طريقة صنع حلقات البصل البانيه وسلطة الكولوسلو الأشهر على مائدة المطاعم فى مصر

[Karamstyle 4]

بسم الله الرحمن الرحيم

 

 

اليوم طريقة من اجمل واهم الطرق لصنع حلقات البصل البانيه وسلطة الكولوسلو بالمطاعم

أولاً: البصل البانيه ...او حلقات البصل...او اونيون بانيه

 

هنجيب بصلة متوسطه ...يعنى متكونش كبيرة قوى فالحلقة تبقى كبيرة ولا صغيرة .

هنقطع البصلة بقشرها حلقات متوسطه

بعد كدة نشيل من كل حلقة القشر الى فيها

..خلاص شيلنا القشر..نغسل الحلقات فى الميه

..بعد الغسل نحط حلقات البصل دى فى اى وعاء ..يعنى طبق غويط او اى حاجة ليها حرف عالى شوية ونحط فوقيها شوية خل وتترك لمدة نص ســــاعه

بعد كدة نجيب ميه بتغلى على النار وفيها قليل من السكر والخل والزيت ونضع فيها البصل حتى يبقى نص سوى وماسك نفسه كدة اهم حاجة ... انه ميتهراش فى الميه خلو بالكوا..

بعد خروجه من الميه...توضع حلقه حلقه فى الدقيق المتبل تتبيل خفيف جدا بالملح والفلفل الابيض وقليل من الكمون ثم فى البيض المخفوق ثم فى البقسماط ويترك فى الفريزر لمدة 3.5 ساعه حتى يتجمد

بعد ذلك يقلى فى زيت غزير والف هنا وشفا

لجمييع اعضاء المنتدى

******************************************************

 

سلطة الكولو سلو

المقادير: 1 كرنب كابوتشا او بلدى ويفضل الكابوتشا...+3 كوب سكر بودر او عسل نحل...+1/5ك جزر+1/4ك مايونيز+ كوب لبن او كريمة لبانى

الطريقه:

ننظف الكرنبه من الورق الاخضر حتى نصل للورق الابيض وننزع منه العروق ونخرطه شرائط رفيعه جدااااا

بعد كدة نبشر الجزر ونقلب الاتنين على بعض

نحط فوقيهم السكر او العسل والمايونيز+الكريمة اللبانى او شوية لبن ويقلب الجميع

وستتاكدوا انه افضل كولوسلو على الاطلاق...

لا تنسونا بالردود...دة كولوسلو يعنى ياجماعه