بنت مصرية 66 قام بنشر September 3, 2010 المشروع قرب يخلص ...والنتائج هتظهر باذن الله ها مش كتير مننا بيقول لنفسه كدا لما يكون في مشروع بيعمله ؟؟؟ والمشروع قرب ينتهي خلاص ومستني يحس بحلاوة تعبه يحزن القلب عليك يارمضان ...:yahoo: رمضان خلاص قرب ينتهي ونودعه العشر الاواخر من مشروعك ومشروعي خلاص قربت تنتهي مين فيكم حاسس زي ان رمضان بجد زي مايكون امبارح ؟؟ سبحان الله الذي يقلب الايام .... طيب ياجامعة ياتري احنا لما المشروع بتاعنا بيقارب علي نهايته بنعمل ايه ؟؟ طبعا للاسف كتييييييييييييييييييييير جدا من الناس مشهورين انهم مش بيعرفوا يحطوا اللمسات الاخيرة يعني ايه الكلام ده يعني تكون تعبان ومجتهد ومن اول رمضان وانت ماشاء الله عليك بتعمل كل حاجة كويسه وتيجي تتعب وتكسل وتقول خلاص اهو المشروع قرب يخلص وانا عملت كتير وتفتكر ان ده كفاية مع ان دي هي المطب اللي بنقع فيه كلنا الا من رحم ربي ونبتدي نهدي او مانزودش شغلنا علشان اللمسات الاخيرة دي اهم حاجة في الشغل كله ... خلي بالك من النهاية طبعا الموضوع بتاع اللمسات الاخيرة مهارة زي اي مهارة في الدنيا انوي انت وان شاء الله تبقي تمام وتتعلمها وتبقي من الحجات اللي بتعرف تعملها طيب ايه رايكم نتعلم سوا ايه ممكن نعمل علشان نكتسب العادة دي ولو بشكل مبديء وزي مااتعودنا في مشروع حياتنا رمضان بدايتنا لكل تغير كويس باذن الله ... انا سامعة موافقة بالإجماع... علي بركة الله .. اولا لازم تفكر نفسك بفضائل رمضان وخصوصا العشر الآواخر يعني تفكر نفسك بكمية الثواب بتاع رمضان وخير رمضان وبركة رمضان والعشر الآواخر وخير ربنا االلي فيهم وليلة القدر ورسول الله كان بيعمل فيهم ايه وافتكر الحجات دي كويس اوي واستخلص الافيد ليك في كل حاجة واكتبها في الاجندة بتاعتك اتعلم من السلف الصالح واعمالهم في العشر الآواخر اقرا قصص عن حسن الخاتمة في الاعمال ومواضيع ومحاضرات ودروس عن كيف نعرف اذا كان الله قد قبل منا عبادتنا انزل صلي التهجد واعد كتير في الجامع علي اد ماتقدر اعمل حاجة ماعملتهاش قبل كدا مشروع كدا يكون منافسة مع نفسك في اخر رمضان تختم القران مرة او اتنين في العشر الاواخر تروح تعمل مشروع خير صدقة كبيرة مرة واحد وياريت في السر.. واعمل كتير زي كدا ...... وافتكر دايما ان افضل شيء في الحاجة نهايتها بتكون بلاء واختبار لينا...ياتري هتعمل فيها ايه ؟؟ الخيل في السباق بتشد حيلها اوي في الاخر لانها عارفة ان النهاية قربت وهي اللي محتاجة مجهود اكتر من البداية ماتخليش الخيل افطن منك العبرة بالخواتيم ... حتي يظهر عليك رضا الرحمن وقبوله رمضان منك بعده ان شاء الله جلا علاه اللهم احسن خاتمتنا جميعاً ويسر امورنا وسامحنا واغفر لنا وبلغنا ليلة القدر واعف عنا فيها واعنا علي انفسنا وتقبل منا ياعزيز ياجبار لاتحرمنا رحمتك وعطفك وغفرانك انك ولي ذلك ونعم القادر عليه اللهم اعتق رقابنا من النار واغفر لنا ماتقدم من ذنوبنا ولاتجعلنا ممن لايغفر لهم في رمضان فنكون نحن الخاسرين لاتنسوني واخوانكم من صالح دعائكم في هذه اليالي المباركة لمتابعة باقي الدورة اضغط هــــنا شارك هذه المشاركه رابط المشاركه شار ك علي موقع اخر
ali desoky 391 قام بنشر September 4, 2010 مين فيكم حاسس زي ان رمضان بجد زي مايكون امبارح ؟؟ يااااااه الايام عدت بسرعه ما اقصي فراقك علينا يا رمضان اختي بنت مصريه بارك الله فيك يا اختي علي هذه الدورة المفيده النافعه جعلها الله في ميزان حسناتك وحسنات كل من مشي علي خطواتها تقبلي تقديري واحترامي شارك هذه المشاركه رابط المشاركه شار ك علي موقع اخر
