دعوة عامة الى حجب المواقع الاباحية بمصر

[dr_mido 53]

 

 

حملة قرأت عنها وأعلنت الانضمام اليها و يد الله مع الجماعة

 

 

 

 

السلام عليكم ورحمة الله وبركاته

 

دعوة عامة الى حجب المواقع الاباحية بمصر

 

لماذا لا يتم حجب المواقع الإباحية فى مصر ؟؟

 

 

 

ماهو السر فى عدم حجب المواقع الاباحية فى مصر ؟ مش عارف

 

بتزود الدخل مثلا ؟ لأ

 

بتجيب سياحة ؟ لأ

 

بتجيب دولار ؟ لأ

 

بتجيب ضعف جنسى ؟ اه

 

بتجيب خراب فى البيوت ؟ اه

 

بتجيب وبتشجع على جرائم الاغتصاب ؟ اه

 

الخ الخ الخ الخ .........

 

 

طب ساكتين ليه فى مصر عليها ؟ مش عارف

 

 

سؤال تانى

 

لو مصر حجبت المواقع الاباحية هيبقى خير ولا شر ؟

 

طب لو خير .. لية المواقع لم يتم حجبها الى الان ؟ !!

 

من أهم الأشياء الضرورية التي ترعاها الشريعة الإسلامية

وتعمل على الحفاظ عليها

 

هي

 

الدِّين ، النفس ، العقل ، العفة ، الطهارة

 

النسل ، الجسد ، المال ،،،،، الخ الخ

 

 

والمواقع الاباحية بلا ريب تقضى عليها جميعاً

 

 

الموضوع ده شاغلنى منذ فترة كبيرة ومش عارف ازاى ممكن يتحقق !

 

يعنى مين يساعد !

 

مين يضغط على أصحاب القرار فى الموضوع ده !

 

 

كلنا شفنا مثلاً دعوات الاضراب اللى ملت الانترنت بمعدل كل شهر اضراب ، وفيه منها كان له تأثير ومنها لأ ، وبغض النظر عنها انا اللى يهمنى ان الانترنت ده كائن قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو

 

دعوة عامة الى حجب المواقع الاباحية بمصر

 

 

انا متفائل بنجاح الموضوع ده ؟ ليه

 

لانه مش ضد حد خالص

 

( وكلامى موجة للمسلمين والمسيحيين على حد سواء )

 

لان القرأن والانجيل بيدعوا الى العفة والطهارة وحفظ النفس من الاثم والفواحش

 

ومحدش هيقدر يدافع عن عدم الحجب !

 

( أتمنى .. لان فيه ناس جريئة بشكل غريب ولدرجة الفجور )

 

و لانه سوف يتم اتهامه بتهم اخلاقية ذميمة وهيترمى فى مزبلة التاريخ

وهيخاف يدافع حتى لو من جواه مش موافق لسبب او لاخر ! صح ؟؟

 

 

 

الامارات طبقت الحجب فى أبريل 2008 --- طيب مصر امتى ؟

 

 

 

فلو قلنا الدش صعب ازاى هنمنع القنوات الاباحية ؟

 

طيب الانترنت سهل جداً عن طريق حجب الآى بى

 

وتم تطبيق ذلك فى معظم الدول العربية مثل الامارات والسعودية

 

وحتى الصين لتزيد من انتاجها وعدم اضاعة الوقت وغيرهم

 

يعنى الفكرة مش جديدة بس ليه مش مطبقة فى مصر مش عارف !!

 

 

 

 

عاوزك تتخيل حاجة صغيرة ان شاء الله لما الموضوع ده يتحقق

( قريب ان شاء الله )

 

هتبقى ليك كام حسنة عند المولى عزوجل

 

انك شاركت فى حماية شباب بلادك ! متخيل ؟؟

 

 

باختصار الموضوع جاهز وعاوز زقة صغيرة منك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!!

 

بس مش مهم اهو ما لا يُدرك كله لا يُترك كله ،

ونلحق اللى لسه مشافش ومعرفش ...

 

وناخد احنا الثواب ان شاء الله

 

 

انا دخلت على موقع ترتيب المواقع لكل بلد فلقيت فى معظم الدول العربية كام موقع جنسى

فى صدارة أكثر مائة موقع يدخلها المواطنون العرب ،

فى مصر مثلاً المواقع الاولى جوجل وياهو وميكروسوفت وفيسبوك ومصراوى

والبلوجز ومواقع رفع الملفات وبداية هذه المواقع الاباحية من رقم 25 تخيل بيدخل كام مليون مصرى يومياً ؟؟؟

 

رقم رهيب ويبشر بكارثة أخلاقية كبيرة أنتشرت

فى أوساط شباب المسلمين

 

** لو حد ممكن يُلحق الموضوع ده بالحملة اللى كانت منتشرة على الفضائيات

لعلاج حالات ادمان المخدرات واهو كله ادمان برضوا يبقى كتر خيره

 

** لو حد يعرف نائب فى مجلس الشعب يتبنى تقديم طلب احاطة يبقى كتر الف خيره

 

** لو حد يعرف يوصل لقناة فضائية تعرض الموضوع وتتبناه يبقى كتر الف خيره

 

** لو ممكن اى مصمم يزودنى بمجموعة تواقيع وشعارات وخلفيات تخدم الموضوع

يبقى كتر الف خيره

 

** وان شاء الله انت انوى خير بس وربنا هيشرح صدرك لفكرة تحقق الهدف

ان شاء الله تعالى

 

 

وانا حاسس انى لو مكتبتش فى المنتدى ده غير هذا الموضوع يكفينى ذلك

لانى حسب علمى لم أسمع عن حملة بهذا الشأن أبداً ولا طلب من أى جهة

وكأن الموضوع ده من المسلمات !!!

 

– هو كده --

 

وبفضل الله لو حد سبقنى اهو برضوا أكرر الطلب وأكمله

ان شاء الله وجزاكم الله خيرا

 

 

 

اللهم رد المسلمين الى دينك ردا جميلا

وأحفظنا بما تحفظ بة عبادك الصالحين

واهدنا الى صراطك المستقيم

انك نعم المولى وخير معين

 

اللهم أمين أمين أمين

 

 

شكرا واعتذر عن الأطالة واتمنى ان نتفاعل سويا لانجاح الحملة

 

 

ملحوظة : مرفق بالموضوع نسخة جاهزة قابلة للنشر بالمنتديات

 

حتى نجذب أكبر قدر ممكن للانضمام للحملة

 

تحياتى

 

 

 

منقــــول

Copy.zip

تم تعديل October 7, 2010 بواسطه dr_mido

[عاشق الصداقه 525]

حمله وهدف يحترم جداً جدا جدا جدا ..

وأنا مع الحمله قلباً وقالباً ،، وعلى إستعداد شخصى ،، وعلى إستعداد كإدارة موقع - إنى أساعد فى الحمله دى بكل ما أستطيع .

 

لكن بخصوص التساؤلات اللى يعتقد مروج الحمله (جزاه الله ألف خير) إن ملهاش إجابه !!

 

ماهو السر فى عدم حجب المواقع الاباحية فى مصر ؟ مش عارف

 

بتزود الدخل مثلا ؟ لأ

 

بتجيب سياحة ؟ لأ

 

بتجيب دولار ؟ لأ

 

بتجيب ضعف جنسى ؟ اه

 

بتجيب خراب فى البيوت ؟ اه

 

بتجيب وبتشجع على جرائم الاغتصاب ؟ اه

 

الخ الخ الخ الخ .........

 

 

طب ساكتين ليه فى مصر عليها ؟ مش عارف

 

 

سؤال تانى

 

لو مصر حجبت المواقع الاباحية هيبقى خير ولا شر ؟

 

طب لو خير .. لية المواقع لم يتم حجبها الى الان ؟ !!

 

أنا والله وبحياديه تامه ،، وبدون أى تهويل أو نظره سلبيه ..

 

شايف إن الموضوع ده مش غريب ولا حاجه ..

 

وإجابة كل ده - لأنك فى مصر !

 

الإجابه ممكن تستخلصها من السطر اللى بعد دول على طول /

من أهم الأشياء الضرورية التي ترعاها الشريعة الإسلامية

وتعمل على الحفاظ عليها

 

إمتى مصر طبقت الشريعه الإسلامية !!

 

سيدى الفاضل صاحب الحمله - مش عاوز أبعد عن الموضوع - بس والله العظيم البلد دى ما هيتصلح حالها الا لو طبقت الشريعه الاسلاميه ،، وحسبنا الله ونعم الوكيل فى كل اللى واقف ضد ان ده يحصل

مصر بلدنا - بنحبها جداااااااااااااااا ،، لكن حكومتنا الموقره - بترفض أى شىء ممكن يقرب الناس من الدين الاسلامى ،، وبترحب بأى شىء يبعدهم عن الدين الاسلامى ،، وإن كان المواقع الجنسيه !

ده على قلبهم زى العسل ،، وأهو حاجه الشباب يتلهوا فيها - ولا يعرفوا دينهم ، ولا يفكروا فى قضايا الدوله ،، ولا يوقفوا لقمة فى زور كل واحد عاوز يسرق ..

مبدأهم - خاللى الشعب يعيش ،، والحكومه تعمل ما بدالها ،، وحسبى الله ونعم الوكيل ..

 

نصيحه لوجه الله فى كلمتين بس (التغيير مش هييجى إلا مننا إحنا - متستنوش هما يغيروا حاجه - وإلا هنفضل طول عمرنا كده والعن من كده)

 

ويااااااااااااااااااااااارب يهدى المسؤولين وأصحاب القرار وينفذوا القرار ده ،، ويمنعوا المواقع الإباحيه ،، وأنا مره تانيه مع الحمله قلباً وقالباً ..

وعقبال حجب كل موقع وكل قناة مخالف للشريعه الإسلاميه