حياتى من اجل ربى قام بنشر February 3, 2011 قام بنشر February 3, 2011 (تعديل) انا مصــــــــــــــــــــرى اهو انا بقا واحد من الشعب دا وعاوز حقي دلوقتي قبل بكره ومش هأجل دا ست شهور لو أجلته يوم يبقي ممكن ااجله سنه وبعد كدا تنازل عنه لا انا عاوز حقي النهارده من اللى ظلمني 30 سنه انا زهقت من قوله اصبر عليه صبرت عليه 30 سنه ومعنديش صبر تانى وزهقت من قوله البلد فى فوضي ولازم نسيبه يعدلها الوضي كانت موجوده من زمان وزادت حاليا ومادام هو السبب فى زيادتها حاليا يبقي لازم نستأصله دلوقتى قبل كمان ساعه انا مش بحرض على قتل ولا خناقات انا لازم اخد حقي من اللى ظلمني ومش همد ايدي عليه انما لو اعتدي عليا هدافع عن نفسي انما لو اعتدي على بلدي هدافع عن بلدي وزي مافيه حسني مبارك ونظامه فيه 50000 واحد بيفهم فى السياسه وفيه 500000 يقدر يحكم البلد دي بالعدل انا مش بقول نبهدل وندمر انا بقول نشيل اللى بهدلنا ودمرنا ولازم كل واحد هنا يحترمني واذا كان فيه حد مابيحترمنيش وبيشكك فى مصريتي فهو بقلل من احترامه لنفسه اولا وبيقلل من احترامي ليه ثانيا انا مصري وخايف على البلد دي اكتر من اى واحد هنا ومحدش يقولى انا قليل الوعي لا انا واعي كويس باللى بيحصل وواعي كويس ان الساكت عن الحق شيطان اخرس واللى انا بقوله دا هو الحق فى نظري ومش هتنازل عنه ولو دقيقه واحده انا بدفع بحماسه اللى حواليا عشان ننهض بالبلد انا بشجع اللى حواليا عشان نرقي لعصر جديد تماما نبدأه بالعدل واصلاح البلد والارتقاء بها انا مش بثير الفتنه الفتنه تمت اثارتها لما طلعت مجموعه تدعو ببقاء مبارك انا بدعو لتوحد الصفوف كما كانت فى بادئ الامر لاقاله النظام الحاكم انا بدعو لتوحد الصفوف لنصره هذه الامه انا بدعو لتوحد الناس كلها تحت رايه : يكفي ايها النظام انا بدعو اننا نكون ايد واحده نبعد الفاسدين جميعا وليس جزءا منهم انا بدعو نكون ايد واحده تبني وتصلح بس الاول لازم ننضف انا مصري تم تعديل February 3, 2011 بواسطه حياتى من اجل ربى
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥