ali desoky قام بنشر October 5, 2010 قام بنشر October 5, 2010 (تعديل) يا مجنونة يا قوووووطة احم احم طبعا الموضوع باين من عنوانه عموما زيادة في التوضيح انا هقول كلمتين كدا عالماشي مالآخر كدا بقى احنا شعب مايجيش غير بالسك على دماغه ليه بقى؟ لأن الطماطم طول ماهي كانت الكيلو بجنيه -أيام الرخص- كنت تلاقي استهتار جامد اوي في التعامل معاها مثلا كنت تمشس في السوق تلاقي طماطم مفعصة مرمية عالأرض وكله عمال بيدوس عليها بلاش دي مثلا نقووووول في مسلسل ونيس كان دايما يعمل لولاده ساندوتشات جبنة بالقوطة عشان يعني مفيدة وعلى قد الايد وقال ايه العيال كانت بتتأمر -عجايب- نيجي بقى نشوف عندنا فالبيت مثلا ساعات كانت ماما كل يوم تعملنا طبق سلطة اللي هو تقريبا عبارة عن طماطم طب ليه يا جماعة الاسراف دا ما كنتو تشيلوها لوقت عوزة لو جينا نتخيل بقى الحال بعد سنتين مثلا : -شيف في برنامج طبخ بيقول نقطع الطماطم طرانشات ونحطها عالطبق كنوع من تجميل شكله......ومعانا اتصال تليفوني ... ألو أيوة يا اخويا معلشي ماتأخذنيش يعني ما ينفعش بدل الطماطم نستعمل تفاح أو حتي كاكا أصل الطماطم بقت -وانت سيد العارفين يعني- الكيلو بقى ب30جنيه - - الأطفال ماعادوش هيتخيلو أصلا ولا يجي فبالهم ان الدم اللي بيجي في الأفلام دا ممكن يكون صلصة -الشعب أكيد تعبيراته هتتغير يعني مثلا بدل ما يقولك في المشمش هيقولك في الطماطم ولو حد قالك سعر حاجة غالي قوي بدل ماهتقوله "ليه هي لحمة" هتقوله"ليه هي طماطم" بعد اربعين خمسين سنة كدا : المدرس في حصة التاريخ: وكان أجدادنا القدماء يتنولون ثمرة غريبة الشكل مستديرة حمراء اللون كانو يقطعونها على السلطة ويتناولونها مع الجبنة البيضاء وقد وجد العلماء صور لها على ورق البردي -ااااا قصدي الجرايد- ولكن حتى الآن العلماء غير متأكدون من ما إذا كانت هذه الثمرة حقيقية ام انها مجرد خرافه تم تعديل October 5, 2010 بواسطه ali desoky
مشرفي الأقسام رجل من الصحراء قام بنشر October 7, 2010 مشرفي الأقسام قام بنشر October 7, 2010 هههههههههههههه خطير جدا ياعلى والله تسلم ياريس الايام دي الواحد اللي بيكون مريض وعايز تزوره تاخدله كيلو طماطم معاك او فرح وعايز توجب برده تنقطه بكم واحدة طماطم تحيتي لقلمك الساخر
ali desoky قام بنشر October 8, 2010 الكاتب قام بنشر October 8, 2010 هههههههههههههه خطير جدا ياعلى والله تسلم ياريس الايام دي الواحد اللي بيكون مريض وعايز تزوره تاخدله كيلو طماطم معاك او فرح وعايز توجب برده تنقطه بكم واحدة طماطم تحيتي لقلمك الساخر ايه الكرم ده كله يا ابو بتول كيلو طماطم مرة واحده نص كيلو كفايه يا راجل سعيد جدا لمرورك وردك يا حبيبي بارك الله فيك وجزاك كل خير ان شاء الله
.thumb.jpeg.ee94c38bec01c27eaba8369689bb14ec.jpeg)
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥