لو ان العمر لحظات .. فأي اللحظات ستختار؟

[angel_of_mercy 0]

هل حقا العمر لحظات؟

هل يمكنك ان تختصر حياتك كلها في لحظة؟

و ان استطعت فما هي تلك اللحظة التي يمكنك ان توقف عندها حياتك؟

هل لحظة تشبعك من الحياة؟

لكن الاكيد ان كل منا يمر بلحظات سواء سعادة او مرارة

لكنها لحظات لا تنسي

محفورة بعقولنا و قلوبنا لا تمحوها الايام

 

عشان كدا حبيت اسمع منكم و اسجل معاكم اجمل لحظات العمر لكل منا

تم تعديل September 19, 2007 بواسطه ::عاشق الصداقه::
تم حذف الصوره المرفقه لمخالفتها لقوانين المنتدى

[ريم 0]

أنا بجد مش بلاقي احلي منها لحظه لحد الان فعلا

 

اول مرة اشوف فيها الكعبه واحس اني قريبه بجد من عرش الرحمن والملائكة بجد لازالت احلي لحظه لحد الان ولا تنسي يارب يوعدكم ويوعدنا نعود عن قريب دعوتكم

[AMR DAWAM 7]

بالنسبة لى فانا مش بلاقى لحد دلوقتى احلى من اللحظة اللى بشوف فيها نجاحى امامى فى اى شئ فى الدراسة او فى العمل او فى اى شئ آخر اشارك فيه

وبالنسبة لأمة العزيز فعلا اللحظة اللى انتى ذكرتيها مفيش أحلى منها

يارب اوعدنا بزيارة بيتك الحرام وزيارة قبر رسولك الكريم يارب العالمين

[angel_of_mercy 0]

مرسي علي ردودكم امة العزيز و عمرو

ربنا ينولنا لحظة الوقوف عند الكعبة و تواصل النجاحات

اما بالنسبة ليا

فاحسن لحظة في حياتي كلها

لما كنت تعبانة و مخنوقة و لما اتقابلت انا و اصحابي في فسحة المدرسة

و سالوني علي اللي مزعلني و حكتلهم فوجئت بيهم الخمسة بيبكوا لبكايا

وفي نفس اللحظة كانت دموع 6 بنات بتنزل

و لغاية الان كل طلاب مدرستنا ماتنساش اليوم ده

وكل مايقابلونا يفكرونا بالحكاية دي

علي قد ماكنت زعلانة كانت فرحتي ماتسعش الدنيا لاني مش وحيدة و اننا 6توائم روح

[صناع الحياه 14]

اجمل لحظه في عمري هيه اللحظه اللي بلاقي نفسي وصلت لحالة الاتزان بين تلت حجات مهمين في حياتي

اني الاقي نفسي في حالة اشباع " روحي" و " فكري" و " مادي"

دي بسميها نقطة السعاده والحمد لله بحس بيها من فتره للتانيه

الاشباع الروحي: من قرب من ربنا ونشوه عاطفيه مع اللي حولي وتذوق لكل فنون الجمال المادي والادبي

الاشباع الفكري: لما الاقي نفسي بفكر في فكره جديده او بقره كتاب يحرك ذهني ويعملي حالة هيجان عقلي

الاشباع المادي : اني اكون بصحه كويسه ونشاط وحيوه واكل وشرب كويسين " محشي ورز وباشميل "

 

لو بقيت عند اي لحظه بجمع التلت حجات دول بكون سعيد جدا ومش ماشي علي الارض من الفرحه

اما لوفقدت واحده منهم بتكون سعادتي ناقصه وبحس ان فيه شئ مفقود

[نجمة الكتب 5]

angel_of_mercy مشاركة بتاريخ Dec 24 2006, 02:55 PM

هل حقا العمر لحظات؟

هل يمكنك ان تختصر حياتك كلها في لحظة؟

و ان استطعت فما هي تلك اللحظة التي يمكنك ان توقف عندها حياتك؟

هل لحظة تشبعك من الحياة؟

انا مرت عليا لحظات كتيرة حلوة لدرجة تخليني اتمنى لو كنت اقدر اوقف الزمن وافضل

عايشة فيها الى مالانهاية ، لكن مظنش انه ممكن لحظة واحدة منهم تساوي حياتي كلها

ببساطة لأن اي لحظة من دول ملهاش معنى لو خرجت بره اطار حياتي واتجردت من كل

اللحظات اللي قبلها وبعدها ، يعني مثلا لحظة احساس بالنجاح ايه معناها من غير لحظات

التعب والكفاح اللي قبلها؟؟

[:: نبـ القلم ــض :: 8]

لتانى مرة بقولك يا انجل بجد شكررررررررررا انك بتدينا فرصة انننا نتكلم ونخرج كل اللى جوانا مواضيعك بتتيجى على الجرح

ههههههههههه ربنا يكرمك يا بنتى والله

وثانيا احب اضم صوتى لصوتك يا نجمة الكتب واقول ان فعلا فى لاحظات كتييييييييير الواحد بيشعر بيها وبيحس انه سعيد فيها

ولكن عشان انا رغاية هحكى هذه للحظات واعذرونى لو طولت شويه

صراحة اكتر اللحظات السعيده فى حياتى

1-يوم نجاحى يووووووووووم لا يوصف وانت شايف فرحة بابك ومامتك فى عيونهم وعمالين يوزعوا الحاجه الساقعة والشربات على جيرانك وكل حبايبك ....طبعا ما انت مش نجحت نجاح عادى لا جايب مجموع كبييييييييييييير او تقدير كبير ...........والاهم من ده كله صراحة الفلوس اللى بتنزل عليك زى الرز.........ههههههههههه اعذرونى

2-كنت مرة فى الميكروباص وركبت وعادى........ وفجأة لقيت طفل جميييل خالص جاى عليا وادانى بوسه فى خدى صراحة كنت مزهوله كنت فى حاله لا توصف زى ما يكون الطفل حاسس انى عاوزة اخده فى حضنى وعارف انى بحب الاطفال جدا وجه رد عليا من غير ما اقول حتى مامته استغربت جدا وبجد الموقف ده بيكرر معايا كتييييييييير طيب بذمتكم تعملوا ايه لو ان طفل قريبك

مش عايز ينام الا فى حضنك وسايب مامته بجد شعور لا يوصف

3-نيجى بقى فى رمضان والبكاء واكتر اللحظات الصدق الللى بتكون مع ربنا فيها ونفسك متتطلعش من المسجد الا لما تتاكد ان ربنا راضى عنك وغفرلك كل ذنوبك بجد (ياليت كل السنة رمضان)

4-ولا لما تقدم مساعدة لحد بتحبه او تحلله مشكله مستعصية او تفرج عنه كربه من الكرب وهو واقف ومش عارف يشكرك ازاى وفى عنيه كلالالالالالالالالالام كتير واحساس بالسعاده بجد شئ بيعملى انا شخصيا euphoria

5-اخر حجاه احب اذكرها حاجه لسه محصلتش لكنى نفسى تحصل لانى حاسه انها هتسعدنى بشكل رهيييييييييب

انى اكون دكتورة بقى واخفف الام المرضى ما تتصوروووووووووووش حلم عمرى قد ايه السعاده وانت بتخففى عن حد بيقول اااااااااااااه وبيتوجع

ومعلش لو طولت عليكم انا عارفه انى رغايه

تم تعديل December 31, 2006 بواسطه عاشقة القرأن

[EL3aref 5]

اظن صعب الواحد يختصر عمره كله فى لحظه بس ممكن الواحد يستغل لحظات معينه بيتبنى عليها بقيت عمره وفى واحد عنده بصيره بيشوف اللحظه ديه ويبقى عارف ان دي هى اللحظه اللى فيها الفرصه اللى مش هتيجى تانى وبيمسك فيها بايده واسنانه ويطلع معاها ويعيش بعد كده بقيت لحظات حياته مرتاح وسعيد .

 

وفى واحد تعدى من قدام عينه نفس الفرصه وميشوفهاش حتى ولا يحس بيها ولو عدت مليون لحظه وفرصه وده بيعيش طول حياته نايم مستنى الفرصه وعمرها مبتيجى تانى .

 

اما انا فببقى فى منتهى السعاده لما أعمل حاجه بايدى واشوفها وهى بتكبر واشوف فرحه الناس اللى حوليا باللى انا عملته وبالنجاح اللى انا نجحته وخصوصا وابويا وامى واصحابى .

 

شكرا على الموضوع الجميل لان فى اوقات الواحد بيبقى عايز يتكلم ويفضفض ومبيلقيش مكان احسن من ده

[الرومانسية 0]

اللحظة التي لا انسها في حياتي هي عندما كنت حزينة لموضوع ما

 

كنت عندها في الجامعة وجاء احد زملائي عزيز عليه وظل يسئلني عن ما يحزنني

 

وعندهااجبته بعصبية لايوجد شي في حياتي يدعو للفرح وعندها سئلته

 

هل يوجد شي في حياتك حلو........ فاجابني بشكلا واثق

 

نعم يوجد ....... فقلت له ماهو ....قال لي :انتم احلى شيء في حياتي

 

عندها اصبت بالدهشة والفرحة في نفس الوقت ....... عندها لم استطيع ان اقول شيء

 

هذه الكلمة حولت حزني الى فرحة

 

هذه اللحظة لانساها في حياتي ابدا

[ABOTASNEEM 117]

اجمل لحظة فى حياتى

 

عندما كنت فى المسجد النبوى الشريف

وانا على مقربة من الحبيب المصطفى صلى الله عليه وسلم

مفيش جنبى .. وكمان سيدنا ابوبكر وسيدنا عمر رضى الله عنهما

والمكان اللى فيه كان الصحابة متجمعين حولين الرسول صلى الله عليه وسلم

بصراحة انا اعشق المدينة واهلها

واتمنى ان اعيش فى المدينة المنورة

 

وكمان بصراحة كمان ببقى مبسوط قوى لما اكون بدى محاضرة فى التنمية البشرية

او اتكلم فى العلم ده بشكل عام

او اساعد احد الناس على ان يتجه بفكره الى الطريق الصحيح

 

وفقنا الله الى خدمة الاسلام والمسلمين فى كل مكان

[سمسمة 0]

وانا فى حضن ماما دى اكتر لحظة بحس فيها بالامان وبحس ان مش خايفه خالص من اى حاجه

[فتى الاحلام 5]

اجمل لحظات حياتى

هيا مش لحظه واحده هيا كتيرررررررررررررررر

لما اتخرجت اكيد وبقيت معيد لانى كنت الاول على الدفعه

 

ثانيا ونا بدى المحاضره لما عينى وقعت على اجمل وارق واشقى بنوته فى الكليه

 

لما خطبتها

ولا اتقفل علينا باب واااااااحد

 

وبازن الله هتكون اجمل لحظه بجد لما اشوف ابننا او بنتنا

والمسه بادياااااااااااااااااا

 

فالعمر لحظات تمضى ولحظات تاتى

فالعمر لحظه لمازا نحزن؟

العمر لحظه ياريت الكل يستغلها صح

ويبقى مبسوط فيها

[ohabo raby 87]

جزيتم خيرا ,,,