أنا وهو فى الأتوبيس

[بسمة الاقصى 78]

أنا وهو فى الأتوبيس

 

السلام عليكم يا جماعة الخير

من سنة كنا راجعين من سفر أاانا وأختى ووالدى وكنا راكبين أوتوبيس

من القاهرة

وفجأة وقف الأتوبيس وكان فى أتوبيس تانى عطلان على الطريق المهم الناس اللى كانوا فى الأتوبيس العطلان نصهم جه ركب فى أوتوبيسنا ونصهم ركب فى أتوبيس تانى

 

وكان من ضمن اللى جم عندنا ولد وأبوه الولد كان باين عليه إنه صغير لأن جسمه كان ضعيف المهم فضلت أقوله تعالى اقعد جمبنا على الكرسى أنا وأختى مارضيش خالص بكل حياء يحسد عليه نادر اليومين دول بعدين أبوه كان سامعنا بنتحايل عليه

 

علشان يقعد جمبنا قاله خلاص اقعد بدل ما تكمل الطريق كله واقف وفعلاً قعد

 

عينى كده جات على إيده لقيته مربى ضفر صباعه الصغير العادة المقرفة اللى بيعملوها الولاد والرجالة طبعاً البنات بتعمل حاجة أكثر قرفاً وبتربى ضوافرها كلها

 

نرجع مرجوعنا أنا قلت للولد انت ليه مربى ضفرك ؟ قالى عادى

قلتله طيب انت مش عارف إن كده غلط ومن السنة عن النبى قص الأظافر وسيدنا محمد لو شافك كده هيزعل منك

 

قالى هو هيشوفنى فين قلتله نفرض مثلاً يعنى النبى جه عندنا وشاف ضوافرك طويلة مش هيزعل منك قالى ايوة قلتله طيب إيه رأيك تقص ضوافرك وماتربيهاش تانى قالى ماشى

 

قلتله انت اسمك إيه قالى (بصراحة مش فاكرة ) قلتله فى سنة كام قالى اولى اعدادى قلتله شاطر فى المدرسة قالى يعنى المهم سألته شوية حاجات كده عن المدرسة وحال المدارس والمناهج وطبعاً كما تعرفون حال لا يسر عدو ولا حبيب الله المستعان

 

واتضح لى من خلال الحوار إن الولد ده هو من سوهاج وبيسافر القاهرة لأنه بيشتغل

 

تقريباً فى ورشة وبيسكن لوحده فى مصر عند ناس يعنى وأهله فى سوهاج

 

استغربت جداً الولد مش باين عليه إنه من أطفال الشوارع ومنظره حلو ولبسه جميل

 

ووالده كمان لبسه حلو ومش باين عليهم الفقر طيب ليه بيخلى الولد يشتغل فى السن

 

ده وكمان لوحده وفى بلد بعيدة عنهم والسؤال ده ما عرفتلوش إجابة

 

ثم بعدها كانت الطامة الكبرى إنى عرفت برضه من خلال الكلام لإنه بيشرب سجاااااير

 

أى والله هو قالى قلتله بتشرب كام يعنى قالى مثلا علبة فى اليوم

قلتله طيب انت مش عارف إن السجاير غلط وهتضر صحتك وانت صغير وبتشرب فى السن ده قالى علشان قالى عارف ما كل أخواتى بيشربوا وأبويا كمان

 

أنا سكت قلت طيب هقوله إيه اخواته اللى أكبر منه وأبوه اللى هو المفروض قدوة بيشرب

 

كمان هو صغير ومعاه فلوس وقاعد لوحده فى مصر أكيد هيعمل حاجات غلط لأنه مفيش رقابة عليه والله أعلم هيعمل إيه تانى

 

بس بقى وصل القطر لسوهاج ونزل مع والده وودعته وقلتله هعتمل زى ما اتفقنا ماشى

 

قالى ماشى

ونزلوا وكملت أنا مشوارى ووصلنا بسلامة اللــه إلى ارض الوطن

[نونا19 28]

هيا القصة دي حلوة جدا

 

ودة بصراحة حال اطفال كتييييييييييير جدا

 

في بلدنا

 

طيب تعملي اية لو انتي شايفة ولد عايش كويس

 

مرتاح ماديا واية كمان وبياخد اللي هو عاوزة

 

بس !!!!!!!!!!!!!!!!!!!!!!!!!!!!!!!!!!!!!!!!!

 

بيشرب سجائر وكمان مش بيدخل الجامع الا في المناسبات

 

وغير كدة كمان بيضحك علي بنات الناس وبيتسلي بيهم

 

يسيب دي ويمشي مع دي

 

يا تري نعمل اية في الشخص دة

 

ولو شوفتي ولدة وولدتة هتلاقيهم ناس كويسين

 

بس هو ؟؟؟؟؟؟؟؟؟؟؟؟؟؟؟؟

 

وتشوفي بقي صحبة صديق عمرة غيرة تماما بس دة كان في الاول

 

قبل لما ياخدة صاحبنا لطريقة اللي هو فية !!!!!!!!!

 

وتشوفيهم وتحسي بالالم علي شباب المسلمين

 

اللي مش بيهتموا بولا حاجة غير الدنيا ومش با صين للاخرة

 

نعمل اية؟؟؟؟؟؟؟؟؟؟؟؟

 

المهم حبيبتي موضوع جميل جدا

 

ويارب يحسن احوال شبابنا جميعا

[بسمة الاقصى 78]

هيا القصة دي حلوة جدا

 

ودة بصراحة حال اطفال كتييييييييييير جدا

 

في بلدنا

 

طيب تعملي اية لو انتي شايفة ولد عايش كويس

 

مرتاح ماديا واية كمان وبياخد اللي هو عاوزة

 

بس !!!!!!!!!!!!!!!!!!!!!!!!!!!!!!!!!!!!!!!!!

 

بيشرب سجائر وكمان مش بيدخل الجامع الا في المناسبات

 

وغير كدة كمان بيضحك علي بنات الناس وبيتسلي بيهم

 

يسيب دي ويمشي مع دي

 

يا تري نعمل اية في الشخص دة

 

ولو شوفتي ولدة وولدتة هتلاقيهم ناس كويسين

 

بس هو ؟؟؟؟؟؟؟؟؟؟؟؟؟؟؟؟

 

وتشوفي بقي صحبة صديق عمرة غيرة تماما بس دة كان في الاول

 

قبل لما ياخدة صاحبنا لطريقة اللي هو فية !!!!!!!!!

 

وتشوفيهم وتحسي بالالم علي شباب المسلمين

 

اللي مش بيهتموا بولا حاجة غير الدنيا ومش با صين للاخرة

 

نعمل اية؟؟؟؟؟؟؟؟؟؟؟؟

 

المهم حبيبتي موضوع جميل جدا

 

ويارب يحسن احوال شبابنا جميعا

أكيد يا نونا عندك حق

 

بس اللى كنت مستغربة له إنه الولد صغير على الشغل وكمان بيقول إنه مع ولاد أخوات أكبر منه

 

أكيد بيشتغلوا ولبسهم هو ووالده شكله حلو طيب ليه بيعمل فى الولد كده

 

أما بقى حال شبابنا اليومين دول الله المستعان أهم حاجة عندهم أخر رنة وأخر أغنية نزلت إيه والمنظرة بأحدث الموبايلات واللى معاه 20خط موبايل قال يعنى مهم قوى سيادته طبعاً ناهيك عن اللبس والسلاسل والباديهات والسجاير والحشيش يوووووووووة هم ما يتلم الحال بقى يحزن والله

 

معقول سيدنا النبى تعب التعب ده كله وجاهد علشان احنا نطلع كده لا حرام اللى بنعمله ده

 

إلا من رحم ربى طبعاً ربنا يهدينا يارب ويهديهم