وزارة التعليم تضيف درساً عن الحزب الوطني وتعدل تاريخ الفتح العثماني

[El-Saher Fantasy]

بسم الله الرحمن الرحيم

"اليوم السابع" يكشف.. "التعليم" تضيف لمنهج "التاريخ" درساً عن "الحزب الوطنى".. وتصف عصر مبارك بـ "عصر الإصلاحات السياسية".. وتحوِّل "الفتح العثمانى" إلى "غزو لمصر"

 

علم اليوم السابع أن وزارة التربية والتعليم أضافت لكتاب مادة الدراسات الاجتماعية، المقرر على طلاب الصف الثالث الإعدادى خلال العام الدراسى الجديد 2010/2011، درساً عن "الحزب الوطنى الديمقراطى" فى الوحدة الرابعة "الحياة السياسية وعلاقات مصر الدولية" من كتاب المادة بالنصف الدراسى الثانى، وأوضح مصدر رسمى بالوزارة أن الدرس دخل على الكتاب فى نسخته "المطورة"، والتى سيدرسها الطلاب لأول مرة خلال السنة القادمة.

 

ويبدأ الدرس، الذى حصل اليوم السابع على نسخة منه، بالتأكيد على أن الحزب الوطنى الديمقراطى هو "حزب شعبى يمارس نشاطه فى نطاق الشرعية الدستورية، وإلى جانب هذا التعريف توجد صورة بالألوان فى رأس الصفحة لشعار الحزب".

 

ويحدد الكتاب 3 أهداف للحزب الوطنى، وهى بناء الإنسان المصرى وتنظيم جهوده وضمان حريته، وكفالة رفاهية الإنسان المصرى فى إطار من السلام الاجتماعى والوحدة الوطنية، وثالثاً تحقيق العدالة الاجتماعية وسيادة القانون.

 

ويعرض الكتاب برنامج "الوطنى" فى 7 نقاط هى: المواطنة أساس المساواة التامة فى الحقوق والواجبات، والهوية المصرية فى إطار من انتماء مصر الحضارى للأمتين العربية والإسلامية، وضمان احترام حقوق الإنسان ومواصلة مسيرة الديمقراطية من خلال تعزيز الحريات العامة، والتأكيد على دور الدولة فى تهيئة مناخ مناسب للتنمية فى إطار من المسئولية الاجتماعية، والتأكيد على دور وأهمية القطاع الخاص فى تحقيق أهداف التنمية، والتأكيد على أهمية المجتمع ودوره فى التنمية وتعزيز مساهمة الشباب والمرأة فى الحياة العامة، والتفاعل الإيجابى مع العالم لتحقيق المصالح الوطنية وتدعيم مشروعات التنمية الداخلية.

 

ويصف الكتاب الحزب الوطنى بأنه "أكثر الأحزاب شعبية فى مصر، أما باقى الأحزاب، التى تأسست فى مصر بعد صدور قانون الأحزاب السياسية عام 1977، فلم يذكر الكتاب أسماءها واكتفى بالتأكيد على أن عددها، قبل تولى الرئيس مبارك الحكم، كان 5 فقط ثم زاد بعد توليه الرئاسة و"تخفيفه القيود على النشاط الحزبى" إلى 24 فى الوقت الحالى.

 

ويقول الكتاب "الأحزاب تمارس نشاطها السياسى بكل حرية فى إطار ضمانات قانونية وسياسية كاملة"، ويصف عصر الرئيس مبارك بأنه "عصر الإصلاحات السياسية وتعميق الممارسة الديمقراطية والانتقال إلى مرحلة جديدة من العمل السياسى، تتناسب مع ما شهده المجتمع المصرى من تطورات ثقافية واجتماعية واقتصادية".

وفى إطار إدخال تعديلات على كتاب المادة، تكشف النسخة "المطورة" من "الدراسات الاجتماعية" قيام الوزارة بتغيير اسم درس "الفتح العثمانى لمصر" ليتحول إلى "الغزو العثمانى لمصر" لأول مرة فى المناهج التعليمية بمصر، ويرى الكتاب أن السبب فى وقوع الغزو هو رغبة السلطان العثمانى سليم الأول فى توسيع ممتلكاته فى الشرق عن طريق الاستيلاء على مصر "التى تمثل قلب العالم الإسلامى" بحسب الكتاب.

 

وفى شرح درس "الغزو العثمانى لمصر" يستطرد الكتاب "لجأ العثمانيون إلى الدين واستخدموه لاستمرار فرض سيطرتهم على العالم العربى، خاصة أن عقلية العصور الوسطى كانت سائدة فى العالم العربى، وهى عقلية تعتمد على الحفظ والتلقين والاهتمام بالعلوم الشرعية والفقهية دون العلوم التطبيقية".

[عاشق الصداقه]

قلــــــــة أدب

[El-Saher Fantasy]

أوجزت فأنجزت فصدقت يا صديق

[«۞۩ أبو سليمان ۩۞»]

موش كفاية العيال طفشانين من المدارس عشان المواد اللي في قمة الغباء كمان جيبينلهم الحزن الوطني في الكتب كمان

 

ناقصة غم

 

و كمان بيزوروا التاريخ .. بيعتبروا الفتح العثماني على انه غزو !!!!!!!!!!!

 

 

 

... الدولة العثمانية اللي نشرت الاسلام في اوروبا بقيت دلوقتي دولة عدوة ؟؟؟...

 

حسبنا الله و نعم الوكيل

 

 

[بسمة الاقصى]

قلــــــــة أدب

صــــــــــــــــــــــــــــــــــــــــــح

 

وبعدين عادى عادى اللى بيحصل ده

[El-Saher Fantasy]

رأي جميل جدا قاله أحد العملاء عندي ف الشركة لما جالي وقريته الموضوع

بالمناسبة هو قال ان الموضوع ده قديم وان الكتاب ده فعلا هيدرس السنادي ف الترم التاني

المهم هو رأيه ايه بقى؟؟

"ده نوع من رد الجميل"

مش الحزب الوطنى اللي خلاه وزير؟ يبقى لازم الراجل يرد الجميل وإلا يبقى مش تمام

ده غير ان الحزب الوطنى مش أغراب عن بعض، كلهم قرايب

واحد ابن اخت التاني والتاني جوز اخت التالت والتالت يقرب لابن عم الرابع وهكذا

أسرة مع بعضيهم يعني، ليه بقى الناس تزعل؟؟

 

وصراحة لقيت انه معاه حق ف رأيه، خصوصاً ان فعلا مافيش حد بيقول لأ

فالأحسن اننا نمشي جوا الحيط (ده لو سابولنا الحيط)

اخواني، لنا الله

والجيل الجديد ربنا يتولاه برحمته

تم تعديل December 13, 2010 بواسطه El-Saher Fantasy

[عاشق الصداقه]

ودلوقتى بقى هيعملوا إيه !!

 

لو سألت الأستاذ الدكتور الفاضل اللى قام بتعديل المنهج وضاف الحاجات دى ،، لو حد سمحله انه يفضل فى إيده القرار دلوقتى >>>>>>

 

هينسف أى حرف من حروف كلمة الحزب الوطنى ومبارك من أى منهج ،، ولو ذكروا هيكونوا بالتوبيخ فقط ، مش كده ولا ايـــــــــــــــــــــه !!!

 

أم النفاق اللى ماشى فى دم العالم دى ،، لكن الحمد لله اللى ثبتنا زمان وكنا نهاجم ده ونتبرأ منه ،، ودلوقتى لا زلنا على نفس النهج ،، ونسأل الله الثبات على الحق حتى نلقاه

 

مبروك يا غاليين ياللى كنتوا بتقولوا مش قدامنا غير نمشى تحت الحيط - ربنا كبيـــــــــــــــــــر .. وأهى الحيط إتهدت على روسهم هما ،، والعزه لله ولمن والاه

 

خالص تحيتى

[دعوه للجنه]

وايه الجديد ، ما هو قبل الحيطة ما تنهد مش كانت بتتجاب سيرة حد فى اى حد فى اى حاجه عن اى حاجة

وكان فلان ارهابى وغيرة جاسوس والتانى عميل

 

لكن دلوقتى اييييييه الحال؟؟؟ شايفين قناوتنا الموقرة بتعرض ايه ؟؟؟؟

-------------------

 

فعادى جداااااااااااا ـ بكره وبمنتهى البساطة هيقولوا فى الكتب " الحزب المحظور " بارك لى عمرى ياااااارب واشوفها بنفسى

وطبعا غيييييييييره ياما هيتقال اكيد وايدنا منتظرين !!!!!!!

 

-----------

----------------------

 

ومش فى حد يزعل ، نستنى بس البلد تهدى سويا " علشان نمشى بمثل جدتى الله يرحمها كانت تقولو للى يدخل فى حاجه كانت تقول خـــــــــــلى دورك باقـــــــــــــــــــــى"

 

فاحنـــــــــا هنتسنى شوية بس مش كتيــــــــــــر ونبقى نعمل مظاهرة سلميـــــــــــة بسيطة وربنا يسهل ..

وأنا مستده اقود المظاهرة

------------

جزيت خيرا أخى " مصمم ياللا يا شباب" عود حميـــــــــــــد ..

[Asya]

فعلا قله ادب

حسبى الله ونعم الوكيل

بس ايه الجديد