حزب الوز الشاعرة ايمان بكري

[الجندى المجهول]

حزب الوز

الشاعرة ايمان بكري

 

 

 

لما نقول ع اللص شِــريف

 

 

عبده تلوث يبقي نضيف

 

و اما الحيلة يقول و انا مالي

 

عاوز اكوش ع اللي ف بالي

 

و اللي سارقنا نقوله يا غالي

 

يبقي نسمي الوضع دا ايه؟؟

 

طيب لما تحس انك مزنوق

 

عايش جوا وطن مسروق

 

و لا عافية بتنفع و لا ذوق

 

قولي جنابك تعمل ايه؟؟

 

و اما تلاقي جيوبك فاضية

 

او مهزوم بالضربة القاضية

 

و بيدوروا ع الحتة الفاضية

 

حتخبيها ازاي و بايه؟؟

 

انا راح اقولك تعمل ايه

 

تشرب شوربة عمو مفيد

 

تقوي و تقوي بالتأكيد

 

عز يعزك

 

تلقي سرور قال العدلي يجيب مسرور

 

ييجوا البعدا يغموا عنيك

 

و يصوتوا من بدري عليك

 

تفضل تصرخ من غير صوت

 

حلمك حبة بحبة يموت

 

تكبر زي نبات الضل

 

جواك حقد و يأس و غل

 

دمك يتقل تبقي ممل

 

فتبقي ف حزب من الاحزاب

 

او عضو ف مجلس كداب

 

تاخد حقك بالاجماع

 

و الاحزاب اربع انواع

 

حزب الوز

 

و حزب الهز

 

و حزب العز

 

و حزب الطز

 

 

 

انا ارشحلك حزب الطز

 

و الدستور اياه بينص

 

انك حي و ميت

 

طزززززززززززززززز

[رجل من الصحراء]

جميلة جدا احب جدا هذا النوع من الشعر فهو سهل الوصول في فهم القضية جزيت خيرا اخي الحبيب