لو .... يبقى أكيد ...

[المتحدية 1]

لو حسيت فجأة انك مخنوق من غير سبب ..... اعرف انها ايام الامتحانات ...

لو لقيتي نفسك مش قادرة تخرجي و لا تتفسحي مع انه باديك .... اعرفي انها ايام الامتحانات...

 

 

لو فجأة كدة و من غير مقدمات افتركت كل حاجة تعيسة في حياتك .... اعرف انها ايام الامتحانات ...

لو من غير سبب حسيتي انك نفسك تعيطي و مش عارفة ليه .... اعرفي انها ايام الامتحانات ...

 

 

لو لقيت عقلك بيفكر في حاجات كتير و بسرعة لدرجة انه يجيلك شلل مؤقت .... اعرف انها ايام الامتحانات ...

لو بقيتي بتسرحي كتير في و لا حاجة .... اعرفي انها ايام الامتحانات ....

 

 

لو بصيت في المراية ولقيت وشك بقي تلات ارباعه شعر و بقيت عامل زي رجل الكهف .... اعرف انك في ايام الامتحانات ...

و لو بصيتي في المراية ولقيتي وشك مقشف و رموشك بتقع و عيونك منفوخة .... اعرفي انك في ايام الامتحانات ...

 

 

لو على غفلة لقيت صوابعك بتوجعك و بتنزل دم .... اعرف انك اكلتها من التوتر و انك في ايام الامتحانات ...

لو فجاة حسيتي برغبة شديدة في انك تاكلي من غير داع حتى لو مش عايزة تتخني او عايزة تحلقي شعرك .... اعرفي انك في ايام الامتحانات...

 

 

لما تلاقي نفسك واقف مع ناس رخمة و انت مش طايقهم و مش عايز تقف مع الناس اللي انت بتحبها .... يبقى انت اكيد في ايام الامتحانات...

لما يجيلك احساس بالاحباط و تبقي حاسة انك عايزة تسيبي الكلية ومستقبلك و طموحاتك كلها و ترضي انك تعقدي عشان تستني عريس الغفلة في عربيته الجاغوار البيضاء.... يبقى انتِ في ايام الامتاحانات...

 

 

 

 

 

 

لو لقيتوا نفسكم في قاعة الامتحان و مزنوقين في سؤال و ما حدش راضي يغششكم " قصدي يساعدكم " و في عشرين مراقب .... اعرفوا فورا ً انكم في الامتحانات النهائية ...

 

 

[شمووخ 0]

هههههههههههههههههههههههههههههههههه

 

جميييييييييييييييييييييييييييييل جدا يا متحديه فكرتينى بالذى مضى ايام الكليه بقى ونظام

فعلا كانت روحنا بتطلع معاها بس والله كانت لذيذه يارتها ترجع من تانى بس من غير امتحانات !!

 

هههههههههههههههههههههههههههههههههههه مش هقولك كنت بقوم من النوم ادخل فى الهدوم

وجرى على الامتحان ومرة كنت هنزل بالشبشب ومش واخده بالى لولا ماما هى اللى نبهتنى

 

 

ربنا يوفقك يارب ويوفق كل الطلبه والطالبات اللى بيتحنوا وتنجحوا يتقديرات عاليه يارب

[المتحدية 1]

انا متشكرة جدا جدا على مرورك يا شموخ.....

 

بس واضح ان حضرتك نعسانة شوية..

ربنا يوفقك يارب ويوفق كل الطلبه والطالبات اللى بيتحنوا وتنجحوا يتقديرات عاليه يارب

بنتحنى فين بالضبط

[تقوى القلوب 12]

هههههههههههههههههه

كرهت الامتحانات

 

 

بجد هايل

حرام عليكى امتحانى بكرة

 

ادعيلى بقى

[المتحدية 1]

ربنا يوفقك يا تقوى القلوب ويوفق جميع الطلبة والطالبات يارب...

[bads ahmed amer 0]

و

لو بصيتي في المراية ولقيتي وشك مقشف و رموشك بتقع و عيونك منفوخة .... اعرفي انك في ايام الامتحانات ...

 

 

هههههههههههههههههههههههههههههههههههههههههه

 

 

ههههههههههههههههههههههههههههههههههههههههههه

 

 

حقيقى كل ده بيحصل

 

 

بجد ضحكتنى من قلبى ونسيتنى إنى عندى إمتحان بعد بكره

 

 

بس فى حاجة نسيتيها أحب أضفيها لكى

 

 

لما تدخلى من باب الكلية أو المجمع وتسمعى تعليقات تهلك من الضحك

 

وعمرك فى حياتك ماسمعتيها ولا هتسمعيها إلا فى أيام الإمتحانات

 

إعرفى إنها أيام إمتحانات

 

 

 

 

لما تدخلى الإمتحان وتلاقى الدكتور ساب المنهج كله وجاب سؤال من بره

 

المنهج خالص أو من المشطوب أو الملغى وتبقى هاين عليكى تسيبى اللجنة

 

وتروحى تضربى دكتورالمادة فى مكتبه ورئيس قسم المادة وعميد الكلية

 

وتدورى الضرب فى أعضاء هيئة التدريس كلهم إعرفى إنها أيام إمتحانات

 

 

 

تقبلى مرورى أختى الحبيبة

 

 

 

 

 

بدس أحمد عامر

[بنت مصرية 66]

موضوع حلو يامتحدية

انا لسه طالعة من امتحاناتي

ادعيلي في التقديرات

لسه مخلصناش من الهم ده

بس بجد خطيرة ضحكت من قلبي

اصل فيه حجات متير بتحصلي

هههههههههههههه

يبقي انت اكيد في الأمتحانات

[المتحدية 1]

شكراً لك اختي بدس أحمد عامر على مرورك الكريم

 

 

بجد ضحكتنى من قلبى ونسيتنى إنى عندى إمتحان بعد بكره

 

 

برغم الاحباط بس انا سعيدة اني نسيتك امتحانك " بس اوعي تنسي تروحيه "

 

 

 

و شكر كبير ليكي يا بنت مصرية على مرورك بس في ملحوظة صغنونة

 

 

اصل فيه حجات متير بتحصلي

 

هو ليه الجميع بيلخبط في الحروف لما يعلق على مواضيعي ممكن اتعقد انا كدة واحس اني السبب ...

 

 

ما تشوف حل يا استاذ عاشق " ربنا يوفقك وينجحك ويديك اكتر من اللي في نيتك ... و يرضي عليك والديك"