عينى عليك يا مصطفى بكرى

[بسمة الاقصى 78]

السلام عليكم

 

عارفين أكتر واحد صعب عليا فى مولد الانتخابات ده هو مصطفى بكرى وكيف تم إسقاطه عمداً بسبب ترشحه أمام السيد

 

الوزير سيد مشعل , طبعاً كنت عارفة من البداية إن مصطفى بكرى الدورة دى مش هينجح لأنه واحد من أشد رموز المعارضة شراسة فى الدورة اللى فاتت وكان عاملهم قلبان ووجع دماغ وفجر قضايا كتير وعلى رأسها القمح المسموم

 

اللى كانوا بيأكلوهلنا وأيضاً لأنه ترشح أمام سيد مشعل

 

لا أخفيكم سراً أنى فخورة بمصطفى بكرى ومتعصبة له لأنه طبعاً بلدياتى (قناوى يعنى ) لأنه صعيدى ودمه حامى

 

وما يعجبوش الحال المايل وبيصعب عليا دايماً لأنه بينفعل كتير وقلبه بيتعب

 

وأخيراً يوم الاثنين الماضى دخل مستشفى النصر العمالى

بسبب إصابته بأزمة قلبية حادة فقد على أثرها الوعى بعد إعلان النتيجة , عنده حق والله ومين يشوف اللى حصل ده

 

وما تجيلوش أزمة قلبية

وكان مصطفي بكري قد تقدم بشكوي أمس الاثنين الي رئيس اللجنة العليا للانتخابات يطالبه فيها بتصحيح اعلان نتيجة الدائرة الاولي بحلوان بسبب خطأ مادي في احتساب الأصوات يؤهله للفوز وليس كما أعلن رئيس اللجنة الفرعية بفوز مشعل.

 

وقال بكري في شكواه ان السيد المستشار رئيس اللجنة الفرعية للانتخابات بمحافظة حلوان أعلن عن فوز الدكتور سيد عبده مصطفي مشعل المرشح المنافس

 

علي مقعد الفئات دائرة قسم أول حلوان بعدد 20332 صوتًا علي منافسه محمد مصطفي بكري الذي حصل علي 19865 صوتًا وقال رئيس اللجنة في بيانه ان

 

عدد الأصوات الصحيحة 35000 ألف وبعد الانصراف تم اكتشاف خطأ مادي واتضح ان عدد الأصوات الحقيقية في ضوء ما أعلنه هو 40197 وهذا يتناقض مع

 

الرقم الذي أعلنه وعندما طلب منه مندوبي الخاص بلجنة الفرز السيد محمود مصطفي بكري بضرورة تصحيح الخطأ .. رفض رئيس اللجنة الفرعية حيث قال إن اللجنة العليا للانتخابات هي صاحبة القرار واني أعترف بوجود خطأ مادي.

 

وقال بكري ان رئيس اللجنة الفرعية رفض استبعاد الصناديق: صندوق 49 بمدرسة المعصرة الثانوية بنات وصندوق 50 بمدرسة سوزان مبارك وصندوق 161 بمدرسة صفية زغلول ، ولم يوافق علي استبعاد الصناديق 46، 47، 242 حيث جري التزوير فيها وبشكل واحد ويتناقض مع التوقيعات بالكشوف مع الأرقام الحقيقية المتمثلة في صناديق الانتخابات ، وطالب بكري بالتحقيق في شكواه

وانت جموع غفيرة من انصار بكري وأهالي حلوان تزيد علي العشرين الفا قد بدأوا اعتصاما مفتوحا اعتراض علي نتيجة الفرز واعلانها في وسائل الاعلام رغم ما شاب العملية الانتخابية من تزوير فاضح وبطلان في

 

احتساب الاصوات وذلك قبل اعلان النتيجة رسميا من قبل اللجنة العامة للانتخابات اليوم الثلاثاء مثلما اعلنت اللجنة العليا للانتخابات.

 

لكن الحمد لله هو خرج وبخير دلوقتى

 

وهيفضل مصطفى بكرى وأمثله يأدن فى مالطة إلى أن يقضى الله أمراً كان مفعولا

 

وربنا يعجل بالفرج

 

شاهدوا الفيديو اللى يحرق الدم دى وفى زيه كتير على مستوى الجمهورية طبعاً وبالراحة على أعصابكم لو حد

 

عنده ضغط ولا سكر يبقى بلاش أحسن

 

 

 

http://www.youtube.com/watch?v=JlHYQmEk7rY&feature=player_embedded

 

وقال إيه ......نزيـــــــــهة .............وشفاااااااااااااافة............وعجبــــــــــــــى

 

تم تعديل December 2, 2010 بواسطه بسمة الاقصى

[حسين المهدى 0]

بمصطفى بكري او من غيره البلد خربانه والحكومة بتعمل الهى عيزاه الانتخابات فيلم ساقط

[بسمة الاقصى 78]

بمصطفى بكري او من غيره البلد خربانه والحكومة بتعمل الهى عيزاه الانتخابات فيلم ساقط

 

لا يا أخى برضه وجود معارضين فى المجلس ضرورة وإن كانوا بيعلموا اللى عايزينه ولكن كان فى ناس على الأقل بترصد اللى بيحصل وتفضحهم قدام الناس

 

ولكن طبعاً المجلس حالياً خالى الدسم

 

ولا حول ولا قوة إلا باللـــــــــــه

 

ولكِ الله يا مصـــــــــر

[نودي 41]

بصي انا عايزة اقولك ع حاجة من الاخر مافيش وزير الحزب الوطني هيسقطه خلينا متفقين ع كده من الاول اعتقد ان غالبية الوزرا فازوا من اول جولة طبعا غير ان مصطفي بكري بالنسبة لهم عضو مشاغب

ميرسي يابسمة الاقصي وربنا يهدي بقي

[بسمة الاقصى 78]

بصي انا عايزة اقولك ع حاجة من الاخر مافيش وزير الحزب الوطني هيسقطه خلينا متفقين ع كده من الاول اعتقد ان غالبية الوزرا فازوا من اول جولة طبعا غير ان مصطفي بكري بالنسبة لهم عضو مشاغب

ميرسي يابسمة الاقصي وربنا يهدي بقي

أكيد يا نودى وبلا شك استحالة فى مصر حد يترشح قدام وزير ويفوز ودى تيجى

 

حسبنا الله ونعم الوكيــــــــل