دورة الربح من الانترنت خطوة بخطوة

[Mr.Dawly 0]

" بسم الله الرحمن الرحيم "

 

قبل ما اتكلم او ابتدى اشرح فكره الدورة ..

 

تفتكر ايه الاسباب اللى تخلينى اكتب موضوع زى ده واتعب

 

نفسى واعمل شرح بـ الكتابة والصور واكتب مواضيع فى المنتدى وغيره ؟

 

طبعا

 

اهم واقوى هو صـدق الموقع اللى انا بتعامل معاه ، وانا عارف ان معظمنا بيقول ان النت كله نصب بس تابع وهتشوف ..

 

فـهرس المشروع هيبقى كـ الاتى ::

 

{ 1 }

ماهو الربح من الانترنت وكيف يتم

 

 

{ 2 }

النصائح والمصطلحات الهامة فى مجال الربح من الانترنت

 

 

{ 3 }

شرح التسجيل فى بنك اليرت باى AlertPay والتفعيل بالموبايل

 

 

{ 4 }

شرح التسجيل فى بعض الشركات الربحية ذات المصداقية العالمية

 

 

OnBux - 1 { الشركة الاولى عالميه فى مجال الربح }

 

Cashium - 2 { الشركة التانيه عالميه فى مجال الربح }

 

NeoBux - 3 { الشركة التالته عالميه فى مجال الربح }

 

Other - 4 { الشركات الربحية الصادقة والموثوق فيها }

هتبقى قائمة متجدده عشان فى شركات ف الاول بتبقى تمام وبعدين تقوم ناصبة ع اعضائها

 

 

المجموعة الاولى من الشركات

 

المجموعة التانية من الشركات

 

المجموعة التالتة من الشركات

 

المجموعة الرابعة من الشركات

 

 

{ 5 }

طريقة سحب الفلوس من مواقع الربح الى بنك اليرت باى

 

 

{ 6 }

طريقة عمل فيزا الشباب من بنك الاهلى سوسيتيه جنرال وربطها ببنك اليرت باى وسحب الفلوس بين ايديك

 

 

{ 7 }

الشركات النصابه وهتبقى قائمه متجدده بالشركات اللى بتنصب اول بـ اول عشان مايتنصبش عليك

 

 

" لاحظ اى مواضيع تبتدى بـ علامه || وتنتهى بنفس العلامه يعنى الخطوة دى تم اضافتها لكن المواضيع بدون علامه جآرى تحضيرهآ "

 

 

" وفى النهاية خليك متابع جيد للدورة "

تم تعديل October 28, 2010 بواسطه Mr.Dawly

[Mr.Dawly 0]

" بسم الله الرحمن الرحيم "

 

 

 

 

" قبل ما ابتدى اشرح "

انا عايزك تفكر شويه فـ الكلام اللى جاى . وتعتبر نفسك بتاخد فكرة عن حاجة انت فاكرها مش موجودة . والحاجة دى هى الربح من الانترنت من غير ما تدفع أى مبلغ وووووولو لقيت فـ الشرح انى بقولك ادفع فلوس متترددش ثانية واخرج من الموضوع ..

نوعين من الناس .. اعتقد انهم بيقروا الموضوع دلوقتى ..

 

النوع الاول

" هيشوف الموضوع ويطنش ويقول النت كله نصب ويضيع ع نفسه فرصة الربح " ..

 

 

النوع الثانى

" هيكمل قراءة مش هتاخد منه 10 دقائق ويعدى اول خطوة وباقى الخطوات الشرح بالصور كله " ..

 

 

{ 1 }

ليه متحاولش تربح او تكسب من الانترنت ؟

كل لما اسأل نفسي ليه الشباب المصريين لا تربح من الانترنت زى الشباب الغربى او الاجنبى ..

 

الاقى نقسى قدام جوابين !!

الاول ’ هو ان الشباب المصريين مبيستعملش الانترنت

الثانى ’ انه بيستعمله بس مبيعرفش فيه كويس !

 

لو قولنا انه مبيستعملش الانترنت فـ انا بقول كلام غلط لان كل العالم العربي بيستعمل الانترنت ..

يبقى قدمنا انه بيستعمله بس مبيعرفش فيه كويس ..

هتقولى ازاى يعنى مبعرفش فيه كويس ؟

هقولك !!

صحيح انت بتستعمل الانترنت اه بس فـ الدردشه والغرف الصوتيه والفيس بوك والمشاركة فـ المنتديات وتعمل مواقع وبتقضي وقتك ده كله فـ كده ..

انا مش ضد المنتديات و الشات لاكن وقتك كله يبقى كده . دى حاجه مش مقبوله !

{ معلومة }

" الانترنت خد وهات زى مابيستفيد غيرك منك استفيد من غيرك انت كمان "

 

 

طرق الربح من الانترنت كتيرة اوى !

 

و كل اللى بيهمنى هنا هى الطريقة الحلال للربح وهيا اللى بتكسب فيها مقابل عمل بتعمله ..

 

واشهرها

جوجل ادسنس { Google Adsense }

شركات المشاركة { Affiliate Programe }

رفع الملفات { Upload Files }

الضغط ع الإعلانات { Paid To Click }

 

وتعتبر شركات الضغط ع الاعلانات { الشركات الربحية } دى اكتر طرق الربح المنتشرة ع الإنترنت و اسهلهم وبتقوم الشركة بعرض مجموعة من الإعلانات للمشترك وهو بيقوم بالضغط عليهم مقابل الحصول على مبلغ معين ع كل اعلان

ودى الطريقة الى هركز عليها .. الاستفادة معروفه وهى الفلووووس من غير جهد كبير وفـ نفس الوقت هتستفاد من الوقت اللى بيضيع قدام شاشات الكمبيوتر من غير لازمه .. هيوصل مكسبك لـ الاف الدولارات ولكن طبعا بعد فترة ..

فـ اول شهرين هتكسب حوالى من 30 : 40 دولار كل شهر ده لو مشيت مع الدورة كويس ..

ومع الوقت مكسبك هيزيد .. انا عارف ان دلوقتى بيدور فـ دماغك ان الموضوع ده خدعه او نصب لان ده اللى انا قولته لما بدات اقراء زيك بالظبط فى الموضوع ده زمان ..

 

لما لفيت ع النت لقيت ناس كتير اوى بتقول ده نصب وبدات اشك فـ الموضوع بس دى التجربه ام الاختراع !!

ولما جربت عرفت ان النصب ده لان في بعض الشركات نصابة ومنتشره جدا وده اللى دفع الناس انها تقول كده ولكن كلامى ده مبيقولش ان مفيش شركات صادقة دى موجوده من سنين وبتدفع لاعضائها من غير اى مشاكل وعشان كده عملت موضوع فى الدوره وهيتثبت عن الشركات النصابة اللى جارى تجميعها وهى هتبقى قائمة متجددة بالاضافه للموضوع الاهم وهو افضل الشركات الصادقة بعد البحث عنها شهور وبعد التجربه الشخصية والسحب منها اكتير من مره وهتبقى قائمه متجدده !!

 

" وعد انك لو مشيت فى الطريق ده كل حياتك هتتغير فى شهور بسيطه ولو لسه مش مصدقنى اسمع كلامى وسبنى اشرحلك اكتر واقنعك بالمنطق "

 

 

{ 2 }

ما هي الشركات الربحية ؟

وازاى اكسب منها ؟

 

الشركات الربحية هي مواقع هتسجيل فيها وكل لما تدخل حسابك هتتصفح الاعلانات والشركة هتدفعلك مقابل تصفحك للاعلانات ومقابل كل ضغطة ع اعلان هتكسب مبلغ معين هيختلف من شركة ربحيه للتانيه

ولما تضغط ع الاعلان هتظهر صفحة فيها موقع معين وهو ده الاعلان وهيظهر مده الاعلان حوالى 30 ثانية فـ اغلب المواقع بعدها هيتم احتساب المبلغ المخصص للاعلان ده وهيتضاف لرصيدك فى حسابك كله طبعا هيتم شرحه بالصور

 

{ 3 }

الشركة بتجيب الفلوس منين عشان تدفعلى ؟

من اصحاب الإعلانات اكيد !

الموضوع بالظبط يا جماعه بيكون كـ مثال الوظائف الخالية المكتوبه ع الجرايد والمجلات هتقولى هيحطه اعلانتهم جدعنه لا طبعا بيدفعه فلوس عشان يعلنه عن الوظيفه المطلوبه .. مثـلا .. انا عنـدى عربيه عاوز ابيعها ومش عارف اجيبلها ناس تشوفها . هروح لمواقع الاعلانات دى . وهقولهم عاوز اعلن عن العربيه . هيقولى مثلا هناخد منك 1000 جنيه وهنخلى 1000 واحد يشوف العربيه . هيقولى ماشى .

هتسألنى طيب انا كسبت ايه ؟

هقولك موقع الاعلانات دى بتقسم الفلوس بينك وبينها . يعنى لما تدخل ع الاعلان بتاع العربيه هتاخد نسبه وهاكذها لغايه لما الموقع يدخله 1000 واحد ويبقى الموقع كسب وانت كسبت وصاحب العربيه كسب

 

 

{ 4 }

ازاى هاخد فلوسى منهم ؟

كل شركة بتعمل حد ادنى وهو بيتغير من شركة للتانيه ومعظمهم بيبقى 1$ او 2$ وهتاخدهم عن طريق تحويلهم لـ اى بنك الكترونى

 

 

{ 5 }

ازاى اسحب الفلوس من البنك الالكترونى ؟

فـ 3 طرق لسحب الفلوس من البنك الالكتروني

{1}

تحويل الفلوس ع فيزا او ماستر كارد وخدمه جديده موجوده فى بنك الاهلى سوسيتيه جنرال وفروعه منتشرة في مصر { تم تخصيص موضوع خاص للشرح بالتفصيل } لانها احسنهم وانا بتعامل بيها

{2}

عن طريق وسيط ودى بتبقى سريعه هتقولى مين الوسيط ده ؟ هقولك بكل بساطه الوسيط ده عباره عن شخص موثوق فيه صاحب سمعه طيبه وبيتعامل معاه أشخاص كتيره يملك حساب بنكى فـ نفس البنك الإلكترونى اللى بتتعامل معاه انت بتحوله الفلوس ع حسابه فـ البنك وهو بياخد عموله بسيطه ومسؤول يوصلك فلوسك لحد عندك .. الوسطاء كثيرون . واكيد لو سئلتنى هدلك ..

{3}

سحب رصيدك عن طريق شيك يرسله لك البنك عن طريق البريد ودى بتاخد فتره طويله

 

 

 

{ 6 }

ابدا ازاى ؟

فـ البداية تشترك فـ بنك الكتروني هتقولى ايه البنك الالكترونى ده هقولك ده بنك مربوط بكل البنوك العالميه والمحلية يعنى عالمى زى ده { Bank AَlertPay } وهشرحه فى الدورة دى طبعا وبعدين تشترك فى الشركات الربحية وانا بنصحك انك تشترك فى كل الشركات اللى هقولك عليها لزياده دخلك ودخلى ولانها اضمن شركات ..

وتأكد انها افضل الشركات الموثوق فيها

{ على الاقل اشترك فى 30 شركة }

 

 

 

 

{ 7 }

{ تعالى بقى معايا وركز فى كلامى , هتلاقى فى شركات الربح حاجه اسمها الريفرال }

 

" ايه هو الريفرال ؟ "

الريفرال باختصار الناس اللى هتدعيهم عشان يسجله فى الشركة عن طريقك من الرابط الخاص بيك ومقابل

ده الشركة هتدفعلك نسبة من اربحهم { حوالى 50% او اكثر } من غير ماينقص من ربحهم حاجه عمولة يعنى وده نوع من انواع الدعايا للشركة لان كده الشركة هتشجعك عشان تعرف ناس كتيره بيها وبالتالى هيزيد عدد المشتركين بها و هيزيد دخلها

 

" توضيح "

" 20 شخص × 4 سنت ودول تمن الاعلانات × 3 شركات ربحية = 240 سنت يعني 2.4 دولار فـ اليوم يعني 72 دولار فـ الشهر يعنى 72 دولار × 5.5 جنيه مصرى = 396 جنيه مصرى فى الشهر " ..

 

وده لـ 20 شخص و 3 شركات فقط فما بالك بقى ..

 

" 50 شخص × 4 سنت تمن الاعلانات × 20 شركة ربحية = هسيبك انت تحسب "

 

 

 

" ازاى اجيب الريفرال ؟ "

 

الطريقة الاولى : المنتديات

لو دخلت موقع البحث جوجل وكتبت " منتدى شركات الربح " هتلاقى منتديات كتير اوى وهتشوف بنفسك كل اللى عليك هو انك تسجل فى المنتديات .. وتشرح المشروع بشكل مميز عشان يفهمه كل جوانب المشروع وحط الروابط الخاصه بيك لدعوة الناس .. فـ لو اشتركت فى المنتديات اللى ليها صله بـ الموضوع ده فـ اعرف ان موضوعك هيشوفه الالاف من انحاء العالم من اللى بيفهم اللغه العربيه ودلوقتى اسأل نفسك كام واحد من الالاف

هيشترك من خلالك !!

اعرف ان لما تتعب هتلاقى كل لما تعبت ونشرت وفهمت الناس زاد ربحك ولا تمل ولا تيأس

الموضوع مهم جدا وكل دقيقه بتتعبها دلوقتى هتلاقيها بعدين

واعرف ان الخطوات دى من اهم حاجة فى الربح

 

 

الطريقة الثانية : برامج الشــــات والفيس بوك

كل اللى عليك عليك هو انك تبعت الموضوع لصحابك وتفهم الموضوع .. ابعت الموضوع لكل اللى موجودين عندك فى الياهو والهوتميل والفيس بوك والاسكاى بى وبالتوك .. دى طريقة نجحت جدا معايا

 

 

الطريقة التالته : تأجير الريفرال

ودول الناس الللى سجلوا فـ الشركه لوحدهم يعنى محدش بعتلهم دعوة ولا حاجه زى مابتشترك فـ اى منتدى وانت ع النت بتلف كده ..

بتقوم الشركه عاملة ايه بقى بتطرح الناس دى للتاجير ..

ووالاعضاء طبعا بتآجرهم لمده شهر او اتنين او تلاته ..

ويمكن التجديد تانى لمده شهر او شهرين او ثلاثه ..

ولما تجدد لفتره اكتر من شهر هتاخد خصم ..

وفـ خاصيه اسمها ريسكيل { Recycle } ودى فايدتها استبدال الاعضاء الغير نشيطين باخرين نشيطين وده مقابل مبلغ صغير ..

وفـ خاصيه اسمها اوتوباى { AutoPay } الخاصيه دى تستطيع ان تمدد للريفال الذى ضغط اليوم يوم اخر وباستخدام الخاصيه تحافظ على الريفال النشيط

كما تحصل على خصم 10% ..

 

هو انت مش قولت مش هندفع شلن ؟ اسمعنى الطريقة دى اخنياريه وانت مش مجبور انك تعملها بس دى بتضمنلك دخل ثابت شهريا ..

ملحوظه مهمه : الطريقة دى { تأجير الريفرال } ناجحه جدا مع الناس اللى عندهم خبره فى مجال الربح ومبنصحش باستخدام الطريقه دى فى المرحله الاولى ولكن بعد فتره معينه لا تتعدى الخمس شهوور

 

هتبقى الطريقه دى من اهم الطرق لضمان ربح عالى وشبه ثابت شهري عن طريق انك تأجر عدد كبير من الريفرال

 

 

" حكم الشرع والدين فى شركات الربح "

بـ النسبة لحكم الدين { استناداً بالفتوى } الربح من خلال هذه الشركات مش حرام ..

انما المحرم هو الشركات اللي بتدفعلها عشان تسجل فيها وشركات التسويق الشبكي او الماتركس ..

وإذا صادف ووضعت شركة { اعلان اباحي وقليلاً جداً مايحدث } و انت فتحته فـ هذا هو الحرام ..

لا تجعل مصدر رزقك يأتي من وراء تلك المواقع وتدعيمها

هذا الحكم منقول وموثوق فيه ..

 

 

 

" فى وجود اى استفسار اتركه فـ رد وهيتم الرد عليك "

" انتهت الخطـوة الاولى الحمدلله "

تم تعديل October 28, 2010 بواسطه Mr.Dawly

[«۞۩ أبو سليمان ۩۞» 179]

السلام عليكم و رحمة الله و بركاته

 

أهلا بك اخي الكريم

 

اخي نحن قبل ان نحصل على اي مال من النت او من اي عمل يجب علينا نعرفة هل هذا المال حلال ام حرام

لأنه كما جاء في الحديث الشريف

وروى أحمد.. من حديث جابر بن عبد الله رضي الله عنهما (لَا يَدْخُلُ الْجَنَّةَ لَحْمٌ نَبَتَ مِنْ سُحْتٍ ، النَّارُ أَوْلَى بِهِ) وإسناده جيد ، وانظر سلسلة الأحاديث الصحيحة (2609) .

وقال شيخ الإسلام ابن تيمية رحمه الله :

 

"الطَّعَامَ يُخَالِطُ الْبَدَنَ وَيُمَازِجُهُ وَيَنْبُتُ مِنْهُ فَيَصِيرُ مَادَّةً وَعُنْصُرًا لَهُ ، فَإِذَا كَانَ خَبِيثًا صَارَ الْبَدَنُ خَبِيثًا فَيَسْتَوْجِبُ النَّارَ ؛ وَلِهَذَا قَالَ النَّبِيُّ صَلَّى اللَّهُ عَلَيْهِ وَسَلَّمَ : (كُلُّ جِسْمٍ نَبَتَ مَنْ سُحْتٍ فَالنَّارُ أَوْلَى بِهِ) . وَالْجَنَّةُ طَيِّبَةٌ لَا يَدْخُلُهَا إلَّا طَيِّبٌ" انتهى .

 

قال الشيخ ابن جبرين رحمه الله : "الأكل إذا كان طيباً كان البدن طيباً ، وسلم من العذاب ، وإذا تغذى البدن على حرام كان البدن آثماً أو نجساً" انتهى .

 

"شرح عمدة الأحكام" (74/3) .

 

وهذا الوعيد إنما هو في حق المصر على أكل المال الحرام الذي لم يتب ، لأن التوبة تهدم ما قبلها من الذنوب ، قال الله تعالى : (قُلْ يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ) الزمر/53 .

 

أخي هذه الشركات لايجوز التكسب منها

 

و هذه الفتوى من موقع الشبكة الاسلامية

 

سؤالي عن حكم الاشتراك في الشركات الربحية، سأفصل سؤالي لذا أرجو التفصيل في الإجابة وشكراً مقدما.. ببساطة هذه الشركات توفر لك الربح مقابل تصفح الإعلانات الموجودة في موقعها على الإنترنت، التسجيل في هذه الشركات بدون مقابل فقط تسجل وتتصفح الإعلان لمدة 30 ثانية مثلاً وتأخذ 1 سنت مقابل ذلك ثم تتصفح الإعلان التالي وهكذا.. توجد طبعا شروط لهذه الشركات، فلكي تحصل على المال الذي جمعته يجب أن تصل إلى الحد الأدنى مثلا 10 دولارات كما يجب ألا تترك دخول حسابك لديها لمدة طويلة شهر مثلا، كما لا يجوز لك الاشتراك بأكثر من حساب أو استعمال برامج للضغط أوتوماتيكيا، أيضا هذه الشركات توفر لك عروضا، كمسألة إحالة الأشخاص إلى هذه الشركات، أي إقناعهم بالاشتراك عن طريق رابطك الخاص، ومقابل هذا فأنت تحصل على نسبة معينة عن كل إعلان يتصفحونه 50% مثلاً، كل ما سبق بدون مقابل، التسجيل مجانا.

الآن ننتقل إلى العروض التي بمقابل مادي.. أولا يمكنك شراء ريفرال من الشركة، أي أن الشركة تأخذ حزمة عشوائية من الأعضاء الذين اشتركوا معها مباشرة دون وسيط، وتعطيك نسبة عنهم كأنك أنت من أحلتهم للموقع، ويكون هذا مقابل 7 دولارات مثلاً لـ 10 أشخاص.

ثانياً: يمكنك ترقية حسابك، أي أن تدفع مثلا 10 دولارات مقابل أن تصبح عضوا مميزا.. فيزيد عدد الإعلانات المتاح لك تصفحها ومقدار ربحك عن تصفح الإعلانات ومقدار ربحك عن إحالة الآخرين إلى الموقع، كما تسرع عملية الدفع لك فتصبح المدة أقصر مما ينتظره العضو العادي، سؤالي هو هل الاشتراك في هذه الشركات مع ما سبق ذكره جائز أم لا؟ وهل يجوز شراء ريفرال؟ وهل يجوز ترقية الحساب، مع توضيح ما هو حلال وما هو حرام فيما سبق بالتفصيل لأن هذه الشركات منتشرة بشدة ولم أجد من فصل في حكم هذا الموضوع، أيضا أريد أن أسأل عن حكم تبادل الاشتراك في الشركات، أي أن أتفق مثلا مع شخص أن أسجل عن طريقه في شركة ربحية مقابل أن يسجل عن طريقي في شركة أخرى، أو أن أطلب من الناس أن يسجلوا عن طريقي في شركة ربحية وعندما أحصل منها على المال أعطيهم نسبة من الذي ربحته عن طريق إحالتهم للموقع؟ وجزاكم الله خيراً.

 

الجواب

 

الحمد لله والصلاة والسلام على رسول الله وعلى آله وصحبه، أما بعـد:

 

فإن الاشتراك في هذه الشركات الربحية غير جائز لما اشتملت عليه الطريقة المذكورة من الغرر والجهالة وهي أشبه ما تكون بالقمار والميسر، هذا إذا سلمنا أن التصفح المذكور منفعة معتبرة وخلت الإعلانات مما هو محذور شرعي تبقى جهالة أجرة المتصفح والغرر في الحصول عليها إذا لم يصل إلى الحد الأدنى، كما أن دفع مبالغ من قبل المشترك مقابل الحصول على ميزات أكثر في هذا الاشتراك، أو شراء ما يسمى ريفرال كل ذلك من أكل المال بالباطل، والباطل كلمة جامعة يدخل تحتها الجهالة والغرر والقمار ونحو ذلك، وإذا تقرر عدم جواز الاشتراك في هذه الشركات فلا يجوز الدلالة عليها والترويج لها والمال المكتسب من وراء ذلك حرام، وراجع للمزيد من الفائدة في ذلك الفتوى رقم: 71618، والفتوى رقم: 73300.

 

والله أعلم.

 

 

رابط الفتوى

 

من هنــــــــــــــــــــــــا

 

 

أخي كما رايت في الفتوى لا يجوز الكسب من هذه الشركات

 

جزاك الله خيرا

ارجو اخي ان تراجع نفسك في التكسب و بادر بالتوبة من هذه الشركات لأن المال الناتج منها قد يكون سببا في سوء المصير

عفا الله عنك

 

[Mr.Dawly 0]

حتى تقطع الشك باليقين , يجب عليك التطلع على نصوص للافتاء ,

لان هناك الكثير من الناس لم يدخلو الى هذا المجال خوفا من الوقوع فى المحظور ,

فلذلك واجب عليك التطلع على اراء العلماء لتعرف اي الشركات التى تتعامل معها حرام و ايهم حلال ,

وماهى قواعد الاسلام الحاكمة لهذا المجال ؟

(وضع الحرام على الحلال ليكثره , فجاء الحرام على الحلال فبعثره)

اختلاف العلماء رحمة , ولك يا عزيزى ان تطلع وتقتنع بأيهما افضل

 

( الشركات الربحية حرام قطعا , ام الشركات الربحية حلال بشروط )

اتمنى ان اكون قد اوضحت الصورة

[«۞۩ أبو سليمان ۩۞» 179]

السلام عليكم و رحمة الله و بركاته

 

أخي الحبيب .. بالنسبة لسؤالك .. فمن الفتوى .. أصل المعاملة اصلا لا تجوز

 

فبالتالي مفيش شركات حلال التعامل معها و شركات حرام التعامل معاها

 

لأن المعاملة في الاصل غير مشروعة فبالتالي كل الشركات لايجوز التعامل معها

 

أخي و ما معنى ان اختلاف العلماء رحمة ,,, من قال هذا ؟؟؟ , هل هذا حديث ام فتوى لأحد الفقهاء

 

فلو كان اختلاف العلماء رحمة ,, فإذن اتفاقهم سخط و مفسدة ,, و هذا طبعا موش صحيح

 

و هذا ليس من كلامي و لكن كلام علماء ثقات

 

جزاك الله خيرا أخي ... أخي ارجو مرة اخرى ان تتحرى في هذا المال و تتبرأ منه .. و هاقد رأيت الفتوى

فخاف على نفسك من هذا المال ,,

أخي فكل من يتعرف على هذه الشركات عن طريقك ... فكل ما يكتسبه من مال حرام قد يكون في ميزانك .. إن لم تتوب الى الله و تتبرأ من هذا المال و تحاول نشر الفتوى ونصح من يتعامل مع هذه الشركات لمن كنت سبب في معرفتهم لهذه الشركات

 

بارك الله فيك اخي

آسف على الاطالة