شفتوا ريسكوا بيعمل ايه ؟؟؟

[عاشق الصداقه 525]

شايفين ريسكم بيعمل ايييييييييييييييييييه !!!!!

بلطجيته بتولع فى أبناء مصر اللى فى التحرير - الجيش مسك منهم ناس واعترفوا انهم مستأجرين بفلوس - وده كلام شايفه بنفسى دلوقتى

لسه برضه مبارك مش وحش وبيبحب مصر ؟؟ - ضحك على الناس إمبارح - وقال سأسعى بكل ما أملك للإستقرار ،، وتانى يوم الصبح حزبه يستأجر ناس ترمى قنابل مولتوف على المتظاهرين السلميين فى ميدان التحرير ،، ويأجر بلطجيه بالتعاون مع أعضاء الحزب الوطنى المخدوعين تدخل بجمال وخيول وتضرب فى المتظاهرين ويشيعوا فوضى !!!

500 مصاب لحد دلوقتى وحتى مش عارفين يوصلوهم للمستشفيات - من بلطجية الريس اللى من إمبارح بيخططوا انهم يطلعوا لميدان مصطفى محمود وبعده هجموا على ميدان التحرير وخدعوا المتظاهرين اللى طالعين لحب مصر بس

6 أيام محصلش أى حاجه من القائمين على المظاهرات السلمية رغم انهم بالملايين
دلوقتى لما طلع أنصار الحزب الوطنى والبلطجيه بتوعهم طلعوا - شفتوا عملوا ايه فى البلد ؟؟
شفتوا المخطط وعرفتوا الهدف منه !!!

شفتوا وعرفتوا ولا لسه عمى ؟؟؟ - ردوا يا أنصار حزب الفساد والبلطجة

يسقط هذا السافل
يسقط هذا الخائن
يسقط ويحاكم بإذن الله ويخرج ضرباً بالبلغ فهذا أقل مقام له

حسبى الله ونعم الوكيل
حسبى الله ونعم الوكيل

[Mr Hamdy Ahmad 36]

اهدأ شوية يا أحمد

 

متعصبش نفسك كدة

 

 

الراجل معملش حاجة وحشة

 

لا ضحك على حد بكلام معسول

 

ولا أجر حد عشان يضرب المتظاهرين العزل

 

ولا أمر بسحب الشرطة الأيام اللي فاتت

 

والراجل اللي قالي النهاردة في نجع حمادي انه جالهم في المصلحة جواب رسمي واجباري انهم يخرجوا ويهتفوا باسمه برده كداب

 

يا جماعة الراجل عاوز سلام

 

مش مشكلة كرامة متهانة

 

مش مشكلة متاخدش حقك

 

مش مشكلة تتضرب بالجزمة لو اتكلمت

 

المهم انكوا تعيشوا في سلام

 

 

أنا بقى عاوز اسأل التلفزيون المصري

 

اللي مخلي الدنيا بقى لونها وردي

 

يعني إيه كلمة سلام؟؟؟؟؟؟؟؟؟؟؟؟؟؟