انت اكيد في مصر

[زمردة 2]

<H3 class="post-title entry-title"> </H3>

 

لما تلاقي السكة الحديد كل يوم والتاني فيها حادثة بعد اصلاحات تجاوزت الملايين وسكنها في الاسباني بدل الناس الصراصير والقضبان بتتسرق من غلو اسعار الحديد تبقي انت اكيد في مصر , لما تلاقي الامتحانات مولعة نار والطلاب بتحفظ ومفيش حد فاهم ايه اللي في المواد دي والامتحانات بتتسرب كمان واللي معاه فلوس يشتري يا معلم واحنا في الدنيا بنتعلم وكمان قرار وزير التعليم بالتعديل في قانون ثانوية عامة منها 50% حسن سير وسلوك وكأننا مسجين يبقي انت اكيد في مصر , لما تلاقي دولة دخلها مليارات وملايين وناسها مشين من الجوع حافيين واطفال الشوارع فيها اكتر من البنآدميين يبقي انت أكيد في مصر , لما تلاقي السفن البحرية بتموت الارواح البشرية واصحابها بياخذوا جائزة الدولة التقديرية لما تقع ليها طيارة يقولوا ان واحد من الطيريين كان عايز ينتحر علشان يحرموا اهلها من التعويض واللي يموت مفيش ليه تمن وهو ارخص انسان في ده الزمن يبقي انت اكيد في مصر , والشباب في البطالة نايميين وعلي الاقهاوي قاعدين وفي النت معسكريين وياريت في شئ مفيد ده في الشات عيشين من غير هوية ولا فكرة عصرية وبالزواج العرفي مشين وساعات من غيره عيشين والتعليم بيضيعهم اكتر من انه بينصحهم يبقي انت اكيد في مصر , ولما تلاقي نهر النيل ومناطق مفهاش ميه والناس عطشانين وتلوث فيه بالملايين والسبب اصحاب المصانع اللي معاهم الملايين وبيشتروا بيه زمة المسؤليين والادوية فاسدة ومرضي السكر مش لقيين الانسولين والمستشفيات الحكومية من غير دكاترة ولا ممرضين والاسعار نار والمرتبات قليلين يبقي انت اكيد في مصر , لما يكون في فرصة عمل يبقي يخدها اولاد المسؤليين بالكوسة كده مشيين , واصحاب الكفاءات مركونيين حتي دكة الاحطياتي مش لاحقين لانهم ببساطة مش مسنوديين يبقي انت اكيد في مصر , والامن فيها عندوا قوانين تدبح المواطنين ارهاب وطوارئ يا معلم والظابط يمشي علي الارض كأنه امير وبأيدة علي الخد يعلم حتي الغفير بقي اليوميين دول من المسؤليين وكلها تعديلات دستورية لراحة الشعب يا بيه , ولما تلاقي صحرة طويلة عريضة والناس في الوادي مزنوقيين بسبب انهم الاراضي للمثتسمريين متبعيين و عليها من الشعب خيفيين ,واسياح اسيادنا علشان يعدوا نقف احنا ساعة ولا اتنين حتي لو عربيت اسعاف اللي جواها يموت فدي انهم يشوفوا اثار اجدادنا الفرعونين تبقي انت اكيد في مصر , ولما يكون الحكم جمهوري وسيدنا عايز يخلي ابنه مكانه ومن الجوع الاب بقي بيسم عياله تبقي انت في مصر ومتتدخلهاش احسن ليك وخليك من بره اصله زمان كان بيقولوا امان ياست مصر امان ياست

[تويتي 10]

يا بنتي حرام عليكي اللي بتعمليه فيا ده فكرتيني بكل البلاوي اللي احنا عايشين فيها بس علي فكره انتي نسيتي موضوع العيش اللي شكله هيبقي بالدولار

حسبي الله ونعم الوكيل فيكي يا شيخه انتي السياسه هتوديكي فمصيبه قريب

[زمردة 2]

حبيبتي تويتي انت عارفه كويس اني بحب السياسة قد ايه

وانا مجنونه بيها والموضوع ده صغير امال لو كتبت بجد هتعملي ايه

[سبوني في حالي 0]

الله الموضوع جميل جدا بس حرام عليكي المأساة اللي انت عملها احنا عرفنها بس مش عايزين حد يفكرنا

[زمردة 2]

ههههههههههههههههههههههههههههههههههههههههههههههههه

هما كده المصريين يبقي عرفين ولما حد يقولهم يزعلوا