إزاى تخللى مئات الأعضاء يقروا موضوعاتك !!

[عاشق الصداقه 525]

السلام عليكم ورحمة الله وبركاته

 

إزاى تخللى مئات الأعضاء تقرأ موضوعاتك ؟؟

 

 

يمكن أنا قرأت فى مجال حب الزوار لكتاباتك كتير ،، وعاصرت تجارب بنفسى للكتابه بأغلب أشكالها .. وعشت فى منتديات كتير فترات طويله ..

 

وفيه كتابات لأساتذتى فى نقطة (كيف تصبح كاتباً متميزاً أو محبوباً) ..

 

لكن أنا فى موضوعى ده - حبيت اوجه شوية نصائح لأعضاء ياللا يا شباب - الأعضاء العاديين غير المحترفين .. يعنى ببساطه شديده :

إزاى تخللى الناس تحب موضوعاتك وتنتظرها وتتفاعل جداً مع موضوعاتك وكتاباتك !

 

طبعاً فيه فى المنتدى هنا نماذج واضحه للنوعيات دى من الأعضاء - ما شاء الله تبارك الله ..

 

هديلكم فى الموضوع ده خلطه سحريه بسيطه - تخللى وبإذن الله موضوعاتك ذات تفاعل كبير !! وأنا قصدت أكتب الموضوع بالعاميه علشان يكون أقرب للقلوب والعقول .. ولتبسيط الأمر .

 

أنا هقول نقاط صغيره بإختصار - ولو حد حب يستزيد انا تحت امركم - حددوا نقطه معينه ونتكلم فيها بشكل أوسع فى الردود

 

1 - كن صاحب أسلوب مميز

 

 

يعنى إيه وإزاى ؟؟ هقولكم ..

 

فيه واحد من الأعضاء يغلب عليه الطابع الفكاهى فى موضوعاته ،، وإن كانت جاده وكلماته الفكاهيه ليها معانى كبيره - المهم المعنى بيوصل - لكن بأسلوب !!! حتى لو فكاهى

فيه واحد تانى من الأعضاء معروف بشخصيته التحليليه - يحب يحلل الموضوع ويبصله من أكتر من جانب ويوضح مناطق أو لفتات فى مجال موضوعه - يمكن محدش إلتفت اليها قبل كده

فيه واحد تالت يغلب على موضوعاته وردوده النقد الساخر !

فيه واحد رابع معروف بإنه بيقول كلام تقيل وحكم .. يظبطلك دماغك كده وإنت بتقراله

فيه واحد خامس يغلب على شخصيته وموضوعاته إنه مش مفهوم !!

 

وكل اللى فاتوا دول سمات لشخصيات - يعنى فيهم حاجه مميزه عن باقى الأعضاء .. فبالتالى بيلتفت ليهم ولكتاباتهم !

ده بخصوص الطابع الشخصى والسمه العامه لشخصيتك على الإنترنت ..

 

2 - كن صاحب كتابات مميزه

 

 

إنت هتشتغلنا يا عم عاشق الصداقه ! ما هى هى اللى فاتت !! لأ مش هيا هيا ..

 

فيه واحد تشوف موضوعاته تقول : مفيش موضوع من موضوعاته عادى .. يعنى كلها مميزه .. كلها تستحق القراءة ..

إللى زى ده - مظنش هتشوفله موضوع ومتقرأهوش !

 

3 - كن صاحب سمه مميزه لكتاباتك

 

تانى هتشتغلنا !! - ما هى هى اللى فاتت برضه !! . لأ برضه مش هى هى

 

الكتابات المميزه إن مجالات موضوعاتك يكون متميزه وفيها إفاده كبيره لأى حد يقرأها أو متعه ذهنيه لأى حد يقرأها ..

ده بخصوص النقطه اللى فاتت ..

 

أما النقطه دى .. فأنا بعتبرها من أهم النقاط وعلى رأسهم إللى تخللى الناس تتابع كتاباتك وتحب تقرألك بإستمرار

 

اللى هيا إيــــــــــــــــــــــــــه !!

 

تنسيق الموضوع وهيكلته ..

 

 

خاللى ليك ثيم معين فى موضوعاتك - يحبه كل الناس ..

يعنى مثلاً .. فيه ناس فى المنتدى هنا لو خبوا عنك إسم الكاتب ومقريتش المكتوب كمان .. بس من شكل الموضوع كده وللوهله الاولى هتقول كاتب الموضوع ده فلان أو فلانه صح !!

 

واحد بيلون كل سطر بلون

والتانى بيلون كل كلمة (الله) بلون معين فى كل مشاركاته

والتالت بيستعين بصور رائعه تخدم موضوعه

والرابعه بترفق صوره فى كل موضوع ليها آخر الموضوع ..

والخامس والسادس .........

 

جميل إنه يكون ليك أسلوب فى الكتابه .. ونصيحتى للناس فى النقطه دى /

 

لون مقدمة موضوعك بلون معين وثبت ده فى كل موضوعاتك

إستعين بصوره على الأقل فى بداية الموضوع أو بين المقدمة (أول سطرين) وباقى الموضوع .. وتكون الصوره تخدم موضوعك وتكون جميله

إنهى موضوعك بشكل قوى يخللى اللى يدخل لازم يرد - زى إنك تنهيه بسؤال !

 

كمثال مبسط لكلامى - شوفوا مدونتى مثلاً : (هنا مثال) .. هتلاقوا إن جميع الموضوعات ماشيه بنفس النسق ..

كلمتين وصوره وباقى التدوينه ..

وفيه أفضل من كده بكتيـــــــــــر والأمثله كتيره على الويب وفى منتدانا كمان ..

الخلاصه / إهتموا بتنسيق موضوعاتكم وإنكم تخلوا فيه ثيم معين لكل موضوعاتك .. لو كتبت موضوعين بالشكل ده أفضل من 40 موضوع مش منسق وخطه صغير والموضوع طويل وميساعدش الواحد حتى نفسياً على إنه يقرأه !

 

4 - كن عضواً محبوباً

 

 

طبعاً دى بعدة صفات .. منها التواضع والتواصل مع الجميع فى موضوعاتهم وانك تكون إجتماعى وخلوق ومعطاء و ...

كل نقطه من دول مهمه جداً وممكن يتكتب فيها صفحات !

وتذكروا إن معادلة حب الناس .. معادلة بسيطه جداً ..

سألنى حد من أصدقائى - إزاى خليت ناس كتير تحبك كده (ده من فضل الله عليا)

قلت والله السر كله فى حبى للناس !!

المعادلة / حب الناس بجد - هيحبوك بجد ،، والحب الوحيد اللى بجد هو الحب فى الله - مش علشان مصلحه ولا علشان أهواء ولا أى شىء ..

 

فإحنا كأعضاء فى منتدى - ده من مصر ودى من سوريا وده من السعوديه ودى من تونس و .....

وحتى منعرفش أسماء بعض الحقيقية ،، ولا أشكال بعض ،، ولا .....

كل ده ميهمناش - لأن اللى بيجمعنا الإحترام والإفاده والحب فى الله بقواعد وشرع الله .. فكن محبوباً .. ستجد التفاعل

 

5 - لا تنتظر شكر أو رد أى أحد !

 

 

النقطه اللى دايماً بقولها .. واللى لولاها مكنش أغلب المنتديات استمرت ،، واللى بسببها منتديات كتير انهارت

التفاعل والرد من الأعضاء على موضوعك مطلوب ورائع ومحفز ويحسسك إنك قدمت حاجه و ....

لكن متخليش ده هو المحرك ليك - فلما محدش يرد تبطل تكتب وتبطل تفيد ،، وتقول مليش قبول !!

النقطه دى بتوقف ناس كتيــــــــــــــــر ،، وانا شخصياً ماشى بمبدأ إنى بكتب لإفادة الناس

ردوا - على عينى وراسى وجزاهم الله خيراً - مردوش .. معلش سامحونى - مش هتفرق !!

مش تقليل من شأن حد !! - بس لأنى مش بكتب علشان يتصقفلى والصفافير والزمامير تشتغل

بكتب علشان الناس تستفيد ،، وطالما فيه ناس قرت وإستفادت من اللى كتبته ،، مش مهم يردوا !!

بإختصار شديد (راقب عدد مشاهدات الموضوع - ولا تراقب عدد الردود على موضوعك)

لأن المشاهدات بتعبر عن الناس اللى زارت موضوعك واستفادت منه ،، وخاللى ده الهدف اللى بيحركك ..

وزى ما انتوا شايفين بفضل الله فى ياللا يا شباب الموضوع بينزل بعدد مشاهدات معاه

يعنى فى خلال دقائق قليله بتلاقى 20 مشاهده وأكتر ،، وده لأن المنتدى مفتوح للزوار ،، وفيه زوار كتير بيتابعو ومتواجدين بإستمرار كمان لكن من غير تسجيل ..

 

أخيراً .. أتمنى يكون موضوعى أفاد حد ولو بالقليل .. ومعذرةً على تقصيرى فيه لأنه بدون إعداد ولا خطة ..

دخلت - طقت فى دماغى اتكلم فى الموضوع ده - اتكلمت فيه ببساطه شديده (ودى نصيحه تانى - خطط بس بلاش تبقى مكلكع فى طرح موضوعك - خليك على طبيعتك .. إرضى عطشك )

 

متنسوش تدعولى ،، وإلا ولا حاجه من اللى قلتها دى هتنفع معاكم

 

جزاكم الله كل الخير ،، والسلام عليكم ورحمة الله وبركاته

[بسمة الاقصى 78]

جزاكم الله خيراً أخى ونفع الله بكم

 

وربنا يحبب فينا خلقه اللى فى المنتديات

 

موضوع جميل وقيم ومفيد ولو سمحتلى بإضافة نقطة فى الاحترافية فى الكتابة فى المنتديات

 

ألا وهى عدم كتابة عدد كبير من الموضوعات فى وقت قليل حتى يتسنى للأعضاء

 

قراءة موضوعات العضو والتفاعل معها بشكل جيد

 

شكر الله لك وثبتكم الله ووفقكم لما فيه الخير

[ابن تيميــــة 158]

بسم الله الرحمن الرحيم اخي الفاضل / عاشق الصداقه عن جد موضوع جميل جدا انا استفدت من كل حرف فيه والله يااخي انا بعتبر نفسي في صرح اعلامي ضخم اسال الله ان يبارك فيه اللهم امين بجد بجد انا بحب المنتدي مووووووووووووووت وكلنا هنا تجد بيننا روح الاخوة والايمان تجدنا نتنافس في سباقنا للجنه بكتابه موضوعات هادفه قيمه ذات معنا وقيمه وفي ذلك فليتنافس المتنافسون ووالله يااخي الغالي ان تستحق كل خير فانت بارك الله فيك وحفظك وراعاك وبارك في وقت ومالك وعلمك وعمرك اللهم امين اسال الله ان يرزقك اعالي الجنان دون سابقه حساب ولاعذاب اللهم امين ... احبك في الله

تم تعديل September 30, 2010 بواسطه عيسي

[عاشقة الفردوس 161]

 

 

 

 

 

اهو تطبيق فوري لتوجيهاتك ونصائحك ما رأيك أعجبتك الصورة هل زادت ردي رونقا وجمالا ؟

 

 

جزاك الله خيرا كثيرا يا ابني ورضي عنك وارضاك واسعدك دنيا وآخرة

[ali desoky 391]

موضوع يعتبر مرجع لكل من يبحث عن التميز في الكتابه وعرض الافكار

بالفعل موضوع لايصدر الا عن عاشق الصداقه

جميل جدا ياحبيبي

بارك الله فيك

[الدرة المصونة 3]

جزاك الله خيرا أيها الأخ الفاضل

 

والله ماشاء الله موضوع جميل جدا وتستاهل تصفيق والزمامير تشتغل

 

هههههههههههههههههه بهزر تستاهل كل خير ربنا يكرمك ويعزك ويرفع قدرك ويرزقك رزق حلال يارب وإن شاء الله دائما ننهل من منهل علمك يا معلمنا الأدمن

[عاشق الصداقه 525]

جزاكم الله خيراً أخى ونفع الله بكم

 

وربنا يحبب فينا خلقه اللى فى المنتديات

 

موضوع جميل وقيم ومفيد ولو سمحتلى بإضافة نقطة فى الاحترافية فى الكتابة فى المنتديات

 

ألا وهى عدم كتابة عدد كبير من الموضوعات فى وقت قليل حتى يتسنى للأعضاء

 

قراءة موضوعات العضو والتفاعل معها بشكل جيد

 

شكر الله لك وثبتكم الله ووفقكم لما فيه الخير

 

جزاكِ الله كل الخير أختى

وفعلاً / نقطه مهمه جداً وإضافه رائعه - لما واحد يدخل يكتب 30 أو 40 موضوع فى يوم (بتحصل) - مين هيقدر يقرأ كل ده ؟؟؟

ميلاقيش تفاعل فيهم يقوم مبطل كتابه !!

 

إكتب موضوع واحد أو موضوعين أو 5 بالكتير كل يوم ،، وخاللى الناس تستنى الموضوعات دى بشغف ويقروها كلها ويردوا عليها ..

 

جزاكِ الله كل الخير للمرور وللإضافه

 

بسم الله الرحمن الرحيم اخي الفاضل / عاشق الصداقه عن جد موضوع جميل جدا انا استفدت من كل حرف فيه والله يااخي انا بعتبر نفسي في صرح اعلامي ضخم اسال الله ان يبارك فيه اللهم امين بجد بجد انا بحب المنتدي مووووووووووووووت وكلنا هنا تجد بيننا روح الاخوة والايمان تجدنا نتنافس في سباقنا للجنه بكتابه موضوعات هادفه قيمه ذات معنا وقيمه وفي ذلك فليتنافس المتنافسون ووالله يااخي الغالي ان تستحق كل خير فانت بارك الله فيك وحفظك وراعاك وبارك في وقت ومالك وعلمك وعمرك اللهم امين اسال الله ان يرزقك اعالي الجنان دون سابقه حساب ولاعذاب اللهم امين ... احبك في الله

 

يا اللــــــــــــــــــــه

ربنا يجزيك عنى كل الخير يا حبيبى يا رب ،، وأشهد الله إنى أحبك فى الله

والله ثم والله يا أخى الفاضل انا أقل بكثيييييييييييير مما تظنون بى ولكنه ستر الله

 

جزاك الله كل الخير لردك الأكثر من رائع ووالله والله انا برتاح لما أقرأ إسمك فى المنتدى - لأنك بجد ما شاء الله مثال للعضو الرائع والملتزم (نحسبك على خير ولا نذكيك على الله) ..

ويارب موضوعاتى دايامً تفيدك ،، زى ما كلنا بنستفيد من كتاباتك الجميله - ربنا يجعل كل حرف كتبته فى ميزان حسناتك ويارب ما يحرم ياللا يا شباب منك ومن أمثالك يا رب وينصر بينا جميعاً الإسلام

رزقك الله كل خير تتمنى حبيبى ، واحبك فى الله

 

 

 

 

 

 

اهو تطبيق فوري لتوجيهاتك ونصائحك ما رأيك أعجبتك الصورة هل زادت ردي رونقا وجمالا ؟

 

 

جزاك الله خيرا كثيرا يا ابني ورضي عنك وارضاك واسعدك دنيا وآخرة

 

والله إنتى رائعه يا أمى

ردودك مش محتاجه حتى تنسيق علشان تكون رائعه - النصائح دى للغلابه اللى زينا - إنما أمى ما شاء الله الجمال بيغرد فى موضوعاته وردودها وكأن روحها بتفضل موجوده فى الموضوع او الرد بعد كتابته

بجد بجد ربنا يحفظك لينا يااااااااااارب وما يحرمك منا أبداً ،، وبجد كمان تطبيق رائع يا غاليه علينا كلنا - يا أم أعضاء ياللا يا شباب

 

موضوع يعتبر مرجع لكل من يبحث عن التميز في الكتابه وعرض الافكار

بالفعل موضوع لايصدر الا عن عاشق الصداقه

جميل جدا ياحبيبي

بارك الله فيك

 

جزاك الله كل الخير حبيبى على دسوقى ... وبارك الله فيك يا جميل ،،

لكن بالعكس أنا مش معاك فى إنه لا يصدر إلا عن عاشق الصداقه - أنا قرأت الكثير من الروائع فى ياللا يا شباب - يخلينى والله أخجل وأنا بكتب موضوعاتى

لكن اهو - نسأل الله القبول

 

بارك الله فيك مره تانيه ،، وأتمنى الموضوع يفيد الجميع ويغير من نمط الكتابات فى منتدانا الحبيب ..

والتألق مش محصور فى النقاط دى بس - لااااااا - ما خفى كان أعظم - وكل شىء الناس هتعرفه بإذن الله طول ما هما فى ياللا يا شباب

 

تحيتى وحبى

 

جزاك الله خيرا أيها الأخ الفاضل

 

والله ماشاء الله موضوع جميل جدا وتستاهل تصفيق والزمامير تشتغل

 

هههههههههههههههههه بهزر تستاهل كل خير ربنا يكرمك ويعزك ويرفع قدرك ويرزقك رزق حلال يارب وإن شاء الله دائما ننهل من منهل علمك يا معلمنا الأدمن

 

جزاكِ الله كل الخير أختى الفاضله / الدره المصونه

ردك ما شاء الله فيه تطبيق رائع لكل كلمة جات فى الموضوع ..

مظنش فيه حد هيعدى على الردود كده وميقراهاش ومش هيلفت نظره ردك ويقرا كل جمله فيه

ومش عاوز تصفيق وزمامير - كفايه عليا تستفيدوا وأتمنى يكون حصل بإذن الله ويتم تطبيق ده فى كل الموضوعات والردود فى المنتدى

ومنهل علمى ايه بس - الله المستعان - وربنا يسترنا

 

جزاكِ الله كل الخير أختى وحفظكِ ورعاكى وجعلك درة مصونه دائماً وحفظكِ من كل سوء

[نونا19 28]

بسم الله ما شاء الله

 

موضوع جميل جدا

 

اهنيك اخي عاشق الصداقة علي هذا الموضوع

بصراحة لابد من ان نحييك

 

 

 

تم تعديل October 17, 2010 بواسطه نونا19

[فخورة بنقابي 30]

بسم الله ماشاء الله موضوعاتك كلها في الصميم

حقيقي والله احنا بنستفاد من موضوعات حضرتك الجذابة واللي بنستفاد منها كتير وطبعا بتاخد دعاوي كتير ماشاء الله اللهم لاحسد

ربنا يجعلك ممن يشفع لهم الحبيب المصطفي صلي الله عليه وسلم

[عاشق الصداقه 525]

بسم الله ما شاء الله

 

موضوع جميل جدا

 

اهنيك اخي عاشق الصداقة علي هذا الموضوع

بصراحة لابد من ان نحييك

 

 

 

 

جزاكِ الله كل الخير يا أختى الفاضله

وبارك الله فيكِ للتحيه - لكن فين الدعاء !! (أتمنى تكونى دعيتى بظهر الغيب - لأن الدعاء اهم من أى تحيه)

 

ربنا يرفع قدرك ويجعلك من عباده الصالحين ويحفظك ويصونك ويكرمكِ بكل خير تتمنيه

 

ويارب يكون الموضوع أفاد حضرتك

 

بسم الله ماشاء الله موضوعاتك كلها في الصميم

حقيقي والله احنا بنستفاد من موضوعات حضرتك الجذابة واللي بنستفاد منها كتير وطبعا بتاخد دعاوي كتير ماشاء الله اللهم لاحسد

ربنا يجعلك ممن يشفع لهم الحبيب المصطفي صلي الله عليه وسلم

 

جزاكى الله كل الخير أختى الفاضله / سما أحمد ،،

ووالله يا أختى أنا زادى فى الدنيا دى دعاؤكم - مليش من الاعمال الصالحه إلا ياللا يا شباب (الله أسأل أن يكون صالحاً وخالصاً لوجهه الكريم) ..

وبارك الله فيكى للدعاء الراااااااااااااااااااااائع - الله أسأل القبول ، وجزاكى الله بالمثل

أتمنى الفائده لكى وللجميع من جميع كتاباتى وكتابات عمالقة ياللا يا شباب منكم ..

تحيتى وتقديرى

[الرّام 173]

ربي يجزيك بالخير .. ان شاء الله ..

[عاشق الصداقه 525]

ربي يجزيك بالخير .. ان شاء الله ..

 

 

وخيراً جزاكم أختى المميزة الرام

بارك الله فيكِ وحفظك ،، وحضرتك ما شاء الله مطبقه بشكل كبير بعض النقاط الهامه من الموضوع

جزاكم الله خيراً ونفع بكم وجعل كل حرف تكتبينه فى ميزان حسناتك وأسعدك بذلك يوم تلقيه وهو راضٍ عنك .. اللهم آمين

[نـــــــــــور 199]

بارك الله فى حضرتك اخى عاشق الصداقة

بجد موضوع فى منتهدى الروعة والاستفادة

ربنا يجعلوا بموازين حسناات حضرتك اخى

تم تعديل September 10, 2011 بواسطه نـــــــــــور

[لامار 94]

السلام عليكم

كيف حالكم

أسفة من بعد التعديلات اول مرة بدخل المنتدى لاني كنت مسافرة من بعد امتحاني و لم يتسنى لي ان ابارك لكم و اهنئكم و اشكر جنود الخفاء الذي يرقون و يسمون بالمنتدى نحو الاعالي و الافاق

و للامانة اندهشت فالتعديلات في قمة الروعة و الذوق

فبارك الله فيكم و جزاكم كل خير

و بالنسبة لموضوعك اخي عاشق الصداقة فانه روعة و جاري التطبيق الان باذن الله

في ميزان حسناتكم

و لكن للاسف اول ما رحت اطبق الموضوع "بازت الدنيا " على قول اهل مصر يعني حبايبنا

فارجو من حضرتك اجابتي على مشكلتي التي طرحتها عليك في رسالة خاصة في اسرع وقت ممكن..........

شكرا

تم تعديل September 11, 2011 بواسطه لامار

[عاشق الصداقه 525]

بارك الله فى حضرتك اخى عاشق الصداقة

بجد موضوع فى منتهدى الروعة والاستفادة

ربنا يجعلوا بموازين حسناات حضرتك اخى

 

جزاكِ الله كل الخير أختى الفاضله نور

حضررتك من أكثر المشاركين بالمنتدى .. لو طبقتى حقاً هذه الأمور تطبيق جيد .. هتكونى بإذن الله رقم 1 على الإنترنت

أنا منتظر تغيير كبير فى المشاركات فى المنتدى بإذن الله ومتفائل خير بيكم جداً .. جزاكم الله كل الخير

 

السلام عليكم

كيف حالكم

أسفة من بعد التعديلات اول مرة بدخل المنتدى لاني كنت مسافرة من بعد امتحاني و لم يتسنى لي ان ابارك لكم و اهنئكم و اشكر جنود الخفاء الذي يرقون و يسمون بالمنتدى نحو الاعالي و الافاق

و للامانة اندهشت فالتعديلات في قمة الروعة و الذوق

فبارك الله فيكم و جزاكم كل خير

و بالنسبة لموضوعك اخي عاشق الصداقة فانه روعة و جاري التطبيق الان باذن الله

في ميزان حسناتكم

و لكن للاسف اول ما رحت اطبق الموضوع "بازت الدنيا " على قول اهل مصر يعني حبايبنا

فارجو من حضرتك اجابتي على مشكلتي التي طرحتها عليك في رسالة خاصة في اسرع وقت ممكن..........

شكرا

 

بارك الله فيكِ وجزاكِ الله كل الخير أختى الفاضلة لامار - روح القضية بالمنتدى ،، وإسمحيلى أطلق على حضرتك لقب (روح القضية) لأنى حقاً كل ما بقرأ إسم حضرتك فى المنتدى بتحيا أكثر وأكثر القضية الفلسطيمية فى نفسى والتى لم تنام يوماً واحداً بإذن الله ،، والله أسأل أن يكون النصر الذى نخطط له عما قريب ، والله المستعان

 

وبارك الله فيكِ أختى ورفع قدرك على الرد المميز والبشرى الخاصه بالبدء فى تطبيق النصائح الان بإذن الله ،، واسأل الله لكِ التوفيق

وبخصوص المشكلة اللى حضرتك ذكرتيها فأنا رديت على حضرتك فى الرساله الخاصه ووضحت إن المنتدى لا يزال قيد التطوير والعملية التطويرية أخدت وقت ومجهود ولسه هتاخد كمان ،، والله المستعان .. وبعمل جاهداً ويعلم الله علشان كل مشكلة فى المنتدى بتواجهكم بعد التطويرات تختفى تماماً والله المستعان

 

جزاكم الله خيراً للمرور والتعليق ،، وتمنياتى بالتوفيق

[نـــــــــــور 199]

 

 

 

جزاكِ الله كل الخير أختى الفاضله نور

حضررتك من أكثر المشاركين بالمنتدى .. لو طبقتى حقاً هذه الأمور تطبيق جيد .. هتكونى بإذن الله رقم 1 على الإنترنت

أنا منتظر تغيير كبير فى المشاركات فى المنتدى بإذن الله ومتفائل خير بيكم جداً .. جزاكم الله كل الخير

 

 

 

ان شاء الله

وانا ان شاء الله هحاول استفيد من كلمة فى الموضوع الرائع

ربنا يجلها بموازين حسناتك اخى عاشق الصداقة

[لامار 94]

 

 

بارك الله فيكِ وجزاكِ الله كل الخير أختى الفاضلة لامار - روح القضية بالمنتدى ،، وإسمحيلى أطلق على حضرتك لقب (روح القضية) لأنى حقاً كل ما بقرأ إسم حضرتك فى المنتدى بتحيا أكثر وأكثر القضية الفلسطيمية فى نفسى والتى لم تنام يوماً واحداً بإذن الله ،، والله أسأل أن يكون النصر الذى نخطط له عما قريب ، والله المستعان

 

وبارك الله فيكِ أختى ورفع قدرك على الرد المميز والبشرى الخاصه بالبدء فى تطبيق النصائح الان بإذن الله ،، واسأل الله لكِ التوفيق

وبخصوص المشكلة اللى حضرتك ذكرتيها فأنا رديت على حضرتك فى الرساله الخاصه ووضحت إن المنتدى لا يزال قيد التطوير والعملية التطويرية أخدت وقت ومجهود ولسه هتاخد كمان ،، والله المستعان .. وبعمل جاهداً ويعلم الله علشان كل مشكلة فى المنتدى بتواجهكم بعد التطويرات تختفى تماماً والله المستعان

 

جزاكم الله خيراً للمرور والتعليق ،، وتمنياتى بالتوفيق

 

 

بارك الله فيك اخي الفاضل عاشق الصداقة و اثابك خيرا

كم اثمن غاليا كلماتك و تشجيعك و أسال الله العلي العظيم ان نكون عند حسن ظنكم

و اسال الله ان يجمعنا بمستقر رحمته في مقعد صدق عن مليك مقتدر و ان ندخل رواد يلا يا شباب الجنة معا

تم تعديل September 17, 2011 بواسطه لامار

[حورية الجنة 114]

الحمد لله ان الفكرة دى طقت فى دملغ حضرتك اهو نستفيد شوية خبرات ونتعلم من حضرتك ومن الاسلوب دائم التميز وياريت نكما باقى الافكار وانا اعتقد ان الاسلوب الجذاب بيكونن بعد كثرة الممارسة والخبر ة وكمان لازم شوية موهبة :angry: :angry:

 

وعلشان نكون عملين اكتر اكيد حضرتك قريت الوموضوع " من اجلك يا غالى " ممكن لو هاتعب حضرتك ترجعله مرة تانى وتعرض راى حضرتك فى اسلوب الكتابة بتاعى يعنى مبتدئة واهم الملاحظات عليه لو حضرتك تسمح يعنى .

 

 

وأكيد مش هانسى الدعـــــــــــــاء علشان استفيد

 

 

 

 

تم تعديل September 19, 2011 بواسطه حورية الجنة

[عاشق الصداقه 525]

جزاكم الله جميعاً كل الخير

وبارك الله فيكِ أختى حورية الجنة ،، وبالطبع موضوعك كان رائعاً من كل جوانبه ،، وإن كان به خطأ أو لى ملحوظات عليه ففيه ملحوظه وخطأ

أما الخطأ // أن نسبتى الكد والتعب والجهد و .... فى الخمس سنوات المنقضية من عمر المنتدى لعاشق الصداقة وما كان له ذلك ،، فالكثيرين إجتهدوا وتعبوا كثيراً ،، وأنا آخر من يريد ذكر إسمه فى أى فضل ينسب لياللا يا شباب ،، وهذا حق

 

أما الملحوظه - فهو أمر أرى أن الكثيرين بالمنتدى يفعلونه بشكل خاطىء فى مشاركاتهم ،، وهذا الأمر يختص بالأسطر !!

فمثلاً ..

أسأل الله أن يجعل لكل من كتب حرفا فى هذا المنتدى أن يكون حجة له

 

 

يوم القيامة وطريقا له إلى الفدوس الأعلى

 

لماذا هناك سطر (Enter) للنزول لسطر جديد بين جملتى (حجو له) ،، (يوم القيامة)

كذلك :

من سمة المجتمعات المتحضرة سائلين المولى عز وجل أن

يسود ذلك فى منتدانا

 

هذه عندى تعرض على ثلاث أسطر - لأن كلمة (أن) زائده عن سطرها فأخذت سطراً وحدها ومن بعدها بدأت جملة (يسود) ..

ما أقصده ألا يتخذ من يكتب الموضوع او المشاركه مسافات وأسطر حسب عرض الشاشه لديه إعتقاداً منه بأن المضوع سيظهر لجميع الأعضاء كما يظهر له !!

فلا تأخذين سطراً جديداً إلا عند إنتهاء جملة مفيدة

 

أطلت فى هذا الأمر رغم كونه غير مرتبط إرتباط كبير بالموضوع هنا وبالنصيحه المطلوبة ،، ولكنه حقاً أمراً ألاحظه كثيراً فى كثير من مشاركات الأعضاء هنا ووجدت هذه الفرصه لأتحدث عنه

أما عن الأسلوب .. فما شاء الله .. أسرتكم كلها يتضح عليها جمال الأسلوب وتميزه

 

مروراً بموضوعك وموضوعات وتعليقات أختى بسمة الأقصى وأخى الحبيب توك توك حتى تعليقاته بها سمت وأسلوب رائع محبب للقلب ،، كمثل أن ذكر فى الموضوع نفسه (لتحميل الأنشوده إخدش برفق على الرابط) .. فقد أضحكتنى هذه الجملة كثيراً ،،

 

الأسلوب نحن نتعلمه منكم أختى الفاضلة ،، وإنما نصائحى تختص بشكل أكبر مسألة التنسيق وإستخدام الألوان الهادئة والتقليل من إستخدام مثل اللون الأحمر !! إلا فى إبراز جمل قليلة بعينها

أيضاً حجم الخط ينصح بتركه بالحجم الإفتراضى ،، ونوع الخط كذلك

أيضاً الموضوع هنا يختص بأن يجمع كل منا بين كل هذه النقاط ،، فمن الأعضاء من هو مميز الأسلوب ومنهم من هو مميز التنسيق ومنهم من هو مميز الموضوعات نفسها و .... ،، وإن تم تطبيق جميع هذه النقاط التى حصرناها سيكون الأمر أروع بكثير للجميع ان شاء الله

 

آسف للإطاله ،، وكما ذكرت فى الموضوع وأكرر :

 

أنا هقول نقاط صغيره بإختصار - ولو حد حب يستزيد انا تحت امركم - حددوا نقطه معينه ونتكلم فيها بشكل أوسع فى الردود

 

وفى خدمتكم فى كل وقت وفى أى شىء إن شاء الله تعالى

[نور القران 1]

السلام عليكم ورحمة الله وبركاته

بارك الله فيك اخى (عاشق الصداقه )

موضوع جميل ومهم جدا

وانت الى جبته لنفسك بقى هسال شويه اساله وكل ما يجى فى بالى سال على طول على هنا

انا بصراحه مش عارفه هو انا مكتبتش موضيع غير بسيط جداجدا جدا وللاسف كان منقول

يعنى بيعجبنى موضوع وبحب انشره ومش عارفه هفضل كدا لغاية امتى (يا جماعه لو فضلت كدا على طول متزعلوش منى تمام)

كمان انا ببحب اوى التوقيع الفلاش وبكون نفسى اعمله ازاى واجيب الاناشيد الدينيه والصور منين علشان احطها

مؤقتا كفايه كدا

وان شاء الله لنا فى الحديث بقيه

:samaka:

اللهم ارضى عنا وارضنا واهدنا

اللهم ارزقنا جيمعا حفظ كتاب الله وتفسيره وتجويده والعمل به

اللهم ارزقنا السعاده فى الدارين

اللهم ارزقنا جميعا حسن الخاتمه

اللهم امين يارب العالمين وجميع اخوتنا واحبتنا فى الله وكل المسلمينوالمسلمات كافه اللهم امين

[Asya 11]

موضوع رائع جدااااااااااااااا

يسلموووو

بارك الله فيك

وجعله فى ميزان حسانتك

تقبل مرورى

[عاشق الصداقه 525]

السلام عليكم ورحمة الله وبركاته

بارك الله فيك اخى (عاشق الصداقه )

موضوع جميل ومهم جدا

وانت الى جبته لنفسك بقى هسال شويه اساله وكل ما يجى فى بالى سال على طول على هنا

انا بصراحه مش عارفه هو انا مكتبتش موضيع غير بسيط جداجدا جدا وللاسف كان منقول

يعنى بيعجبنى موضوع وبحب انشره ومش عارفه هفضل كدا لغاية امتى (يا جماعه لو فضلت كدا على طول متزعلوش منى تمام)

كمان انا ببحب اوى التوقيع الفلاش وبكون نفسى اعمله ازاى واجيب الاناشيد الدينيه والصور منين علشان احطها

مؤقتا كفايه كدا

وان شاء الله لنا فى الحديث بقيه

:samaka:

اللهم ارضى عنا وارضنا واهدنا

اللهم ارزقنا جيمعا حفظ كتاب الله وتفسيره وتجويده والعمل به

اللهم ارزقنا السعاده فى الدارين

اللهم ارزقنا جميعا حسن الخاتمه

اللهم امين يارب العالمين وجميع اخوتنا واحبتنا فى الله وكل المسلمينوالمسلمات كافه اللهم امين

 

جزاكِ الله كل الخير أختى الفاضلة ..

أنا فى خدمتكم دائماً بإذن الله ،، وبخصوص إستفسارك عن توقيعات الفلاش فلا أعلم إن كان هناك مواقع تقوم بتقديم هذه الخدمة بشكل مبسط ..

لأننى أقوم بصنع ما أريد من ملفات فلاش أو غيرها بنفسى بإستخدام برنامج الفلاش ،، ولكنه يتطلب تعليم للبرنامج يستغلاق منك وقتاً ،، وهناك قسم خاص لتعليمه فى المنتدى هنا وعدة دورات لذلك

لكن لا أظن أن كل من يقوم بوضع توقيع فلاشى يستخدم فيه برنامج الفلاش !! - ربما هناك برنامج مبسط أكثر بساطةً من الفلاش والسويتش الذى يقدم نفس الخدمة ،، وربما هناك موقع يقدم الخدمه ولكنى لا أعلمه للأسف

وكنت أقصد فى موضوعى هنا مساعدتكم على أن تخرج موضوعاتكم بالشكل الرائع والمميز وطرق جعل الموضوعات لها سمت خاص مميز يجعل الجميع يحرص على زيارتها وتصفحها ..

وفى خدمتكم فى كل وقت بإذن الله

 

موضوع رائع جدااااااااااااااا

يسلموووو

بارك الله فيك

وجعله فى ميزان حسانتك

تقبل مرورى

 

جزاكم الله خيراً أختى للمرور والدعاء

شرفنى مرورك الكريم والله أسأل أن ينفعكم بالموضوع وتكون المشاركات جميعها أفضل

خالص تحيتى وتقديرى

[mo7amed_66066 1]

 

فيه واحد رابع معروف بإنه بيقول كلام تقيل وحكم .. يظبطلك دماغك كده وإنت بتقراله

 

 

 

 

جزاك الله خيرا ونفع بك وجعلك من الصالحيين والموضوع من النوع ده

[عاشق الصداقه 525]

 

فيه واحد رابع معروف بإنه بيقول كلام تقيل وحكم .. يظبطلك دماغك كده وإنت بتقراله

 

 

جزاك الله خيرا ونفع بك وجعلك من الصالحيين والموضوع من النوع ده

 

بارك الله فيك ،، نورت المنتدى وشرفنى مرورك وجزاك الله خيراً لدعاؤك الجميل

نتمنى ان نرى مشاركتك معنا دائماً

 

خالص التحيه والتقدير

[احلام بلدى 2]

اشكرك جدا كل كلمه وكل معلومه تستاهل عليه كلمه شكر وفقك الله ورعاك