عمرك كذبت التلفزيون

[المدرب حسام الدين محمد 20]

عمرك كذبت التلفزيون

- عمرك كذبت التلفزيون ؟

 

ايوة انت بسالك مالك بتبص يمين وشمال ليه هو في حد غيرك بيقرا المقالة ولا ايه ؟؟؟ !

 

ايه شكلك مستغرب السؤال ؟ فكر فيه كده ؟

 

عمرك كذبت التلفزيون ؟

 

 

المشكلة بقى أنك ممكن تجاوبنى وتقولى اه بكذب التلفزيون طيب طالما هو كده انت ساعات بتكذبه وتقعد تقول ده كلام افلام وكله كدب فى كدب بتتفرج ليه بقى ولا هو كده وخلاص يعنى هههههههههه ماشى ، ولو قلت لا مش بكذبه لانه واقعى فى الحالتين هما صح بس تعالوا ناخد الموضوع من وجه نظر التلفزيون نفسه بقى ماشى ...

 

 

تشاهدون في هذا اليوم :

 

زماااااااان واحنا صغيرين كده كان يبقى فى فقرة كده فى أفتتاح المحطات كل يوم ( اصلى زمان القنوات دى كانت بتقفل مش شغالة 24 ساعه زى قنوات اليومين دول ههههه ) ويعرضوا فيه كل الحاجات اللى حتتعرض فى هذا اليوم

 

من الساعه كذا الى الساعه كذا وهكذا ههههههههه حتعرف حنتفرج على ايه النهاردة ..

 

وتقريبا الفقرة الاولى كانت لازم تبقى للاطفال :

 

بص الكدب بقى من اولها :

 

- هاتلى عيل صغير بيكون صاحى فى الوقت ده

 

- البرامج مش بتعلم الاطفال دى بتجيبلهم تخلف عقلى من عروستى لسينما الاطفال وياقلبى لا تحزن ههههههههه

 

ده بقى كان زمان أما الان فى حاجة غريبة بقى برنامج اطفال تقدمه مذيعه بنت صغيرة مش تحكى للاطفال سابيدر مان يقوم الواد يروح يتجنن عايز يعمل زيه ينط من البلكونة يقع على الارض مش مشكلة بقى هههههه وكمان يارتها عارفة تحكى حكايات ... وتخلص الفقرة ديه ونروح للاعلانات .....

 

 

 

فقرة إعلانيه :

 

قمة الكدب والضحك علينا يا معلم ...

 

أعلان يقولك ايه ؟؟

 

قميص مكرمش مش مهم ..... بنطلون مقطوع مش مهم ..

 

المهم تكون بتلمع ههههههههههه .... يخليك بعد الاعلان تقول خلاص انا لازم اشترى اللمعه ديه

 

اللى بعده :

 

ويجى الاعلان اللى بعده اعلان محل ملابس ويجبلك نفس القميص والبنطلون اللى كان لابسهم الواد فى اعلان الجزمة ههههههه تقوم تقول يا سلام انا لازم اروح اشترى من المحل ده ... وتلاقى نفسك فى الاخر اتغرمت يا معلم من عير اى سبب ههههههههههه.

 

اللى بعده :

 

اعلان مصاصة على بابا ...

 

دلوقتى اعلان مصاصة للاطفال ... يجيبوا ليه شباب وبنات فى ايدهم مصاصه يعنى ايه الهبل ده هههههه

 

 

الفقرة الثالثة : الفيلم العربى : بص بقى الواقعية :

 

فيلم رومانسى هادف

البطل والبطله .... ميعرفوش بعش

 

يتقابلوا يتعرفوا على بعض ... يحبوا بعض

 

تحصل مشكلة ما بينهم ... وفى اخر الفيلم يتصالحوا ... ويتجوزوا هههههههه

 

قال ايه يعنى بعد الجواز مش حيتخانوقا تانى ... وابقى قابلنى ههههههه

 

 

اللى بعده :

 

تيجى تمسك الريموت تحول تلاقى شعار القناة (اوعى تغير المحطة ) هههه

 

انا محدش يؤمرنى على فكرة ههههه ايه الغلاسة دى

 

تقوم تحول تلاقى شعار تانى على محطة تانية مكتيوب فيها (هنوريك اللى عمرك ما شفته )

 

يا سلام يالا لو واحد بقى نيته وحشةفى الموضوع ده ولا فاكرها افلام رعب هههه

 

 

شعار ثالث:

 

( مش حتقدر تغمض عينيك ) هههههههه اساسا اصلا لازم ابربش بعينى دى حاجة طبيعيه كدب ده ولا مش كدب بقى

 

شعار رابع :

 

( هتسيب علامة فى بيتك ) هههههههه علامة ايه حبقى معروف فى الشارع يعنى ولا هتبقى فضيحة

 

وبعد كده شعار ( الضحك من اول نظرة ) يا سلام يا دمك الخفيف يا جدع ههههههههه

 

الفرقة اللى بعدها :

 

المسلسل التركى ابو 350 حلقة ده هههههه بجد بجد حرام يعنى ناخد ثقافة من برة ونعرضها عندنا وقال ايه الحلقة ساعة الا ربع فى 350 حلقة حوال 11500 دقيقة يعنى اتفرج على المسلسل 3 ايام ههههههههه يا نهار ازرق ..

 

 

فقرة غنائية والحياة حلوة وبعد كده النشرة الاخبارية ...

 

مش عارف مين مات وانفجاارت وعدد قتلى مش عارف فين هم وغم من غير سبب

 

وتخلص الفقرات بيوم سعيد وكله صدق يا كدابين ههههههههههه

 

الحل ايه :

 

1- امسك الريموت

 

2- حول القنوات اللى انت عايزها

 

3- اتفرج على امفيد احسن ( برامج ثقافية – دينية – ندوات كده يعنى )

 

ولينا لقاء تانى تمام فى نفس الموضوع ومتخليش حد يضحك عليك ...

 

سلام

 

 

[«۞۩ أبو سليمان ۩۞» 179]

بسم الله ما شاء الله

 

أخي الحبيب المدرب حسام الدين

 

بارك الله فيك و اعزك

 

موضوع راااااااائع ... و صحيح هو ده واقعنا .. التليفزيون اصبح آفة العصر

 

مخترعيونوا بس عشان يضيعوا وقت الناس

 

تخيل لو الوقت اللي بتقضيه ناس كتير في متابعة التليفزيون .. لو استغلوه في عمل خيري ... مكناش لقينا واحد شحات في الشارع

لو استغلوه في الدعوة .. كنا لقينا كل الشباب في المساجد تصلي ..

الله المستعان

 

بس فيه شعار تشترك فيه كل القنوات

 

(احنا هنسرق عمرك من غير ما تحس)

 

 

جزاك الله خيرا اخي الحبيب

 

اسعدك الله و رضى عنك

 

نتمنى ان تمتعنا بموضوعاتك الجميلة دي اكتر و اكتر و احتسب الاجر عند الله

 

جعله الله في ميزان حسناتك

[المدرب حسام الدين محمد 20]

شكرا اولا على ردك الرائع ده

 

واتمنى تكون المقالة عجبتك

 

وكان قصدى بس اننا نوضح الصورة مش اكتر واتمنى المتبعه ولو عاوز تعرف حل بجد للمشكلة دى ممكن تقرا مقالة حوش اللى وقع منك على المنتدى

وجزانا واياكم