الموضوع دة لولادك، تعالي فهمهم، اكتب لهم التاريخ بإيدك.

[ali desoky]

الموضوع دة لأولادك تعالي بسرعه

 

 

 

 

 

 

 

 

اسمحوا لي أشارككم الفرحة والنصر

 

اسمحوا لي أسجل تاريخ بلدي بإيدي وأفهم ولادي كل اللي حصل

 

يقروه دلوقتي ويسجله التاريخ بكرة

 

بكرة مش هسمح لحد أبدا يزيف التاريخ

 

هكتبه لولادي يوم بيوم

 

وهما يكونوا معايا فيه

 

مش هسمح لحد فيهم ما يطالب بحقه أبدا

 

مش هسمح لحد في ولادي أبدا يسكت عن باطل مهما كان هين

 

هعلمهم من دلوقتي يكونوا شباب منظمين وأمهات واعيين

 

هعلمهم من دلوقتي يرسموا مخطط بلدهم ويكون لهم دور في كل شبر في أرضهم

 

في المدرسة .. في الفصل .. في الفسحة

 

مش هسمح بحاجة غلط

 

 

 

يللا ياشباب كل واحد او واحده يكتب رسالة لأولاده

 

يقول فيها

 

قمنا وغيرنا وبدلنا تاريخ البلد في 18 يوم

 

18 يوم من المعاناة

 

18 يوم لخصت معاناة شعب عاش 30 سنة في معاناة

 

مش هنقف على رغيف العيش بعد كدة

 

ومش هنقبل غش في امتحانات

 

مش هفرط في أي حق من حقوقي أبدا

 

هعلمهم كدة

 

 

 

 

أنا نزلت شفت الشارع بعد التنحي

 

بجد فرحة قسما بالله ما شفتها في أي عيد فات

 

أنا كنت ببكي في الشارع من الفرحة

 

والزغاريد في كل مكان

 

مفيش شبر في الأرض مفيهوش علم مصر

 

على رؤوس الشباب وأكتافهم وفي العربيات

 

في كل مكان

 

اللهم لك الحمد

 

 

علي دسوقي ( مصري وافتخر) ولدت واعيش في مصر البلد اللي اتحررت من الظلم والتعتيم اللي استرد شعبها كرامته المهدرة وغير تاريخها وبدله