دعوة لتغطية أحداث ثورة مصر فى ياللا يا شباب

[عاشق الصداقه 525]

السلام عليكم ورحمة الله وبركاته

 

أحبتى الكرام - فى منتديات ياللا يا شباب

 

أخرسوا أقلامنا كل هذه الأيام .. والآن الإنترنت قد عاد

 

هم يعلمون أن الإنترنت يمثل قوة عظمى الآن .. ولذا قطعوه

 

مهمتنا الآن تغطية الاحداث - بعقلانية وتجرد ولمصلحة ومستقبل مصر

 

نرجو من كل فرد أن يعبر عن رأيه بدون إشتباك مع أحد ولا تعدى على أحد بالسوء قدر المستطاع ..

 

كما نرجو نشر كل شىء - عدا ما يخالف الشريعه الإسلامية لقوانين منتدانا فى هذا الشأن (صور نساء - موسيقى - .....) هذه المواد ممنوعه بالطبع وفيما عدا ذلك أنشروا

 

أنشروا من أجل حرية بلادنا ومن أجل مستقبل مصر

 

أنشروا من أحل أن نكون حائط صد لمخططات النظام الحاكم لفض الثورة .. ولتوجيه شبابنا إلى الصواب

 

فشبابنا بحاجه الان لمن يعرفهم أين الصواب وسط كل هذه التضاربات والتوجهات

 

قمت ببرمجة موقع إخبارى (فى 24 ساعه) خصيصاً من أجل تغطية الأخبار .. سيتم الإعلان عن إفتتاحه بعد قليل بإذن الله

 

وسيتم تكليف فريق ياللا يا شباب كفريق تحرير لموقع الأخبار لتغطية الأحداث

 

دعوه للمشاركة كتبتها لكم - وجزاكم الله خيراً

[attanani 0]

نتمني لشعب مصرالعظيم تجاوزالازمة السياسيةالراهنة الي مرحلةالرخاء والعيش في امن وسلام وطمانينة ورغد عيش

[حياتى من اجل ربى 22]

حرااااااااااااام بجد اللى بيحصل ده

 

بعد ما نظمت مسيره مليوينيه فى كل مكان كان يغلب عليها الرقى والتنظيم واثبتنا للعالم كيف نحن

واين هم المصريون

يأتى الان ليجعل المسأله فى غاييه الاسف

وتأتى مسيره مؤيده للرئيس مبارك لتثير الشغب فى ميدان التحرير وفى الاسكندريه

بعد شهد العالم بوقفه المصريين وحريتهم

يأتى هو ليضحى بالشعب المصرى ليعيش هو

قرر ان يحرقها قبل مغادرته

كمان قرر مش عارفه مين حرق روما

قرر المراهنه على دم المصرييين ليبقى فى الحكم بدلا من رحيله حقنا للدماء

بعد ان كان المعارضيين فى منتهى الادب والتنظيم

وكان الشعب فى منتهى الرقى

اصبحت الان مذبحه

هناك الان فى ميدان التحرير مذبحه حقيقه

يااااااااااااااااااااااارب يصلح الاحوال

ياااااااااااااااااااارب يزيل الغمه

يااااااااااااااااااااااااااااااااااااااااااااااااااااااااااااااااااااارب يستر

تم تعديل February 2, 2011 بواسطه حياتى من اجل ربى

[حياتى من اجل ربى 22]

لو كان بيحب مصر بجد كان طلع من الاول

كان صلح فيها بجد بقالو 30 سنه

حرااااااااااااااااااام اللى بيحصل فى مصر

لو كان بيحب مصر ماكنش فتح السجون ماكنش سحب الامن

ماكنش ساب الناس جعانه وتعبانه

ماكنش ساب الفساد

لو كان بجد بيحب مصر ماكنش اعتقل الفلسطينين وباع الغاز لاسرائيل بربع التمن

وهو بيبعه لشعبه بالسعر العالمى

لو كان بيحب مصر وفعلا عايز مصر بخير ماكنش سرقها وساب الاوضاع فيها الى هذا الحد

لو كان بيحب مصر ماكنش عمل كده فى مصر

[عاشق الصداقه 525]

جزاك الله خيراً attanani

 

أختى // حياتى من أجل ربى

والله والله والله بيبيع ويولع فى البلد علشان نفسه

وبيلعب بعواطف الشعب المصرى سياسياً

 

الحقير ده - بيولع فى مصر ويخللى شعب مصر ينقسم ويضرب فى بعضه علشان نفسه ،، مش علشان مصر

والا فينه من مصر 30 سنه ظلم وطغيان وإستعباد وذل للشعب المصرى كله

فينه من أول 4 أيام فى الثوره لما الناس كانت هتتجن وهو ولا هنا

فينه - ولا لما جه يوقع دلوقتى طلع وغير وعمل وأقال حكومه وحاكم مش عارف مين ..

 

بيقدم الحكومه وبعض الناس كبش فدا ،، ولا انه هو يسقط

 

بس هو لازم يسقط

 

الشرفاء مش هيسيبوا الميدان

والله والله والله لو انا فى القاهره ما اسيب ميدان التحرير دلوقتى غير وانا ميت متشال على اكتاف الناس - علشان مصر

 

انا لا تبع حزب ولا انتمى لأى حزب لا سياسى ولا وطنى ولا حتى اخوان

 

لكن انا واحد بيحب مصر - وعارف بإذن الله الخير لمصر فين بالظبط - مش زى المخدوعين

 

حسبنا الله ونعم الوكيل

[حياتى من اجل ربى 22]

يااااااااااااااااااااااااارب يكون معانا ياااااااااااااااااااااااارب

ويجلى عن مصر الحاكم الظالم الطاغى الدكتاتور

انا اهلى كلهم فى ميدان التحرير

 

 

 

 

إذا كان الوطن بلا شئ فالموت على شئ افضل

[عاشقة الفردوس 161]

اللهم اعصم تونس ومصر من الفتن ياااااااااااااارب احفظ بلادنا وكل بلاد المسلمين

 

وألف بين قلوب ابنائنا ولاتشمت فينا الأعداء يااااااااااااااااااارب

[دعوه للجنه 457]

للاسف النااااااس لسه مش فهمت مين هما البلطجية اللى مليين الشوارع؟؟

أول أمس كنت ف الشارع صدفة _ المعروف عندنا ف سوهاج شويه بيطلعوا يلفوا ف الشوارع والامن محاوطهم ساعه أو اتين وبيفض الموضوع_

تعرفوا شفت ايه ف الشارع؟؟

شفت حوالى 3000 شخص ف مظاهرة سلمية لا يعبثون بشئ كل ما يفعلونه

هتفات من قلوب قد احترقت ألما..

و المصيبة التقيلة

شفت الأمن المركزى وحوليه 50بلطجى والله والله والله بعينى شفتهم

البلطجية ماسكين خراطيم صغيرة وعصى كبيرة ووقفين جمب الامن المركزى

عارفين ليه ؟؟

علشان لما الدنيا تهيج يقولوا اهى المظاهرة عاملينها شوية بلطجية

والحكاية كلها والتخريب منهم فيهم...

---------------------

بالله عليكم ازاى المساجين هربوا والسجن ماهو الا باب ورا باب ورا باب وراقضبان حديد ورا قفل وباب وباب

ازاى قدروا يهربوا

الا اذا كانوا اللى اصلا هربوهم ..

علششششششششششششششششششان مين ياااناس كل ده

كل الخراب ده علشان شخص واحد

فين اليمين الدستورى اللى بتقولوا عليه ده

---------------------------

الورقة الأخيرة التى ف يد الرئيس الموقر رئيس الظلم والانحلال

هى المهادرة بالشعب ذاته

والتضحية بنا

مع العلم ان نبل أخلاق سيادته اتضحت للعالم كله أمس وهو يقول كلمته الثانية والتى كانت بمثابة الضربة لقلوبنا جميعا

ان فترته المتبقيه ما هى الا فقط تسليم وضع مصر الآمن والمحافظة عليه ...

اين الأمن الدنيا تحترق؟؟

------------------------

يااااااااااااااااااه ليتنا كنا معكم أشراف ميدان التحرير

لينا كنا معكم.

" ليتنى كنت معكم فأفوز فوزا عظيمــــــــــا.

 

---------------

 

جزاك الله خيرا ع الموضوع أخى

-------------

 

اللهم ولى علينا خيارنا .