أنا،،،وزوجتى ،،وإبنتى،،والسحوووور

[ali desoky 391]

أنا،،،وزوجتى ،،وإبنتى،،والسحوووور

 

 

 

 

 

طبعا حضراتكم عارفين السحور واهمية السحور

بطل غلبه يا شناوى وأدخل فى الموضوع علطول

خلاص ياعم متذقش

الموضوع وما فيه هو إنكم طبعا عارفين إنى موجود فى أمريكا ،ورمضان عندنا صعب شويه ومحتاج لمعسكر تغذيه

وإتفقت مع زوجتى إنها لازم وحتما ولابد وإذ ربما ولكن،، إنها تصحى قبل الفجر علشان تسحرنا أنا والعيال

وطبعا كان ردها غير مطمئن بالمره!!!!!!!!!!!!!

المهم أول يومين فى رمضان كانت اخت زوجتى عندنا فى البيت وبصراحه قامت بالواجب وزياده

كنت با بهوات اصحى قبل الفجر على رائحة الفول بانواعه ورائحة البيض المقلى وكنت اقوم آآآكل زى ما هكون مش هشوف الأكل تانى

ونظرت لزوجتى وقلت لها،،عجبك السحور يا حياتى؟؟؟

اجابتنى بكل برائه وقالت ،،طبعا يا حبيبى

اجبتها بكل خباثه وقلت،، أنا عايز من ده كل يوم يا رووووحى

أجابت،،يا شيخ إلهى تطلع روحك،،،(طبعا فى سرها بس انا حسيت بكده)

ما علينا،،

فى اليوم الثالث غادرت أخت زوجتى المنزل،،وفى وقت السحور ايقظت زوجتى لكى تعد السحور لنا

وكان النظام يقوم على،، أنا اصحيها الأول وبعد ما تقوم بإعداد السحور هى تصحينى

وبالعاااافيه لما قامت،وقمت لقيتها محضره كوباية قهوه أمريكانى وسألتنى وهى تغمض عين ومفتحه عين

تحب تاكل حاجه مع القهوه؟؟؟

أجبتها بتعجب،آكل حاجه!!!! ليه هو ده السحور إلى إتفقنا عليه

أجابتنى وهى ما زالت مغمضه عين وفاتحه عين،،طيب عندك التلاجه طلع منها شوية حلويات وكلهم مع القهوه

قلت لنفسى مش مهم يا واد يا شناوى باشا عديها النهارده وأكيد بكره هتعملى مفاجأه من العيار الثقيل وتعمل سحور ملووووكى

وفى اليوم التالى أيقظتها بالعااااااااافيه كالعاده ،،وشرحه طبعا هو كوباية القهوه والباقى معروف

واليوم إللى بعده ،،الحمد لله الحمد لله ،يا دوووووبك لحقت أشرب كوباية ميه قبل الفجر

بصراحه فقدت الأمل،،،ولكن إبنتى الكبيره ساره ربنا يباركلى فيها انقذت الموقف

ساره// بابا ،،ماما

محسوبكم// نعمين

ساره//تحبوا تسحروا إيه النهارده،،انا ناويه أعملكم سحور مفاجأه

بصراحه بينى وبينكم بقيت بتعقد من كلمة مفاجأه دى

محسوبكم // والله يا بنتى كلك ذوق، وأنت كريمه ونحن نستحق الكرم،ورينا الهمه وورينا هتعملى إيه

وبالفعل يا بهوات كانت عدالة السماء فوق كيد النساء،،

فبعد أن حرمتنى زوجتى من السحور ،عوضنى الله بإبنتى وقررت تعمل السحور

وفى اليوم الموعود لم تنم إبنتى حتى موعد السحور ،يعنى حوالى الساعه 4 صباحا عندنا

واثناء نومى سمعت إبنتى وهى توقظنى بكل أدب وصوتها الملائكى وتقول،،

ساره// بابا ،،تحب تاكل فول بالطحينه ولا فول بالطماطم،،والبيض تحبه بالجبنه ولا بالبطاطس المقليه؟؟

اجبتها والإبتسامه العريضه على وجهى، ، روحى ربنا يباركلى فيكى يا حبيبة قلبى ،،إعملى إللى نفسك فيه ،،ومتنسيش تصحى أمك

واغمضت عينى قليلا وإنتظرت إبنتى أن توقظنى بعد الإنتهاء من إعداد السحور

وفجأه فتحت عينى وشاهدت شعاع الشمس يدخل إلى غرفتى !!!!!!!!!!

قفزت من فوق سريرى ونظرت إلى الساعه ،ووجدتها تشير إلى الساعه 8 صباحا

وقفت فى وسط الغرفه وانا اهرش راسى بيدى وبيدى الأخرى أمسك بذقنى واحاول أن اتذكر ماذا حدث

هو أنا إتسحرت ولا لأ؟؟؟؟؟؟؟؟؟؟

وجريت إلى غرفة ابنتى ووجدتها ناااائمه وأوقظتها بسرعه،، ساره إنت نايمه ،،فين السحور؟؟؟

نظرت لى وهى تفتح عين وعين مغلوقه وقالـت،، معلش يابابا انا أسفه،، انا لقيت لسه فى وقت على السحور قلت أغمض عينى شويه

يا خراب معدتك يا شناوى،،أسفه !!!!!اصرفها منين دى،،طيب ومعدتى أعمل فيها إيه طوووول اليوم،،

فعلا (إكفى القدره على فمها تطلع البت لأمها)،،وسحورنا عليك يا رب

ملحوظه

الموقف ده حصل فى رمضان إللى فات

اما رمضان الحالى بصراحه

يبقى الحال على ماهو علييييييه

 

 

 

 

منقول