موضوع ساخن جداااا - لماذا تغيرت فتاوي السلفية بعد الثورة؟

[دعوه للجنه 457]

 

أعلن مجلس شورى جماعة أنصار السنة المحمدية، أنه لا مانعاً شرعياً من المشاركات السياسية فى مجلس الشعب والشورى والمحليات، لأنها وسيلة من وسائل التمكين للدعوة ونشرها بين فئات المجتمع،

ويضم مجلس شورى جماعة أنصار السنة المحمدية، الدكتور عبد الله شاكر رئيس المجلس، والشيخ محمد حسين يعقوب، والشيخ محمد حسان، والدكتور جمال المراكبى، والشيخ مصطفى بن العدوى، والشيخ أبو بكر الحنبلى، أعضاء، والشيخ وحيد بن عبد السلام بالى، خادماً، والشيخ جمال عبد الرحمن مقرراً.

 

------------------------------------------------------------

 

بسم الله والحمد لله والصلاة والسلام على رسول الله

 

يا ترى ليه دلوقتى؟؟؟

أنا مش بثير طبعا فتنة ولا اى كلام من الكلام ده حاشا لله

 

ولكن بجد اشمعنى دلوقتى؟؟

 

يا ترى هترودوا وتقولوا لى دلوقتى الانتخابات نزيهة؟؟ ولا علشان الحكم الفاسد راح وهنشارك ف مكان نضيف؟

 

طيب لما المكان ماكنش نضيف من الاول؟ انتوووو فين كنتوا عنوا ؟

 

هى الدعوة الى الله بس ف المكان النضيف؟؟

 

لما المكان بقى سهل ونضيف قولتوا نشارك؟؟

 

اشمعنى؟ طيب!

------------------------------------

 

حد يرد ويقولى طبعا

 

يا شباب اتقوا الله وبلاش قتنة المهم ان المشايخ شاركوا وعفى الله عما سلف؟

 

يا أختى أو يا أخى ماهو طبعا عفى الله عما سلف هو مافيش حاجة اصلا انت هتكبر الموضوع ليه؟

 

انا مسلمة بحب دينى الحمد لله ولو الدعوة انسان حى يمشى على الأرض لعشقت التراب التى تمشى عليها وعمرى ما فكرت اعمل فتنه ولا جيت غلط ف حد زى غيرى كتييييييير يدوب يستنى فلان يغلط ف فتوى ولا حكم ويصدق ما يمسك فيه ويسيبلك كلللللللل الايجابيات والتفاف الشباب حوله - حتى مش يخطأه وسيب حسابه على الله - لاااااا ده يصدق ما يسمع عنه حمله ولا درس جديد ويبدأ يشكك ويهاجم ( معلش اصله اتشبع بفكر ان لازم يهاجم فئة معينه من الناس) مع انه ملتزم وملتزم جدااااااااا مش حتى ييقول يا استاذ انت غلط ف كذا وكفى!!! لاااااااا انت غلط وانت فاسق وانت غير متبع للمنهج وأنت وانت وماحدش يسمعله!!

----------------------

 

بصوووووووا انا مش عاوز فتنة ولا كلام من ده ربنا شاهد على كلامى

بس ده مجرد فضول منى

اشمعنى دلوقتى المشايخ هيشاركوا فعلا ؟؟

-------------------------

 

يمكن اكون طارحة الموضوع لشئ ف نفسى عاوزه بيه اعرف أرائكم علشان لو حد سألنى مثلا ؟أو حصلت مناقشة قدامى أعرف أرد على الأقل!!!

 

لانى بجد مش عارفه لييييييه المشايخ قالت هتشارك؟

 

وخلى بالك انا يمكن استفزيك بعبارات ف الموضوع وعلشان كده هترد بعنفوان وقسوة

لاااأأأأأ

 

هدأ من روعك أصلحك الله - أريد تجاوبا منطقيا بسيطا دون المساس بأحد ودون اشعال فتنة بالفعل

 

-----------------

 

الشباب الكتيييييييييييير اوى منهم اتربوا على ايد بعض المشايخ والشاب يكون حافظ لكتاب الله وبيدعو لله عز وجل وزى ما بيقولوا 100 فل و14 وتتمنى تكون ربع التزامه ويجى عند السياسة وتقوله شارك بصوتك ويقووووولك لا السياسة ملهاش دعوة بالدين !!!!

 

ياعم انزل الانتخابات صوتك هيفرق اعمل اللى عليك ،،

 

ف تزوير ياعم مالناش دعو ة بيهم !!!

 

يااااااااااااااه ف تزوير.؟؟؟

 

وانت فين من التزوير ده اشمعنى دعوة ربنا هتقف دلوقتى ؟

 

هى الدعوة جزء مجزأ ولا ايه؟؟اين انت من قول النبى صلى الله عليه وسلم

 

ستكون فتن وستنقض عرى الإسلام عروة عروة، وسيكون أولها نقضاً الحكم، وآخرها الصلاة

 

- أنا مش بنتقص من حق العلماء طبعا وكونك اتعلمت على ايدهم يبقى هما علموك ابعد عن السياسة

لأ طبعا

 

لو دماغك هتجيبك وتوديك بتفكير زى ده انا مش محتاجة لا اأحلف ولا اوضحلك

لانى وضحكت بما فيه الكفاية

 

------------------------

طبعا هيدخل كتير و يقول

 

يووووووووو اتقى الله يا اللى كاتبه الموضوع

ايه يعنى السلفين اترشحوا ولا حتى مش هيترشحوا وقالوا للناس اترشحوا وشاركوا ،، هما من كوكب تانى غير الأرض ولا ايه ؟؟؟

 

-------------------------

هقولك حاشا الله هؤلاء علمائى الافاضل وأكرر علمائى ولا اشكك ولا اقلل ولا ولا ولا ولا

وان اتهمتنى بذلك فحسابك عند الله

 

ولكن سؤال بسيط اكرره

لماذا الآن؟؟؟؟

ماهو الفساد مالى البلد من زماااااااااان وكان احق بالتوجيه من زمان اوووى ؟

اشمعنى بجد دلوقتى؟

 

------------------------------------

 

ف انظار ارائكم لو هتضيف شئ للموضوع - لو ف أراء - وبمنتهى الهدوء ولابد من اتباع أدب الحوار أولا ..

 

جزاكم الله خيرا

 

 

 

تم تعديل March 12, 2011 بواسطه دعوه للجنـــــة

[عاشق الصداقه 525]

موضوع ساخن جداااا

 

جزاكِ الله كل الخير أختى الفاضله - وفقط تلبيةً لطلب وإستفسار حضرتكم بخصوص هذا الشأن تفضلى بتحميل رد علماء الدعوه السلفيه على استفسارك : [ هل غير السلفيون موقفهم من السياسة ؟ ]

وهدانا الله جميعاً الى ما يحب ويرضى