سيادتها - شعر سياسى

[El-Saher Fantasy 21]

سيــــادتها … !!

بقلم / أمانى صلاح الدين

سيادتها على الفقير* تاخده كده فى حديد

سيادتها على الأمير* تبنى له قصر جديد

سيادتها على الغلبان *جابت له يا ناس جنان

سيادتها على المليان* بتملى خزاينه كمان

سيادتها على المعدوم * بتبيعـــــــــه الهدوم

سيادتها على المخدوم * بتزوده خُـــــــدام

سيادتها على الشيوخ * وراهم بالمرصاد

سيادتها على اللطوخ * بتخليهم أســـياد

سيادتها على الجيران * تبنى لهم الجدار

سيادتها على الأعداء * تساعدهم ع الحصار

سيادتها على المظلوم * ضرب وإهانة وشوم

سيادتها على الظُلام * شجب وعتاب ولوم

سيادتها على الإسلام * ياللا كده السلام

سيادتها على كلهم * هس مفيش كلام

سيادتها على المحتاج * مش بيلاقى العلاج

سيادتها ع اللى معاه * لا دمل ولا خراج

سيادتها على الحبيب * قاسية كده ومتعبة

سيادتها على الهليب * دايما عليه مطبطبة

سيادتها دى بحبها * مهما قسى قلبها

ومسيرها فيوم حتعرف * حبيبها من عدوها

سيادتها جوه قلبى * حبيبتى ونور عنيه

ونفسى تكون معايا * معايا مش عليه

سيادتها أمى وأبويا * ونيل منه بتروى

ومهما عملت معايا * عمرى ما اقدر أتلوى

سيادتك أنا بعاتبك * وباشكى منك ليكِ

نفسى تنظفى أرضك * وترجع الجنة فيكِ

أمــــانى صلاح الدين

( أم منة الله )

--------------------------------------

وصلتني على الايميل وعجبتني وحبيت انقلهالكم

يارب تعجبكم

[عاشق الصداقه 525]

سيادتها ملهاش ذنب - والعيب مش عليهــا

سيادتها حاكمها كلـ .. - كره اهلها فيهـــــا

 

===

وياريت سيداتك تهدى ومتطلعنيش عن شعورى

موضوع جميل يا ساهر - تسلم إيدك وإيد كاتبته

[الجندى المجهول 37]

الله على الكلام :bravo: :bravo:

جزاك الله خير ا اخى الكريم

الهم يسر له امره وارزه ما يتمنى

[بسمة الاقصى 78]

جميلة فعلاً جزاكم الله خيراً وتسلم إيدين اللى كتيتها

 

وربنا يهدى سيادتها

[نونا19 28]

الله الله الله الله

 

اية الكلام الحلو الجميل هذا

 

اخي الساهر