لو سمحتوا ممكن حد يفتح ؟؟

[بنت مصرية 66]

لو سمحتوا ممكن حد يفتح...

يمكن تحسوا ان العنوان غريب

يعني ايه؟؟ لو سمحتوا ممكن حد يفتح

هو انتي داخلة فين علشان تقولي حاجة زي كده؟؟!!

هو انتي مش واخده بالك ان انتي في المنتدي في النت يعني وعندك عضوية وكمان في الفريق الإداري

يعني مافيش مكان في المنتدي الا ومفتوح قدامك

اه ياجماعة ماانا عارفة وواخدة بالي ان فين كويس وصحيح كل حاجة في المنتدي

مفتوحة قدامي مافيش مكان الا وبدخله وبشوفوا براحتي

بس للاسف فيه مكان مقفول هو اللي مش عارفة ادخله والمشكلة الاكبر انه اهم مكان

تخيلوا لما اكون انا في الفريق الاداري يعني المنتدي مسؤليتي وفيه مكان مش عارفة ادخله

طب تيجي ازاي دي ؟؟

بصراحة كمان انا اتعلمت حاجة من مدرب كبير اوي في التنمية البشرية

ان اقرب خط بين نقطتين هو الخط المستقيم

فقلت مابدهاش بقي

وخليني ارسم الخط المستقيم ده

واروح للي قفلوا دول واحمكمهم في امرهم

اه في امرهم

اللي هما اعضاء ياللا ياشباب كلهم من اول الادارة لحد اجدد واحد في الأعضاء

اه انتوا يااعضاء المتهم والقاضي في نفس الوقت

انتوا اللي قافلين وانتوا اللي هتلاقوا حل القضية ..

عايزن تعرفوا الاول طيب هو انتوا قافلين ايه اه صح حقكم

وانا هقلكم ...

بس علشان ماحدش يسال ونفهم كل حاجة لازم نعرف الحكاية من اولها

من كام سنة مش كتير اتنين اتقابلوا في نادي واعدوا مع بعض بيخططوا

 

لمشروع كبير اوي مشروع العمر وصفقة ماتتعوضش

اتكلموا واتفقوا كل واحد فيهم بامكانياته ساهم في المشروع اللي هما حلموا بيه سوا

 

اتفقوا انه علشان تحصل نهضة علي الاقل 20 الف شاب عربي يكونوا متميزين في مجالتهم

 

باختلافها وبدأوها بيهم واحد بيحب تنمية بشرية والتاني بيستهويه الكمبيوتر

وعملا ب"أتامورن الناس بالبر وتنسون انفسكم" هما من جواهم قدين النية انهم

 

يقودوا مسيرة التغيير دي ويكونوا شاطرين كل واحد في مجاله ...

الحلم كان صغير اوي كان يدوب جروب علي الياهو

ودلوقت بعد بقي من اكبر المواقع علي الانترنت

ايوا من اكبر لانه بدون موسيقي وافلام قدر يحقق ارقام كبيرة من الأعضاء

ومن اكتر المواقع المتميزة في البرمجة والمصادقة لمحركات البحث

عارفين كمان اللي بيحب التنمية البشرية بقي مدير ومؤسس لفريق تنمية بشرية

 

ومن اكبر المدربين في عمله وجيله وبلده وسنه كمان

والهاوي كمبيوتر من احسن المبرمجين ويمكن الوحيد علي مستوي منطقته وبرضوا في جيله وسنه

هما لسه شباب صغيرين حلموا بحلم وماشين فيه واللي حواليهم بيقتدوا بيهم

وقدروا يجذبوا ناس معاهم للتغيير ده

المشكلة ان المشروع ده كانت فيه مخاطرة

زي مصنع عامل بضاعة وبيبعها في السوق وهي جديدة ممكن حد يشتري وممكن لا

ولو محدش اشتري يبقي البضاعة ملهاش لازمة والمصنع خسر

والحمد لله البضاعة هنا ليها جمهور وفي ناس بتشتري

المشروع هنا من اول مابتدي وهو بياخد فترات ركود والبضاعة تتخزن لدرجة انها ممكن تبوظ

 

بس بترجع الدنيا تمشي

بس المرة دي الركود طوووووووووووووووول اوي

ودلوقت ده حاصل في وقت المشروع كبر وماينفعش يقف

هنا كل الاعضاء اللي هما شركاء في المشروع قفلوا الباب

اه فقلوا الباب

كل واحد فيكم قفل الباب

لما بطل يرد علي المواضيع في المنتدي علي راي سمعته من حد ووجعني "المنتدي اللي ماحدش بيرد علي بعض فيه

"

قفل الباب لما بطل يشارك مشاركات نافعة

قفل الباب لما بطل ينزل مواضيع

قفل الباب لما بيكون فيه حمله او فعالية في المنتدي ومايشاركش فيها

قفل الباب لما مابقاش فيه افكار بيقولها لمنتداه

اتقال كتير علي ياللا ياشباب ان اهم حاجة بتميزه الردود المميزة والمشاركة الفعالة لاعضائه

بس فين؟؟؟

اعضائه قفلوا الباب

اعزائي المنتدي بتاعكم ومحتاجكم وهو امانه في رقبتكم

رضيتم تكونوا اعضاء ياللا ياشباب وتشيلوا مسؤلية الحلم

من اجل شباب عربي افضل

 

يعني أمانة

 

يعني حاجة صغيرة نقدمها لديننا وأمتنا

 

نقدر نقدمه حجة لرسول الله صلي الله عليه وسلم

يبقي هتتسألوا عنه

ماحدش يتحجج ويقول الوقت لو ربع ساعة تديها ترد فيها وتقدر اللي بيتعب وبيحطلك موضوع

 

ده لو بس وقفت علي الرد... وديقة الوقت

 

يبقي انت عملت حجات كبيرة لنفسك قبل المنتدي

تخيل بس كم الحسنات اللي ممكن تعود عليك ؟؟!!

مش هطول اكتر

بس خلوني ارجع اسألكم

لو سمحتوا ممكن حد يفتح ؟؟؟؟؟!!!

ملحوظة مهمة: الموضوع ده احترت احطه فين لكن اخترت في الأخير

اني احطه هنا في اصل المنتدي وفكرة انشائه التنمية البشرية والتغيير لأفضل

حسب حكمكم هيكون الموضوع التالي ؟؟؟؟؟!!!!

لاتنسوني من صالح دعائكم بظهر الغيب

سبحان الله وبحمده ..سبحان الله العظيم

وصلي اللهم وبارك علي سيدنا محمد وعلي آله وصحبه الي يوم الدين

ياللا نشارك...

من فضلك اذا اعجبك الموضوع قم بتقيمه ..

 

[ابن تيميــــة 158]

جزيتي الجنة اختي بارك الله فيكِ موضوع جميل بجد

 

ويارب كل اخ واخت يقرأ اللي مكتوب كويس

 

لان منتدانا ده عظيم واحنا هنفذ اي شئ يوصله للقمة ان شاء الله

 

تم تقييم الموضوع لانه فعلا قيم لانه يخص منتدي قيم

 

تقبلي مروري اختي

[ريتاج ريتاج 0]

* انا لسة جديدة فى المنتدى وهو بجد جميل جدا جدا جزاكم الله خير و ان شاء الله اشارك معكم بس شوية لما اتعلم شوية كمبيوتر لانى بستخدمة لاول مرة

[بنت مصرية 66]

جزاك الله خيرا اخي عيسي 0انشط عضو في المنتدي

ومرحبا بعضوتنا الجديدة ريتاج وان احتجت لشيء نحن مستعدين لمساعدتك

 

ايه ياجماعة ما حدش شاف الموضوع ولا ايه

 

الظاهر فعلا ان مافيش حد عايز يفتح الباب

الله المستعان

:sad::sad:

[Dr.A7MD 130]

بسم الله هبدا كلامى وصلاتى وسلامى على المظلل بالغمام خاتم الرسل الكرام

 

أولاً ... قبل كل شىء أحب أشكرك على اختيارك لعنوان الموضوع ومضمونه رغم وجود بعض الملاحظات البسيطة وأظن أنك عرفاها

 

ثانياً ... بجد بجد أختى بنت مصرية ,,, حضرتك من الناس القلائل اللى بحب أقرى جميع موضوعاتها كاملةً عشان بلاقى فيها فكر وأسلوب جميل وجذاب ,,, ربنا يبارك فيكى

 

ثالثاً ... أنا قريت الموضوع من أول ما نزل بس مكنتش متاحة ليا الفرصة للرد عشان ظروف كتير ومشاغل أكتر

 

رابعاً ... ندخل فى صلب الموضوع بقى

 

لازم نعرف حاجة مهمة جداً جداً جداً ,,, أننا لما بننقد شىء ما فاحنا مش بننقد الشخص ذات نفسه ,,, احنا مش بننقد شخصيات ,,, احنا بننقد أفعال لأن معظمنا منعرفش بعض كشخصيات اتقابلت وجهاً لوجه ,,, دى حاجة مهمة جداً جداً ولازم الكل ياخد باله منها

 

حكاية أن فى باب مقفول وهل ممكن حد يفتح وكدا

 

أى باب فى الدنيا لما ميكونش فيه مشاكل وسلس فى فتحه عمرك ما تلاقى مشكلة فى فتحه إطلاقاً

 

الباب اللى فيه مشاكل فى فتحه يا إما تكون المشكلة من بره أو من جوه

 

يا إما تكون أنت مش معاك مفتاحه يا إما يكون فى عائق لفتحه سواء العائق داخلى أو خارجى

 

وعشان تفتح الباب لازم تعرف مشكلته الأول فين ,,, هل هو فى المفتاح ولا فيه حاجة محشورة فيه

 

وفى غالبية الأحيان لما يتفتح الباب بيتفتح بطريقة غير معتادة عشان تعدى المرحلة اللى أنت فيها دى وبعدين ترجع ديناميكية الباب زى ما كانت

 

===========================================

 

كل مشروع فى الدنيا غالباً غالباً مش بتكون فيه مشكلة فى أهدافه أو الموارد المخصصة ليه ,,, إنما بتكون المشكلة الكبرى فى إيجاد الكوادر الفعالة فى النهوض بهذا المشروع

 

ولازم يكون للمشروع استراتيجيات وخطط موضوعة بدقة ونظام محدد بوقت معين عشان فى نهاية الوقت ده نقعد نشوف ونحط كل حاجة على الطرابيزة ونشوف عملنا ايه ومعملناش ايه وبالنظام ده نقدر نقيم نفسنا وشغلنا ونشوف ماشيين صح ولا لا

 

تعالى حضرتك نشوف أى مؤسسة أو شركة أو حكومة غربية بتعمل ايه عشان توصل لشىء معين

 

شوفى حضرتك نظامهم ايه وقارنى باللى بيتعمل فى أى نظام عربى

 

هقولها صريحة وبشكل تام ,,, العرب فاشلين بدرجة امتياز فى الشغل المؤسسى والجماعى [ إلا بعض الأمثلة النادرة ,,, إلا من رحم ربى ]

 

وده بيحصل لأسباب كتيرة جداً ( اهمال - تكبير دماغ - معلش - آخر مرة - سماح - هى كدا كويسة - ملكش دعوة - مليش دعوة - أنا حر - ..... إلخ )

 

===========================================

 

لو هنتكلم عن ياللا يا شباب ... فهنتكلم للأسف بشكل غير منصف لأننا مش عارفين كل حاجة عن الموقع وظروفه وامكانياته المادية والبشرية ... فهتكون شهادتنا ناقصة بشكل كبير

 

بس على حسب المعروض واللى قادرين نشوفه هنقول اللى نقدر عليه

 

ودلوقت بعد بقي من اكبر المواقع علي الانترنت

ايوا من اكبر لانه بدون موسيقي وافلام قدر يحقق ارقام كبيرة من الأعضاء

 

أولا .... تقييم المواقع على شبكة الانترنت بيكون من خلال أوجه عدة [ برمجة - مصادقة محركات - ترتيب - نظام إدارى وإشرافى - المشاركة فى الموقع - ..... إلخ ] ... حاجات كتيرة جداً جداً

 

مش عشان ده موقع اسلامى ولا عشان ده موقع اقتصادى ولا عشان ده بدون موسيقى وأفلام .... دى مقارنة محصورة فى نفس نوع المواقع والمنتديات اللى موقعك أو منتداك واخد نهجها

 

فى حالة ياللا يا شباب ... قارنيه بأعمار المواقع والمنتديات اللى من نفس سنه أو حتى اللى أصغر من سنه

 

قارنيه مثلا بمنتديات اسلامية زى فرسان السنة وحاجات تانية كتير

 

قارنيه بمواقع ومنتديات لها نفس امكانياته والأعضاء اللى فيه

 

وحضرتك العبرة مش كبر عدد أعضاءه .... كام واحد من الأعضاء دول بيكتب ويشارك ... أو بالأدق مين اللى بيشارك بصفة مستمرة .... ولو أدق أكتر كام واحد من الأعضاء دول بيحاول يكبر وينافس بالموقع والمنتدى بفكر جديد وعقلية شغالة بتفكر صح

 

شوفى قوة النظام الادارى وقوة أعضاء الفريق الإدارى وقوة فريق العمل ... ولما نتكلم عن إدارة بنفصل بين البرمجة والإدارة ... دى حاجة ودى حاجة تانية خالص

 

هل يوجد فى ياللا يا شباب فريق إدارى محترف !!!! .... هل يوجد فريق عمل محترف !!!! ... هل يوجد نظام تدريب لكوادر ياللا يا شباب عشان يدخلوا فى فريق العمل أو الفريق الإدارى !!!!

 

بعد ما تلاقى إجابة لكل الحاجات دى أقولك قارنيه مثلا بفرسان السنة , دبليو إنتر , إيديال ديزينر ,,, منتديات ليها نفس طابع ياللا يا شباب أو ليها نفس العمر أو حتى أصغر منه

 

=============================================

 

نظرة أى زاير لياللا يا شباب بتكون نابعة من 3 حاجات ملهمش رابع

 

- برمجة الموقع - استايل الموقع - وجود الحاجة اللى عشانها دخل المنتدى وسجل

 

هاتيه وقوليله مثلا شارك معانا ياللا مدام عجبك الموقع ... ها هتشارك ولا لا !!!!!

 

اه والله أنا هشارك عشان كيت وكيت وكيت .... تلاقيه يوم اتنين اسبوع وبعد كدا مفيش يا إما زهق أو لقى تصرف ما من حد ما مش عجبه وملهوش إيضاح أو تفسير كان ممكن يشوفه قبل ما يسجل ويشارك فى المنتدى

 

لا والله مش هشارك عشان كيت وكيت وكيت ... أنا لقيت حاجتى وخلاص وبعدين أشارك ليه فى منتدى نايم !!!!

 

=============================================

 

قوانين ياللا يا شباب ,,, قوانين إطاراتها كبيرة جداً وشكلها الخارجى جميل للى يبصلها لأول مرة حضرتك

 

لكن العضو المشارك والفعال فى ياللا يا شباب لو بص بصة فاحصة هيلاقى أن فى أمور كتير جداً بتتنفذ بشكل محدش أعلن عنها فى القوانين

 

ولما تيجى تناقش اللى حصل ,,, يقولك أهى دى قوانين الموقع ,,, طب أنهى قانون عشان نعرف !!!! ..... طب مش حاطط ليه الكلام ده فى القوانين !!!! .... طب مش مفسر ليه عشان نعرف قبل ما نسجل !!!!!

 

=============================================

 

مرة من المرات ... كانت فى حاجة مطروحة للنقاش وفى فكرة أننا نعمل كذا وكذا وكذا

 

طيب جميل ... اتناقشوا بقى واوصلوا لصيغة من الصيغ ونفذوها

 

المهم النقاش أخد وقته وناس قالت رأيها وشاركت وناس مش شاركت خالص ,,, المهم الموضوع نام بالراحة

 

بعدها تلاقى الحل طلع فى صورة قرار إدارى محدد كل حاجة بالنسبة للموضوع اللى بنتكلم فيه

 

طب مدام فى قرار إدارى من الأول ..... مكنش ليه مطروح قبل النقاش أو حتى أثناء النقاش !!!!!

 

اتكلما وجبنا وحطينا واستنينا والحل أصلا كان فى قرار إدارى

 

=============================================

 

فى عشوااااااااااااااااااااااااااااااااااااااااااااائية شديدة جداً جداً جداً فى بعض الأمور ...... وكل واحد ماشى بمزاجه وباللى فى عقله ..... عشان كدا مفيش فريق وتيم واحد

 

هديكى مثال بسيط جداً ,,, موقع مش بيرغمك أنك تسجل فيه إطلاقاً ,,, لا عشان تشوف اللينكات ولا حتى عشان تشوف أو تحمل المرفقات

 

يعنى أنت كزاير فى الموقع ده بتشوف المنتدى وتستعمل صلاحيات العضو من ناحية رؤيتك للروابط ورؤيتك للمرفقات وتحميلها

 

تحمل دروس وبرامج ودورات وكورسات واسطوانات ... كله كله وأنت زاير

 

يا ترى الناس بتسجل فيه ليه وبترد على المواضيع ليه وبتشارك فيه ليه ؟؟؟

 

مع أن 90% من موضوعاته موضوعات خدمية وليست نقاشية ,,, يعنى ناس بتقدم الخدمة ومش عاوزة حتى منك كلمة شكر

 

الناس بتسجل وتشارك ليه ؟؟؟ ... أهو الموقع ده عمره نفس عمر ياللا يا شباب

 

عارفه الفرق ايه ؟؟؟؟ ... الفرق أن الموقع ده بدأ صح واشتغل صح وشغال صح ... وكل مرحلة من دى مختلفة عن التانية [ بدأ - اشتغل - شغال ]

 

هنا عدد الأعضاء كسر حاجز 85000 عضو ... كام واحد بالذمة شغال ومشارك وبينهض بالمنتدى بفكر جديد مش مجرد نشر المعروض فى مواقع ومنتديات تانية [ ده أنت كدا بتعمل إشهار للمواقع دى هنا ببلاش ]

 

==========================================

 

عاوز تبقى كبير بجد ..... العب مع الكبار وحط رجلك فى مكانهم بس لما تكون عارف إمكانياتك وكوادرك صح

 

عمرك ما هتكبر وأنت بتنافس اللى أقل منك أو واقف أو حتى ماشى محلك سر

 

اعمل خطط واستراتيجيات ربع سنوية أو نص سنوية أو حتى سنوية ,,, واقعد قيم نفسك وكوادرك وحط كل حاجة على الطرابيزة قدامك وشوف عملت ايه وفشلت فى ايه وحاول توصل لحلول مقنعة ليك ولغيرك مش مجرد أنصاف حلول عشان منزعلش حد

 

[ أصل فلان ده صاحبنا - أصل فلان ده معانا من زمان - أصل مش لاقى - أصل ... أصل .... أصل .... ] وفى النهاية تخلص الحاجة على مفيش والمعروض هو المتاح

 

إنما لو حاسس انك كدا واخد وضعك صح وكدا الأمور زى العسل معاك .... كدا تمام عليك ووضعك حلو خالص كدا

 

فى حاجة ظريفة فيها معانى كتير

 

فرضنا نفسنا أننا فى غابة ... هنلاقى مثلا أعزكم الله شوية حمير ناوية تدخل سباق مع بعضها ... كل المشاركين فى السباق حمير وكل حمار عارف أنه حمار وأحسن وأفضل إمكانيات فى السباق هى لحمار برضو ... فكل المشتركين فى السباق حمير والفايز هيكون حمار برضو لا هيترقى ويكون حصان ولا هيبقى حاجة تانية ... فاستحالة هتلاقى حصان داخل فى سباق حمير أو حمار داخل فى سباق للأحصنة ... إلا بقى لو كان السباق كصراع من أجل البقاء .. هنا هتلاقى كل الحيوانات دخلت فى بعضها واحتمال تلاقى بنى آدمين كمان

 

==========================================

 

ياللا يا شباب وبدون زعل ماشى بنظام التوجيه الفردى ,,, يعنى كل الأفكار لما يتم طرحها بتطرح من جانب إدارى فردى ويتم أخذ الآراء عليها .. موافق أو رافض

 

ولازم يتم تحديد هوية الموقع ..... هل سياسة الموقع جاية بتوجيه أحادى الجانب ويتم مناقشتها بعد كدا ولا هل الموقع عايز يشتغل شغل مؤسسى صح !!!!

 

فى قسم هنا الغرض منه طرح الأفكار للنهوض للمنتدى ومش موجود فيه إلا 3 مواضيع إدارية ... هل فى حد شارك بفكرة أو قال رأى !!! ... طيب مش مشاركين ليه ... هل مفيش أفكار عند الناس ... ولا الناس حاسه أن الحال مش ماشى فبتقول لما يتعدل الحال الأول !!!!

 

=========================================

 

مش هقول لحضرتك أن الجميع مقصر والكلام ده كله ...... بس بجد جوهر التميز فى أى موقع أو منتدى بالدرجة الأولى واقع على أسلوب إدارة المنتدى والفريق الإدارى ... هل بيشتغل بحرفية ولا لا ؟؟؟

 

عندنا برمجة هنا زى الفل وأنا أثق فى برمجة ياللا يا شباب إلا بعض الحاجات اللى بتسقط سهواً لا عمداً

 

إنما كإدارة للمنتدى فالجزء ده عاوز إعادة تقييم ومراجعة بشكل كبير جداً مدام عاوز تكبر بياللا يا شباب وتقارنه بالكبار

 

وقلتها فوق وبكررها ..... البرمجة حاجة والإدارة حاجة تانية خالص

 

مطلوب إدارجين محترفين بيشتغلوا بأسلوب موحد بيبصوا لبعيد مش تحت رجليهم وبس

 

=========================================

 

مرة أخيرة بقول ... النقد مش موجه للشخصيات ... النقد موجه لشغل وعمل الشخصيات ... لا بنشكك فى أخلاقيات ولا قدرات ولا أى حاجة

 

وفى فرق كبير جدا بين النقد والنقض ....... وياريت الناس تكون عارفه الفرق

 

بعد ما نلاقى أجوبة لكل ده ..... ساعتها نسأل السؤال ونقول [ لو سمحتوا ممكن حد يفتح ؟؟ ]

 

اه قبل ما أنسى .... الموضوع ده فيه تصرف كان المفروض يتعمل ومش اتعمل ... يا ترى دى مسئولية مين !!!!

 

وياريت يا بنت مصرية تتقبلى النقد بشكل رحب وميكونش فى زعل .... أنا كدا دايماً للأسف .... مش بحب أقرى والسلام وأقول جزاك الله خيراً وربنا يبارك فيكى وبس

 

وياريت الموضوع ياخد طابع نقاشى نوصل منه بجد لحلول تتنفذ مش مجرد كلام على كيبوردات وخلاص

 

تحياتى ليكى وآسف جداً للإطالة ....... ولو مكنتش مهتم بالموضوع ولا بالمنتدى مكنتش رديت ولو بكلمة

 

والسلام هو خير الختام

 

سلام عليكم

تم تعديل December 10, 2010 بواسطه Dr.A7MD

[بسمة الاقصى 78]

بنت مصرية :

 

فعلاً مؤخراً لاحظت غياب أعضاء كانوا مؤثرين أو على الأقل وقلة تواجدهم و لا أدرى حقاً ما السبب بالإضافة إلى قلة الردود أيضاً

 

دكتور احمد :

 

حضرتك اتكلمت كتير وواضح إنه عندك كلام أكتر وبانتظار رأى الإدارة فيما كتبت وليكن نقاشاً عاماً إذا أردتم

[عاشق الصداقه 525]

بارك الله فيكِ أختى الفاضله بنت مصريه على مبادرتك الطيبه وعلى موضوعك المتميز ،، وهذا ما عهدناه منكِ فى جميع موضوعاتك

 

فمن أعضاء ياللا يا شباب من أقسم على نفسه ليكونن متميزاً فى كل مشاركاته ،، وفعل .. فالله أسأل أن يديم عليكِ التميز فى كل أمرك

 

وألا يحرمنا من موضوعاتك وأفكارك الجميله التى تناقشين بها أى قضايا أو توصلين بها أى مفهوم

 

بالنسبه للموضوع .. فقد قرأته منذ كتابته .. وإستوقفنى كثيراً .. لأننى فهمت تماماً الغرض منه ،، وهو ما لم يفهمه الكثيرون !!

 

ودعينى أفسر أهم عبارات بالموضوع توضح بجلاء الهدف الكامل للموضوع وماذا يناقش وما المشكلة أو القضيه التى تريدين لها حلاً بطرحك لهذا الموضوع

زي مصنع عامل بضاعة وبيبعها في السوق وهي جديدة ممكن حد يشتري وممكن لا

 

بإسقاط هذا المثال على المنتدى - فهذا يعنى وجود موضوعات كثيره وقيمة بالفعل .. ولكن ربما يقرأها أحدهم وربما تركد بدون أن يستفيد منها أحد

 

ولو محدش اشتري يبقي البضاعة ملهاش لازمة والمصنع خسر

 

هذه الجمله توضح بشكل أكبر أن الموضوعات (البضاعه) لن يكون لها فائده بدون قرائتها والتفاعل معها ،، وأن المنتدى (المصنع) سيخسر هدفه وهو إفادة الشباب العربى على الإنترنت من الموضوعات والمشاركات الموجوده بالمنتدى

 

والحمد لله البضاعة هنا ليها جمهور وفي ناس بتشتري

 

هذه الجمله توضح بشكل فاصل أنه فى حالة منتدانا فبفضل الله يوجد جمهور .. بل وجمهور كبير يأتى لقراءة هذه الموضوعات (يستفيد من البضاعه) ،، وهو المقصود بالشراء

 

المشروع هنا من اول مابتدي وهو بياخد فترات ركود والبضاعة تتخزن لدرجة انها ممكن تبوظ

 

هذه النقطه هى الفيصل فى المشكله التى يواجهها المنتدى والتى من أجلها تمت كتابة هذا الموضوع

 

ألا وهى (ركود الموضوعات بدون ردود) ،، فالموضوعات موجوده ،، وفى كل يوم يتم كتابة موضوعات كثيره من أعضاء المنتدى فى أغلب الأقسام

 

بل وأغلب هذه الموضوعات موضوعات مميزه ومفيده للغايه .. ولكن المشكله أن الكثيرون جداً لا يقومون بالرد على هذه الموضوعات والتفاعل معها

فقط هذه هى المشكلة الحالية فى ياللا يا شباب

 

وهى مشكلة مسببه وليست بالخطيره .. بل وطبيعيه .. ولكل نظام قصور ،، ولكن القصور فى حالتنا هنا ليس بالكبير ولا الخطر وسأذكر أسباب المشكلة المطروحه والحلول وتقييم سير مجموعة ياللا يا شباب فى المرحلة الحاليه .. فى الموضوع التالى

====

 

تقييم وتوضيح لخطة المرحلة الحاليه فى ياللا يا شباب - لمن يهمه الأمر !

 

====

ومره أخرى جزاكِ الله كل الخير أختى بنت مصريه

[beonlinenet 5]

بسم الله الرحمن الرحيم

 

السلام عليكم ورحمه الله وبركاته

 

مشكور أخني فى الله بنت مصرية

 

كذاك الله خيرا على البوح بما فى الصدور الآخرين،

 

أريد أن أقول بالمشاركة يزداد العطاء .

 

 

[mona ahmed 19]

شكرا على الموضوع اجميل دة

وهنفتح الابواب ان شاء الله

بس اللى شاغلنى الامتحانات

[عاشقة الفردوس 161]

فمن أعضاء ياللا يا شباب من أقسم على نفسه ليكونن متميزاً فى كل مشاركاته ،، وفعل .. فالله أسأل أن يديم عليكِ التميز فى كل أمرك

 

وألا يحرمنا من موضوعاتك وأفكارك الجميله التى تناقشين بها أى قضايا أو توصلين بها أى مفهوم

 

اللهم آمين ...أسأل الله لكم العون والسداد في كل اعمالكم ....وأسأل الله لي ولكم الصدق في القول والإخلاص في العمل ....أسأل الله ان يرزقكم خير صحبة وخير معين...

 

أسال الله العظيم أن يملأ قلبوبكم بالخير..ويرزق انفسكم الطاهرة أحسن النيات

[بنت مصرية 66]

& دكتور أحمد & بسمة الأقصي & عاشق الصداقة &

beonlinenet& مني احمد & عاشقة الفردوس &

اشكر الجميع علي مشاركتهم الفعالة والمميزة في الموضوع وآرائكم كلها اعتز بيها

لان ده المطلوب من اعضاء المنتدي اللي دايما متميزين

وزي ماقال عاشق الصداقة فعلا الموضوع زي مجموعة مواضيع تانية

هو خاص بحثكم علي المشاركة الفعالة والرد علي المواضيع وعمل الموضوعات المتميزة

انتوا بداتوا وقيمتوا الموضوع وشاركتو فيه ودي كانت اجابتكم علي كتابة الموضوع التاني

علشان نبتدي مع بعض فعلا نفتح كل مااغلقناه او مستنين الوقت المناسب علشان نفتحه

واقراوا موضوع عاشق الصداقة عن المرحلة التانية من ياللا ياشباب علشان تكونوا معانا في الصورة اكتر

 

دكتور احمد بارك الله فيك علي مروروك وردك اللي دايما بيكون رد نقاش ومختلف

موضوع التنظيم والتخطيط دي حجات تانية مختلفة عن قصدي في الموضوع ده غير ان فيه منها حجات فردية بيتم التعامل معاها في كواليس الاداردة

لكن تخطيط المنتدي ماشي خطوة بخطوة وهدف بهدف

الحمد لله

 

في انتظاركم في حملة التميز

[ابويحيى 1]

يعطيك الف10000 عافيه

[youssefx 0]

سوف نفتح انشاء الله.اخوكم يوسف

[Asya 11]

بارك الله فيك

جزاك الله خير

اشكرك على الموضوع الرائع

يسلمووووووووووووو