أدِيْنِي نَجَحْت هشام الجخ

[الجندى المجهول 37]

أدِيْنِي نَجَحْت

 

 

 

أدِيْنِي نَجَحْت

وَشِمْتِت فِيَّا الْبَوَّابَات

 

وَالْمُدَرَّج وَالْسَّلَالِم

وَالْحِيْطَان قَالَت يَا عَالِم

 

بُكْرَة هْنْشُوف مِنْه تَانِّي وَلَّا غَار

وإِرْتَحْنا مِنْه بَعْد مَا طَال الْإِنْتِظَار

 

دَار الْضِّيَافَة عَلِّقَت زِيْنَة بِسْارِينَة

وَالْمَسْرَح الْلِي يَادُوْب عِرِّفْنِي مَرَّتَيْن عَامِل فَرِح

هِشَام نَجَح

 

وإِرْتَحْنا مِنْه وَمِن كَلامِه وَمَن قَصَايِّدُه وَمَن اللُوْمَان الْلِي يُوْمَاتِي بيَنْفَتح

هِشَام نَجَح

وَنَجَاحِه عِبْرَة وَمَوْعِظَة وَدَرَس إنَشْرّح

 

إِسْمَع وَإعي

يَا كُل طَالِب فِي النَّشَاط الْجَامِعِي إِسْمَع وَإعي

كَان فِي هِنَا وَاد أَسُمَراني أَلْمَعِي

عَمَلِي فِيْهَا الْأَصْمَعِي

وَكَتَب قَصَايِّدُه عَلَى الْوَرَق

وَكَتَب حَيَاتِه عَلَى الْوَرَق

يَا جَامِعَة مِلْيَانَة وَرَق

 

أَهُو لِمَا قَالُوْا إِنَّه نَجَح قَفَلُوا مِلَفَّه وَكَفِّنُوه

مِن غَيْر مَا حَتَّى يتَنِعي

فإِسْمّع وَإعي

 

جَانِي الْخَبَر وَأَنَا فِي الْصَّعِيْد .. فَاكُرِينِه بُشْرَى

مَاقَدَرْتّش أَسْتَنَّى لِبُكَرَه

كَانَت سَاعَتَهَا الْشَّمْس لِسَّه يَادُوْب بِتِطْلَع

وَأَنَا جَاي الْصُّبْح وَحْدِي

لِسَّه وَاصِل مِن الْسَّفَر وَالْدُّنْيَا بَرَد

الْدُّمُوْع دَفْتلي خَدِّي

قُلْت أَنُط الْسُّوْر أَلَّم سِنِيْنِي مِن جُوِّه

الْسُّوْر غَبِي مارْضيش يْخْلِّينِي أَعِدِّي

سُوَر الْرَّعَايَه عَشَان جَدِيْد مافهَمّش قَصْدِي

كُل حَاجَة فِيْكِي يَا جَامِعَة فَرِحَت لِمَا قَالُوْا إِنِّي نَجَحْت

أَنَا الْوَحِيْد الْلِي إِتِدَبَحت

[ali desoky 391]

ههههههههههههههههه

قصيده اكثر من رائعه

بالفعل هشام الجوخ اصبح من الشعراء المحبوبين من الجميع

 

والف مبروك عودتك الينا مرة اخري ياحبيبي

[الجندى المجهول 37]

جزالك الله خيرا استاذنا الجميل

ربنا يسعدك والجنه يوعدك

وربنا يتمملك بالخير

الله يسلمك يارب

[ماستر_ 0]

بصراحة كلمات رلئعة

[عاشق الصداقه 525]

كُل حَاجَة فِيْكِي يَا جَامِعَة فَرِحَت لِمَا قَالُوْا إِنِّي نَجَحْت

أَنَا الْوَحِيْد الْلِي إِتِدَبَحت

 

من 3 سنين فاتوا .. كنت فعلاً بتمنى متخرجش من الجامعه من حبى فيها ،، وأمنيتى إتحققت

كنت فعلاً ينطبق عليا قول هشام الجخ

لكن بعد كده كل أصدقائى اللى انا بحبهم وبحب الجامعه لحبى إنى أشوفهم كل يوم إتخرجوا .. وبقيت لوحدى ومصاحبتش حد جديد ومبقيتش أروح الجامعه

دلوقتى بتمنى أتخرج - علشان الجامعه بقيت واقفالى شوكة فى زورى ،، بتعطلنى عن شغلى وعن كل حاجه أيام الإمتحانات .. ودى الأيام الوحيده اللى بشوفها فيها

 

جزاك الله خيراً حبيبى على نقل الكلمات الجميله للشاعر المميز (بلدياتى) هشام الجخ

 

تحيتى وحبى

[الرّام 173]

أَنَا الْوَحِيْد الْلِي إِتِدَبَحت