Dr.A7MD قام بنشر February 24, 2011 قام بنشر February 24, 2011 (تعديل) هبل وغباء الأمن الليبى من كام ساعة كدا ,,, التلفزيون الليبى أذاع مقطع فيديو بيوضح فيه أنه قبض على بعض العناصر الإجرامية المخربة وهى سبب اللى بيحصل فى ليبيا وقال أن جنسيات العناصر دى مصرية ودخلو الجماهيرية أكتر من مرة والكلام الفارغ ده كله واللى هو امتداد للكلام الفارغ اللى قاله القذافى واللى ضحّك الناس كلها خدلك كرسى كدا واتفرج على إبداع الأمن الليبى فى القبض على العناصر الإجرامية دى http://www.youtube.com/watch?v=wYSLkTtTAvs ================================================ ايه رأيك بقى ؟؟؟؟ ناس ميه ميه الصراحة ,,, جهاز أمن خرافى ,,, ملوش حل الصراحة سيديهات " أحداث النهاية " واللى غالباً كل الناس عارفينها وسيديهات " أوفيس إكس بى " وسى دى للكاسبر هى دى اللى بتوضح وبتشرح للشعب الليبى كيفية التخريب !!! وجايبلك جاك شاشة لسه طالع من كيسه وبيوضح كمان أنه أداة من أدوات التخريب !!! وشوية كفرات فاضية للإسطوانات وموبايلين فى قمة التواضع كأدوات للتخريب كمان !!! طيب فين اللابتوبات أو أجهزة الكمبيوتر يا معلم !!! - طيب شغلنا الإسطوانات دى وورينا فيها ايه عشان شكلك ميبقاش وحش لما تعرض الإسطوانات بالشكل ده والناس تضحك عليك !!! معقول عناصر تخريبية ومش معاها حتة سلاح أبداً !!! - ,,, طبنجة - حتة رشاش آلى ,,, ياخى حتى فبرك الحكاية بكام حتة سلاح من عندك كدا !!! طيب فين الناس دى يا معلم !!! ,,, جايبلى جوازات سفر ممكن تكون وقعت من صحابها أو لناس هجّت من بيوتها بدون ما تاخد معاها حاجة وعاوزنى أصدقك !!! هاتلى الناس دى ورينا وشها حتى عشان تخلى منظرك كويس وفبركتك تتبلع حتى !!! ================================================ الصراحة الصراحة ,,, مشفتش غباء أكتر من كدا الصراحة الصراحة ,,, مشفتش هبل زى كدا أبداً الصراحة الصراحة ,,, مش هتكلم أكتر من كدا عشان ممكن أغلط وأقول كلام مقيت ================================================ الموضوع يعبر عن وجهة نظر كاتبه فقط ================================================ اضحك كركر أوعى تفكر ,,, فأنت على قناة القذافى مباشر تم تعديل February 24, 2011 بواسطه Dr.A7MD
مشرفي الأقسام بسمة الاقصى قام بنشر February 24, 2011 مشرفي الأقسام قام بنشر February 24, 2011 ياااااا دكتور هما دول مين اللى مشغلهم ؟؟؟؟؟؟ أظن كلنا عارفين أعظم عبقرية على وجه الأرض واللى أثبت للعالم كله مؤخراً بعد الخطبة العصماء اللى ألقااها إنه عقلية مختلفة عن عقليات البشر جميعاًااااااااا فلا عجب يكون دى تصرفاتهم لكِ اللــــه يا ليبيـــــــا ربنا يفرج همهم يارب وينصرهم عاجلاً غير آجلِِِ
El-Saher Fantasy قام بنشر February 24, 2011 قام بنشر February 24, 2011 يا جدعان ماتخلوناش نطلع عن شعورنا ونقول كلام ماينفعش بقى هو المصري ده مالوش حد يدور عليه؟ الكلام ده اتعرض ع التليفزيون يعني البهوات شافوه وزمانهم حسب الكتاب الأخضر - لو كان اتقبض عليهم فعلا - اعدموا هو كل اللي عنده خراب مش عارف يتصرف فيه يلبسه للمصريين؟؟ أقسم بالله ماسك لساني بالعافية
Dr.A7MD قام بنشر February 24, 2011 الكاتب قام بنشر February 24, 2011 ياااااا دكتور هما دول مين اللى مشغلهم ؟؟؟؟؟؟ أظن كلنا عارفين أعظم عبقرية على وجه الأرض واللى أثبت للعالم كله مؤخراً بعد الخطبة العصماء اللى ألقااها إنه عقلية مختلفة عن عقليات البشر جميعاًااااااااا فلا عجب يكون دى تصرفاتهم لكِ اللــــه يا ليبيـــــــا ربنا يفرج همهم يارب وينصرهم عاجلاً غير آجلِِِ معاكى الحق أختى بسمة الأقصى الظاهر أنه شايل مخه وحاطط ........ لو مؤاخذة يعنى ربنا مع المصريين والليبين وينصر ليبيا ويخلصها من اللى هى فيه تحياتى ليكى يا جدعان ماتخلوناش نطلع عن شعورنا ونقول كلام ماينفعش بقى هو المصري ده مالوش حد يدور عليه؟ الكلام ده اتعرض ع التليفزيون يعني البهوات شافوه وزمانهم حسب الكتاب الأخضر - لو كان اتقبض عليهم فعلا - اعدموا هو كل اللي عنده خراب مش عارف يتصرف فيه يلبسه للمصريين؟؟ أقسم بالله ماسك لساني بالعافية لالالالالالالا مظنش يقدر يتهبل أكتر من كدا هو فاكر كويس السادات عمل ايه فيه زمان لما بعتله كام طيارة وكام دبابة على الحدود واتنفخ ساعتها الصراحة ورجعله يعيطله عشان يرجعله الدبابات اللى أسرها منه هو عارف أن الجيش ماسك مصر دلوقتى والجيش مش بيهزر وأظن الجيش هدّد أنه ممكن يتدخل عسكرياً فى ليبيا لو الحكاية كبرت أكتر من كدا أيام حسنى ونظامه ولّت خلاص ,,, وهو عارف كدا كويس نورت الموضوع يا الساهر
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥