عايزين ايه يا شباب تانى كفاية دم

[نور القران 1]

عايزيين ايه تانى حرام عليكم بقى كفايه اللى حصل قاللكم مش هيترشح تانى حرام عليكم دمرتوا اسر كتيرة كفايه كدا عيب عليكم فضحتوا بلادكم الشامخه العظيمه مصر قدام البلاد فرحتوهم فينا ليه كدا عجبكم لما الاخوات يضربوا بعض كدا ويتتنشر دا ياااااااااااااااااااااااه كل دى قسوه كل دا غل يااااااااااااااااااه

عملتوا يوم 25 وكان يوم عظيم والحمد لله انجزتو وطلبتوا طلابات وتنفذت الحمد لله خلاص بقى كفايه كدا عاييزين ايه تانى

ليه تقلبوا الناس من معاكوا لعليكوا

ليه تضطروا الامهات المقهورة على دم اولادها او اخوتها او ازواجها على انها تدعى عليكوا ليه ليه ليه

على فكرة انا زييكو بنت عاديه جدا وكنت بطالب بكل المطالب بتاعتكم بل ولى طلب تانى عمركم ماكنتوا هتفكروا فيه واتاذيت من السلطه اللى فاتت ولكن دا ميدنيش الحق انى اهين رأيسى بالشكل دا وقدام اعداءنا الاغراب وحتى ولا قدام اصدقاءنا الاشقاء ميصحش كدا يا شباب افتكروا حسنات الراجل دا حاولوا تنسوا اخطاءوا او بلا ش تنسوها خلوها على جنب دلوقتى وخلوا الايام دى تعدى على خير بقى كفايه رعب

حد منكم يرد عليا انتوا مش عايزين حوار طيب تعالوا انا هحاوركم وانا زيكوا وليا طلبات بس بس مبحبش الدم بحب السلام واذا تعلق تحقيق رغباتى بتخليا عن الامن وبترويع الناس فانى سوف واتنحى قليلا حتى تمر العاصفه حقنا للدماء وارجع تانى المهم ميكونش فى دم حد فى رقبتى واتحاسب عليه

انا كنت معاكوا وبشجعكوا بس لغاية أول امبارح يوم الاثنيين ولكن بعد كدا ومظاهرة يوم الجمعه فخلاص مينفعش كفايه كدا مش مستعده اضحى بحد من افراد وطنى لان رسالتى وصات خلاص

دمكوا غالى يا شباب بلدى يا ولادى واخواتى وبناتى دمكوا غالى حفظوا عليه والله قلبى بيتقطع على حال بلدى

عندى امل ان شاء الله لو توقفنا لغايه كدا مطالبنا هتتحقق زى ما عايزين واكتر

بلاش عند لكن لو تماديتوا هيحصل ما لا يحمد عقباه

يا ريت رسالتى تكون وصلت انا مستعده لو غلطانه حد يفهمنى وينورنى بس انا مش شايفه قدامى غير ذنب الجرحى والمقتولون ومش حاسه غير بأهلهم ودعواتهم على من اقام هذه الحمله للاسف

مبقيناش عارفين ياترى فعلا كانت مظاهره سلميه لصالحنا كشباب ولا دى مظاهرة عدوانيه لقلب النظام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

استغفرك الله العظيم واتوب اليه

لا اله الا انت سبحانك انى كنت من الظالمين

[نور القران 1]

دا راى ياجماعه مش عيزيين مظاهرات على الاقل الفترة دى لحد ما الفتنه واهل الفتن يبعدوا عنكم يا شباب مصر

متضيعوش ثمرات حملتكم الجميله وترموها على الارض وتدوسوا عليها وتخلوا غيركم يدوس علها انا عارفه ان ثمرات حملتكم دى ان شاءالله هنجنيها احنا (الشباب)معاكم حتى ولو مشركناش فى الحمله

فخلينا نجنيها وانتوا معانا بلاش تضيعوا مننا فى المظاهرات

صحيح الاعمار بيدى الله

ولكن ايضا لا ترموا بايديكم فى التهلكه

واعتقد ان من ان يرفع المسلم السلاح على اخيه المسلم دى فتنه ودمار يجب ان نتصدى له ونوقفه ودا دوركم يا شباب مصر

[عاشق الصداقه 525]

مش عاوز أكون شديد فى اللهجه أختى الفاضلة .. لكن الموضوع واضح إنه منقول والدليل إنك كتبتى رأيك فى رد منفصل

 

الموضوع ده من حمله عاملها الحزب الوطنى على الانترنت

 

فيه مخطط كبير يا أختى أتمنى حضرتك متنجرفيش ليه

 

تابعى الأخبار كويس وهتعرفى إيه اللى بيحصل

 

ده اللى عاوزه مبارك وحزبه ،، نزلوا عملوا شغب - وقلبوا الميدان دم - فالناس تخاف من تطور الوضع لدم أكتر ،، فيتنازلوا ،، وينتهى المسلسل

 

مخطط حقير باع فيه النظام أبناؤه - وساب البلد تولع فى بعضها ،، وكله علشان هو مينكسرش ويتنحى ،، وعلشان تفضل الانتخابات تزور

 

يا أختى أتمنى مننجرفش فى المخططات دى

 

كمان أتمنى نتقى الله قبل أى نشر ..

 

إسمعى لمشايخنا وعلماؤنا دلوقتى بيقولوا ايه .. قبل ما تنقلى ولا تكتبى شىء ولا تروجى لشىء ممكن تتحاسبى عليه

 

أتمنى أتمنى أتمنى مراجعة نشرك ،، وأنا والله والله والله أعلم نبل طلبك ومقصدك وخوفك على مصر

 

لكن - الدم نزف ،، وبإيد عصابة مبارك ،، ده مستحيل يضيع هدر ،، ولازم يحاكم

 

منظرنا قدام العالم اننا شعب مكافح ضد الظلم ،، منظرنا اننا بندى درس لكل ظاغية ظالم فى العالم - ان ليه يوم

 

من دلوقتى اللى ظلم مش هيضحك على الشعب بكلمتين وخطتين ويتفض الموضوع وولا كأنه حصل حاجه

 

لأ ، وألف لأ

 

مبارك هيتحاكم على اللى عمله فى شعبه - بإذن الله ،، وربنا مش بيسيب ظالم يفلت من العقاب فى الدنيا ولا الاخره

 

الريس باع بلده وولاده ولعب لعبه دنيئه لما نزل شباب الحزب الوطنى وإستأجر بلطجيه ينزلوا يضربوا فى المتظاهرين ويولع الكل فى بعض علشان ميتنحاش

 

ده يستاهل اعدام ،، مش هنسيب حق إخواننا ،، وإلا هنبقى خونه بجد ،، وهيبقى النظام خطط ونجح وموت ولسه هيعتقل كتييييييييييييير

 

وحسبنا الله ونعم الوكيل

[دعوه للجنه 457]

حسبى الله ونعم الوكيل

 

لأختى الكريمة

 

اتقين الله .. اتقين الله .. اتقين الله.........

[دعوه للجنه 457]

حسبى الله ونعم الوكيل

 

لأختى الكريمة

 

اتقين الله .. اتقين الله .. اتقين الله.........

[بنت مصرية 66]

انا راي مع اخواتي عاشق الصداقة ودعوة للجنة

لا وكمان احمد شفيق طالع يعتذر علي اللي حصل وبيقول انه مايعرفش حاجة عنه

وكمان اسرته طلعت تؤيد حسني مبارك وانهم مااخدوش فلوس عشان حاجة زي كدا وزعان طبعا ازاي الناس تقول ان اللي ايدو مبارك اندفعلهم فلوس

انا سمعت الكلام ده بوداني وشفته وهو بيتقال مش نقلته عن حد

المشكلة انها كمالة مخطط يطلعوا ولايعرفوا حاجة

ده غير ان فيه مجموعة حجات غامضة ومريبة

لما الناس اللي بتأييد مبارك قالوا هنتظاهر في ميدان عمر مكرم

ايه اللي وداهم ميدان التحرير ؟؟

اصلا المؤيدين دول ظهروا فجاة كانوا فين من قبل كدا ؟؟

لما الحكومة ملهاش دعوة فعلا باللي حصل

فين الريس او حكومته من بليل ولا هما الاخبار بتوصلهم متاخر اصلهم عايشين في كوكب آخر ؟؟

انا بعبر عن راي ليه اروح اضرب واحد بسنج ومطاوي وحجارة وقنابل وعلي جمال وملثمين كمان؟؟

لا ماانا بدافع عن راي ماحدش واخد باله

واسئلة كتير جدا

في النهاية انا كنت بقول مبارك يمشي كدا وخلاص لكن دلوقت بطالب بمحاكمته هو وكل اللي معاه واللي سهموا في كدا

وخصوصا وزير الداخلية السابق

المشكلة ياجماعة ان دي حرب فعلا ماينفعش منها الانسحاب حرب بين الشعب والنظام الظالم

بكره يوم حاسم وصعب وربنا يستر

 

 

لك الله يامصر وحسبي الله ونعم الوكيل

احنا في امس الحاجة لشيوخنا الكبار دلوقت عشان يوجهونا وينوروا الشعب ...

 

[HASONAZAN 0]

اتقوا الله في أنفسكم و في بلدكم مصر فلم يقم الرئيس مبارك إلا بحماية مصر و الدول العربية طوال مدة حكمه و من بداية التظاهر كان يمكنه الهروب و يترك مصر مشتعلة و يتقاتل فيها الأحزاب التي تتطلع للسلطة و يقوم اليهود بالاستيلاء على مصر و يجعلوا أعزة قومها أذلة و يستبيحوا أعراضنا قبل أموالنا فلا تقولوا ما لا تفعلون فالرجل يحب مصر و يخاطر بحياته بالمكوث فيها حتى تستقر الأوضاع و يستتب الأمن فيها فلن يستطيع أي حاكم أن يغير الأوضاع بين ليلة و ضحاها فاتقوا الله ولا تشتروا بآيات الله ثمناً قليلاً سوف يكون ناراً على أولادكم و أحفادكم فمن يتقي الله يجعل له مخرجاً و أن ساعدتم على التفرق فسوف تذهب ريحنا جميعاً فاتقوا الله فجميعنا مسلمين و كتاب الله شريعتنا و سنة رسوله محمد صلى الله عليه و سلم هي الهدي الذي ينير لنا طريقنا فاتقوا الله فليس منا من ليس له عيوب و لكننا نتغاضى عن العيوب في مقابل المنفعة الأولى و هي حماية المسلمين من اليهود فاتقوا الله و لا تتبعوا الهوى فما الهوى إلا هو وسوسة من الشيطان فاتقوا الله فإذا أقتتل مسلمان و قتل أحدهم فالقاتل و المقتول في النار فاتقوا الله فنحن يجمعنا حب الله و رسوله و حب أرضنا و بلدنا و أخواننا المسلمين فاتقوا الله فلقد علمنا أبائنا و نحن أطفال أن نحبهم و بدؤوا بتعليمنا القرآن و السنة و كانت حدوتة قبل النوم هي قصص الأنبياء و كان تحذيرهم الأساسي لنا ألا نضر مسلما في ماله أو عرضه أو جسده أو كرامته حتى لو كان مخطئاً و أن ندعوه إلى الهدى بالحسنى دون جرح مشاعره و كانت الأسوة هي و أن كنت فظاً غليظ القلب لانفضوا من حولك فاتقوا الله فأن كنتم تريدون العدل الإسلامي كما كان أيام سيدنا عمر بن الخطاب فلا بد أولاً أن يكون شعب المسلمين كما كان أيام سيدنا عمر فاتقوا الله فاتقوا الله فاتقوا الله و اللهم صلي على سيدنا محمد و على آله و صحبه و سلم اللهم أهدينا إلى الإسلام الحق و لا تجعلنا مشاركين في فتنة بين المسلمين و لو حتى بهزة رأس أو غمز الأعين و أنر لنا طريقنا إلى صراطك المستقيم و صلى الله على سيدنا محمد و على آله و صحبه و سلم و أن الحمد لله رب العالمين

[عاشق الصداقه 525]

فاتقوا الله فجميعنا مسلمين و كتاب الله شريعتنا و سنة رسوله محمد صلى الله عليه و سلم هي الهدي الذي ينير لنا طريقنا فاتقوا الله فليس منا من ليس له عيوب و لكننا نتغاضى عن العيوب في مقابل المنفعة الأولى و هي حماية المسلمين من اليهود فاتقوا الله و لا تتبعوا الهوى فما الهوى إلا هو وسوسة من الشيطان فاتقوا الله فإذا أقتتل مسلمان و قتل أحدهم فالقاتل و المقتول في النار فاتقوا الله فنحن يجمعنا حب الله و رسوله و حب أرضنا و بلدنا و أخواننا المسلمين فاتقوا الله فلقد علمنا أبائنا و نحن أطفال أن نحبهم و بدؤوا بتعليمنا القرآن و السنة و كانت حدوتة قبل النوم هي قصص الأنبياء و كان تحذيرهم الأساسي لنا ألا نضر مسلما في ماله أو عرضه أو جسده أو كرامته حتى لو كان مخطئاً و أن ندعوه إلى الهدى بالحسنى دون جرح مشاعره و كانت الأسوة هي و أن كنت فظاً غليظ القلب لانفضوا من حولك فاتقوا الله فأن كنتم تريدون العدل الإسلامي كما كان أيام سيدنا عمر بن الخطاب فلا بد أولاً أن يكون شعب المسلمين كما كان أيام سيدنا عمر فاتقوا الله فاتقوا الله فاتقوا الله و اللهم صلي على سيدنا محمد و على آله و صحبه و سلم اللهم أهدينا إلى الإسلام الحق و لا تجعلنا مشاركين في فتنة بين المسلمين و لو حتى بهزة رأس أو غمز الأعين و أنر لنا طريقنا إلى صراطك المستقيم و صلى الله على سيدنا محمد و على آله و صحبه و سلم و أن الحمد لله رب العالمين

رغم إنى مش حابب أستهزىء بحد

لكن الاخ العضو الجديد اللى مسجل علشان يقول الكلمتين دول ..

من غمتى الحزب الوطنى بيتكلم فى الدين وبيقول اتقوا الله ؟؟

ولا علموكم شوية كلام فى الدين تردوا بيهم فى كل الموضوعات فى كل المنتديات ؟؟

 

اتقى الله انت - هتروح من ربنا فين

مبارك وحكومته اكبر حكومة حابسة دين الله وبتحاربه ،، وإغلاق جميع القنوات الاسلاميه مفاتش عليه كتير .. فمين دول اللى بيتقوا الله .. الحزب الوطنى ؟؟ ،، ومبارك بيتقى الله ؟؟

 

مبارك لو نبى مرسل - مكنش ينجح بنسبة 97% ومن قبلها 99% ،، الرسول صلى الله عليه وسلم مأجمعش عليه 97% من الموجودين فى بلده !

ده ربنا سبحانه وتعالى مأجمعش على وحدانيته ولا ألوهيته 97% من سكان العالم

 

التزوير الغبى والمبالغ جداً فيه بإستهزاء - هو منهج مبارك وحزبه

هتزوروا كمان دلوقتى كلامكم وكلام الدين فى صفكم ؟؟

 

لأ يا سيدى ،، والحمد لله إن اللى رفع السلاح فى وش أخوه المسلم مش المتظاهرين فى التحرير ،، البلطجية المستأجرين من النظام بالفيديوهات والاعلام والعربية يشهدوا .. هما اللى بيولعوا فى الناس وبيضربوا بالرصاص الحى وحتى المحتجين مش بيردوا عليهم بالمثل رغم انهم يقدروا يردوا بالمولتوف مثلاً على الأقل

 

لكن هما ماباعوش دينهم زى أنصار الحزب الوطنى اللى باعوا دينهم ووطنيتهم وضميرهم وعقولهم ونزلوا عملوا كده فى ابناء بلدهم

على العموم كلها يوم بإذن الله والوضع هينتهى ،، والحاكم هيخلع بإذن الله

والبلطجية واللى وراهم هيتحاكموا

 

والخونه هيظهروا ويبانوا - ووراهم حساب أكبر قدام ربنا

 

دم شهداء التحرير على ايدى بلطجية النظام مش هيضيع بالسهولة دى بردودكم ومخططاتكم

وربنا هيوقف مع الحق ،، وعلماؤنا قالوا كلمة حق وعلماء الأزهر دلوقتى فى التحرير والشيخ محمد حسان فى التحرير ،، والحمد لله رب العالمين .. والنصر ضد الطغيان بعد ساعات قليلة بإذن الله

وحسبنا الله ونعم الوكيل

[حياتى من اجل ربى 22]

عزيـــــــــزى المغفل....

by on Thursday, February 3, 2011 at 4:40pmعزيزي المغفل

 

, تحية طيبة و بعد

 

 

 

 

 

اذا كانت احد أهدافك لوقف المظاهرات هيه

 

فرصة تانية .. البلد هتخرب .. الامان .. دول أجنبية

 

يبقى يا ريت تقرا لحد الاخر

 

 

 

 

 

عزيزي المغفل .. أنا برضه مغفل .. كنت زمان بقول اني

 

انسان .. مسلم .. مصري .. عربي

 

اكتشفت اني لو حبيت أمارس شعائر الاسلام و أصلي الفجر و أربي دقني هيعتقلوني

 

و لو حبيت أعمل فيها مصري و خايف على الوطن و أحارب الفساد برضه هيعتقلوني

 

و لو العرق العربي نفر و قلت فلسطين أو تونس برضه لازم يعتقلوني

 

و لو طالبت بأبسط حقوقي الاّدمية : هواء نضيف .. ميه نضيفة .. أكل نضيف .. مسكن و جواز

 

مش بلاقيها .. و لو اعترضت عشانها برضه هيعتقلوني

 

 

 

 

 

عزيزي المغفل .. تسمح تقولي احنا ايه ؟؟؟؟؟؟؟؟

 

ايه هيه هويتنا ؟ لازمتنا ايه ؟ عايشين ليه ؟

 

 

 

 

 

عزيزي المغفل .. ياللي فرحان بخطاب الرئيس و شايف انه كفاية

 

يعني - بفرض انه هينفذه - مش غرييييييييب شوية يعني اننا لازم نموّت مننا ييجي 500 واحد

 

عشان البيه يبدأ ينطق و يحس ان فيه - لا سمح الله - شوية فساد

 

و بتقول نديله فرصة تانية !!!!

 

اه صحيح .. عندك حق .. ما الراجل - - ماباقالوش غير 30 سنة بس في السلطة

 

يعني كان هيلحق يعمل ايه ؟؟ ده الواحد على ما يفطر و يشرب الشاي بياخدله 5 سنين

 

 

 

 

 

 

 

عزيزي المغفل .. ياللي بتقول كده البلد هتخرب .. و السرقة و النهب و عدم الامان

 

ده أنت مغفل جدا

 

حادثة واحدة من حوادث الفساد زي حادثة العبارة مات فيها اكتر من 3 أضعاف اللي ماتوا في الاسبوع ده

 

و السبب في موتهم سافر بره و همه سابوه عشان تبعهم

 

 

 

 

 

عزيزي المغفل .. هوه انت فعلا كنت عايش في امان ؟؟

 

انت كل اللي كنت بتعمله انك بتطبق قاعدة " يحدث للاخرين فقط

 

يعني انت بس مش متخيل

 

ان اخوك يموت في عبّارة

 

او اختك تولع في القطار

 

او امك و ابوك يتهانوا و يتبهدلوا من أي امين شرطة مايسواش 3 مليم

 

او جوازتك تتفركش عشان عز بيه محتكر الحديد

 

او حد قريبك ينتحر لانه لا لاقي شغل ولا عارف يتجوز

 

او يمكن مش مدرك ان موقفك من القضية الفلسطينية ممكن يتغير عن كوننا ولاد عم اليهود

 

و اللي ينكسف من بنت عمه مايخدش منها ريال

 

او يمكن باصص للحظة دي بس يعني مش مفترض انك هيجيلك

 

سرطان من المبيدات المسرطنة

 

او فشل كلوي من الميه الملوثة

 

او على المدى القريب ممكن تنضم لضحايا وباء اسفكاسيا الخنق - افتكاس يا - و ده لو حصل

 

سوء تفاهم مع المخبرين اياهم

 

او لو حظك وحش شوية ممكن يضطروا يعزبوك لحد ماتموت

 

 

 

 

 

انت ليه مستبعد انك يحصلك اي حاجة من دول ؟

 

همه اللي حصلهم كده ماكانوش مصريين زيك ؟ ماكانوش بني ادمين زيك

 

اراهنك كمان انهم كانوا مستبعدين الافكار السوداوية دي زيك تمام

 

عرفت انت ليه مستبعد الحاجات دي ؟؟ معرفتش ؟ عشان مغفل

 

 

 

 

 

 

 

عزيزي المغفل .. ياللي شايف ان فيه ديموقراطية و حرية رأي

 

فيه فرق بين حرية الرأي و تسفيه الرأي

 

الموضوع ببساطة ان رأيك مالوش وزن طالما همه المتحكمين في كل حاجة

 

خلاص يا حبيبي اتكلم و ألطم و اشتم و عض في الارض

 

هل ده هيقلل من فلوسهم ؟ هل ده هيقلل من نفوذهم ؟

 

يبقى هيتعبوا نفسهم و يمنعوك ليه ؟

 

هيه المشرحة ناقصة قتله ؟

 

 

 

 

 

 

 

عزيزي المغفل

 

لما يكون نظام فاسد و متخلف

 

و تعمّد اثارة الفوضى عشان الناس تقول خلاص رضينا بيه

 

و يمسكوا امناء شرطة بيحاولوا يسرقوا

 

و ظباط بيحاولوا يقتلوا و يحرقوا في زي مدني

 

و بلطجية و هتيفة مأجورين من الحزب الوطني و مجلس الشعب بهدف قتل و ضرب المتظاهرين

 

حتى بعد الخطاب العظيم للرئيس و ده يدل على مصداقيته الشديدة

 

و بعد كل ده نقول نديله فرصة تانية 6 شهور

 

و نسيبه يعدل اللي هوه عايزه من الدستور حسب رؤيته العظيمة

 

يبقى تقدر تقول و بكل فخر : أنا مغفل جدا جدا جدا

 

و تكون دي هيه هويتك .. و من حقك تموت في سبيل افكارك

 

 

 

 

 

 

 

و ختاما

 

يقول الامام عليّ ابن ابي طالب

 

الناس من خوف الذل في الذل .. و الناس من خوف الفقر في الفقر

 

 

 

 

 

[نور القران 1]

السلام عليكم ورحمة الله وبركاته

اولا يا اخواتى انا والله والله والله ما نقلت الموضوع دا من حد او اى منتدى لان دا طالع من جوه قلبى وحزنى على المناظر اللى بشوفها فى التلفزيون من جرحى وقتلى ودا طبعا لانى بتابع التلفزيون كويس من يوم الثلاثاء25 يناير واحنا شغالين اخبار على كل القنوات (الجزيرة سابقا ثم العربيه والمحور والاولى ...) ولعلمكم انا شفت فى اول ايام المظاهره مناظر تعزيب وقلت كاننا فى فلسطين واسرائيل (الحكومه) بتعذب الفلسطينيين وشفت حجات كتير تداليق وطبعا قلنا كلنا كتير حسبى الله ونعم الوكيل

لكن لو تلاحظوا انى فى كلامى فى الموضوع قلت انى كنت معاكم من اول المظاهره لغايه يوم الثلاثاء 1 /2 لانى لقيت ان المظاهرة دى هيروح ضحيتها كتير وفعلا حصل ولعلمكم انا بحاول ادافع عنكم على قد ما اقدر انا امى بتبص للمظاهرات دى على انها بيضيع فيها ارواح وطبعا خايفه على ابنها وبتحزرة ديما من المشاركة وبتدعى على اللى كان السبب والله بدافع عنكم ديما وبقولها ان فى ايد غريبه بتخرب مش الشباب وبتنبئ ان ان شاء الله الفترة الجايه هتبقى احسن والعرب هيتحدوا ان شاء الله والله دا توقعاتى من المظاهرة الاولى وكنت فرحانه جدا بس يا نا س حرام عليكم متظلمنيش و وحرام عليكم القتلى والجرحى دول مش ضريبه أو حتى كفايه لغايه كدا الحمد لله حققتوا انتجاز مكنتوش ولا اى حد حتى كان يحلم بيه

وبعدين انتوا هجمتونى ليه ووقولتوا الكلام الجارح دا مش المفروض لو غلطانه تفهمونى بد ل ما تهاجمونى انا من الصعيد مش بشوف قدامى غير التلفزيون وهو الوسيله الوحيده لوجودى ووجود اسرتنا فى الاحداث وطبعا الاحداث فى التلفزيون متضاربه المصريه تقول الامن مستتب والعربيه او الجزيرة تقول انقلاب امنى نصدق مين انا اخترت انى افكر فى القتله واحوال اسرهم وكمان بصراحه مش عايزه حد يدعى على اى شاب مناضل كان فى الظاهرات دى وخصوصا أول مظاهره لانها الاساس وهى فعلا اللى حركت الملايين

وكمان يا اخ (عاشق الصداقه )قلت واتهمت ان اى حد هيدخل يقول اوقفوا المظاهرات تبع الحزب الوطنى ليه انا والله والله والله العظيم مش تبع اى حزب

دا عن نفسى ام ا الاخ التانى فمعتقدش ولكن الله اعلم

 

عموما انا احب اقولكم شكرا لانى تقريبا اول مرة من يوم ما اشتركت فى ياللا يا شباب اكتب موضوع وقوبلت بالهجوم دا شكرا جدا على حريه الراى والراى الاخر

السلام عليكم وحمة الله وبركاته

[بنت مصرية 66]

نور القران استغرب جدا جدا من ردك ده

لان مافيش حد هاجمك ابدا زي ماانتي قلتي

اخي عاشق الصداقة حدته في الكلام غيره علي بلده شبابها الي هناك في التحرير بيضحوا بارواحهم عشان يقولوا لا للظلم

ووسط كلامه قالك انه عارف ومتاكد من نبل نوايكي ويحذرك من الانجراف ورا الراي ده

لانه فعلا قول حق اريد به باطل

واهو نصيحة

دعوة للجنة نفس الامر ولكنها في كلمات بسيطة ربما احسستي انها مهاجمة ولكن هي نصح لانك منذ تسجيلك معنا

واختيارك المشاركة والله الذي لااله الا غيره اعتبرتي كواحدة من اسرة المنتدي

بالنسبة لي انا لم اقم بتوجيه اي كلام لك ولكن اكتفيت بسرد راي في موضوعك

 

اعتقد انه لايوجد اي مهاجمة هنا انتي طرحتي موضوع للنقاش وليس معني اننا اختلفنا معك في الراي اننا نهاجمك او نكرهك لاسمح الله

ثانينا اغلب اعضاء المنتدي من الصعيد

وهنا في موضوعك عاشق الصداقة ودعوة للجنة وانا ايضا من الصعيد

مثلك تماما نعم نري مثلك التلفزيون وبصراحة تعبنا من الكلام الكتير

لكن في النهاية بنشغل عقلنا وبنحكم بالمنطق والحق

كمان احنا بنغلي اكتر من اللي عايشين في القاهرة

لاننا مش قادرين نعمل حاجة حتي صوتنا مش هيوصل لو عملنا مظاهرات

[omar_altawel 6]

عموما انا احب اقولكم شكرا لانى تقريبا اول مرة من يوم ما اشتركت فى ياللا يا شباب اكتب موضوع وقوبلت بالهجوم دا شكرا جدا على حريه الراى والراى الاخر

السلام عليكم وحمة الله وبركاته

مش معنى ان كل الزملاء ردوا على حضرتك برايهم هما ان كدة يبقى بتتهاجمى وزى ماحضرتك قلتى الراى والراى الاخر فلازم تتقبلى الراى الاخر حتى ولو كان مش ده اللى عاوزه تسمعيه

وانا عن رايى متفق جدا مع اللى قالوه الزملاء

وباذن الله سيرحل قريبا

[دعوه للجنه 457]

أختى الكريمة أنا لا لم أهاجمك بعد

 

ولا تسمى ردى عليك وان كان مجملا ف فعل الأمر المؤكد بالنون ووضعت الياء لكِ لتريها بنفسك ولم اقل اتقِ الله واكتفيت بل أكدت الفعل لك اتقين الله 3

 

 

لكى أقل لكِ و لأى احد استخفت بعقله وكلات الانباء ولا اصفك منهم ايضا فقد نعم وقد لأ......

 

لم يوجد وقت للرد عليك ولا لمهاجمتك عزيزتى ولا مهاجمة غيرك فكل ما ذكرته لكِ ان تتقى الله أولا ف كلامك ويسعدنى جدا جدا جدا ان تقولى لى وتذكريننى ان اتقى الله ف الماء الذى اروى بها ظمأى لأحيا وأعيش فما بالك ان قلتى لى اتقى الله ف قولك سأكن أسعد من بالوجود .....

 

أما ان كنت أختى من مؤيدى مبارك وأعوانه فاسمحى لى - أو لا - وقتها سأوجه لك كلمات غير تلك التى ع الاطلاق ووقتها لك الخيار ان حكمتى انها نصائح أم انها غير ذلك....

 

 

 

جزيتى خيرا والله اسال لى ولك العفاف والتقى والهداية والغنى ....

 

وجزاكِ الله كل خير عزيزتى مصرية .. وأشكرك أخى عمر لتوافق الرأى ودائما متفقين ف الخير والبر والرأى الصواب دون تفريق ولا تشتيت....

 

 

 

تحياتى وتقديرى.

 

 

[نور القران 1]

السلام عليكم ورحمة الله وبركاته

يا اخواتى انا قلت انكم هجمتونى لانى انا من طرحت الموضوع وتكلمت فاى ردود كانت موجهه لى بعنف كنت اتمنى ان توضحوا الصورة لى ووجهت نظركم من غير متعتقدوا انى تبع الحزب او حتى داخلة اقنعكم بالانسحاب وبس لا والله ما كان قصدى هذا

عموما الصورة وضحت لى ورغم انى مش عمية وبشوف يعنى بس على قدى بس الحمد لله خلاص بعمل نظارة قريب جدا جاية

شكرا لردودكم وخلاص مسمحاكم اخوتى على أى كلامه ديقتنى واعتذر لو دايقتكم

استغفر الله العظيم وأتوب اليه

لا اله الا انت سبحانك انى كنت من الظالمين

يارب ابعد كل شر عن كل المسلمين فى كل مكان وانصرهم وايدهم بنصرك يا أكرم الاكرمين

لا اله الاانت سبحانك انى كنت من الظالمين

[HASONAZAN 0]

السيد / عاشق الصداقة ( التخريب ) و السيد / حياتي هي ربي ( حياتك هي عبد الدولار )

شكرأ على السب الذي قمتم به تجاهي و لكني أشكر هذا السب لأنه أتضح لي أنكم من أتباع سيدنا / علي بن أبي طالب - خليفة رسول الله سيدنا محمد عليه الصلاة و السلام أي أنكم من الشيعة أتباع حزب الله و الخميني عدو الله

و يبدو أنني وجهت رسالتي إلى أعداء الإسلام أولاً ثم أعداء مصر ثانياً فعذراً على هذا الخطأ

و يبدو أن السيد / حاقد الصداقة لم يتعب نفسه بالنظر إلى تاريخ عضويتي قبل الرد على رسالتي حيث أن نظره قد تم حجبه بواسطة الدولارات و شريعة الخميني حيث يستطيع أن يطلق زوجة من زوجها ليتزوجها هو بعد ساعة أو أقل كما يفعل الكلاب الضالة في الشوارع و طبعاً هذا بخلاف الأفيون و الحشيش الذي قاموا بأعطائه لكم ليغفل عقلكم عن التفكير

و بعدين أنت بتقول المؤيدين أتباع مبارك بيهجموا على المتظاهرين أنا عايز أعرف هل هم أتباع مبارك فالحقائق تؤكد أنهم مندسين و يقولون ما لا يفعلون مثلك عامل شعار مصرية فورية محايدة و لا تفعل بها فهم منافقون و مخربون يريدون عدم أطفاء النار فأرجو تغيير الشعار إلى شيعية تدميرية شيطانية و لا تنسى من فضلك تغيير العلم حتى لا يتنجس

أما من يُدعى / حياتي هي ربي فمن هو ربك أنك عبد المال وولائك لفرج المرأة

و أنت قلتها على لسان سيدنا علي فأنت في ذل لأنك تخاف من الذل

أما عن نفسي فأنا لا أتبع أي حزب و لا أعترف بهم لأنهم تفرقة للمسلمين و ليس لي بطاقة أنتخابية و أحرص على طاعة الله و رسوله محمد صلى الله عليه و سلم و أكررها رسوله محمد صلى الله عليه و سلم

أما القانون الدنيوي فلم أخرقه لأدخل قسم شرطة في حياتي لأنني كما سبق و ذكرت أنني أطيع الله و رسوله محمد صلى الله عليه و سلم و بالتالي الله سبحانه و تعالى معي

و أخيراً و ليس أخراً أريد أن أعرف من هو صاحب الموقع هل هو مسلم حقاً و لا يهمني بعد ذلك جنسيته لأنه لو كان مسلم حقاً و يخاف الله سبحانه و تعالى وحده ما كان يسمح لأمثالك ببث الفتنة بين المسلمين

[عاشق الصداقه 525]

بسم الله والصلاة والسلام على رسول الله وعلى اله وصحبه ومن والاه

 

HASONAZAN || لن أرد على ردك لأهميته

 

ولكن حتى لا تمضى فى مكاسبك للسيئات بجهل منك

 

صاحب الموقع هو كل من يكتب فى الموقع ،، وأنا أمثل الإداره العامة للموقع ومالكى المادى

 

والموقع بكامله يتبع الشريعه الإسلامية بفضل الله عز وجل

 

وانا مسلم سنى أتبع كتاب الله وسنة رسوله بفهم سلفنا الصالح

 

هذه السطور فقط إن كنت تريد أن تعلم من أنا ،،

 

وبخصوص أختى (حياتى من أجل ربى) ،، فهى مسلمة ملتزمه (نحسبها على خير ولا نذكى على الله أحد) ومنتقبه حافظة لكتاب الله عز وجل كاملاً وحاصلة على مركز أول فى حفظ القرآن الكريم ،، وهذا نعلمه جميعاً فى المنتدى من المشاركين

 

بخصوص أخطاؤك التى (لن أحذفها ولا أسمح لمشرف بحذفها) ..

 

فما أسئت به إلىّ - لن يهمنى بتاتاً ،، وبفضل الله صورتى فى الانترنت العربية كلها - وليس فى المنتدى هنا فقط - أفضل وأكبر من أى يمسها مثل هذه الكلمات الضالة

 

وأما عن خطؤك فى أختى (حياتى من أجل ربى) - فسيتم إيقاف عضويتك للأبد إن لم تسامحك هى ،، وإلا فسنعتبر ذلك جهل منك وحسب

 

بخصوص تحدثك بإسم الدين بجهل - فإن كنت مسلماً تتبع الإسلام - فإسمع لرأى علماء الدين فيما يحدث وبعد ذلك تحدث ولا تتحدث بجهل لتكفرنا وتجعلنا عملاء ونقبض أموالاً مقابل كلامنا وما لهذا الجهل الذى طغى على ردك ..

 

هذه روابط الموضوعات :

 

الشيخ العريفي من مصر يتكلم عن ثورة أهلها

 

عالم بقناة الناس - أقول لمبارك إرحل الان ،، ويقف فى صف من بالتحرير !

 

كلمة الشيخ صفوت حجازى وسط شباب ميدان التحرير

 

صرخة الشيخ محمد حسان فى ميدان التحرير

 

 

تحدثت بإسم الدين وهذه الردود من رجال الدين على ما يحدث ،، فإن لم يعجبك كلامهم فإلتزم الخرس أفضل لدينك ودنياك

وإن تحدثت بإسم السياسة أو العقل فقد قمنا بالرد فى أكثر من موضوع لكل ذو عقل

 

إن كنت جاهلاً - فلقد سردنا ما يكفى لتعليمك

أما إن كنت خائناً من خونة الحزب الوطنى وبلطجيته ممن يفعلون ما يفعلون فى الشوارع وعلى الانترنت الان - فلا تتعب نفسك كثيراً هنا .. فلن يكون لك صوت ولا تأثير عندما تسىء لرموز فى المنتدى ، ولا تكن بهذا الغباء الذى يحرككم وأنتم متخبطون

 

وفى النهاية لن أقول سوى - حسبنا الله ونعم الوكيل

[حياتى من اجل ربى 22]

والله الحقيقه واضحه جدااااااااااااااااا ومش محتاجه انى ارد

لانى مستغربه جداا من اد ايه نجحوا فى يفرقوا بين افراد الشعب الواحد

 

اما بالنسبه لللالفاظ ال..... اللى انت بتقولها فهى لا تنتقص الا من قائلها

وإن غدا لناظريه قريب -- فغدا نعرف من يريد تعميمنا ومن يريد الاصلاح

 

 

 

قالوا : سكت و قد خوصمت، قلت لهم: ***** ان الجواب لباب الشر مفتاح

الصمت عن جاهل أو أحمق شرف ***** و فيه ايضا لصون العرض اصلاح

اما ترى الاسد تخشى و هي صامتة ؟! ***** والكلب يخسى لعمري و هو نباح

[حياتى من اجل ربى 22]

الــــــــــــــــــــى كل من يختلف معى فى الرأى

كما لك الحق ان تختلف لى الحق ان اقول رأيى وما اراه صحيحا

فاختلاف الرأى لا يفسد للود قضيه

فى النهايه كلنا مصريين ما نتمناه ان تستقر الاوضاع ونأخذ حقنا

لن نسمح لاحد ان يقسمنا نصفين ويجعلنا اعداء

...شكرا لكل من اختلف معى فى الرأى فهو علمنى كثيييرا

كيف اننى على حق .......

[HASONAZAN 0]

كل اللي ذكرتة كلام ناس لا أعرف أهوائهم و لكني أقدم لكم دليلي و ليس بلساني أو رأئي بل بتصريحات لرئيس المخابرات الأسرائيلية في بداية شهر نوفمبر الماضي و كانت منشورة في عدة مواقع و ما عليك إلا البحث عن أسمه و سوف تجدها و أليك رابط جوجلي عنها

http://ejabat.google.com/ejabat/thread?tid=576e1fa80c571032

و لك بعد ذلك أن تحكم عقلك و قلبك لأنك أذا كنت صادقاً في حبك لله و الوطن فلن يسعك إلا أن تهتف معي أتقوا الله

و نص التصريحات لمن يريد قرائتها هي الأتي :

اعتراف الجنرال عاموس يادلين

 

 

استغربت أوساط سياسية ودبلوماسية غربية الكلام الذي قاله الجنرال عاموس يادلين؛ رئيس الاستخبارات العسكرية الصهيونية (أمان) المنتهية ولايته، والذي عُيِّن مكانه الجنرال آفيف كوخفي. كلام يادلين جاء خلال تسليمه خلفه مهامه منذ أيام، والذي جرى أمام أكثر من مراسل حربي لوسائل إعلام عبرية، والتي بدورها نقلت الحديث إلى جهات أوروبية وأميركية.

 

الجنرال عاموس يادلين قال: لقد أنجزنا خلال الأربع سنوات ونصف الماضية كل المهام التي أوكلت إلينا، واستكملنا العديد من التي بدأ بها الذين سبقونا، وكان أهمها الوصول إلى "الساحر"، وهو الاسم السري للقائد اللبناني عماد مغنية. لقد تمكّن هذا الرجل - اللغز من عمل الكثير الكثير ضد دولتنا، وألحق بنا الهزيمة تلو الأخرى، ووصل إلى حد اختراق كياننا بالعملاء لصالحه، لكننا في النهاية استطعنا الوصول إليه في معقله الدافئ في دمشق، والتي يصعب جداً العمل فيها، لكن نجاحنا في ربط نشاط الشبات العاملة في لبنان وفلسطين وإيران والعراق أوصل إلى ربط الطوق عليه في جحره الدمشقي، وهذا يعتبر نصراً تاريخياً مميز لجهازنا على مدار السنين الطويلة.

 

وتابع عاموس يادلين: لقد أعدنا صياغة عدد كبير من شبكات التجسس لصالحنا في لبنان، وشكّلنا العشرات مؤخراً، وصرفنا من الخدمة العشرات أيضاً، وكان الأهم هو بسط كاملة سيطرتنا على قطاع الاتصالات في هذا البلد؛ المورد المعلوماتي الذي أفادنا إلى الحد الذي لم نكن نتوقعه، كما قمنا بإعادة تأهيل عناصر أمنية داخل لبنان؛ من رجال ميليشيات كانت على علاقة مع دولتنا منذ السبعينات، إلى أن نجحت وبإدارتنا في العديد من عمليات الاغتيال والتفجير ضد أعدائنا في لبنان، وأيضاً سجّلت أعمالاً رائعة في إبعاد الاستخبارات والجيش السوري عن لبنان، وفي حصار منظمة حزب الله.

 

واستطرد يادلين بسرد إنجازاته قائلاً: في إيران سجلنا اختراقات عديدة، وقمنا بأكثر من عملية اغتيال وتفجير لعلماء ذرة وقادة سياسيين، وتمكنا إلى درجة عالية من مراقبة البرنامج النووي الإيراني، الذي استطاع كل الغرب الاستفادة منه بالتأكيد، ومن توقيف خطر التوجه النووي في هذا البلد إلى المنطقة والعالم. وفي السودان أنجزنا عملاً عظيماً للغاية؛ لقد نظمنا خط إيصال السلاح للقوى الانفصالية في جنوبه، ودرّبنا العديد منها، وقمنا أكثر من مرة بأعمال لوجستية، لمساعدتهم، ونشرنا هناك في الجنوب ودارفور شبكات رائعة وقادرة على الاستمرار بالعمل إلى ما لا نهاية، ونشرف حالياً على تنظيم (الحركة الشعبية) هناك، وشكّلنا لهم جهازاً أمنياً استخبارياً قادر على حمايتهم وإنجاح مشروعهم بإقامة دولة ذات دور فاعل في هذه المنطقة.

 

ملحق #1 09/11/2010 05:14:26 م

وأضاف: أما في شمال إفريقيا، فقد تقدمنا إلى الأمام كثيراً في نشر شبكات جمع المعلومات في كل من ليبيا وتونس والمغرب، والتي أصبح فيها كل شيء في متناول أيدينا، وهي قادرة على التأثير السلبي أو الإيجابي في مجمل أمور هذه البلاد. أما في مصر، الملعب الأكبر لنشاطاتنا، فإن العمل تطور حسب الخطط المرسومة منذ عام 1979، فلقد أحدثنا الاختراقات السياسية والأمنية والاقتصادية والعسكرية في أكثر من موقع، ونجحنا في تصعيد التوتر والاحتقان الطائفي والاجتماعي، لتوليد بيئة متصارعة متوترة دائماً، ومنقسمة إلى أكثر من شطر في سبيل تعميق حالة الاهتراء داخل البنية والمجتمع والدولة المصرية، لكي يعجز أي نظام يأتي بعد حسني مبارك في معالجة الانقسام والتخلف والوهن المتفشي في مصر.

 

وتابع الجنرال المتقاعد: أما بين الفلسطينيين فنحن الذين أفرغنا السلطة من محتواها، وسيطرنا على معظم قادة منظمة التحرير الذي عادوا إلى أراضي سلطة محمود عباس، وشبكنا معهم أوثق العلاقات، ومنهم من ساعدنا كثيراً في عدد من الساحات العربية، ونسج لنا علاقات مباشرة وغير مباشرة مع أجهزة وقادة عرب، إلى أن أصبح جزء مهم جزءاً من عملنا، لكن الخطر الأشد مازال مصدره حركة الجهاد، التي تتمتع بسرية تامة، وتعمل داخل أراضينا بتكتّم شديد، وفي أراضي أكثر من دولة عربية، ومازالت لغزاً يجب المواصلة لكشفه، أما حركة حماس فإن الضربات يجب أن تتلاحق عليها في الداخل والخارج، فحماس خطر شديد على الدولة اليهودية، إنها تستنهض المنظومة الإسلامية في البلاد العربية والعالم ضدنا، لذلك من المفترض الانتهاء من إفشالها وتبديدها في المدة المحددة بالبرنامج المقرر في عمل جهازنا بكل دقة.

 

وختم الجنرال الذاهب إلى التقاعد كلامه: لقد كان لحادثة اغتيال رفيق الحريري الفضل الأكبر في إطلاق أكثر من مشروع لنا في لبنان، وكما كان للخلاص من عماد مغنية الفضل في الولوج إلى مرحلة جديدة في الصراع مع حزب الله، يجب مواصلة العمل بهذين المخططين ومتابعة كل أوراق العمل على الساحة اللبنانية، خصوصاً بعد صدور القرار الظني الدولي، والذي سيتوجه إلى حزب الله بالمسؤولية عن اغتيال الرئيس الراحل رفيق الحريري للانطلاق إلى مرحلة طال انتظارها على الساحة اللبنانية، قبل التوجه إلى سورية؛ المحطة النهائية المطلوبة، لكي تنطلق جميع مشروعات الدولة اليهودية، بعد الإنجاز الكبير في العراق والسودان واليمن، والقريب جداً إتمامه في لبنان، كما يجب تحية الرئيسان حسني مبارك ومحمود عباس كل يوم، لما قدماه لاستقرار دولتنا وانطلاق مشاريعها.

 

هكذا ختم الجنرال الصهيوني المتوجِّه لمتابعة عدائه وحقده على العرب والمسلمين من موقع آخر غير إدارة (أمان) الصهيونية، على غرار أسلافه وكل الصهاينة، وهكذا أيضاً يستمر قادة عرب "الاعتدال" بالسكوت عن عار الخيانة الكبرى والصغرى للأمة، ويقبلوا تحية أعدائهم بأحسن منها، بالمزيد من العمالة والطوعية لهذا العدو.

 

بعد هذا الحديث المعلن نستغرب سكوت الكم الكبير والواسع من وسائل إعلام العرب عن هذا التقرير الذي أوردته أكثر من وسيلة إعلام صهيونية، وذكره أكثر من موقع إلكتروني أوروبي وعربي، وناقشته معظم الدوائر السياسية الغربية، ووُضع على طاولة معظم القادة العرب.. لكن مع الأسف الشديد لم يأخذ حقه من النقاش والتعاطي معه على أنه اعتراف كامل من القاتل للضحية.. فهل صدق شاعرنا الكبير مظفر النواب حين قال : القدس عروس عروبتكم؟ فلماذا أدخلتم كل زناة الليل إلى حجرتها...

ملحق #2 09/11/2010 05:27:47 م

personisperson :قبل أن أحيلك للمصادر ..فأي من المعلومات التي تقرأها غير قابلة للتصديق مثلاً ؟

فكل ما تقرأه معروف من قبل للنبهاء ولكن الحق ما ذكره الأعداء !

[عاشق الصداقه 525]

أولاً - جزا الله خيراً أختى (حياتى من أجل ربى) على التفهم ومسامحتك عن الإيقاف ..

فقد راسلتنى بألا أوقف عضويتك ..

أما عن ردك (رغم معرفتى أنك تأخذ من أوقاتنا بدون جدوى) ..

ورغم يقينى أنك تلعب مع الشخص الخطأ

سأختصر ردى فى نقطتين ..

كل اللي ذكرتة كلام ناس لا أعرف أهوائهم و لكني أقدم لكم دليلي

 

إذا كنت لا تعرف أهواء أئمتنا وعلماؤنا ولا تعترف بهم ،، فأنت أقل من أن أقرأ دليلك !

وحتى بخصوص الكلام الطويل والعريض الذى كتبت عن المخطط الإسرائيلى .. معروف من بدرى - لكن ملوش أى علاقة باللى بيحصل ولا جايب سيرته من قريب ولا من بعيد ،، هو إتقال فيه إنه ليه إيد فى موضوع إستهداف كنيسة القديسين .. لأنه كان ضمن المخطط اللى اتحكى فى السيناريو ده ،، وان فيه مجند فى مصر لإسرائيل ملتحى وملقب بـ (الأستاذ) .. والشيخ الزغبى إتكلم عن الموضوع ده وقال إن المخابرات المصرية لحد دلوقتى معرفتش مين هو ده ..

زى ما وضحت انت بتكتب كلام وجايب دليل ملوش أى علاقة باللى بيحصل دلوقتى ولا جايب سيرته حتى !

ولا بس مجرد وجود مخطط اسرائيلى - بقى هو ده اللى مخطط ثورة مصر ؟؟؟

بالإضافة لإنك فى الكلام اللى كتبته - وده إقتباس من كلامك :

كما يجب تحية الرئيسان حسني مبارك ومحمود عباس كل يوم، لما قدماه لاستقرار دولتنا وانطلاق مشاريعها.

وضحت إن مبارك خائن وعميل ،، علشان كده يجب خلعه !

يعنى كلامك نفسه مع محاكمة مبارك مش ضد ..

وإن كنت عارف إن محاكمته حاجه مش ساهله .. لكن على الأقل يتشال ويتحاكم كل اللى أخطأوا تحته ..

ومصر تتخلص من اللى بيحصل ده واللى حصل فيها كل السنين دى من حاكم ظالم طاغيه خائن

 

===

أخيراً - أرجوا إنك تكتفى وتبطل نقاش ،، انا اديتلك رأى علماء الدين وإنت قلت إنك مش عارف أهواؤهم !

وكتبنا تحليلات سياسية (من وجهة نظرنا) ،، وتحليلات من وجهة نظر خبراء سياسيين على العربية وغيرها ..

 

لو مش مقتنع .. لا بالدين ولا بالعقل .. إلتزم الصمت

خد الموضوع ده إقرأه : (من هنا) ،، وأرجو إنك بعدها تلتزم الصمت .. لأنك غير مؤهل للحوار أصلاً بعد الغلط الكبير اللى غلطته فى ردك الأول ..

أنا رديت عليك بس علشان اوضح للناس اى لبث ممكن يدخل عليهم من كلامك - رغم إنى أعتقد إن أعضاؤنا أعقل بكتير من اللى قلته واللى ملوش دخل أصلاً بالأحداث

[HASONAZAN 0]

أنك أوضحت ما هو أكثر لي أنكم تأخذون ما يحلو لكم من الكلام وفق هواكم فلقد نقلت النص بحذافيره و لم أخفي كما تفعلون فلقد فسرتم تصريحات اليهودي التي تشمل كل أنحاء الوطن العربي بأنها تخص الكنيسة فقط و ركزتم على عبارته عن حسني مبارك

و أنا لم أكفركم و العياذ بالله بل أنكم تشترون بأيات الله ثمناً قليلاً و أنما حسابكم عند الله لأنكم تقولون ما لا تفعلون

أما عن علمائكم فأنني أعرفهم جيداً و لكنني قلت أنني لا أعرف أهوائهم و على سبيل المثال لا الحصر فأن الشيخ محمد حسان الذي كان مطالباً بالحقوق العادلة عندما لبيت هذه المطالب و رأى المكائد التي تحاك ضد مصر و شعبها فأنه أتقى الله و بكى بل أكثر من ذلك نزل إلى المتظاهرون الشرفاء و الذي يتخفى وراءهم المخربون أتباعكم لكي يطلب من الشرفاء أن ينفضوا فأين أنت من الشيخ محمد حسان الذي أنار الله قلبه ليفعل ما يرضي الله و رسوله فلا تتمسح في عباءته

و ثانياً أنا لا أعرف الكاتب هل هو رجل أم أمرأة و أزيد على كلامي سابقاً إن من تهين أو يهين رجلاً أكبر من عمر أبيه فلا يستبعد أن تقول لي يا مغفل لأن تربيتها تستنتج من أقوالها فلا بد أنها تقول أكثر من ذلك لأبيها في منزلها

و ثالثاً أنا متأكد الأن أنكم تمولون هذا الموقع من بنوك شيخك الأساسي الذي حزنت عليه عندما قلت الخميني عدو الله و تأكدت من نواياك لتخريب مصر و شعبها لكن الله سيحمي مصر و شعبها من أمثالكم مثيري الفتن كاليهود

و رابعاً أنه لا يشرفني أن أكون عضواً في موقع يساعد على نشر الفتنة بين المسلمين

خامساً أكرر لكم أتقوا الله أذا كنتم تعرفونه أتقوا الله أذا كنتم تعرفونه أتقوا الله أذا كنتم تعرفونه

و أرجو أن تنشروا هذه قبل ألغاء عضويتي التي أخطأت فيها لأنها عضوية مشينة

[دعوه للجنه 457]

متأسفه للمداخلة يعنى وقطع تلك المحدثات

معلش ممكن سؤال بسيط لو أخدت لبال حضرتك يعنى وسط المجزة دى

 

يعنى ايه

الخميني عدو الله

 

 

 

يارب الناس الظلمة دول يخلو لحضرتك العضوية لحد ما ترد عليا بس

 

 

[دعوه للجنه 457]

ف انتظار رد حضرتك

 

 

[عاشق الصداقه 525]

أما عن كل إتهاماتك للموقع وتمويله وهذا الهراء

فحسبى الله ونعم الوكيل ،، وأعلنا (لا أسامحك وسأسألك أمام الله عن كل ما قلت)

 

وأما عن الشيخ محمد حسان فقد نزل لميدان التحرير ولم يقل لشخصاً واحداً أن يذهب لبيته ،،

وهو أحب علماؤنا إلى قلبى .. وربى أعلم بذلك

 

وأنا لا ألعب بـ (الديــــــــــــــــن) مهما كان الثمن ،، لإتهامك لى بأننى أثير الفتن وأننى أخذ من الكلام ما يحلو لى ولأهوائى ،، وأننى كاليهود ،، وأننى أشترى بآيات الله ثمناً قليلاً ،، وأن شيخى هو الخمينى الفاسق .. وحسبى الله ونعم الوكيل فيك وفى إتهاماتك

 

نشرت أخت لى فى المنتدى كلمة الشيخ محمد حسان ونشرتها فى صفحتى على فيس بوك

ولم أتردد فى نشر جميع أراء رجال الدين الأجلاء : ( شاهد إن كان الله لم يعمى بصرك كما أعمى قلبك من هنا )

ونشرت كل هذه الفتاوى فى صفحتى على فيس بوك ..

 

وذكرت فى أكثر من موضوع (رغم كونى مقتنعاً برأيى) .. أنه من الأوجب علينا الآن أن نتجرد لله سبحانه وتعالى ونسألة ما فيه الخير لمصر وأهلها (وهو أعلم به) ..

شتمت بما فيه الكفايه ،، وكفرتنا علناً ثم انكرت ذلك ،، وتركتك فى كل ما ذكرت حتى لا تعتقد أنك على حق وأننى أخرستك

لكنى بالفعل أضيع وقتى فى غير موضعه عندما أرد عليك ..

 

تركت لك كل ما يمكن ان ترجع اليه إن أردت الحق ،، وأهم ما فى ذلك رأى رجال الدين

إن ذكرت حرفاً واحداً بعد ذلك تشتم فيه أحد أو تتهم الموقع أو اى احد بشىء فكفى هراء وسيتم إيقافك

 

وأكررها - والله العظيم لا أسامحك وسأسألك أمام الله عز وجل عن كل ما ذكرت فى حقى وحق الموقع والقائمين عليه

لأننى سامحتك فى المره الأولى ،، ولكن وضح الان غباؤك المتفحش

وحسبى الله ونعم الوكيل

[omar_altawel 6]

لا اعلم ماذا اقول بعد ماقلتوه فى هذا الموض