فتوى: طلاق المصريين لا يقع لأنهم ينطقونه "طالئ" بالهمزة لا بالقاف

[نودي]

أكد الدكتور علي جمعة مفتي مصر، أن طلاق المصريين لا يقع على نسائهم، لأنهم "لا ينطقونه بالقاف، بل بالهمزة".

وأثار الدكتور علي جمعة مفتي مصر جدلا بين علماء الأزهروالمجتمع المصري في هذه الفتوى التي نشرت عبر وسائل والإعلام.

 

وكان مفتي مصر قد أعد بحثا عن الطلاق أورد فيه أن طلاق المصريين لا يقع لأنهم ينطقونه بالهمزة وليس بالقاف فيقولون "طالئ" وليس "طالق".

 

واعتمد مفتي مصر في فتواه على رأي قديم للفقهاء كانوا يعدون لفظ "تالق" والتي كان ينطق بها البعض وقتها لا تعد طلاقاً بحسب ما نقلته صحيفة مصرية على موقعها الإلكتروني.

 

ومعلوم أن أكثر العلماء يرون وقوع الطلاق باللفظ مع النية، ولفظة الطلاق أو ما يعنيها تعني وقوعه، وأن من لفظ الطلاق نوع صريح وهذا يقع بمجرد لفظه حتى لو لم يقصد الإنسان الطلاق

[ali desoky]

لا حول ولا قوة الا بالله

 

عن عمر بن الخطاب رضي الله عنه قال:

سمعت رسول الله صلى الله عليه وسلم يقول

(إنما الأعمال بالنيات وإنما لكل امرئ مانوى فمن كانت هجرته إلى الله ورسوله فهجرته إلى الله ورسوله ومن كانت هجرته لدنيا يصيبها أو امرأة ينكحها فهجرته إلى ما هاجر إليه) متفق عليه.

 

الاعمال بالنيات....!!!

 

طيب والصعايده اللي زي حالاتنا بقي

مش بيقولوا حرف القاف بيقولوه زي الجيم عند المصريين؟؟؟

هيعملوا ايه؟؟؟

 

ربنا يهدي ويصلح احوالنا

 

شكرا نودي علي الخبر

تم تعديل December 19, 2010 بواسطه ali desoky

[Dr.A7MD]

شكراً نودى على الموضوع

 

لكن شهادة حق ولازم تتقال ,,, ليست تحيزاً ولا نفياً للخبر

 

أنا حضرت للمفتى على جمعة حلقة من برنامجه فى يوم جمعة كان بيتكلم عن أحكام الطلاق

 

وجاب آراء علماء وطرحها كلها وفيها حكاية النية واللفظ وكل الحاجات دى

 

وحضرت الحلقة من أولها لآخرها

 

الراجل قال فى رأى فلان بيقول كذا ورأى علان بيقول كذا وجمهور الفقهاء بيقول كذا

 

وفى ناس دققوا فى لفظ الطلاق وقالوا كذا

 

أنا مش بقول أن الخبر غلط ,,, بقول اللى حضرته وشهادة حق مش مجرد كلام وبس

 

ياريت حضرتك تذكرى مصدر الكلام اللى جبتى منه الموضوع ,,, وياريت كمان لو تجيبى الكلام صوت وصورة كاملاً من على جمعة عشان كل الأمور تتضح وميكونش كلام بدون دليل

 

تحياتى ليكى

تم تعديل December 19, 2010 بواسطه Dr.A7MD

[نودي]

منورنا ياعلي وميرسي ع مرورك وردك

بالنسبة يادكتور احمد لمصدر الخبر فكان موجود في اخبار مكتوب اما فيديو بهذا الكلام مكانش موجود والله مع الخبر فيديو

ع العموم انا ناقلة للخبرومش بتناقش في مدي جوازه ولا صحته

حضرتك ماتاخدش بالخبر عادي اخدت بيه عادي وفي مواقع كتير معروفة حضرتك بتنزل مواضيع وبعد كده بتكذب

منور يادكتور

[دعوه للجنه]

طيب والصعايده اللي زي حالاتنا بقي

مش بيقولوا حرف القاف بيقولوه زي الجيم عند المصريين؟؟؟

هيعملوا ايه؟؟؟

 

ده انت ناوى بقى:sad2:

 

 

والله يا نودى فتوى الطلاق زى فتاااااااااااااااااااورى كتيييييييييييييييييير ربنا يصلح الحال " اكيد فهمانى "

 

 

وأصحاب الفتوى معروفين واللى بناخد منهم علمنا وديننا...

 

 

جزيتى الجنة حبيبى

تم تعديل December 19, 2010 بواسطه دعوه للجنـــــة

[«۞۩ أبو سليمان ۩۞»]

طب مين دلوقتي السبب في فوضى الفتاوى

 

و قال بيتهموا القنوات الدينية انها سببت فوضى في الفتاوى

 

يعني لو واحد ألدغ في حرف من حروف كلمة ( طالق ) و عايز يطلق مراته موش هيعرف يطلقها ابدا

 

موش يكفي

 

ومعلوم أن أكثر العلماء يرون وقوع الطلاق باللفظ مع النية، ولفظة الطلاق أو ما يعنيها تعني وقوعه

 

يعني هو هيفهم اكتر من جمهمور العلماء

 

و لا هو فرد عضلات و عنجهية و خلاص

 

كل شوية الراجل ده يطلعلنا بفتاوي تقلب الدنيا

 

طبعا ما المراد من ده ان الناس تتلهي في الفتاوي و الجدل فيها و تنسى البلاوي اللي المسلمين عايشين فيها

 

ده كله مخطط و مدروس

 

حسبنا الله و نعم الوكيل

 

شكرا أختي نودي على الخبر بارك الله فيك

[دعوه للجنه]

طب مين دلوقتي السبب في فوضى الفتاوى

 

و قال بيتهموا القنوات الدينية انها سببت فوضى في الفتاوى

 

يعني لو واحد ألدغ في حرف من حروف كلمة ( طالق ) و عايز يطلق مراته موش هيعرف يطلقها ابدا

 

موش يكفي

 

 

 

يعني هو هيفهم اكتر من جمهمور العلماء

 

و لا هو فرد عضلات و عنجهية و خلاص

 

كل شوية الراجل ده يطلعلنا بفتاوي تقلب الدنيا

 

طبعا ما المراد من ده ان الناس تتلهي في الفتاوي و الجدل فيها و تنسى البلاوي اللي المسلمين عايشين فيها

 

ده كله مخطط و مدروس

 

حسبنا الله و نعم الوكيل

 

شكرا أختي نودي على الخبر بارك الله فيك

 

 

بصارحة كلام من الآخر

 

كان مقصدى نفس كلام حضرتك

 

واوجزته ف

 

 

والله يا نودى فتوى الطلاق زى فتاااااااااااااااااااورى كتيييييييييييييييييير ربنا يصلح الحال " اكيد فهمانى "

 

 

وأصحاب الفتوى معروفين واللى بناخد منهم علمنا وديننا...

 

 

جزاك الله خيرا أخى الفاضل

 

 

تم تقيم الرد

 

اللهم لا تجعل مصيبتنا ف ديننا...

[دعوه للجنه]

 

معذزة نودى فى الدوشة اللى عملاها انا

 

3 رد ليا هنا

 

تذكرت فتوى عظيييييييييييييييييييييييييييييييييييييييييييييييييمة جدا لفضية المفتى الموقر...............

 

 

كان الشيخ لسة جديد فى مقعد مفتى

وبصراحة قولت اسمع عسى وعلا يكون ان شاء الله النصر على يداااااه

 

 

الفتوى ايه بقى

اخت اتصلت بيه بتقوله فضلة المفتى

انا كنت لابسة خمار وخلعته

والجميع يقولون لى اننى آثمه

فهل انا آثمه؟؟

 

فضيلة المفتى قالها ايييييييييييييه؟؟

 

يااختى الفاضلة هل انتى تغطين شعرك؟؟؟ بغطاء؟؟

قالت له ايوه انا لابسه طرحة صغيرة بس شعرى متغطى................................................................................

 

 

بدون ما يدخل ف اى تفاصيل

 

ولا انتى لا بسه ايه

 

ولا مواصفات لبسك ايه

ولا ولا ولا .......

 

قال

لا تأثمى ما دمتى لبستى الجحاب بغطاء شعرك....

 

 

===========================

[نودي]

دكتور عبقرينو - دعوة للجنة

بجد منورين التوبيك وميرسي ع مروركم وردكم وانتي يادعوة دوشة ايه اللي عاملاها انت ياباشا تنور اي مكان

[ابن تيميــــة]

اللهم رد المسلمين الي دينك ردا جميلا

[عاشق الصداقه]

يعني لو واحد ألدغ في حرف من حروف كلمة ( طالق ) و عايز يطلق مراته موش هيعرف يطلقها ابدا

أوجزت حبيبى الغالى ..

أما عمن يصدرونه للفتوى .. وهو عنها أبعد ما يكون - فحسبنا الله ونعم الوكيل فى كل من يشوش على العوام من الناس

فبفضل الله هناك من يعرف علماؤنا ممكن تؤخذ منهم الفتوى جيداً ،، ولا يبالى ولا يثق فى هؤلاء الذين تصدرهم لنا حكومتنا ..

 

ولكنى أعتصر ألماً على العوام من الناس ،، والذين يتأثرون بهذه الفتاوى ..

لم أر المفتى ولم أسمعه يقول بمثل هذا - وليس لى أن أفترى عليه ما لم أراه بنفسى وأتيقن من مقصده فيه ،، فربما من نقل الخبر فى مكتوب أو غيره قد أراد إثارة جدل بخبر غريب دونما دقته ودقة قول المفتى فيه

ولكن ليست هذه القضية .. أنا أتحدث بوجه عام عن هذا المفتى الذى لا أثق فى حرف واحد ينطقه - وهو يفتى بما يرضى الدوله لا بما يرضى الله

 

للمفتى الموقر إسطوانه تحمل إسم (قبل وبعد) ،، وفيها فتاوى مسجله له قبل أن يتولى منصب الإفتاء وبعد أن تولاه

كان بالحرف الواحد يحرم الربا ويقر بأن فوائد البنوك من الربا ، ثم أجازها

وكان يحرم الختان ثم أجازه ،، وكان يحرم كذا ثم أجازه ،، وهكذا .. بعدما أملت عليه الدولة شروطها للحلال والحرام قبل تولى منصبه

هذا رجل باع دينه - فكيف لى أن آخذ منه علماَ شرعياً أتقرب به الى الله !!

هذا رجل يحكى عن مشايخه و(الأولياء الصوفيه منهم) ويقول أن احدهم كان يروى الحديث وهو (بيكركر بالشيشه) ،،

والكثير والكثير من الطوام التى تكفى لإسقاطه بكل فتواه ..

 

هداه الله وغيره وهدانا أجمعين

وحسبنا الله ونعم الوكيل

 

وجزاكِ الله كل الخير أختى نودى لإطلاعنا على كل جديد فى الأخبار بكل أنواعها .. لنطلع على كل ما يحدث حولنا

بارك الله فيكِ (مراسلة ياللا يا شباب) .. وننتظر إمتاعنا بالمزيد من موضوعاتك التى يقرأها المئات ويستفيدون منها

 

تحيتى وتقديرى