نسخة لينكس openSUSE 11.0 + شرح بالفيديو لعملية التنصيب

[عاشق الصداقه]

 

صدرت ظهر اليوم الثانية ظهراً بتوقيت القاهرة النسخة المنتظر لعشاق اللينكس و خصوصاً openSUSE و هي النسخة الأحدث رقم 11.

 

المزيد من التفاصيل في صفحة المميزات الرسمية

 

 

و من اهم التطويرات في النسخة الجديدة اتساع قابلية تعريف العتاد hardware تلقائياً كما في ubuntu الأخيرة.

 

من اهم المشكلات التى كانت تواجهنى اثناء استخدام لتوزيعة ابونتو لفترة هي مشكلة تعريف كارت الشاشة nVidia.

 

ما يميز openSUSE هنا هو ان معظم البرامج و التعريفات تتم بضغطة زر !

 

مثال: تعريف كارت الشاشة - من هنا بضغطة واحدة

 

 

تحميل openSUSE 11.0

 

 

الموقع الرسمي يعاني مشاكل ببطئ التصفح بسبب الضغط الكبير عليه و لكن على كل حال هذه هي الروابط:

 

صفحة النسخة الرسمية

 

 

تحميل النسخة DVD 4.3 جيجا بايت او Live CD 644 ميجا بايت و ذلك اما عن طريق السيرفر مباشرة او عن طريق التورنت

 

صفحة التحميل المباشر:

 

http://software.opensuse.org

 

التحميل المباشر من السيرفر افضل حالياً حيث ان التورنت مازال بعدد seeders قليل مقارنى بالـleechers.

 

 

اعتقد انه حان الانتقال للينكس و openSUSE

 

 

 

 

 

إضافه بواسطة عاشق الصداقه : ==>

صور للنسخه من موقعها الرسمى :

 

 

 

 

 

 

[«۞۩ أبو سليمان ۩۞»]

شكرا يا احمد علي الموضوع الرائع ده

انا من فترة كبيرة و انت عارف بدوّر علي نسخة لينكس كويسة

بس يا ريت دي تكون هي اللي بدور عليها

بس انا اطلب منك طلب هو رخم شوية بس استحملني فيه شوية

لو ممكن تقول لي طريقة التسطيب

انا مش عاوز بالتفصيل بس خطوط عريضة بس

عشان انا سمعت انه لو سطبت غلط ممكن تعملي فورمات للهارد كله

و عاوز اعرف هي النسخة نازلة بكل برامجها و لا ايه

و هي محتاجة بارتشن كام جيجة هي و برامجها عشان افردها عليه

و حاجات ذي كده يعني

شكرا مرة تاني يا احمد بس ياريت ما تنسانيش

[عاشق الصداقه]

أهلاً حبيبى عبقرينو ..

تحت أمرك حبيبى ..

والله لو فاضى كنت عملتلك شرح بالصور مخصوص علشانك ..

بإختصار شديد ..

 

كل اصداره بتختلف فى شكل تنصيب النسخه بتاعتها .. أهم حاجه اتباع خطوات التنصيب وفهمها علشان متغلطش

يعنى فى خطوه بيقولك عاوز تحد انت البارتيشن اللى ننصب عليه ولا نفرمت احنا الهارد ونحط النسخه عليه

أكيد هتختار بارتيشن .. تكون انت مفضيه قبلها ومفرمته ntfs

 

 

بالنسبه للبرامج .. منتجات لينكس مش بتشتغل عليها برامج ميكروسوفت .. يعنى ليها براجم تانيه بتبقى نازله فى النسخه نفسها

انا لما استخدمت لينكس استخدمت لينكس مندريفا .. وكل نسخه بتفرق عن التانيه لأنها مفتوحة المصدر وقابله للتعديل

 

 

وآدى يا سيدى شرح بالصوت والصوره لتنصيب النسخه اللى فى الموضوع

 

 

 

 

 

وهديه منى حاجات هتفيدك جداً فى إستفساراتك وفى تجربتك مع لينوكس:

 

http://ar.wikipedia.org/wiki/%D9%84%D9%8A%D9%86%D9%83%D8%B3

 

فى كتاب كامل عن لينكس شامل هتلاقيه هنا :

http://www.cltb.net/ar

 

طريقة التنصيب :

 

http://www.cltb.net/ar/setup.html

 

 

شرح خاص للنسخه المذكوره فى الموضوع :

 

http://www.linuxac.org/forum/showthread.php?t=6648

[«۞۩ أبو سليمان ۩۞»]

ايه ده كله ايه ده كله

ما يجيبها الا رجالها

شكرا اخي كرينكل

:angry: :angry:

[bads ahmed amer]

ولو إنى مش فاهمة حاجة خالص

 

 

بس شكرا عاشق الصداقة على الإفادة لطالب هذا الشرح والتفسير

 

 

 

 

بدس

[عاشق الصداقه]

شكراً حبيبى عبقرينو .. ده واجبى

 

ولو إنى مش فاهمة حاجة خالص

 

أختى بدس ..

انا عارف ان فى ناس كتييييييير متعرفش أى حاجه عن لينكس

 

بإختصار :

 

لينوكس هو نظام تشغيل لجهازك (بديل للـ windows) وفيه دول بالكامل بتستخدمه ومش بتستخدم ويندوز ..

لكن إحنا فى مصر .. عدد قليل اللى بيستخدم لينكس أو يسمع عنه حتى .. الكل عارف الويندوز بكل اصداراته وقليل جداً اللى يعرف لينكس .. وعدد أقل اللى بيستخدموه

 

لينكس ليه مميزات وويندوز ليه مميزات .. زى بالظبط لما تتعاملى بالـ (windows media player) أو (real player) والاتنين بيشغلوا ملفات فيديو بس غير بعض

وفى ناس بتفضل واحد منهم عن التانى

 

ده مفهوم الموضوع فى أبسط صوره ..

 

الموضوع ده بقى عن آخر إصدار للى إسمه لينكس ده

 

انا عدلت الموضوع وضفت صور للنسخه علشان توضح للى ميعرفوش لينكس خالص

[bads ahmed amer]

الموضوع ده بقى عن آخر إصدار للى إسمه لينكس ده

 

 

 

 

أهو أنا على الأقل كده أنا فهمت لينكس ده يبقى إيه وبيستخدم فى إيه

 

 

شكرا على الإفادة عاشق الصداقة

 

 

وهذا هدفنا الأول والأخير

 

 

نفيد ونستفيد بجد شكرا على المجهود

 

 

 

 

بدس