008 ههههههههههههههبجد افلام شكرا لكى شفتى ياستى علشان تعرفى بس الواحد مقطعهم ليه شارك هذه المشاركه رابط المشاركه شار ك علي موقع اخر
