هابنيكي بدمي - حملة ياللا نبنى مصر أفضل

[El-Saher Fantasy 21]

بسم الله الرحمن الرحيم

كلنا بنتكلم ازاي نبني مصر

وعايزين نعمل ونبني ونكبر ونشارك

واحنا الشباب لأننا الأغلبية فاحنا اللي المفروض يكون لينا الدور الأكبر في ده

ولأننا كمان احنا اللي عندنا القدرة على ده

علشان كده انا خليت رسالتي لمصر

ســــلام عليك اذا ما دعــانا ..... رسول الجهاد ليوم الفــداء

وسالت مع النيل يوما دمانا ..... لنبني لمصر العلا والرخاء

لما فكرنا بطريقة عملية ازاي نبني مصر

اختنا الحياة اقترحت علينا فكرة أكثر من رائعة

التـــــــــــــــبرع بالــــــــــــدم

الحمد لله كلنا عندنا دم

وكلنا عندنا صحة بيحسدنا عليها الأكبر والأصغر سناً

وفي نفس الوقت كل بنوك الدم محتاجة دم

وكل المستشفيات بتعاني من العجز

وكل مرضى الأورام وأنيميا البحر المتوسط بيموتوا بسبب نقص الدم

احنا فين من ده؟؟

شايفين اننا مالناش دور في ده؟

مانقدرش نكون السبب في انقاذ واحد من الموت؟

لا ده واحد ولا مليون

احنا هننقذ الناس كلها

ده مش كلامي ده كلام ربنا سبحانه وتعالى في الآية 32 من سورة المائدة

"......وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً......."

وكمان هيساعدنا في الدنيا والآخرة

مش بس الراحة النفسية اللي بتحسها بعد مساعدة محتاجلك

ومش بس علشان النشاط اللي بتحس بيه بسبب تجديد الدم

لا كمان زي ما قال الرسول صلى الله عليه وسلم "

من فرج عن مسلم كربة من كرب الدنيا فرج الله عنه كربة من كرب يوم القيامة"

(رواه الشيخان من حديث ابن عمر، كما في اللؤلؤ والمرجان، برقم 1667)

علشان ما اطولش عليكم

احنا الحمد لله ابتدينا بالفعل التنسيق لحملات تبرع بالدم متتالية

تبدأ بإذن الله تعالى يوم الأحد القادم 27 فبراير في نقادة

وكمان عملنا صفحة على الفيس بوك نتواصل من خلالها وننظم الحملات

وتعرف وننشر أهمية وفوائد وتخوفات وموانع التبرع بالدم

الصفحة دي اسمها "هابنيكي بدمي"

أتمنى أن الكل يشارك في الصفحة

وما يتأخرش عن أي فرصة للتبرع

وخلينا فاكرين

الانسان هو المصدر الوحيد للدم

[بسمة الاقصى 78]

تمام كده فكرة جميلة يا أخى وعملية وناس كتير مش حاسة بقيمة التبرع بالدم فعلاً وأهمية قطرة الدم دى للمرضى

 

اللى ممكن تكون حياتهم متوقفة على قطر ة الدم ومن أحياها كأنما أحيا الناس جميعاً

 

عاوزة أقول لحضرتك فى ناس فاهمة التبرع بالدم غلط وإنه مضر للجسم

 

أيام الجامعة كانت فى عربية اسعاف موجودة فى الجامعة تبع الهلال الأحمر المصرى بتجمع تبرعات بالدم للممستشفى

وكنت أحياناً أنا واختى بنتبرع وفى مرة شافتنا بنت خالتى وقالتلنا انتو إزاى بتتبرعوا بالدم كأننا عملنا مصيبة

 

وراحت قالت لخالتى بنات أختك بيتبرعوا بالدم فى الجامعة وخالتى قالت لأمى

 

 

المهم ما علينا المشكلة بس إنه اللى عنده أنيميا ما ينفعش يتبرع بالدم

 

وققكم الله لما فيه خير العباد والبلاد

[El-Saher Fantasy 21]

أختي الكريمة

أشكر لكي تأييدك ودعمك لحملتنا ومشروعنا المستمر إلى الأبد بمشيئة الله

وليست ابنة خالتك فقط هي التي تخاف أو تتوهم بشأن التبرع بالدم

وذلك في الحسبان

هذا جزء من المعلومات الموجودة بصفحة الحملة على الفيس بوك

 

ما هى أضرار التبرع بالدم ؟

ليس للتبرع بالدم أى أضرار على العكس هو يحفز نخاع العظام على زيادة نشاط خلاياه وبالتالى تجديد الدم.

هل هناك مخاطر للتبرع بالدم؟

· لا يمكن انتقال أى عدوى للمتبرع أثناء التبرع, لأن الأدوات المستخدمة معقمة تماما ومصممة بطريقة مطورة بحيث لا يمكن استخدامها إلا مرة واحدة ثم يتم إعدامها فى محارق خاصة.

· يسحب فى كل مرة 400 ملليلتر من الدم أى 8% فقط من إجمالى الدم فى الجسم, وفقدان الجسم هذه الكمية من الدم لا يؤثر إطلاقا على الأنشطة الحيوية و الوظائف المخية للمتبرع.

· نادرا ما يشعر المتبرع بالدوار بعد التبرع فاحتمال حدوثه 4% فى حالة الإناث وأقل من 1% للذكور, إلا أنه لا يشكل خطرا على الإطلاق, فعلى سبيل الاحتياط يقاس ضغط الدم قبل كل تبرع وكذلك نسبة الهيموجلوبين, إضافة إلى ذلك فإن المتبرع يكون مستلقيا على ظهره حتى يصل الدم إلى رأسه بقوة, كما أن المتبرع لا بد أن يكون قد أخذ كفايته من النوم فى الليلة السابقة للتبرع.

· شكة الإبرة: وهى للأسف ما تمنع الكثيرون عن التبرع, وكل ما نرجوه من كل خائف من شكةأن يسأل نفسه ألا تخجل أن تترك أما ترى ابنها يموت أمام عينيها لنقص الدم اللازم لإنقاذه- وذلك خوفا من شكة ؟!

· يقول رسول الله صلى الله عليه وسلم: "ما يصيب المسلم، من نصب ولا وصب، ولا هم ولا حزن, ولا أذى ولا غم، حتى الشوكة يشاكها، إلا كفّر الله بها من خطاياه" صحيح البخارى. فما بالك بشكة من أجل إنقاذ حياة؟

[بسمة الاقصى 78]

أختي الكريمة

أشكر لكي تأييدك ودعمك لحملتنا ومشروعنا المستمر إلى الأبد بمشيئة الله

وليست ابنة خالتك فقط هي التي تخاف أو تتوهم بشأن التبرع بالدم

وذلك في الحسبان

هذا جزء من المعلومات الموجودة بصفحة الحملة على الفيس بوك

 

أنا شفت الصفحة فعلاً

 

ربنا يوفقكم يارب

 

والله الموفق والمستعان