سلامات يا مواطن

[الجندى المجهول]

سلامات يا مواطن

 

 

نقل عن اليوم السابع

هلا يامواطن سلامــــــــات القطر عليك عدى وفـــــــات

ولَّقْيت نفسك قاعد ساكـــت وحاتسكت كل الأوقـــــــــات

اسم مواطن موضه قديمـــة مبقاش يتقال غير ف السيما

زى الهلاهيل ملهوش قيمـة وقرينا عليه الفاتحة ومــات

ياخسارة تَعَبْكْ يامواطــــــن تِشْقى وتَعَبْك راح بالبــــاطن

بيقولوا عليك فلته وفاطـــن وبتفهم شغل الباشـــــــــوات

لا طْلِعْت بتفهم ولا حاجــة وعيالك حواليك محتـــــــاجة

دّوَرْ على رف ف تلاجـــــة قبل ماتملأها الأمـــــــــــوات

أو شوف لكْ شغلانة شريفة تاكل وتنام نومه خفيــــــــفه

وبلاش من شغل الكييفــــة وتِْضْيَّعْ فيها الألوفــــــــــات

راجع نفسك واللى جرالـــك وادعى لربك بصلاح حــــالك

عمر الدنيا ماكت دايمــــالك توب واتبارك بالصـــــــلوات

سلامات يامواطن سلامات