انتحار تلميذ فى الصف الأول الابتدائى

[بسمة الاقصى 78]

السلام عليكم يا جماعة الخير

 

أيوالله العنوان بجد مش هزار

 

والحكاية وما فيها إنه عندنا فى المدرسة الإبتدائى فى الإسبوع اللى فات ده من المدرسة

 

كان فى ولد فى أولى ابتدائى حاول يهر ب من المدرسة راح ركب على بلكونة المدرسة ورمى نفسه علشان يهرب

 

ومن ستر ربنا إنهم فى الدور الأول وكمان لما وقع على الأرض نزل على كومة رمل

 

بعدين أخدوه المدرسين فى الإسعاف على المستشفى

 

وقعد يوم ما بينطقش وبعدين اتكلم

 

أنا قلت يمكن الولد ده ما دخلش روضة قبل كده علشان كده مش واخد على جو المدرسة

 

والغريبة إنه كان فى الروضة لمدة سنتين فى نفس المدرسة وكمان

 

حاول السنة اللى فاتت يهرب وفعلاً هرب من الباب

 

يعنى طلع واد سوابق

قلت لنفسى

 

هى فى عيال كده فاشلة مالهاش فى العلام

 

وبعدين قلت يمكن فعلاً الواد ده معذور فى طفشه من المدرسة ومحاولة الهرب أكتر من مرة

 

لأسباب كتيرة منها المناهج الرخمة والمدرسين اللى ما يعرفوش حاجة اسمها وسائل تعليمية

 

للمساعدة على الفهم وجذب التلميذ

 

والمدارس اللى بقت مليانة ناس مش خريجى تربية أصلا وإن كان الوزارة دلوقتى اشترطت على اللى يدرس

 

إنه يعمل دبلومة تربوية

 

أكيد الولد ده ما لقاش حاجة جذابة فى المدرسة مع إنه تربيوياً المفروض فى سنه دى

 

التعليم يكون باللعب والأغانى مش حشو دماغ

 

وأكيد فى أمثاله كتير نفسهم يطفشوا بس مش لاقين سكة

 

ربنا يصلح الحال يارب

[دعوه للجنه 457]

:present:

 

 

بيهربهوا ليه يعنى؟؟ هو التعليم بقى تعليم اصلا

 

اينعم المناهج بقيت حسبى الله ونعم الوكيل كل مدى بتصعب أكتر على العقول بس المدارس ماشاء الله مالومش دعوة تصعب تسهل

هما كلمتين السبورة وخلصت الحصة والواجب هيتصحح وبسسسسسسسسس..

 

 

ربنــــــــــــــــــــــــا يصلح الحال.

 

جزاكِ الله خيرا أختنا الكريمة,,....

[بسمة الاقصى 78]

:)

 

 

بيهربهوا ليه يعنى؟؟ هو التعليم بقى تعليم اصلا

 

اينعم المناهج بقيت حسبى الله ونعم الوكيل كل مدى بتصعب أكتر على العقول بس المدارس ماشاء الله مالومش دعوة تصعب تسهل

هما كلمتين السبورة وخلصت الحصة والواجب هيتصحح وبسسسسسسسسس..

 

 

ربنــــــــــــــــــــــــا يصلح الحال.

 

جزاكِ الله خيرا أختنا الكريمة,,....

وجزاكم أختنا

 

زى ما دايماً بنقول الحال مش هيتصلح إلا بصلاح التعليم

 

والتعليم فى المدارس ما شاء الله حاجة تحزن القلب

 

الله المستعـــــان

[المالمجروح 0]

مشكووووووووووووووووووووووور

[ابن تيميــــة 158]

بسم الله الرحمن الرحيم

 

 

 

 

جزاكِ الله خيرا اختي / بسمه الاقصي

 

 

انا رايي ان الاطفال اصلا مع التقدم التقني اللي حدث لمصر وده طبعا حصل بعد ما دول العالم نسيته خلاص

 

 

الطفل دلوقتي اصبح فاهم كل حاجه

 

 

انتشار السيبرات والقنوات في المنازل اصبح لدي الطفل منذ صغره قاعده فهميه بسيطه

 

 

من هنا تجرأ الطفل علي مدرسه وعلي امه وعلي ابيه احيانا وهذا الذي يحدث

 

 

وماحدث لهذا الطفل ليس الا انه ليس لديه مايخشي منه

 

 

الاطفال اليوم بقوا حاجه غريبه جدا

 

 

 

 

والله انا عندما اتحدث لطفل في الحضانه احس انني اتحدث مع شاب كبير

 

 

والله من اعجب مارايت اطفال لم يدخلوا الروضه اصلا وهن بنات فضلا عن الاولاد ماكثون في الشوارع للساعة الثانيه عشرة والواحده صباحا

 

 

ماهذا انه سوء تربيه وعدم مراقبه من الوالدين

 

 

نحن عندما كنا في سن الطفوله اهلنا كانوا يحددون لنا وقت اللعب ومع من تلعب ومتي ستعود للبيت ولو تاخرت كان يبقي يومك مايعلم به الا ربنا

 

 

انما الان كل ماعلي اولياء الامور ان ينجبوا ويرموا في الشوارع الا مارحم ربي طبعا

 

 

والله يااخواتي يوجد بجوار منزلنا سيبر تجد فيه الاطفال ماكثون لنصف الليل او يزيد بل اكثر من ذلك والله تراهم يدخنون ويسبون الدين ولا حول ولا قوة الا بالله

 

 

 

 

فيعني مش غريبه علي طفل انه ينتحر بجد شئ مؤسف

 

 

 

 

وده نداء لاولياء الامور حافظ علي ابنك في صغره هيحافظ عليك في هرمك

 

 

وجزاكم الله خيرا واسف علي الاطاله

تم تعديل September 27, 2010 بواسطه عيسي

[ohabo raby 87]

يا سلام .. مبقاش غير بتوع الابتدائي اللى لسه مطلعوش من البيضة ينتحروا .. انا قريت الموضوع بس لسه معرفتش هو الولد توفي ولا حى ... جزيت كل خير حبيبتى بسمة ..

[بسمة الاقصى 78]

مشكووووووووووووووووووووووور

 

 

جزاكم الله خيراً

 

بسم الله الرحمن الرحيم

 

 

 

 

جزاكِ الله خيرا اختي / بسمه الاقصي

 

 

انا رايي ان الاطفال اصلا مع التقدم التقني اللي حدث لمصر وده طبعا حصل بعد ما دول العالم نسيته خلاص

 

 

الطفل دلوقتي اصبح فاهم كل حاجه

 

 

انتشار السيبرات والقنوات في المنازل اصبح لدي الطفل منذ صغره قاعده فهميه بسيطه

 

 

من هنا تجرأ الطفل علي مدرسه وعلي امه وعلي ابيه احيانا وهذا الذي يحدث

 

 

وماحدث لهذا الطفل ليس الا انه ليس لديه مايخشي منه

 

 

الاطفال اليوم بقوا حاجه غريبه جدا

 

 

 

 

والله انا عندما اتحدث لطفل في الحضانه احس انني اتحدث مع شاب كبير

 

 

والله من اعجب مارايت اطفال لم يدخلوا الروضه اصلا وهن بنات فضلا عن الاولاد ماكثون في الشوارع للساعة الثانيه عشرة والواحده صباحا

 

 

ماهذا انه سوء تربيه وعدم مراقبه من الوالدين

 

 

نحن عندما كنا في سن الطفوله اهلنا كانوا يحددون لنا وقت اللعب ومع من تلعب ومتي ستعود للبيت ولو تاخرت كان يبقي يومك مايعلم به الا ربنا

 

 

انما الان كل ماعلي اولياء الامور ان ينجبوا ويرموا في الشوارع الا مارحم ربي طبعا

 

 

والله يااخواتي يوجد بجوار منزلنا سيبر تجد فيه الاطفال ماكثون لنصف الليل او يزيد بل اكثر من ذلك والله تراهم يدخنون ويسبون الدين ولا حول ولا قوة الا بالله

 

 

 

 

فيعني مش غريبه علي طفل انه ينتحر بجد شئ مؤسف

 

 

 

 

وده نداء لاولياء الامور حافظ علي ابنك في صغره هيحافظ عليك في هرمك

 

 

وجزاكم الله خيرا واسف علي الاطاله

وخيراً جزاكم أخى الفاضل عيسى صراحة ردك ملىء بالنقاط الهامة والحديث عن

 

أطفال اليومين دول ذو شجون والله فعلاً الحال بقى محزن أقصد حال الأطفال كله

 

بسبب التكنولوجيا الحديثة أو بسبب سوء الاستخدام وعدم توجيه الأباء للأبناء

 

تلاقى الأطفال دلوقتى من سن الروضة ووانت طالع بيتفرجوا على على مناظر مخجلة وإباحيات اللى المفروض أصلا الكبار ما يتفرجوش عليها

 

وللأسف بيبقوا الآباء قاعدين بيتفرجوا عليها معاهم وعاااااااادى جدااااااا ولا كأن فى

 

حديث كلكم راعٍ وكلكم مسئول عن رعيته

 

هقول لحضرتك مثلاً أولاد عمى مغرمين بلعبة اسمها حرامى السيارت اعتقد فى مرة كنت عندهم واشتغلت قدامى اللعبة دى لقيت إيه بقى أول لما تشتغل مكتوب اسمها

 

vice city مدينة الرذيلة دى اسمها بالإنجليزى وشكله الاسم اتغير لما جات عندنا

 

كمان كان فى صورة كاس خمر والعياذ بالله وبنت عارية وطول اللعبة فى بنات شبه عاريات فى كل اللعبة مع إن اللعبة أساساً مطاردة بالسيارة

 

ومثلها لعب كتير على فكرة

ولما قلت لبنت عمى إازاى سايبة اخواتك بيتفرجوا على المناظر دى يعنى هيطلعوا عليه من ضغرهم قالتلى عادى

 

ولا حول ولا قوة الا بالله

يا سلام .. مبقاش غير بتوع الابتدائي اللى لسه مطلعوش من البيضة ينتحروا .. انا قريت الموضوع بس لسه معرفتش هو الولد توفي ولا حى ... جزيت كل خير حبيبتى بسمة ..

 

عايش

[ohabo raby 87]

لا والله .... الحمد لله .... بس ياريت ميكررهاش تانى ... اصله سوابق ,,,

[بسمة الاقصى 78]

لا والله .... الحمد لله .... بس ياريت ميكررهاش تانى ... اصله سوابق ,,,

 

هو اصله الدور الأول واطى وهو اصلا ً وقع على كومة رمل علشان كده فقد النطق يوم بس من أثر الوقعة وبقى كويس بعدين

 

بس هو محتاج شيزلونج يقعد عليه ويحكى ويطلع كل الكلاكيع اللى جواه