أشهر جمل الأباء والأمهات فى مصر

[bads ahmed amer 0]

أشهر جمل الاباء والامهات في مصر

 

 

 

 

 

 

 

 

انت فاكرنا لاقين الفلوس دي في الشارع.

 

 

 

* ما تتكلمش بصوت عالي في الحمام.

 

 

 

* والله ما انت فالح .. وادي دقني أهه.

 

 

 

* ما تنمش غير لما تغسل سنانك.

 

 

 

* ما تلزقش في التلفزيون كده .. نظرك هيضيع.

 

 

 

* سلم على عمك كويس يا ولد .

 

 

 

* يا ابني محدش هينفعك .

 

 

 

* ما تطلعش ايدك من الشباك .

 

 

 

* قصة الغريق الكاذب اللي كل مره يقول الحقوني ... لحد ما غرق بجد .

 

 

 

* ربنا يرزقك بعيل يوريك اللي ورتهوني .

 

 

 

* ما تطلعش على الملايه النظيفه و رجليك متوسخه كده .

 

 

 

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

 

 

 

* طلع ايدك من جيبك و انت بتكلمني .

 

 

 

* ايه الامبالاه و الاستهتار اللي انت عايش فيهم دول .

 

 

 

* قوم اقرا لك كلمتين ينفعوك .

 

 

 

* وطي المدعوق ده شويه .

 

 

 

*انت فاكرنا نايمين على ودانا ؟

 

 

 

* يا ابني انت مسطول ولا ايه ؟

 

 

 

* ما تلبسش القميص على اللحم زي العيال الصايعه .

 

 

 

* بلاش أكل بره .

 

 

 

* كلمنا لما توصل .

 

 

 

* عيب ... لازم تحترم اللي أكبر منك .

 

 

 

* يعني المكان اللي كنت فيه مفيهوش تليفونات.

 

 

 

* لو شفت خناقه مالكش دعوة بيها .

 

 

 

* لازم تأكل سلطه .

 

 

 

* اوعى تكدب عليا كده تاني مره .

 

 

 

* اوعى حد غريب يديلك حاجه تاكلها و تشربها و تاخدها منه.

 

 

 

* لو حد قالك تعالى اوديك لماما متروحش معاه.

 

 

 

* لو حد غريب قرب منك صوت علطول.

 

 

 

* يا ابني كلم خالتك العيانه اسأل عليها .

 

 

 

* بلاش لعب في الشارع .

 

 

 

* ما تعليش صوتك .

 

 

 

* وانت فاكر احنا مستنيين منك حاجه .

 

 

 

* المسلسل مش هينفعك ...قوم .

 

 

 

* ما تقعدش قدام المروحه وانت مستحمي .

 

 

 

* كفايه رغي في التليفونات .

 

 

 

* بلاش وقفة الشبابيك و البلكونات .

 

 

 

* اوعى تقول لحد هات لي حاجة .

 

 

 

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

 

 

 

* اطفي التلفزيون وقوم ذاكر . أو اطفي التلفزيون و خش اوضتك .

 

 

 

* ربنا يهديك ربنا يهديك ... وأحيانا .. انك لا تهدي من أحببت .

 

 

 

* صليت العصر ؟!

 

 

 

* ما تمشيش حافي في السقعة دي

 

 

 

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

 

 

 

* افرد ظهرك .

 

 

 

* ما تتأخرش بعد المدرسه و تقعد تصيع مع أصحابك .

 

 

 

* بص كويس و انت بتعدي الشارع .

 

 

 

* ومالها الكتب بتاعة الوزاره ؟!

 

 

 

* اللي بيشيل قربه مخرومة بتخر عليه لوحده ..

 

 

 

* لو مش فاهم حاجه ارفع ايدك و قول للأستاذ مش فاهم .. متتكسفش .

 

 

 

* تقعد في أول صف قدام السبوره .

 

 

 

* ما تردش عليا .

 

 

 

* مش عايز اسمع صوت .

 

 

 

* مالكش دعوة بالسياسة .. وماتمشيش في مظاهرات .

 

 

 

* هأقطم رقبتك / هأقطع ايدك / هأقطع لك لسانك / هأدبحك دبح .

 

 

 

 

هذه الكلمات الغرض منها الدعابة فقط لا اكثر ولا اقل، فكل حبي واحترامي الكاملين لوالدي ووالدتي وكل الاباء والامهات اللذين عانوا الكثير من اجلنا دون حتى ان نشعر

 

 

 

 

 

 

 

 

 

 

 

 

بدس أحمد عامر

[Shetos 2]

هذه الكلمات الغرض منها الدعابة فقط لا اكثر ولا اقل، فكل حبي واحترامي الكاملين لوالدي ووالدتي وكل الاباء والامهات اللذين عانوا الكثير من اجلنا دون حتى ان نشعر

 

 

 

مش باين..

 

ده أنتى شايلة منهم أوى..

 

ربنا يهديهم عليكى..

 

موضوع خطير يا بدس بس متهيقلى مكرر

 

:cry:

[ابوعمار 0]

السلام عليكــم ورحمـة الله وبركاتــة ،،

بجد يلهوى ايه ده

اسف اللفظ طلع كده

بجد موضوع هايل واتحدى اى واحد انه متقلتش ليه بعض هذه الجمل

بجد هايل

[bassant 2]

اه جيتى على الجرح

الكلام ده يامه اتقال وياما سمعناه

شكرا لكى بدس

[bads ahmed amer 0]

مش باين..

 

ده أنتى شايلة منهم أوى..

 

ربنا يهديهم عليكى..

 

 

 

 

ماشى ياصميم

 

 

 

ومقبولة منك تلاتة قوى

 

 

 

وبشكرالصميم وأبو عمار وبسنت على المرور الجميل

 

 

 

 

 

 

 

 

 

 

 

 

 

بدوسة