رباعيات جاهين .. اقرا و حس بيها

[angel_of_mercy 0]

انا من عشاق صلاح جاهين و لحبي اللي مالوش حدود له

حبيت تشاركوني باحساسكم بكل رباعية

انا اقترح عليكم اني هاجيبلكم رباعية كل مرة

و انتم تقولوي حسيتم بايه بعد ما قراتها؟ او فكرتكم بايه؟

او رجعتكم لذكريات ايه؟

 

و رباعية النهاردة:

 

أنا شاب لكن عمري ألف عام

 

وحيد لكن بين ضلوعي زحام

 

خايف و لكن خوفي مني أنا

 

أخرس و لكن قلبي مليان كلام

 

عجبي !!!!

 

مستنية الردود؟

[عميد كلية الحب 1]

بصراحة ها الكلام صعب انو يوصف و الاصعب انو يمتدح و لكن

كل ما أستطيع قوله هو ان هذه الكلمات هي التي كنت ابحث عنها

في جميع خواطري التي كتبتها و التي كنت افشل في ان الخصها جميها كما

اجتمعت هنا في هذا الكلام الملائكي و لا سيما انه صادر عن ملاك

تم تعديل December 20, 2006 بواسطه ميت على قيد الحياة

[angel_of_mercy 0]

رباعية النهاردة حلوة جدا

اثرت فيا كتير و اظن انها هتاثر في اللي يقراها كتير

 

 

انا كل يوم أسمع ........ فلان عذبوه

 

أسرح في بغداد و الجزاير واتوه

 

ما أعجبش م اللي يطيق بجسمه العذاب

 

و اعجب من اللي يطيق يعذب أخوه

 

عجبي !!!

[صناع الحياه 14]

من احدي خواطري الفلسفيه حاجه مشابهه للرباعيه الرائعه دي

بقول في الخاطره دي

ان الانسان علي الرغم من انه بيمتلك كتير جدا من اللغات وداخل كل لغه كتير جدا من اللهجات

ومع ذلك بيعجز سعات كتيره عن التعبير عن اللي جواه

مش بيقدر يفجر بركان الكلام اللي جواه فبيلجا مسكين لدمعه او لاي شئتاني غير الكلام

في حين لو بصينا للقطه مثلا

مبتمتلكش غير حرفين بس

ايوه حرفين

" نو" " نو"

ومع ذلك بتقدر تتعايش بيهم مع غيرها من القطط الي حوليها

حرفين بتوصل بيهم كل اللي عندها

واحنا الغلابه مش عارفين نعمل زيها بلغات كامله

 

وشكرا

[نجمة الكتب 5]

اولا عايزة اقولك اني مبسوطة جدا اني لقيت حد بيحب

اشعار صلاح جاهين زيي واختيارك للرباعيات كمان دليل

على ذوق عالي

angel_of_mercy مشاركة بتاريخ

Dec 24 2006, 12:21 PM

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

ثانيا الرباعية دي بتأثر فيا جدا لما بقراها

وبتفكرني كمان برباعيتين تانيين :

 

مع إن كل الخلق من اصل طين

وكلهم بينـزلوا مغمضين

بعد الدقايـق والسنـين

تلاقي ناس اشرار وناس طيبين

عجبي

 

يا قرص شمس ما لهش قبة سما

يا ورد من غير ارض شب ونما

يا اي معنى جميل سمعنا عليـه

الخلق ليه عايشين حياة مؤلمة

عجبي!!

[:: نبـ القلم ــض :: 8]

انا عايزة اقول انى بحب الراجل ده جدا وبحب شعره بحس انه بسيط ومش معقد وبيحب قاعدة المساطب

واول ما قرات شعر قرات ليه فعلا جمييييييييييييييل واللى يلاحظ اى شعر بكتبه يحس انى متاثرة بيه جدا

وبحب كتييييييييييير

ياللى عرفت الحب يوم وانطوى

حسك تقول مشتاق لنبع الهوى

حسك تقول مشتاق لنبع الغرام

دا الحب مين داق منه قطرة ارتوى

ولالالالالالالالالالالالالالالا

لية يا حبيبتى ما بينا دايما سفر

دا البعد ذنب كبييييير لا يغتفر

ليه يا حبيبتى ما بينا دايما بحور

كل ما اعدى بحر الاقى غيره اتحفر

بجد فظييييييييييييع كان نفسى اقبل الراجل ده واجها لوجه لكن مفيش نصيب

[angel_of_mercy 0]

أنا قلت كلمة و كان لها معنييـــــــــن

 

كما بطن واحده و توأمين زي وشين

 

لو دنيا شر.. التوأم الخير يمـــــــوت

 

لو دنيا خير .. الشر ح يعيش مــنين

 

عجبي !!

 

 

هة ايه رايكم بدي.........................................................؟؟؟؟؟

[رجل من الصحراء 36]

احبه كثيرا

بوركت