الصرف الصحى مشكلة تبحث عن حل بسيالة دمياط

[الفقيرة الى الله 77]

الصرف الصحى مشكلة تبحث عن حل بسيالة دمياط

 

معاناة حقيقية يعيشها أكثر من ‏40‏ ألف نسمة هم عدد سكان منطقة السيالة بمحافظة دمياط بسبب عدم الانتهاء من مشروع الصرف الصحى والذى أدى إلى تكسير الشارع الرئيسى والوحيد بها‏.‏

الصرف الصحى معاناة يومية لأهالى السيالة فمنذ فترة طويلة والأهالي في انتظار حل لهذه المشكلة رغم قيامهم بإنشاء طريق ترابي بديل بالجهود الذاتية تكلف أكثر من مائة ألف جنيه‏,‏ الأهالي طالبوا بتدخل حاسم من د‏.‏ محمد فتحي البرادعي محافظ دمياط لحل المشكلة قبل دخول فصل الشتاء وقبل أن تتحول شوارع السيالة إلي مجموعة من البرك والمستنقعات خاصة ان هذه المنطقة بها أكثر من خمسة آلاف ورشة لصناعة الأثاث الدمياطي الشهير‏.‏

يقول محمود البربير عضو مجلس محلي مركز دمياط أننا نعاني من عدم الانتهاء من مشروع الصرف الصحي بالشارع الرئيسي بالسيالة والذي يبلغ طوله حوالي‏5,2‏ كيلو متر‏,‏ فهو المتنفس الرئيسي للأهالي فمنذ فترة طويلة وماذا سنفعل عندما ينتقل المشروع إلي بقية الشوارع حيث تم البدء المشروع في شهر أكتوبر من العام الماضي وأكد المسئولون أن فترة العمل ستنتهي في‏2010/6/30‏ ويتم تسليمه كاملا‏,‏ ولأننا ننتظر هذا المشروع بفارغ الصبر قمنا بإنشاء طريق بديل للطريق الرئيسي بجوار مصرف محب والسيالة‏(‏ حتي ينتهي المشروع‏)‏ علي نفقة الأهالي بتكلفة أكثر من مائة ألف جنيه بطول‏5,3‏ كيلو متر‏,‏ وهو طريق رابي إنقاذا للعملية التجارية بالمنطقة وتعتبر المنطقة قبلة لمن يرغب في شراء الموبيليا للقادمين من جميع أنحاء الجمهورية‏,‏ لو ظل المشروع علي هذا الوضع مع دخول الشتاء فلن يستطيع أي مواطن أو سيارة لسير في شارعي السيالة‏(‏البديل أو الحالي‏).‏

كما أضاف عبده عبدالباري عضو مجلس محلي السيالة أن الأمل الان في تدخل د‏.‏ محمد فتحي البرادعي محافظ دمياط والذي غير الكثير من شكل المحافظ لحل تلك المشكلة الكبير خاصة أننا عقدنا اجتماعا بأحد المسئؤلين والذي أكد أنه سيتم حل المشكلة نهائيا في شهر مايو الماضي وتسليم المشروع نهائيا ورصف الطريث البديل إلا أنه حتي الآن لم يتم اي شيء‏,‏ فنرجو حسم هذه المشكلة رحمة بنا وبأولادنا طلبة المدارس الذين يعانون في الذهاب والعودة من مدارسهم لان‏,‏ وأيضا حتي نرتاح من مشاكل الطريق البديل وكوارثة المستمرة خاصة أن هناك بعض السيارات سقطت في مصرف محب والسيالة المجاور مباشرة لهذه الطريق لانه طريق مظلم وغير مستوي‏.‏

واشار محمد رضوان عضو مجلس ادارة نادي السيالة الي وجود كارثة أخري بسبب تأخر إنهاء مشروع الصرف الصحي بالمنطقة وهي كسر بعض مواسير مياه الشرب مما أدي إلي اختلاطها بمياه الصرف الصحي خاصة أن الشركة المنفذة للمشروع لم تقم بتغيير مواسير مياه الشرب وهو الطلب الذي حصلنا به علي موافقة المسئولين بتغيير خطوط مياه الشرب مع مشروع الصرف الصحي لأن عمرها الافتراضي منتهي فهي موجودة منذ‏43‏ عاما كما أنها من مادة الاسبستوس الذي يؤثر علي صحة المواطنين‏.‏

[ابن تيميــــة 158]

السلام عليكم

 

فعلا اختي منطقه السياله عندنا في دمياط تعاني من فترة من هذه المشكله

 

حتي ان الاهالي قاموا بشكوي ضد المحافظ ولكن دون جدوي

 

والجدير بالذكر انه فعلا منطقه السياله مليئه بورش صناعه غرف النوم

 

وهذه من اهم الاقسام عندنا وبذلك سيكون هناك تعطيل للمصالح والانتاج

 

وبالاخص غرف النوم

 

لان دمياط مقسمه منطقه لغرف النوم ومنطقه صالونات وغيرها انتريهات وكراسي وهكذا

 

شكرا اختي لنقلك الخبر

 

 

[الفقيرة الى الله 77]

والله اخى عيسى فى نهاية الموضوع كتبت واترككم مع مراسلنا من دمياط اخى عيسى ....

 

ليخبرنا بمزيد من الاخبار ..

 

 

مشاء الله عليك فهمتنى من غير اكتب الجملة....

 

[ابن تيميــــة 158]

السلام عليكم

عن جد دمياط زي ما كتير من الناس عارف والحمد لله بلد عباره عن مصنع كبير

في مختلف المجالات لكن مايخص الاثاث بصفه خاصه

انا هتكلم وكأني مراسل منتدي يللا ياشباب

انا ابتعد عن منطقه السياله تقريبا بالوقت ربع ساعه او ثلث ساعه

انا اعمل في مجال الصالونات بجانب مراسل المنتدي من دمياط ... كويس كده

اكمل بقي

دمياط ياجماعه والله اي عطل فيها ان كان انقطاع كهرباء او مياه او تخريب ف الصرف الصحي او اي شئ يسبب خسائر فادحه والله

احنا الوقت عندنا بنهتم بيه بشكل رهيب مثلا لو انقطعت الكهرباء ساعه او ساعتين او كما يحدث الان باليوم الكامل تجد المحافظه كلها تتاثر جدا

والله اصبح انتاجنا من الاثاث مقارنه من خمس سنوات تقريبا يعني ممكن اقول فضايح دمياط عن جد في ذهاااااب بجد منذ الاضطراب ف الاقتصاد وغيره من المعوقات التي يلاقيها الشعب الدمياطي

عن جدا اخواني واخواتي نحن نتحسر علي دمياط وندعو الله ليلا ونهارا ان تفيق المحافظه وتكن كما كانت من قبل ادعوا لنا بارك الله فيكم

كان معكم مراسلكم عيسي من قلب الحدث او مش من قلبه اوي هو من جنب الحدث بحوالي ربع ساعه

بارك الله فيكِ اختي وجزيتي الجنه لنقلك شيئا عن دمياط واخيرا شفت اسم دمياط عالمنتدي والحمد لله

[الفقيرة الى الله 77]

شكرا لك مراسلنا من قلب الحدث او بعيد وشوية منة "عيسى"

 

طبعا شفنا الماساه التى تعانى منها محافظة دمياط

 

واطلب من الاهالى ان يقوموا بثورة ضد المحافظ...

 

والمطالبة بحل هذه الازمة...

 

اخى عيسى خد بالك من نفسك ومن اهلك وشغلك

 

واطلب من السيد المحافظ يخلى عندة ضمير

 

ويحل هذة المشكلة التى تكاد ان تقضى على دمياط

ولكن لا حياه لمن تنادى.....

 

والى هنا تنتهى نشرتنا الاخبارية نترككم فى رعاية لله وحفظة

 

 

الفقيرة الى الله

[ابن تيميــــة 158]

وجه عدد من أهالى قرية السيالة التابعة لمركز دمياط إنذاراً على يد محضر إلى الدكتور محمد فتحى البرادعى، محافظ دمياط، بصفته وذلك بسبب سوء حالة الطريق الرئيسى المؤدى للقرية.

 

أوضح الإنذار أن قرية السيالة تشهد أعمال حفر خاصة بمشروعات الصرف الصحى بالطريق الرئيسى، وذلك منذ ما يقرب من عام، مما أدى إلى صعوبة التنقل وتعطيل مصالح أكثر من 5 آلاف ورشة تقوم على صناعة الأثاث.

 

وأضاف أنه عندما أصبح أهالى القرية عاجزين عن أداء مصالحهم وصعوبة تنقلهم فاضطروا إلى تحرير هذا الإنذار أملا فى حل هذه المشكلة قبل حلول فصل الشتاء.

 

كما نوه الإنذار إلى أنه فى حالة عدم الاستجابة لإنهاء هذه المشكلة فى غضون 15 يوماً سيضطر الطالبون لاتخاذ كافة الإجراءات القانونية مع المطالبة بتعويضات مالية عن الخسائر التى تعرضوا لها بسبب تعطيل أكثر من 5 آلاف ورشة عمل وكذلك تعطيل العملية التعليمة لأبناء القرية بسبب صعوبة انتقال الطلاب إلى مدارسهم.

 

من عيسي (( دمياط))

[الفقيرة الى الله 77]

ايوه كدة يا شيخ خليهم ياخدوا حقهم

 

طبعا مراسلنا عيسى سننتظر منك باقى تفاصيل الانذار .....

 

وتخبرنا بما حدث

 

.......

[ابن تيميــــة 158]

السلام عليكم

 

طبعا بعد ما وجه عدد من أهالى قرية

 

السيالة التابعة لمركز دمياط إنذاراً على يد محضر إلى الدكتور محمد فتحى

 

البرادعى، محافظ دمياط، بصفته وذلك بسبب سوء حالة الطريق الرئيسى المؤدى

 

للقرية.

 

ولكن دون جدوي طبعا ......

 

في خبر جديد حبيت انقله

 

بلاغ للنائب العام: أهالى قرية «السيالة» فى دمياط..

 

«بيشربوا صرف صحى»(طوال اليوم)

 

عدد من أهالى قرية السيالة، التابعة لمركز دمياط، تقدموا ببلاغين للنائب العام والرقابة

 

الإدارية، ضد رئيس شركة مياه الشرب والصرف الصحى فى المحافظة اتهموه فيهما

 

بالإهمال والتقصير فى أداء عمله بسبب تلوث مياه الشرب واختلاطها بمياه الصرف

 

الصحى، مما تسبب فى وفاة 50 مواطناً سنوياً بأمراض الكبد والفشل الكلوى

 

والسرطان.وأضاف الأهالى: ((نتعرض منذ سنوات لتلوث مياه الشرب واختلاطها

 

بمياه الصرف الصحى وهو ما تسبب فى وفاة العشرات منذ أول يناير 2008 حتى

 

أول يوليو 2009.))وأكد محمود البربير، عضو مجلس محلى مركز دمياط، أنه سبق

 

أخذ عينات من مياه الشرب لمنزل أحد المواطنين فى القرية وثبت اختلاطها بمياه

 

الصرف الصحى، بالإضافة إلى اكتشاف كسور متعددة فى مواسير المياه وهو ما يدل

 

على تهالك مواسير مياه الشرب، خاصة أنه لم يتم تغييرها منذ عشرات السنين، مشيراً

 

إلى أن جميع الأراضى الزراعية بالقرية يتم ريها بمياه المجارى بسبب عدم وصول

 

مياه الرى.وعلمت «المصرى اليوم» أن الرقابة الإدارية تجرى تحقيقات موسعة حول

 

البلاغ المقدم من الأهالى، وأمرت بأخذ عينات من مياه الشرب وتحليلها للتأكد من

 

صحة الشكوى.ونفى المهندس أحمد قدرى، رئيس مجلس إدارة شركة مياه الشرب

 

والصرف الصحى فى المحافظة، الادعاءات التى أطلقها الأهالى، مؤكداً أن المياه ليس

 

بها أى تلوث، وقال: «الميه فى السيالة زى الفل».

اصدق مين بس الناس اللي بتموت وبيجيلها امراض خطيرة من فشل كلوي وفيرس

 

سي الكبدي الوبائي ومرض السرطان

 

ولا اصدق اللي بيشربوا مياه معدنيه دول ولا هامهم اصلا

 

وف النهايه نسمع (( الميه في السيالة زي الفل))

 

كان معكم اخوكم عيسي من دمياط

تم تعديل November 5, 2010 بواسطه عيسي

[بسمة الاقصى 78]

ما شاء الله فاتتنى نشرة الأخبار دى

 

أخونا غيسى شغال فى الصالونات يبقى عفش المنتدى كله على حضرتك إن شاء الله

 

اللى سمعته مؤخراً ووجع قلبى عن دمياط موضوع الأثاث الصينى ده للأسف ما سبولناش حاجة نتميز فيها الصينين

 

وطبعاً الأثاث بتاعهم رخيص وشكله جميل

 

ياااااااربى الناس دول حاجة فظيعة مش ممكن

 

شكراً مراسنا ونرجو موافاتنا بآخر وأهم الأخبار

[ابن تيميــــة 158]

السلام عليكم

 

نورتي النشرة قصدي الصفحه اختنا بسمه الاقصي

 

انا كل صالونات المنتدي عندي انتوا تامروني بس وانا هنفذ

 

انا بعمل صالونات روعه ودي مش دعايه ده عشان تثقوا ف الاثات بتاعي بس اللي انا بعمله

 

 

اما الصيني اصلا عمره قصير جدا وكمان مش اخدين خبرتنا مهما عملوا

 

بس بجد اثر علينا شويه منهم لله الصينيين دول

 

اخر خبر سمعته

انا اولا بحب الجمبري جدا

 

اكتشفت انه فيه جمبري صيني كنت هتجنن حتي الجمبري بقي صيني والله انا ماعدت بقرب منه زهقت

 

كل حاجه بقيت صيني حتي الاكل

 

دول عندنا تقريبا هيبقوا اد الدمايطه كل لما ادخل شارع الاقي واحد قصير وعنيه ضيقه وشايل ع ظهره شنطه بيبع فيها كل حاجه ف الدنيا

 

 

انا خايف يحتلونا واصحي الصبح الاقي نفسي صيني هيبهتوا علينا

 

ربنا يبعدهم عننا

 

ف الاخير اقول احنا الدمايطه ملوك الاثاث والموبيليا بجد فخر صناعه الاثاث ده مش تفاخر ده والله عن يقين

 

دي مهنتا الاولي ربنا يبارك لنا فيها يارب ويبعد عننا المحتلين الاقتصاديين دول انا خايف اشتري باكو شاي او بسكوته يطلعلي فيها واحد صيني

 

هديه دول كابوس والله كتير اوي عندنا

 

وبيتكلموا عربي ايه بقي زي العفاريت وحفظوا دمياط وشوارعها اكتر مننا ربنا يستر منهم بقي

 

 

كان معكم عيسي من دمياط (( بكين مصر ))

[بسمة الاقصى 78]

يا أستاذ عيسى عاوزة أقولك دول وصل عندنا أقصى أقاصى الصعيد من كام اسبوع كان فى بنتين وولد ماشيين فى البلد بيبيعوا هدوم

 

فى عندنا كمان معر ض اسمه المعرض الصينى قاعد معظم السنة فيه مصريين وصينين

 

أما بالنسبة للأكل ا نا شفت مصاصات وشكولاتات صغيرة بتاعت أطفال لقيت مكتوب عليها صنع فى الصين

 

يا إلهى مش ممكن ما سابوش حاجة بجد وفى كمان حلاقين صينى وأخيرااااااا

 

عرووووووووووســـــــــــــة صينى مش مكلفة خااااااالص يدوب بلقمتها

 

عرض مغرى للشباب

 

ربنا يهدهم

[ابن تيميــــة 158]

بسم الله الرحمن الرحيم

 

جزيتي الجنه اختي/ بسمه الاقصي

 

وربنا بجد يستر علينا من الصينيين دول

 

بس هي العروسه الصيني دي العمر الافتراضي بتاعها اد ايه كده بالظبط

 

ماهو احنا اتعودنا ان المنتج الصيني كبيره اوي شهرين تلاته ولو كتر يبقي غلطه مصنعيه هما مايقصدوهاش طبعا لان منتجهم مبني اساسا علي انه امتي هيبوظ بالظبط

 

فبجد ده احتلااااااااااااااااااااااال اقتصادي

ودي بشايره

 

ربنا يستر والله

[بسمة الاقصى 78]

بسم الله الرحمن الرحيم

 

جزيتي الجنه اختي/ بسمه الاقصي

 

وربنا بجد يستر علينا من الصينيين دول

 

بس هي العروسه الصيني دي العمر الافتراضي بتاعها اد ايه كده بالظبط

 

ماهو احنا اتعودنا ان المنتج الصيني كبيره اوي شهرين تلاته ولو كتر يبقي غلطه مصنعيه هما مايقصدوهاش طبعا لان منتجهم مبني اساسا علي انه امتي هيبوظ بالظبط

 

فبجد ده احتلااااااااااااااااااااااال اقتصادي

ودي بشايره

 

ربنا يستر والله

وجزاكم أخى

بص يا استاذ عيسى العروسة الصينى دى صحيح مدتها صلاحيتها كام شهر بس بعدين هتغيرها وتجيب غيرها

 

وبرضه ببلاش يعنى تكاليف لا تذكر بالمقارنة بالعروسة المصرية

 

وأهو تغيير برضه علشان الناس اللى بتمل بسرعة