اهلا بيك فى مصطبة الجامعة!!!!!!!!!!!!!!

[:: نبـ القلم ــض :: 8]

اهلا بيكم فى مصطبة الجامعة..........يعنى تعقد على القهوة او فى اى غرزة ........وتاخد حجرين .........وتعلى الطاسة

وتمخمخ.......ومزاجك هيبقى فى السحاب.......

 

هذا الاقتراح لازم تعمله لما تسمع نشرة الاخبار...........او تسمع اخبار سياسية.......على الصبح.......وقبل ما تنام تلاقى قنبلة موقوتة نزلت على دماغك..........ان فيه عبارة غرقت ومات فيها بالالالالالالالالالالاف........وقطع غيار بشر بتترمى هنا وهناك

بس قبل ما تعقد لازم تتعلم لغة الروشنة .......لغة العصر .........عصر السرعة.........عصر قصر وهات من الاخر........مفيش وقت انك تفكر ............مفيش وقت تعقد وتشوف انت رايح فين ........ولا مصيرك اية

وعشان اختصر معاكم الوقت هذه هى المصطلحات..........للعلم هذه حفظ عشان لو اتزنقت.......وحبيت تتنفس وتربى دماغ عالية

................................................................................

......................................................................

أستمورننج

لفظ يقال في الصباح بغرض تناول الطعام أو التدخين ، أو شرب الشاى حتى يفيق الشاب من نعاسه ، مثل " هاروح اعمل أستمورننج علي القهوة وجاى "

 

الأبلتين لدع في دهاليز الحياة

عبارة تدل علي الخواء أو الفوضى في الحياة ، وغالباً ما تأتى بقصد الفلس

 

أعمل دماغ

عبارة مشهورة لدى المدخنين ويقصد بها ضبط الحاله المزاجية عند المدخن

 

أديها جاز

عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر

 

أختفى شوية

أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك

 

أيه النظام

عبارة بمعنى! أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال

 

أليط

لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة

 

another stoneوتعنى بالروشنة " حجر أخر لشاربى الشيشة على المقاهى "

 

أتشبح

مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح

 

إتم

والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب

 

أزبهل

لفظ يدل علي الزهول الشديد ويقال " انت مزبهل كده ليه " أى مندهش لدرجة العبط

 

إحلق

وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق

 

! أتوبيس راجع بضهره

عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده "

 

أعلمه

وهذا مصطلح يعنى التشوية في جزء من الوجه بآله حاده ، مثلما أراد الفنان محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه "

 

أنش

لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل

 

أملئ التنك

عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام

 

أمبلايز

مصطلح بمعنى " في القشوش " اى ان الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة

 

أشاعاتى

الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء

 

أبجنى تجدنى

عبارة تعنى " انا يمكن شرائى بالمال " او اعطنى المال لكى انفذ كل ما تطلبة ، وغالباً ما يقولها الموظفين المرتشين ! او الشاب الذى لا يهمه إلا مصلحته دون الأخرين

 

أنجز بالونجز

كل المشاكل التى تقابلها لها حل سريع وحاسم ما دمت تدفع المقابل ، والونجز يقولون انها كانت نوع من انواع السجائر قديماً ، لكنها تطلق هنا علي النقود لانها حلالة العقد وسريعة التأثير في انهاء المصالح المتوقفه

 

أستك

مصطلح يعرفه التجار ويعنى الألف جنية

 

أرنب

مصطلح شعبى بمعنى مليون جنية .... ويقسمه التجار ورجال الاعمال مثل " نصف أرنب " أى نصف مليون جنية والربع أرنب يعنى الربع مليون جنية اما الورك ارنب فهو المائة الف جنية

 

أخلع دلوقتىعبارة تقال كأعلان لرغبتك في رحيل شخصاً ما ، أنهيت الحديث معه ، مثل " أخلع دلوقتى ورايا شغل " أى امشى الان ونتكلم مره اخرى فلدى ما اهتم به غيرك

 

أتزرع هنا

بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى " أى لا تترك مكانك أو موقعك حتى أعود إليك مهما كانت الأسباب

 

أعلن فرارى

عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا هأعلن فرارى اى انا ماشى او لن انضم اليكم في الحد! يث

 

أتارى

مصطلح يطلق علي السيارات الخفيفة ، لانها تشبه السيارات في العاب الفيديو جيم او الاتارى ، مثل " سياره الشرطه " ويقولوها المدمنين " اجرى يالا عربية الاتارى جاية "

 

أيه الحياة ؟

سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى

 

أخلع فرد

عباره مأخوذه من لسان شاب جزمجى ، وتفيد معنى ان من نتكلم عنه قادم

 

أحنا اللى بهيظنا الفهايص

عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى "

 

أبو الغضب

اسم يفيد معنى الشر او ان هناك نية مبيته بالايذاء ، ويقال اسم ابو الغضب في وشه اى ناوى علي الشر ، اما " ابو الغضب " نفسه فهو شخصية كارتونية شريرة ظهرت في حلقات ( مازنجر ) وعلي غرار المعنى يقال شبية أبو لهب او شبية أبرهه الاشرم وكلها شخصيات شريره

 

أوزى

لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك

 

أنتر

مصطلح مشتق من الكلمه الانجليزية Enter وهو زر إدخال البيانات في الكمبيوتر ولكنه يأتى! بمعنى " لا يعيش له سر او فاضح لاسرار الاخرين " او لديه استعداد للاستدراج في الحديث

 

أيه البواخه ديه

عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو

 

أدعك الفانوس

عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد

 

أنزل من ع المسرح يا نجم

عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع

 

إنسانى وخد عنوانى

عبارة تفيد عدم المشاركة في اى احداث قادمة او معاصره لموقف معين ، مثل " تحب تروح السيما ؟ لا .. انسانى وخد عنوانى ،،، اى لا اريد الذهاب لاى مكان او جاء ميعاد انصرافى وسوف تجدونى وقت الحاجه مره اخرى

 

أنف

الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية

 

أهرش

لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية

 

أنزل من علي ود! نى

عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

 

أوكشه

وهى الفتاه الباهره الجمال او التى تستحق ان يطلق عليها كله " أنثى "

 

أنتخ

لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف

 

أشتغله

اى اكله البلوظه او اكذب عليه او اخدعه او استهبل عليه وتقال " انت بتشتغلنى "

 

أينح

لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف

 

أوجو

مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر

 

أدرجى

لفظ يطلق علي محترف الصياعه او " لافف " ويقال انت شاب أدرجى في السوق ، اى بارع في التجارة وتفهم الكثير من خبايا الامور واحيانا تقال للشاب ذات العلاقات النسائية المتعددة

 

! أيحه

لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم

 

أشايك

مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر

 

أرحلك

إنظار صريح بالطرد او النفى ، وسوف اعيدك من حيث اتيت وتقال حينما يخطئ الشاب في من هو اقوى منه مهنياً او قائد المعسكر لشباب في الرحلات

 

انت هركليز

 

عبارة استخفاف تقال للشاب الذى يرى نفسه بطل او المتظاهر بالقوه

 

أرقدلك

تهديد صريح بالشر ، والترقيد هى النية المبيتة بالشر او الإيذاء

 

اقعدلى في حته ناشفهجملة سخرية توجه للشاب الاهبل او الذى يخطئ في الكلام كالأطفال حين يتبولون علي انفسهم علي اعتبار ان الشباب والرجال لا يخطئون ولديهم تحكم ذاتى بالنفس ( الحمام يعنى )

 

أحط عليك

عبارة لها العديد من الاستخدامات ، فأحياناً تفيد الاستقصاء او نية الايذاء احط عليك في الشغل اى سوف اتصيد اخطاءك حتى اعاقبك واحياناً تقال بمعنى الزياره مثال " هحط عليك بكره " اى سوف ازورك غداً

 

انت من الكفار

عبارة بمعنى " انت من ال! اعداء " أى الذى كفر بمبادئ الشله وعهودها والتزاماتها الوشنية ، مثال " مش جاى الديسكو النهارده ؟ فيقول لا .. فيردوا عليه ويقولوا - انت بقيت من الكفار اى المنشقين عنا

 

أفتكس

كلمه تعنى القدرة علي الاختراع او التأليف في مجالات الحياه المتعدده التى تتسم بطابع العبط والاستظراف مثل " ايه اخر افتكاساتك يا عم ،، اى ما هى اخر اختراعاتك في الحياه

 

إستوك .. بيتوك

مصطلح يطلق علي الفتاه الجميلة ، وهذا اللفظ يتشابة مع اللفظ الذى ورد في الاغنية الشهيره التى تقول " أيه الأستوك ده ... اللى مش بيتوك ده " اى التى تسير بدلع ودلال أنثوى ليس له مثيل

 

أستكانيس

لفظ يدل علي الراحه والرفاهيه والمتعه وتقال " انا مستكانيس كده " اى انا مرتاح جداً بهذه الطريقه

تم تعديل January 28, 2007 بواسطه عاشقة القرأن

[AMR DAWAM 7]

هههههههههههههههههههه

هو ايه النظــــــام يا : عاشقة القرآن

انا مزبهــــــل منك جــــــــــــــــــــــــــــــــدا

وكمـــــــــــــان هعلــــــــــن فــــــــــــــــــــــــــــرارى

و خدى بالك فى موضوع الرئاسة عربية الاتارى جاية وراكى

***************************************************

بجد يعنى انا مش عارف اقول غير كده

انتى السبب بتعلمينا كده كله على مسئوليتك

بس انتى جبتى الثروة الثقافية دى من اى غرزة

[:: نبـ القلم ــض :: 8]

هههههههههههههههههههههههههههههههههههههههههه

 

اولا......

بجد دمك خفيف يا مضروب ........اسمحلى اخد عليك............بعد كلامى الجاف جدا معاك فى لحظة انفعال.........وده درس اتعلمه

 

انا شخصيا (وعلمتهولى نجمة الكتب)...............

 

انى لازم افكر واتكتك قبل ما اقول اى رد يزعل حد منى وارد بهدؤ....واتعلمت منك شخصيا

 

ياعمرو ..................

 

ازاى اكون دبلوماسية واعرف احرج اللى قدامى وامتص غضبه واكسب ثقته فى نفس الوقت............

 

واتعلمت من صناع الحياة ..............

 

الرأى الحكيم المحايد وان المفروض زعلنا ميأثرش على اى طريق بدأناه

 

وطبعا استاذى الكبير عاشق الصداقة.........الذى افحمنى برده السياسى.........وطلعنى صغيرة جدا قدام نفسى

 

وانا بعتذر واظاهر انى فعلا غلط فى حقك غلطة كبيرة..............اسمحلى اعلنها أمام الجميع (أسفة يا عمرو ...سامحنى)

 

 

وطبعا بلاش تستغل الموقف وتشغلى اغنية سامحتك سامحتك ........بلاش الحركات دى ....انا عارفة انك كبيير وهتسامح على طول

 

و اسفة لو كنت طولت لسانى عليك شوية ...........انت عارف بتوع طب

 

دماغهم لاسعة...........وفضلهم 2 بوند وينوروا...............لكن احب اسمع منك انك سامحتنى...........ولو ان ردك عليا بيقول انك

 

مخك كبيييييييييييييير ...........وانا اللى مخى طلع صغير خالص...........بس انا اختك الصغنتوتة

 

ثانيا......طبعا لى الشرف ان اقول انى اتربيت على يد استاذى ومعلمى الكبير.........الاستاذ شعبان عبد الرحيم الذى طالما امتعنا بصوته الجبار..........البانجو عملوله باكته...........واستاذى ورئيس قسم الاغانى الهابطة اسامة كولشن.......البانجو مش بتاعى

 

ومش عايزة اكمل عشان محرقش بئيت المفاجأت لان دى مفاجأة لوحدها.................

 

وبجد يارب اكون دايما عند حسن ظنكم جميعا.............وان كان لحد فضل عليا فالله اولا ثم انتم جميعا

 

فكلم بشهادة منى انا شخصيا عباقرة............والمستقبل صحيح مظلم لكن هينور على ايديكم بأمر الله وربنا يسترعليا

[s0nA 0]

انا الموضوع ده عمل معايا احلي اصطباحه