يلا يا شباب رمضان على الأبواب ... شاركوناااااااااا

[VIRUS 22]

السلام عليكم و رحمه الله و بركاته ........ عاملين ايه ؟؟و ايه اخبار الأجازه ؟؟

 

 

 

 

كل سنه و انتم طيبين ... خلاص رمضان على الأبواب و ان شاء الله يكون شهر فيه نبتدى كلنا فيه بدايات جديده ... بدايه جديده مع ربنا و مع نفسنا و فيه ناخد قرارات تغير حياتنا للأحسن

 

 

 

 

شهر فيه اللى زعلان من حد يصالحه و يفتكر دايما ان الدنيا متستهلش ... ان الأخ يخسر اخوه اللى بيحبه و برضه الأخت مينفعش انها تخسر اختها اللى بتحبها علشان حاجات اكيد متستهلش .... و شهر فيه الكل فعلا يعلنها من كل قلبه و كيانه و يقولها بكل صراحه (انا ليك لوحدك يا رب ) ..... و علشان كده فأنا فكرت السنه دى فى حمله رمضان يكون لها شكل جديد بمعانى جديده ....

 

 

 

 

يعنى مش هتكون زى كل سنه ... مجرد واجبات و توصيات و خلاص ....!!!!

 

 

 

 

لأ هتكون حمله بمعنى جديد و بشكل تانى خالص .... بس قبل ما اتكلم معاكم عنها لازم تعرفوا انى بجد محتاجلكم جدا و انى مهما كنت مش هقدر اكون لوحدى فى الحمله دى و لا حتى غيرها ....... و قبل ما تساعدونى احب اقولكم انى و الله بحبكم كلكم فى الله و انى و الله مهما كنت بستخدم بعض العبارات القاسيه فى التعبير او بعض الألفاظ التى قد تحمل بعض معانى الشده و القسوه الا ان كل ده ميمنعش انى بخاف عليكم و بحبكم و بتمنى لكل واخ و اخت الجنه قبل كل شىء و بعد كده النجاح فى الدراسه ..... تمام .. اتفقنا ... يعنى كل كلمه هكتبها لأنى بحبكم و خايف عليكم و عاوزكم تساعدونى ....... ماشى .....يلا نبدأ

 

 

 

 

طبعا شهر رمضان غنى عن التعريف و فضله عظيم و مش هتكلم كتير عن افضال الشهر قد ما هتكلم عن ازاى نستعد لهذا الشهر الكريم ..... طبعا كلنا بنعيش شعور الترقب و الخوف و القلق و الأستعداد لبعض الأحداث التى نمر بها فى حياتنا ... مابين مثلا قلق الثانويه و شويتين لما كبرنا بقى قلق نتيجه السنه فى الكليه و هكذا ... و سبحان الله كتير مننا بيفتقد الشعور بالسعاده و الأستعداد لشهر هو افضل شهر يمر بك فى عمرك كله ...

 

 

 

 

تذكروا

 

 

 

أن لله في كل يوم وليلة عتقاء من النار فيشهر رمضان وأن لكل مسلم دعوة يدعو بها فيستجاب له

تذكروا

أن في رمضان ليلة القدر خير من ألف شهر قال تعالى: لَيْلَةُ الْقَدْرِ خَيْرٌ مِنْ أَلْفِ شَهْرٍ

تذكروا .. أن

من صام رمضان إيماناً واحتساباً غُفر له ما تقدم من ذنبه، ومن قام رمضان إيماناًواحتساباً غفر له ما تقدم من ذنبه

تذكروا .. أنه

إذا دخل رمضان فتحت أبواب الجنة وغلّقت أبوابجهنم ، وسلسلت الشياطين

وتذكروا .. أن الله جل وعلا يقول

كل عمل ابن آدم له إلا الصيام فإنه لي وأنا أجزي به

 

أخي / أختي ..

 

 

 

 

بجد و الله معانى جميله و خير كتييييييييييييييير جدا جدا ... لكن مين الى يقدر بجد يستثمر الخير ده و يستغله ؟؟؟

 

 

 

 

و من هذا المنطلق ... وجدت ان معظم المواضيع الخاصة بحملات الأستعداد لرمضان ... بتركز على التوبه !!!

 

 

 

 

و ليس هناك عجب ..فنحن مأمورون بالتوبه فى كل و قت و حين ... بل ان تأخير التوبه ذنب يجب التوبه منه

 

 

 

 

و لكن للأسف محدش بيتكلم عن ازاى اتوب؟؟؟... و ايه هو الذنب اللى انت نفسك تتوب منه ؟؟؟ و تعمل ايه علشان تقدر تسيب ليك حاجه بعد موتك تكون سبب بأذن الله تعالى فى مغفره ذنبك هذا ....؟؟؟

 

 

 

 

و دول يا جماعه التلت حاجات اللى ان شاء الله هركز عليهم معاكم ان شاء الله فى موضعنا ... بس معلش استحملونى الموضوع ممكن يطول حبتنين ...

 

 

 

(يلا كمل قرآيه وقفت ليه ؟؟؟ متخليش الشيطان يضحك عليك )

 

 

 

 

الأول يا جماعه ... اكيد كل واحد فينا واقع فى ذنب معين مخليه بعيد عن ربنا و مش عارف يقرب لربنا بسبب الذنب ده ... و الذنب ده مخليه دايما قلقان و مش مركز و حاسس انه منافق ..و ..... و...........الى اخره

 

 

 

 

فأنا فكرت فى انى و بمساعدتكم طبعا (نطرح مع بعض المشاكل اللى احنا فعلا واقعين فيها بجد و اقصد باحنا الشباب .....)

 

 

 

 

و انا معلش بس هرد على شبهه بسيطه جدا ممكن تيجى فى دماغ اى حد فينا ... و بقول يا عم احنا فين و رمضان فين .... انت مالك سخن اوى كده ليه ...لما يجى رمضان يفرجها ربنا ...!!!!

 

 

 

 

انا بس و الله مش هقول غير انك و الله لو عرفت الشهر اللى انت بتتكلم عنه ده ممكن يقلب حياتك قد ايه ...(اسف قصدى يظبط حياتك قد ايه ) ... مكنتش هتقول كده

 

 

 

 

و بعدين يا اخى الكريم ده الواحد مننا لما بيكون ناوى يتفرج على نهائى بطوله و لا حاجه بتلاقيه طول الأسبوع عمال يشترى فى جرايد و يقرا عن تشكيل الفريقين و يا سلام لو سمع ان اللاعيب الفلانى مش هيلعب ... ليه وليه ...

 

 

 

تلاقيه عمال شاغل دماغه بالموضوع اوى و عمال يتنقل ما بين قنوات الرياضه و مابين المجلات و على صفحات النت و كأن الموضوع خلاص بعد اسبوع هيتفتح بيت المقدس و يا عينى المسكين شاغل باله بموضوع تافه ..هيخلص فى ساعه و نص فرجه على الماتش و سبحان الله ... تلاقيه بعد الماتش يعد يتابع فى برامج التحليل و كأنهم بيحللوا اسباب الأنتصار فى حرب اكتوبر و تانى يوم يشترى الجرايد اللى بتتكلم عن الماتش علشان يقرأ تعليقات الصحفيين و شغلانه ما يعلم بيها الا ربنا ... و تلاقى المسكين ضيع نص عمره فى كلام فاضى ... لا منه استفاد حاجه ولا هو عمل حاجه لأخرته .... انا مبقولش الفرجه على الكوره حرااااااام

 

 

 

 

بس انا ضربت المثال ده بس لأن معظمنا حسه و عايشينه .. و لكن اللهو الزائد عن حده يجلب الندم و الله ... و طبعا مش هتكلم فى اللى حصل فى بطوله افريقيا و المهرجانات اللى حصلت ... رغم انه فى نفس الوقت الرسول اتشتم و محدش عمل حاجه الا من رحم ربى .......... ارجو بس ان الصوره تكون وضحت ... و ان احنا فعلا لو حاسين بشهر رمضان و قد كانت الصحابه تنتظره مكناش ابدا اخدنا الموضوع بشى ء من السخريه او الأستهزاء

 

 

 

 

 

نرجع لموضوعنا .... الموضوع عموما يتلخص فأنه ان شاء الله كل واحد مننا عنده مشكله او واقع فى ذنب معين ... هيكتب بس ايه المشكله اللى بيعانى منها .. و ان شاء الله احنا كلنا كأعضاء منتدى واحد مش هنسيب حد .. و هنفضل وراه ان شاء الله لحد ما يسيب الذنب ده

 

 

 

 

ما هو احنا مش اقل من اللى تلاقيه يقولك فلان .. طب و الله ما هسيبه الا لما يخليه يشرب سجاير .. هو عاملى فيها شيخ ... طب و الله ما هسيبه الا لما اوقعه فى كذا و كذ .. و نسى الأستاذ انه اصبح من جنود ابليس

 

 

 

 

و للأسف الموضوع ده موجود برضه فى البنات .. اللى تلاقيها تقولك انا مش هسيبها الا لما تخلع حجابها .. هى نسيت و لا ايه ايام الكافيهات و النوادى ... و لا حول ولا قوه الا بالله

 

 

 

 

 

بس و الله يا جماعه دى غيره وحقد ... عمرك ما تلاقى انسان كويس و ملتزم الا لازم زى ما ليه ناس بتحبه لازم برضه تلاقى ناس بتحقد عليه و بتتمنالوا الأنتكاس .. و ده لأنه مش عاوز يحسس نفسه بالذنب و انه برضه فلان اللى عامل فيها ملتزم بيعمل نفس الذنب ... وكده يعنى

 

 

 

 

و علشان انا طولت عليكم ... فأنا بقترح ان احنا نبدأ نتعرض لأول مشكله من مشاكل الشباب و اهمها .. (اعتقد عرفوتوها )... و هى

 

 

 

( الصحوبيه ... و الشباب و الحب )

 

 

 

 

ان شاء الله هنعرض المشكله و هنتناقش فيها ... من كل الجوانب .. من الدين و العقل و الخلق و المجتمع و كل شىء ... لأن فعلا الفتنه دى مصيبه ... لأنها بتدفع الفرد الى انه بيقع فى معاصى و ذنوب خلوات ممكن توديه ورا الشمس و ممكن تلاقيه عابد زاهد لكن بالذنوب ديه ربنا سبحانه و تعالى يضيع كل حسناته و يبقى ملوش اى حاجه ... الموضوع هيكون بمنتهى الهدوء .. مفيش عصبيه ... مش عاوزين حد يزعل .... المهم ان احنا ندخل رمضان و احنا بجد مفرغين ذهننا من اى حاجه ممكن تشغلنا عن اى حاجه .. و بعدها هنتناول اى موضوع انتوا تطرحوه ... و ضمن المشاكل هتكون فى توصيات عمليه ان شاء الله هنلتزم بيها كلنا و هنساعد بعض فى تنفيذها ....... بس مبدأيا انا محتاج ناس معايا تمسك الموضوع و هعوزكم طبعا معايا علشان تساعدونى فى تظبيط الأوراد و الحفظ و التوصيات و المجال مفتوح لكل الناس فى انها تشترك فى الموضوع ... و كمان هنعوز واحده من الأخوات بحيث انها ان شاء الله هتساعد فى استقبال رسائل الأخوات على الخاص و تحاول طرح موضوعها فى المنتدى الاسلامى او العام (حسب نوع المشكله) باسلوب لا يحمل اى تعريض او تجريح او حتى اشاره لصاحب المشكله ...

 

 

 

 

و الموضع ان شاء الله كلنا هنستفيد منه و يارب نقدر فعلا ندخل رمضان و احنا بجد مش شاغلنا غير رضى ربنا .... و انا مستنى مقترحاتكم على الموضوع و قبل ما انسى خدوا بالكوا مش قدامنا على رمضان غير أسبووووووووووع ... فياريت نركز فعلا على اقوى مشاكل بنتعرض ليهم فى حياتنا و نحلهم بأذن الله

 

 

 

 

و انا اعتقد انهم ممكن يكونوا

 

 

 

1- الصحوبيه و الشباب و الحب

 

2- الحجاب

 

3- اصحابى مش عارف اعمل معاهم ايه ؟؟؟؟و ازاى اخليهم يبطلوا تريئه عليا بعد ما التزمت او اتحجبت ؟؟وازاى اكون سبب فى هدايتهم ؟؟؟

 

4- هو انا ممكن فى يوم من الأيام اكون ملتزم بجد ؟؟؟؟

 

5- نفسى اثبت على الطريق و مبعدش تانى

 

6- انا نفسى اعمل حاجه لدينى ... بس مش عارف اعمل ايه و ازاى اعمل حاجه لدينى ..؟

 

7-8 (متروووووووووووك لأقراحاتكم ولا مانع من تعديل ما سبق طرحه .. بالمشوره كل حاجه هتتظبط )

 

 

 

 

انا بجد اسف لو كنت زهقتكم . بس معلش حاولوا تشاركونى فى ان احنا نعمل حاجه بجد نرضى بيها ربنا ... لأن محدش عارف مين فيناه هيكون معانا فى رمضان اللى جاى ... و مين فينا هيكون .....؟؟؟؟ ....الله اعلم

 

 

مستنى مشاركتم و مقترحاتكم ... وجزاكم الله خيرا

 

 

بنود التحاور فى مشكله الصحوبيه

 

 

1- ما هو سبب الصحوبيه من وجهه نظرك ؟

 

2- هل انت مقتنع بما تعمل و هل هو صحيح ؟

 

3- كيف اخرج من هذا الذنب .. اقترح حلول

 

4- طب نفسى ارتبط بيها و مش قارد اسيبها و برضه مش قارد اتقدم ليها ... قولولى اعمل ايه .. المطلوب الرد على هذه الشبهه ؟؟

 

5- طب خلاص انا اقتنعت بس نفسى اثبت ... ما هى عوامل الثبات ؟؟

 

6- للأسف لسه( بتكلمنى... بيكلمنى ) و مش عارف اخلص من الموضوع ده ... اعمل ايه ... ما هى الأسباب المعينه على التخلص من رواسب الماضى ؟؟؟

 

7- مبروك بعد ما سيبت الذنب ده ... تحب تنصحنا بأيه ...... لاداعى للتعريض بالأسماء ... الكلام يكون عاااااام و دون تفصيل .. الغرض هو الأستفاده حتى لا يقع فيه غيرك .. لا المجاهره بالذنب

 

 

 

شكرااااااااااااااااااا

 

 

منقوووووووووووول

 

 

 

 

VIRUS

[عاشق الصداقه 525]

بارك الله فيك

موضوع جميل ودخول قوى جداً جداً

 

من جمال الموضوع خليتنى أقراه كله ..

 

بالنسبه للحمله .. إقتراح رائع (لو اتنفذ زى ما انت قلت فى موضوعك) وان شاء الله ده هيكون

 

انا أقدر أقول فى مشكلة الصحوبيه .. إن الحل هو الصحبه الصالحه (من نفس الجنس طبعاً)

 

وربنا يهدينا جميعاً الى ما يحبه ويرضاه

[حنان القلب 1]

جزاك الله خيرا عن كل ما كتبت اخي

والله فكره جميله واقتراح هايل

احنا محتاجين فعلا ليه

عشان محدش يحس انه بيعافر لوحده

وبعدين بالنسبه للصحوبه فانا بأيد

الصداقه من نفس الجنس وبتكون احلى صحبه

وربنا يهدينا لطريق الهدايه ورفقاءه ان شاء الله

لانه مفيش صداقه بين ولد وبنت ابدا

لازم حتقلب في وقت من الاوقات

ومفيش من ورا المواضيع دي غير وجع الدماغ

فالاحسن ان الواحد يكبر دماغه والباب اللي يجيلك منه الريح سده واستريح

[بنت مصرية 66]

اولا الموضوضوع ده راع فعلا

ثانيا انا مع عاشق الصداقة وحنان القلب فيا يقولوا

ماشاء الله علي رايهم وكمان بس احب ايف حاجة انوا كمان الإنسان اللي عايز يخرج ويغر من فعل لفعل

لازم يشغل نفسه بات كتير تكون مفيدة ومايسبش لنفسه وقت يخليه يرجع للمعصية تاني

لازم الواحد يشغل وقتوا با يرضي الل وكدا ولا كا هيلاقي نفسه ماعندوش وقت وابتدي يرضي عن نفسه وكمان اهم حاجة لازم نحاول علي قد ما نقدر انوا احنا نفقه نفسنا في الدين اكتر واكثر ومع النية الخالصة والصبر باذن الله ربنا هيوفق

شكرا واتني اكون وضحت راي