كارت حريه على سلامه

[الجندى المجهول 37]

كارت حريه

 

بص يا عم..

من حقك تختار..

ملك أو كتابة..

ولو ف نص الليل..

حد جرك من قفاك..

قول له بقلب جامد..

فين إذن النيابة..

وطالما كده كده بتتسرق..

يبقي ع الأقل تعرف..

مين همّ أفراد العصابة..

إنت بس..

إشحن حرية..

كارت من أبو عشرة..

أو عشرين..

أو خمسين أو مية..

تلاقي قلبك بقي زي الحديد..

وقادر تفوت من أي بوابة..

وتغني للصبح..

وتقول ع الربابة..

بس خللي بالك..

لو رصيدك خلص..

أو انتهت الصلاحية..

ها تتغير العيشة..

وهاتعرف إن الدنيا كدابة..

بنت كدابة..

وها تفتكر كل اللي راح..

وتقول الله يرحمك يامه..

ويرحمك بقي يابا..

لا هاتلاقي عيش وملح..

ولا أصحاب..

ولا أهل..

ولا قانون..

ولا نقابة..

ساعتها بس هاتعرف تفرق..

بين العصافير والديابة..

وإن الكلام الحلو..

والغنا الجميل..

كان مجرد سحابة..

وإنك لسه برضه الواد..

إبن الناس الغلابة..

وإن لسه فيه خوف..

ورصاص..

وعسكر..

ودبابة..

علي فكرة مش دايما

الأسد الجدع النبيل..

بيبقي هو ملك الغابة..

[حياتى من اجل ربى 22]

بص يا عم..

من حقك تختار..

ملك أو كتابة..

ولو ف نص الليل..

حد جرك من قفاك..

قول له بقلب جامد..

فين إذن النيابة..

وطالما كده كده بتتسرق..

يبقي ع الأقل تعرف..

مين همّ أفراد العصابة..

 

 

جمييييييييل اوى

 

جزاك الله خيرا

بجد فعلا افتقد كتيييييييير الايام اللى فاتت الاشعار الجميله اللى انت بتختارها

 

ربنا يكرمك ويجعله فى ميزان حسناتك

 

ويحقق لك كل ما تتمنى

 

 

ونسمع عنك كل خير قريب

 

 

ياااااااااااااااااااااااااارب

[الفقيرة الى الله 77]

جزاك الله خيرا