حملة ياللا نبنى مصر أفضل - شاركنا يا مصرى ويا مصريه

[عاشق الصداقه]

أهلاً بيكِ أختى basmaa cs

وأتمنى إننا نشوف مشاركاتك معانا فى المنتدى دايماً ..

 

بس فين موضوعك اللى بتناقشى فيه اللى ممكن نعمله فيما بعد الثوره ؟؟

إحنا قلنا محتاجين موضوع من كل حد يوجهه لشباب مصر عن حاجات لازم نعملها فى مصر من أجل مصر أفضل فى الفتره اللى جايه ،، وعاوزين من حضرتك موضوع

 

وكمان أعتقد من خلال إسم حضرتك (Cs) إنك ممكن يكون ليكى فى التصميم - ولو كده يبقى مطلوب من حضرتك تدعمينا بتصميمات مهداه للحمله وتبقى مشاركه فعاله من حضرتك فيها

ياريت متبخليش على مصر بمشاركتك الفعاله فى الحمله

 

وحضرتك نورتى المنتدى بوجودك وجزاكِ الله كل الخير للمرور اللى أسعدنى

 

تحيتى

[عاشق الصداقه]

ها .. محدش تانى عاوز يشارك فى بناء مصر ،، ولا يقدم حاجه حتى لو موضوع إصلاحى لأبناء بلده ؟؟

الناس فيــــــــــــــــــــــــــــــــن !!!

[ziad tarek]

انا عندى اقتراح

كل واحد يعمل موضوع بافكار بعد ما الموضوع يكمل من افكاره كلها

نحط الرابط بتاعه فى الوضوع ده علشان الاستفاده تكون فى موضوع واحد

[لامار]

السلام عليكم

 

صح انا مش مصرية بس يشهد الله انا بنحبكوا يا اهل مصر التحرير و الكرامة

 

رح ندعيلكو ليل نهار و انتوا يلا ادعولنا

 

يا الله يا الله يا الله

[alandleb_aram]

وانا عليا الظلط والرمله

لا بجد فكره الموضوع جميله

ثوانى ثوانى انا كمان معاك

[فراشة]

استنوا ما تمشوش من غيري

الحملة جميلة ويا رب نعرف فعلا نطبقها

احب اقول على حاجة سهلة في مقدور الجميع ومن شأنها ترفع مصر

ما نرميش زبالة خالص

للاسف بشوف ناس خلاص اتعودو ياكلو حاجة ارمي على طول

استخدم منديل احدف من الشباك

شرب كانز طوح من البلكونة

والله والله لدرجة ان احنا في ناس بيجو يحطوا اكياس الزبالة بتاعتهم قدام بيتنا مكسلين يروحوا لاخرالشارع يرموها ولا يتفقوا مع عامل نظافة ومستنينا احنا نرميهالهم

يا ريت كل واحد ما يرميش اي حاجة ولو ورقة ملبس ولا لبان واكيد التغير هيبان ومحدش يستقل بنفسه

ويا ريت لو حد شاف حد بيرمي حاجة يقوله وميتكسفش وهو حتى لو ما استجبش اهو عمل اللي علبه واخد الثواب

يلا انا شاركت مين تاني؟

[alandleb_aram]

وانا معكم دائما ان شاء الله

[نـــــــــــور]

وانا معاكوا

 

 

مصر كانت أقوى الدول العربية واسبقها حضارة وتقدم وتارخيها كان يتميز بالابداع والفن حيث قدم الانسان المصري تايخ يسبق تاريخ الشعوب في العالم باكمله وكانت مصر في عصر محمد علي تفوق امريكا والدول العظمى حاليا ولكن للاسف في ايامها الحالية انتشر الفساد بسبب الحكم الفاسد والحكومات الفاسدة وزيادة عدد السكان بشكل هائل ولكن مصر كانت وستزال ارض الكينونة وارض المحبة والخير فمصر فيها خير لا يوجد في اي دولة في العالم ولكن يحتاج الى حسن استغلال .

لذلك نحن دورنا كشعب للتقدم بمصر هو الدعاء لزعمائنا وحكومتنا بالاصلاح ويجب علينا ان نرتقى باخلاقنا اكثر حتى نبني سمعة جيدة للمصريين ولا نسيء لبعض حتى لا نشمت فينا الاعداء

اما بالنسبة للمشاكل اللي موجودة في مصر واعتقد كلنا عارفينها ده بأه دور الحكومة اللي ربنا يهديها

مصر ليس وطن نعيش فيه و لكنه وطن يعيش فينا

وانما شايفة ان لو كلنا عملنا دول احنا نقدر نخلى مصر احسن

 

1-نحترم اي طابور ونقف فيه زي المتحضري

2- نحترم قوانين المرور .(معرفه مدى تحضر الدوله من نظامها المروري )

3- عدم الرشوه وهي سبب كل الفساد .

4-أهم حاجة في نجاح اى امة (التعليم ثم التعليم ثم التعليم) لازم نتعلم صح

5-تقوي الله في السر والعلن قبل اي شيء ثم الاخذ بالاسباب

6-5- نعمل دول الاول والكل هايجي بعد كده

يكفينا الامن والامان يكفينا حب المصريين والطيبه العفويه اللي ربنا كرمنا بيها عن كل العالم يكفينا اننا شعب صبور ومسالم ومحب لله ورسوله بكل التعاليم الدنينيه يكفينا الازهر الشريف لنشر الاسلام في كل مكان يكفينا الكثير والكثير فقل الحمد لله رب العالمين.

[احلام بلدى]

بسم الله الرحمن الرحيم

 

انا مع مصر ومعاكم ديما ان شاء الله وربنا يقدرنا نبنى مصر نبنى فيها الدين الاول وبعدين الاخلاق وبعدين

الكلام الحلو هياجى لوحده والعلاقه الطيبه والروح الحلوه احنا ديما موصوفين بيها

لازم نختار قياده سليمه مصلحه البلد والشعب تكون اول حاجه قدام عنيهم

ويا رب بكره مصر تبقى احسن واحن بينا وبحبنا وبخوفنا عليها

[egyptian eagle]

بارك الله فيكم ..فى الحقيقة انا ارغب منك فى التعاون معنا فنحن نعمل موقع لنفس الفكرة فهو يدرس السلبيات المصرية ويحاول ايجاد افكار لحلها ومبادرات لمواجهتها وكذلك نعمل على تجميع كل افكار الشباب التى تساهم فى بنائم مصر لنتعاون على عمل الجيد منها مازال الموقع تحت الانشاء ولكن اقمنا له صفحة على الفيس بوك اخشى ان وضع رابطها مخالف للتعليمات عموما الصفحة تحمل نفس اسمى فلو اردتم التعاون معنا بأفكاركم عن طريق الصفحة او الكتابة هنا او اى موضوع عن نفس المعنى فى المنتدى فاإختيار لكم ...نرجو ان نتشارك فى عمل الخير

[egyptian eagle]

وانا بالنسبة لموضوع الزبالة عندى فكرة بالنسبة للإنسان نفسه ..نعمل حملة بس بصبر كبير اسمها "القسم " وفيها واحد واحد بعد ما يدرب نفسه بيقسم انه ميرميش زبالة على ارض مصر ولو شاف اخوه بيرمى يحظره ولو نسى ورمى يخرج مبلغ صغير ولو جنيه لجمعية جيرية من الجمعيات الى بتبنى مصر .......وممكن نعمل شريط يتربط ف الايد اليمين بحيث يتكتب عليه شعار للحملة عشان الانسان يفتكر لما ييجى يرمى حاجة انه اقسم ايه رأيكو ايه تعديلاتكم على الفكرة؟؟؟؟؟؟؟؟؟؟؟

[egyptian eagle]

اشتراك الطلبة ابتداء من المرحلة الابتدائية فى مشاريع جماعية

مثلا: تخصيص مكان داخل المدرسة لكل صف للزراعة

عمل مجموعات لزراعة نباتات الزينة ونباتات الشمس

داخل الفصول

او فى ادوار المدرسة

او حول المدرسة

او دهان المدرسة

 

 

يتم تقسيم الطلبة ابتداء من المرحلة الابتدائية

يتم تقسيمهم الى مجموعات

مثلا الفصل يتم تقسيمه الى 4 مجموعات

مجموعة خاصة بالزراعة

مجموعة خاصة بانلظافة

مجموعة خاصة بالدهان والصيانة

 

مجموعة النظافة تقوم بعمل النظافة المطلوبة للمكان

ومجموعة الدهان والصيانة "تجهز المكان ليكون لائق وشكله جميل"

واخيرا مجموعة الزراعة تقوم بزراعة المكان بنباتات رخيصة وجميلة

وطبعا متابعة المكان بصفة دورية من كل المجموعات

 

وممكن عمل مسابقة ومهرجان لتوزيع الجوائز على اجمل فريق عمل

 

وعمل مهرجان المدرسى السنوى فى المنطقة لعرض وبيع المنتجات الزراعية او توزيعها على الاحياء

 

بالنسبة للزراعة يتم زراعة نباتات رخيصة وشكلها جميل

وممكن بيع النباتات المنتجة للأهالى

وممكن زراعة وتجميل المدرسة من الخارج

 

المهم فكرة : التدريب على العمل الجماعى من المرحلة الابتدائية حتى التخرج من الجامعة

 

اكيد طبعا اللى زرع حاجة بإيده وشافها جميلة

عمره فى يوم من الايام ما هايقطع وردة من جنينة او يرمى ورقة فى الشارع

 

هذه هي المرحلة التي يمكن فيها التغيير لصنع جيل يصنع لمصر خير مستقبل

لعرض و قراءة المزيد من الافكار لمصر و من اجل مصر اليكم موقعي البسيط بنك الافكار

للمساهمة في تطوير بلادنا الحبيب

و شكرا اخواني

.........................زاعجبتنى الفكرة والطلبه المتعاونين اذا مقتنعين بالى بيعملوه ما بتعرفو ممكن يعملو ايه ؟؟