مليت من الدراسه

[bassant]

مليت من الدراسه:-

 

----------------

الشعر ده بمناسبة موسم الامتحانات

................................................................................

..................................

يا ايام الدراسه لسه فكراكى لسه

 

وكأنى حتى مخلصتش لسه

 

كنت بفطر الصبح زتونه وأروح المدرسه الميمونه

 

أرجع البيت مهمومه وشكلى زى المجنونه

 

*******************************

 

أذاكر ليل نهار وأصبر على الالم والنار

 

مع ده كله أجيب أصفار ولا حتى أطلع مع الشطار

 

والله يا ناس مظلومه كله من ابله ميمونه

 

ميمونه ده تبئه أه قرد يا أسمك

 

******************************

 

وتعالوا نفتكر يا احباب ونقلب كده فى صفحات الكتاب

 

الحصه الاولى فاضين والثانيه عندنا دين

 

والثالثه رياضيات جائتنا ابله عطيات

 

تضرب وتقسم وسطنا ولا حتى كلمه حنينه

 

مليت أنا من الحصص كل يوم نفس القصص

 

تعبت أضرب وأقسم وأحل معادله وارسم

 

******************************

 

وتيجى الحصه الرابعة ده قراءة ولا مراجعه

 

وجينا لدرس الصرف مفهمتش منه ولا حرف

 

لما جينا للاعراب حبيت أجاوب طلعت زى الاغراب

 

ولا حتى اعرف تعبير ولا أفرق بين مفرد وجمع تكسير

 

وأدى اليوم يا ناس فى اخره مر عليه زى الى قبله

 

*******************************

 

مدرساتى يا ناس حيرانه منى خلاص طهئانه

 

أوصفلكم مدرساتى دول اصلهم نكدوا عليا حياتى

 

نبدأ بأبله العلوم ده جيلنا من الخرطوم

 

وأبلة التربيه الفنيه شكلها زى الجنيه

 

ولا أبلة العربى ده فالحه بس فى ضربى

 

وكمان الانجليزى تاخد يا ناس وتقول ايزى

 

**************************

 

وأبلة الموسيقى نفسها تكون رشيقه

 

وأبلة الجغرافيا بتمشى وهى حافيه

 

أما ابلة التاريخ تطير طياره وصواريخ

 

والتربيه الاسريه بتعمل حتة صنيه

 

أما الدرس الخصوصى فأستاذه بيتكلم روسى

 

يوم السبت نسيت فلوسى والاحد انقلعت ضروسى

 

*****************************

 

خلاص تعبت من التفكير وعقلى شويه ويطير

 

يا ناس أرحمونى وياريت تغششونى

 

ولا حتى بالنجاح ادعولى

 

مش عيزه أدخلكم فى متاهه بس القصيده للفكاهة

 

نفسى اعرف رأى البشوات فى حكايتى مع ابله عنايات

 

ولا خليها وقت تانى لحسن تكسرولى باقى سنانى

 

أشفكم بئه على خير ونتيجكم تبئه بخير

 

تم تعديل May 4, 2008 بواسطه bassant

[Shetos]

هههههههههههههههههههه

 

رائعه فعلاً يا باسنت..

 

شكراً جزيلاً أختى ..

[EL3aref]

مفيش حد مل من الدراسه قدى .. بس على العموم انا ممكن اشوفلك دار نشر يا بسنت .. خساره الموهبه دى تضيع كده

[bassant]

رائعه فعلاً يا باسنت..

الرائع مرورك

مفيش حد مل من الدراسه قدى

والله ده كلنا ملينا منها بس بجد كانت احلى ايام حياتى

بس على العموم انا ممكن اشوفلك دار نشر يا بسنت .. خساره الموهبه دى تضيع كده

الله يكرمك والله اتعرض عليا بس انا بحب اكتب لنفسى بس حسيت انى ممكن اشاركم ببعض ما كتبت

يارب اكون عند حسن ظنكم

شكرا لمروركم

[أحمد سيف]

الشعر ده هيدرس في كل المدارس من الابتدائي للثانوي

 

 

يحفظ كاملا مع الشرح

[NADA]

يااااااااااااا ربنا

 

قايمه نايمه بحلم باليوم اللى هخلص فيه المحروقه دى

 

ده أنا مش مليت منها وبس ده أنا مش طايقاها ولا طايقه نفسى خاااااااااااالص

 

بجد كده حراااااااااااام

14 سننننننننننه من عمرى ضايعييييين هباء

 

يالا انت يا بسنت خلتينى طلعت عن شعورى

 

ما كنا كويسين عامة خير إن شاء الله