أنا لون صباعى فوشيا - أنا إيجابى !!

[عاشق الصداقه 525]

السلام عليكم ورحمة الله وبركاته

 

أول ما رحت الاستفتاء النهارده - فرحت جداً بكثرة الناس اللى بيصوتوا - بغض النظر عن إيه صوتهم

 

أخويا كان مضايق من لون صباعه لما غمسه فى الحبر الفسفورى - قلتله بالعكس - دى علامه على إنك صوتت

 

على إنك إيجابى

 

 

صورت صباعى .. ونويت أكتب الموضوع ده اللى أتمنى تنشروه علشان شعبنا كله نتعود نكون إيجابيين فى كل شىء بعد كده

 

وشعارنا فى الاستفتاء على التعديلات الدستوريه :

 

أنا لون صباعى فوشيا - أنا إيجابى

[نودي 41]

انا كمان لون صباعي فوشيا

انا كمان ايجابية

انا شاركت ولا ول مرة في حياتي بس ماصورتش صباعي للاسف بس ملحوقة ولايمكن النشر

[حياتى من اجل ربى 22]

اهااااااااااااااا

انا كمان نزلت كتبت رأيى انهارده فى الاستفتاء

بجد كان شعووور رااااائع انك تحس ان اخيييرا صوتك هيتسمع

بعد 60 سنه .........

فرحاااااااانه موووووووووت بجد وخارجه حاسه فعلا

ان دى بلدنا وان احنا اللى بنرسم مستقبلها

...

يااااااااااارب بكره احلى لمصر ياااااااااارب

[Dr Mido 1]

لا انا قعدت افتكر الباسورد نص ساعه علشان اخش ااقلك مش كل واحد صباعه بنفسجى يبقى ايجابى اسمها انا قلت رائى اذن انا ايجابى مهو لو الباب قفل على صباعك مهو برضه هيبقى بنفسجى وانا مصور صباهعى برضه نعمل توبك للصوابع

[حياتى من اجل ربى 22]

• 
  

تم تعديل March 19, 2011 بواسطه حياتى من اجل ربى

[ali desoky 391]

انا كمان

لون صباعي فوشيا

 

انا ايجابي ايجابي ايجابي

ومصر كلها انهردي اثبتت انها ايجابيه

مصر كلها اثبتت انها مع الديمقراطيه

مصر كلها اثبتت انها بتتغير بجد

 

وكمان صورتلك صباعي

ومحدش احسن من حد

انت ايجابي وانا ايجابي

 

 

 

 

 

[ممدوح 5]

يعنى خلاص

 

بقى كلكم فيكم ايدين والباقيين لأ

 

محدش احسن من حد

 

 

وانا كمان ايجابى وبرده لون صوباعى فوشيا

 

وللعلم اكتر لون بحبه ف حياتى هو الفوشيا

 

وفرحان جدا انى اول مره اشارك ف حاجه تخدم البلد وانهم هياخدوا برأينا

 

وزى ما قالى اخى وحبيبى عاشق الصداقه لما كنت متضايق من لون صباعى

 

افتخر ب صباعك انت مصرى

 

شكرا لك اخى عاشق الصداقه وجزاك الله كل خير

تم تعديل March 19, 2011 بواسطه ممدوح

[eng_alaa 114]

صورت صباعى .. ونويت أكتب الموضوع ده اللى أتمنى تنشروه علشان شعبنا كله نتعود نكون إيجابيين فى كل شىء بعد كده

 

ايه يا واد .. انت صباعك كام عقلة ولا الكاميرا بتزود عقل مع نفسها ولا إيه ...

 

ولا الواد ممدوح اللي حاطط ميكروكروم ده .. يا دوحة مش بيحطوا ميكروكروم في اللجان دول بيحطوا كركدية ياعم ...

 

بس بجد انا لأول مرة أحس ان صوتنا له قيمة ...

 

وبجد انا شفت ناس عمري ما كنت اتخيل اشوفهم في استفتاء أبداً ولا ليهم في السياسة من اصله ..

 

بس المرة دي تفرق لأنهم بيصنعوا مستقبل مصر وهما حاسين انهم ليهم تأثير مش تحصيل حاصل ...

 

وبجد مصر نجحت في الاختبار الأول بجدارة .. باقي نتيجة التصويت وقبولنا لنتيجته اياً كانت ...

 

حاسس اننا بدأنا البنا الفعلي لمصر النضيفة وحاسس اني بحب مصر جداً جداً جداً ....

[دعوه للجنه 457]

 

 

ماشاء الله بجد

 

انا كنت حزينة جدااااااا زى ما وضحت ف موضوع نودى حكاوى الحرية

 

بس صدقاااااااااااا بعد ما قرأت الموضوع ده بجد مش عارفه بجد ابتسمت من ردودكم ربنا يفرح قلبكم ديما زى ما فرحتونى

 

وديما متجمعين يااااارب على خير

 

 

--------------------------------------

 

كل يوم حرية واحنا طيبين

 

 

والله المستعان وتكمل فرحتنا ياااااااااارب انا طبعا قيمت كل الردود اللى ف الموضوع _ ( أخى عاشق الصداقة - أخى ممدوح - حبيبتى نودى - مستر على ) لان بجد مبسوطة كتيييييييييير من الموضوع ده

 

 

جزاكم الله خيرا

 

============

=================

=====================