قرآننا ينادينا........فهل من مستجيب؟؟؟

[فراشة 8]

 

بسم الله الرحمن الرحيم

 

 

اخوتى في الله هذه دعوة الي تجديد العهد مع الله وكتابه العزيز لنقرأ قصتنا ثم نعاهد الله علي .................

 

 

 

في عصر ماضي كان هناك اسرة متوسطة الحال تتكون من اربع افراد الاب والام والابنة والابن يعيشون عيشة مستورة ولاكن الوالد قرر في يوم من الايام ان يسافر الي الخارج لتحسين وضع تلك الاسرة وقبل ان يسافر الوالد اوصي ابناءة بتقوي الله والجد والعمل وعدم الاتكال . واخبرهم بانه سوف يرسل لهم في مطلع كل شهر رسالة يطمئنهم علي اخبارة واحواله كما طلب منهم ايضا ان لا ينسوه من رسائلهم ليطمئن هو الاخر علي اخبارهم .ودعت الاسرة الوالد في المطار ثم انصرفوا داعين للوالد بأن يسدد الله خطاه................................................................

 

وبعد مرور سبعة اعوام..........

 

 

 

الباب: طق طق طق.

الابن يفتح الباب ليفاجأ بوجود والده امامه.

الابن: بابا حبيبي وحشتني اوي يا بابا عامل ايه وازي اخبارك

الاب: الحمد لله يا حبيبي انا تمام انت اخبارك ايه وحشتوني اوي. امال فين ماما واختك ؟؟

الابن: يااااااااااه يا بابا انت صحيح متعرفش .... ماما تعيش انت ماتت لما جتلها حمي قوية ومكنش معانا ساعتها فلوس..

الاب :ازاي ده امتي لا حول ولا قوة الا بالله (وبعد بكاء طويل) طب واختك راحت فين؟؟

الابن : سعاد اتجوزت حمدي واهي دلوقتي في السجن جوزها منه لله بيعها اللي وراها واللي قدمها وخلها تمضي عنه وصلات وفي النهاية رماها في السجن واتخلي عنها.

الاب: ازاى ده انا كنت باعتلكم جواب وقلتلكم لما سألتوني عن حمدي انه انسان وحش واخلاقه وحشة وكمان بعت لماما فلوس لما قولتولي انها كانت تعبانة . علي طول كنت ببعتلكم فلوس وهدايا ولبس انتم مكنتوش بتقرأوا جوباتي ولا ايه؟؟

الابن: جوباتك!! لا عمرنا ما قرأناها. كنا علي طول لما تبعت جواب كنا بنلمعه ونبوسه ونشيله فوق الرف وعمرنا ما فكرنا نقرأه خلاص يا بابا فات الاون كل حاجة ضاعت خلاص...................

 

 

 

وهو ده حالنا مع القرآن الكريم دايما نلمعه ونشيل التراب من عليه وبعديها نركنه فوق الرف مع اننا لو قرأناه لانصلحت احوال امتنا جميعااذ ان فيه دواء لكل داء وانصلاح لاحوال امتنا المغيبة بالافلام والاغاني ولا حول ولا قوة الا بالله ..... فليجعل كل منا ورد في يومه من القرآن الكريم وحتما سينصلح حالنا.......واختم بقول الرسول الكريم

 

تركت فيكم ما ان تمسكتم به فلن تضلوا ابدا كتاب الله وسنة رسوله.