بعد خطاب مبارك.. الآلاف يهتفون أمام التليفزيون: ارحل ارحل

[نودي]

بعد لحظات قليلة من خطاب الرئيس مبارك الذى ألقاه، مساء الخميس، وأعلن فيه تفويض سلطاته إلى نائبه عمر سليمان، قام آلاف المتظاهرين بالتوجه إلى مبنى التليفزيون للاعتصام أمامه لإصرارهم على رحيل الرئيس مبارك .وردد المتظاهرون هتافات منها :" ارحل ارحل"، "مش عايزينك ..مش عايزينك"، "على القصر رايحين ..شهداء بالملايين".

 

وأكد مراسل مصراوي أنه عقب إلقاء الرئيس مبارك خطابه، قام عدد كبير من المتظاهرين بميدان التحرير بالبكاء الهستيري والصراخ اعتراضا على ما جاء بالخطاب، مؤكدين أنه صدمة للمتظاهرين وأقل كثيرا من مطالبهم .

 

كما قام عدد آخر من المتظاهرين بمغادرة ميدان التحرير، للاستعداد لمظاهرة حاشدة غدا الجمعة، للمطالبة برحيل الرئيس مبارك .

 

يذكر أن الرئيس مبارك قد وجه خطابا للأمة، مساء الخميس، أعلن فيه تفويض سلطاته إلى عمر سليمان نائب رئيس الجمهورية للقيام بمهام الرئيس وفقا للدستور.

 

وأضاف مبارك في خطابه الثالث منذ اندلاع مظاهرات 25 يناير، أنه استجابة لمطالب الشباب المصري، وحفاظا على مصالح الوطن قرر تفويض نائب الرئيس

[Dr.A7MD]

خليه ,,, هو زنق نفسه ,,, دخّل نفسه فى حارة سد

 

كان قدامه مخرج يحفظله ولو حاجة بسيطة من هيبته وكرامته

 

هو مش فاهم للأسف إنها كبرت فى دماغ الشعب ,,, أيوه كبرت ,,, ترحل يعنى ترحل

 

لو كان قال البوقين دول بعد 28 يناير كانت الدنيا هديت شوية

 

إنما هو راسه وألف سيف يناطح قصاد الشعب

 

ماشى هنشوف دماغك ولا دماغ الشعب

 

دلوقتى كل حاجة فى يد أبطال التحرير وفى يد الجيش ,,, ويمكن بدرجة أكبر فى يد الجيش

 

وعلى رأس السادات لما ضرب مراكز القوى قال " هنشوف الشعب هيقف مع مين "

 

تلف الأيام وتدور وبنقول " هنشوف الجيش هيقف مع مين "

 

يومين أو تلاتة بالكتير إن مكنش أقل من كدا وهنشوف الدنيا رايحة على فين

 

شكراً نودى على متابعتك للأخبار

 

ربنا يسترها

تم تعديل February 11, 2011 بواسطه Dr.A7MD