تعمل اية لو انت رئيس جمهوريه.........تعملى ايه لو انتى حرم رئيس الجمهورية

[:: نبـ القلم ــض :: 8]

السلام عليكم

 

ياصباح الجمال على احلى عيون..........ولو بطلنا نحلم نموت..........شبيك لبيك حرنكش تحت امرك وملك اديك

 

بس امسح على الفانوس وقول عافرتكوتش ابن فارنتكوش .........اظهر وبان عليك الامان.........يابن العفريت

 

وملكة الجان............اااااااااااااااااه مين اللى صحانى من احلاها نومة ........دا انا هطلع عينه.........لالالالا

 

متأسفين معلش اصل ........احنا بنحلم الوقتى وعايزينك معانا...........لو سمحت ياعفرتكوش بعد اذن سيادتك

 

 

هنا شباب زى الورد فى انتظارك.........كله امل كله حماس........واللى يحلم بالرئاسة حاسب لا ينداس.....

 

 

انا حذرتكم ومليش دعوى خرجونى انا من اللعبة دى........وانا مالى والله ياباشا انا معرفهومش..انا ماشى جنب الحيط

 

 

دوول حتى قالولى انهم ناويين يحلموا انهم يكونوا رؤساء جمهورية.......اقبض عليهم يا باشا قبل ما يضيعوا البلد؟؟؟؟؟؟؟؟!!!!!!!!!!!!!!!!

 

 

يلا ياجماعة غمضوا عنييكم ........غمضوا كمان .......شيدوا اللحاف .........شيدم انتم اللحاف.......شغل يابنى اجهزة المخابرات

 

 

تعملوا ايه لو كل واحد فينا.........فينا ...فينا ......مين اللى قال فينا...........انا مقولتش حاجه........انا بقول فيكم.........

 

 

محدش يغلطنى .......بقى رئيس جمهورية .......وتعملوا ايه انتن يا فتيات لو اصبحتن حرم رئيس الجمهورية؟؟؟؟؟؟؟؟؟؟؟؟؟؟؟؟؟ظ

 

 

نحن فى بلد ديموقراطى............صحيح فيه دكتاتورية ........لكن وماله عششان العيار ميفلتش ........ايه ياجماعة انتم

 

عايزين البلد تخرب ولا ايه؟؟؟؟؟؟؟؟؟؟؟؟؟؟؟؟؟؟

 

ربنا يستر ومنتفقش بعد الموضوع ده...........ادعولى ارجع سليمة لارض الوطن

 

 

هااااااااااااااااا مستنين ردودكم وانفعالتكم ............فى هذا الحلم.............كل واحد يحلم على قده مش عايزين مشاكل

؟؟؟؟؟؟؟؟؟؟؟؟!!!!!!!!!!!!!!!!!!!!!وانا هرد اوعدكم بس محدش يفتن عليا

[صناع الحياه 14]

لو انا رئيس جمهوريه

هوزع الكتب الثقافيه مع السكر والدقيق والشاي

هجبر كل الشركات تحط معلومات اثرائيه علي علب المنتجات

هعمل لكل علم قناه ومحطة راديو

هخللي ابواب الجامعه مفتوحه لكل الناس بشرط نعمل اختبارات قدرات عشان الناس تتوزع كويس علي كل مناهج الفكر المختلفه

 

هعمل شريط متحرك الكتروني في كل الميادين يتعرض فيها كل جديد في صنوف المعرفه المختلفه

باختصار هشعل نار الثوره الفكريه

[:: نبـ القلم ــض :: 8]

هاااااااااااااااااا تخيلتم ولا لسه اظاهر ان الحلم كبير ومحدش مصدق..........تعالوا ورايا هوشوش الودع واقرأ الكف

 

بس محدش يفتن عليا..............

 

تعالى نتخيل

يا عم انت حتدفع حاجة من جيبك ؟

الحلم ده على حسابى

غمض عينيك شوية واحلم انك بقيت رئيس البلاد

 

 

 

 

 

متقولش ازاى .. مش مهم

 

زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم

 

قاموا انتخبوك .. او يكون لك واحد صاحبك امريكاوى بتكلمه على الياهوو وقال لبوش انك ولد

 

مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ومش من

 

اللى بيصلوا الفجر جماعة ... فوافق بوش انك تقعد على ... الكرسى

 

 

 

 

 

المهم انك بقيت دلوقتى رئيس البلاد

 

مين قدك يا عم

 

حتاكل طعمية مقلية بزيت فرنساوى وربنا حيتوب عليك من طعمية ""بوتو"" :You-make- المقلية

 

بزيت العربيات

 

 

 

 

 

وحتتعالج من انيميا الفول .. الفول الجديد بقه يا عم من غير سوس

 

 

 

 

 

وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ...

 

سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه

 

ورا كل لقمة علشان تنزل

 

 

 

 

 

لا لا العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع

 

ويعرقص ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص

 

الاوضاع حتتغير خالص ياعم ... دا انت ربنا حيكرمك خالص والله العظيم

 

 

 

 

 

طب بص دى ... حتاكل لحمة... متبرقش اوى كدة ... مش عارف يعنى ايه لحمة؟

 

 

 

 

 

 

 

( هم حيقولولك )

 

وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من

 

الجزمة انهم حيستوردوا حاجة كدة من السودان واثيوبيا

 

آه فاكر ؟

 

اهى هى دى اللحمة

 

لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه

 

الله يسترك

 

 

 

 

 

وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين

 

لك رجلين الفراخ وانته كنت بتقول له عشان الكلب وكان ساعات يفوت لك حتتين قنصة على

 

حتتين كبدة من بتوع الزباين اللى بيستحموا بصابون اجنبى

 

 

 

 

 

وحتشرب السيجارة كلها مرة واحدة .. يعنى مفيش تخميس

 

وبعدين دى سجاير ستراكى سترايك من بتاعت الست مارى منيب .. جو تانى

 

 

 

 

 

بس لما يخدوك علشان تحلف اليمين

 

ياعم دا غير يمين الطلاق اللى انته مصدره فى كل حدوتة تحكيها

 

 

 

 

 

اصحى معايا الله ينجيك

 

لما تروح تحلف اليمين اوعى تروح بالبدلة بتاعت جوازك .. انته عارف ... دى بقت مكيفة الهواء من

 

كل ناحية .. العربى جوز ام بطة عنده بدلة اخوه باعتهاله من بلاد بره ابقى استلفها منه وإقضى

 

مصلحتك وبعدين رجعهاله ... ماهى الجيران لبعضها امال ايه

 

 

 

 

 

ورجاء شخصي متروحش بالجزمة بتاعتك ... عشان خاطرى ابقى اشتريلك جوز جزمة من

 

بيع المصنوعات دى رخيصة هناك .... لأن الحدوة اللى انته مركبها فى كعب الجزمة بتعمل

 

صوت .... قلق برضه .. وبعدين ممكن الجهاز يصفر عليك تبقى حكاية .. فاهم ؟

 

 

 

 

 

اول يوم بس وبعدين همه بعد كدة حيتصرفولك فى جوزين جزم مستوردين عشان تقابل بيهم

 

اصحابك بتوع الدول التانية

 

 

 

 

 

وحتنام على سرير عليه مراتب .. المراتب دى بقه جواها قطن ... ايوة قطن ... والله العظيم

 

قطن .. ايوه تمام زى القطن اللى انته جبته من الاجزخانة للوله حودة ابنك لما الواد شحته ابن ام

 

بيسة لزقه بالطوبة فى نافوخه فتحهاله

 

 

 

 

 

وجريت بيه على المستشفى قالولك هات لنا قطن وشاش وميكروكروم وصبغة يود وبلاستر

 

وسرنجة وحقنة تيتانوس وكيس دم واقطع تذكرة بخمسة جنيه من شباك العلاج المجانى .... ايوه

 

هو ده القطن .. فهمت ؟

 

 

 

 

 

حتحلم احلام نضيفة على السرير دا يا عم الحاج

 

افرد طولك ... متخافش رجليك مش حتطلع برة الاوضة .... انته مش فى بيتكم دلوقتى .. افرد

 

افرد ... غمض عينيك كده .. غمض

 

 

 

 

 

ايه؟ ... انت نمت ؟ اصحى يا عم ... اصحى ... الباب بيخبط ... الحق .. موظفين الكهربا على

 

الباب ... الحق دول جايين يشيلوا العداد علشان بقالك 3 شهور مدفعتش الفاتورة

 

 

 

سلا م عليكم بقى

[AMR DAWAM 7]

يابوووووووووووووووى ايه الامله دى كلتها

ياحلاوة يا ولاد

يعنى انى لو بجيت رئيس جامهورية

هاكل البتاعة اللى بيحكوا عليها اليومين دول وبيجولوا عليها اللحمة

وكمان دانى ممكن يجيبولى تلافزيون ملون

وممكن اشيل البتاع اللى بيتكلموا فيه من غير سلك اكده.......... المحروج اللى اسمه نابايل

وهستريح بجى من زحمة الاتوبيسات

وكمان هضحك عليهم ومش هدفع الكهربة المتاخرة عليا ........ ااه امال اصل انا نِوِر

وهتجوز البت بنت العمدة غصب عنه

تعالى يا آآآآآبا شوف الاملة اللى ابنك هيعيش فيها لو بجى ريس

************************************************

لا بجد الفرص التى تتاح للرئيس .............. تجعل الفرض منا يفكر فى الموضوع ده

شكرا ليكى يا عاشقة القران

*

*

*

*

*

*

انتى شكلك هتودينا فى دهية

[:: نبـ القلم ــض :: 8]

اى خدمه ياعمرو........افتكر الجمايل دى!!!!!!!!!!!!!!!!!!!!!هو فى احلى من انك تروح فى داهية........ولا يهمك كلنا فى الهوا

سوا ........ثم ايه ياعم اللهجه الصعيدى دى .........انت عايز تفضحنا قدام اللى يسوى وميسواش؟؟؟؟؟؟؟؟من الوزراء

والساده الحضور............اتعلموا الاتيكيت بقى!!!!!!!!!!!!!!!!!!! هو فى ريس الوقتى بيكلم صعيدى ........كلهم يابا

بالشوكة والسكينه وادى!!!!!!!!!!!!!!!!!!!!!!! ولسه ياما هنشوف اللى جاى اصبر .......ان الله مع الصابرين

[MOSTAFA_SHA3RAWY 0]

انا مش عاوز اكون رئيس جمهوريه ابداااااااااااااااااااااااااااا

[ديدو 3]

اما انا لوبقيت رئيس جمهورية فمعندكوش فكرة انا هعمل اية

اولا : هخلى الناس تنام على طول لانى هلغى حاجة اسمها شغل , الناس تاكل وتنام بس ودة حلم كتيير من المصريين دلوقتى

ثانيا: هفرض قانون بان كل راجل يتزوج اربع نساء,, ودة برضة حلم كتيير من المصريين بس مش لاقى الامكانيات

ثالثا : هشترى لمصر الصعود لكأس العالم , لان دة برضة حلم المصريين من سنة 90

رابعا : هصرف لكل فرد فى الشعب اربع عربيات على الزيرو احدث موديل , لان الشعب اتخنق من الموصلات العامة وارفها

خامسا : هعمل فيلم سينمائى كبير يبين ان العرب كلهم ايد واحدة , لانة حلم مش عايز يتحقق فى الحياة

وكفاية كدة احسن متلائونيش معاكم بعد كدة

الحياة قابل وفارق والحكم فيها القدر (كابتن ديدو )

[zoro_hf 8]

انا بصراحة اخاف اكون رئيس جمهورية لانى اخاف الله

ازاى يجالى نوم وفى واحد من رعايتى من لقى لقمة العيش او نام من غير عشه

او فى طفل ممكن يكون مريض وابوه مش لقى حق العلاج

بصراحة صعبة انى اكون رئيس جمهورية ومش ممكن اكون زاى سيدنا عمر اللى كان طول الليل يلف على الناس يشوف احوالهم

دول 26 محافظة وفى كل محافظة يجى 100 قرية ومدينة شوفو بقا فيهم كام من الناس

وهل ممكن اشوف ده كله بصراحة حرام انى اكون رئيس جمهورية

وانا شاء الله اجبكلم عيش وحلاوة عن قريب

انتى اول واحده يا عاشقة القران