الله أكبر يا وطن

[دعوه للجنه 457]

 

الله أكبر يا وطن

 

 

يعجبنى فيك

 

رسمة عينيك

 

شدة إيديك

 

الله عليك

 

صوتك بيلمس ع الوتر

 

يطلع نشيد

 

ينادى شمس مغربة

 

ناسية النهار

 

رايحة تجيب الفجر من قلب السما

 

الله عليك

 

تعجبنى وانت بتبتسم

 

تقرأ آيات الزلزلة

 

وتهز قلب المهزومين

 

ترجف قلوبنا م الفرح

 

ترجف قلوبهم من الأنين

 

عمرك ماكنت فى يوم حزين

 

الحزن عندك فلسفة

 

تطرح بارود

 

الحزن عندك ملحمة

 

ماشية على سطر الجدود

 

أجمل ما فيك

 

حروف كلامك مؤمنة

 

لاحرف فيها ينكسر

 

ولا حرف بيضمه الخنوع

 

تعرف فى قلب الليل خشوع

 

تسجد على سطر الحياة

 

مفتوحة إيدها للسما

 

أجمل ما فيك إنك هناك

 

وانك هنا

 

إنك ملامح ألف واحد مننا

 

أجمل ما فيك

 

إنك بتسمع للوطن

 

رافض تبيع

 

حتى الرضيع

 

رافض صدور المرضعات

 

مستنى صدر المؤمنة

 

أعظم ما فيكوا إنكوا لحن اعتزاز

 

مفيكومش ترنيمة نشاذ

 

واللى يشذ بيطرده نن الوطن

 

الله أكبر يا وطن

 

لما بتنطق كلمتك

 

تخرس جميع الألسنة

 

 

 

 

[ohabo raby 87]

جزيتى خيرا / دفء الانــــس

[بسمة الاقصى 78]

جميلة تلك الأبيات سلمت يمناكِ يا جميل

[دعوه للجنه 457]

جزيتى خيرا / دفء الانــــس

 

جزانا واياكى غاليتى.

[دعوه للجنه 457]

جميلة تلك الأبيات سلمت يمناكِ يا جميل

 

وسلمتى من كل سوء..

 

ربنا يكرمك بكل خير ياااااااارب.

[الفقيرة الى الله 77]

الحزن عندك ملحمة

 

ماشية على سطر الجدود

 

أجمل ما فيك

 

حروف كلامك مؤمنة

 

لاحرف فيها ينكسر

 

 

تسلمى يا غاليتى

[دعوه للجنه 457]

ربنا يكرمك أختى "الفقيرة إلى الله"

 

 

جزاك الله خيرا..

 

لا تحرمينى من مرورك دائمًا..