دعوه للجنه 457 قام بنشر September 13, 2010 هترسم يعنى هترسم اقتباس وتعتبر مادة التربية الفنية مادة نجاح ورسوب فى الصف الثالث الإعدادى لفت انتباهى النهاردة الخبر ده ... أو بمعنى أدق القرار اللى أصدره السيد أحمد زكى بدر وزير التعليم ... و كان القرار ده ضمن مجموعة قرارات بخصوص ملف الانجاز جميل لكن ... لما حطيت نفسى للحظة مكان طالب الصف الثالث الاعدادى ... حسيت بظلم شديد واقع عليه يا جماعة ناخدها واحدة واحدة بالعقل كده ليه التربية الفنية (( اللى هيا الرسم )) مادة نجاح و رسوب ؟؟؟؟؟؟؟ ليه ؟؟؟؟ لا بقا عايز اعرف بجد ليه !!!! معلش لو اتكلمنا بصراحة ... الوزير بيروح و بيجي يمشى وزير و ييجى وزير و احنا كمعلمين ... و هما كطلبة اللى باقيين وجها لوجه مع المنظومة التعليمية و تبقى القرارات الخاطئة كما هي يتأثر بها اجيال كاملة بعد ان يكون الوزير (( أى وزير )) أطال الله بقاءهم جميعا ... بعيدا تماما عن كرسيه بعد انتهاء مهامه تعالوا بالمنطق كده نتكلم فى اوروبا و دول العالم المتقدمة بعيد عننا يعنى بيتابعوا الطفل من صغره ميوله ايه و بيهتم بايه و مواهبه ايه و ربنا منحه هواية ايه و بيحب هوا ايه و بيفضل ايه و مهاراته عقلية رياضية و لا حسية فنية و لا ايه بالظبط ... كل ده بيتحدد مبكرا جدا ... و بيتم توجيه الاطفال للدراسة المناسبة اللى هما هيبدعوا فيها ... و حبوها من صغرهم و اختاروها (( ضمنيا )) بارادتهم حلو اوي عشان كده التعليم عندهم بيصب مباشرة فى مصلحة بلادهم و بيصبح بذلك قوة خدمية بتخدم على المجتمع و على سوق العمل بعكس الدول النامية (( اللى احنا على رأسهم طبعا )) كل حاجة مفروضة على الاطفال كل حاجة عافية و بتتفرض بالاجبار على الطفل المصرى لدرجة تخليه كاره حياته و كاره المدرسة و كاره اللى بيدرسه بيدرس مواد دراسية فى وادى و هوا دماغه و مواهبه و احتياجاته و قدراته فى وادي تاني خالص طب يا جماعة نفكر بالعقل و ندرسها الاول طب مفروض عليه مناهج و مواد بعينها هنعتبرها اساسية زي الرياضيات و العربي طبعا و المواد الاساسية ماشي مافيش مشكلة لكن نيجي نقول ان الرسم مادة نجاح و رسوب ؟؟؟؟؟؟؟؟؟ سبحان الله دي قدرات يا جماعة لازم نعترف ان دي قدرات و مش عيب ان ولد يطلع خطه وحش او مابيعرفش يرسم في حين انه مبدع و كويس جدا فى حاجة تانية مثلا هل مطلوب من اطفال البلد كلها يطلعوا رسامين لما يكبروا؟؟؟؟؟؟؟ انا مثلا طفل ... و مابحبش الرسم نهائي و ما بفضلوش و ماعنديش الموهبة تجبرني ليه اتعلم حاجة مابحبهاش؟ دي هوااااااااااااية يا جماعة و موهبة و الموهبة لا يتم اكتسابها و تعلمها بالاجبار دي رغبة شخصية و ميول في المقام الاول احنا عايزين الاطفال يتعلموا و يبدعوا في مجالات مختلفة واحد رسام وواحد صوته حلو وواحد خطاط وواحد عبقري رياضيات و برضه واحد ميكانيكي ... عادي جدا ... هوايته و لعبته ... وواحد مهندس وواحد نجار ... ده الطبيعي يا جماعة اتمني نحترم رغبات الاطفال و ميولهم و هوايتهم و ننميها مش نفرض عليهم النجاح فى الرسم رأى شخصى و اتمنى اسمع أراءكم شارك هذه المشاركه رابط المشاركه شار ك علي موقع اخر
